#اعلنت_عليك_الحرب
الجزء الثاني
البارت 48
في الشهر الرابع
التنفس بجهد زيادة الوزن الجوع حرقة المعدة وعسر الهضم زيادة الطاقة والنشاط هاي اعراض الشهر الرابع و بديت احس ببطني شويه منفوخه وجنت متلهفة شوكت اشوفها تكبر
حاليا اني بالثلث الثاني من الحمل و حمزة صارله فترة مموجود و نادرا ما اتواصل وياه و قليل جداً
و اللي متعبني اكثر دوامي يالله اطلع من ال7 وما ارحع مرات ل2 او ل3 بسبب الازدحام و المحاضرات الطويلة حتى مرات انام بالمحاضرة 😴
في الشهر الخامس
ألم في الجزء السفلي من الظهر بحيث كمت مرات اتكاسل اطلع لغرفتي وانام جوه
ضيق التنفس و هالشيء هوايه سببلي ازعاج لانو شنو ما اسوي احس انفاسي راحت
حرقة المعدة مرات جنت احس راح اتقيء بسببها
زيادة الشهية للطعام و بعدني اكل وما اشبع😂
صعوبة إيجاد وضعية مريحة للنوم بسبب بطني اللي بدت تبرز شويه و اخاف انام عليها لا يتأذى الطفل
رحت ويا شعيب للمستشفى و اخذت جميع الفحوصات اللازمة و الحمد لله اموري تمام و اخذت سونار و طلع ولد 😍 الحمد لله يا ربي بنت لو ولد نفس الشي ......... هذا يعني راح يجي همام
همامي حبيبي ابني الحلو شوكت اشوفك يعمري؟
دزيت رسالة لحموزتي
" الحمد لله حبيبي اني بخير و البيبي بخير و اخذت سونار و طلع ولد يعني همامو جاي بالطريق😍"
انتظرت لساعة 10 بالليل يلا رد
" اليوم جان كلش سيء لدرجة قررت ارجع للعراق بس بعد ما شفت رسالتج انطيتيني امل و قوة و رجعت بعزيمة و اصرار..... الف مبروك علينه حبيبي وادعيلي الله يفرجها عني "
بجيت و دزيت" ان شاء الله حبيبي ❤️والله كلش مشتاگتلك ليش ما تحجي هوايه وياي! ؟"
" نفسيتي شوي تعبانه و مشغول طول الوكت بالعلاج و اصلا ما داحجي ويا احد والله "
" اوك حبيبي ع راحتك اني بانتظارك دائما"
" هههههه ليش شوكت ما جنتي بانتظاري من فدوووة اروحلج"
" اموووت عليك "
.........
في الشهر السادس
الدوخة موتتني ما اكوم و اكعد الا و دوخة و راح شعيب جابلي ادوية كلها فيتامينات و مقوي
الأرق گتلني مرات ما اكدر انام و خاصة بدأ الطفل يتحرك و يضرب ههههه شكله مشاكس ع ابوه 😆
تشنجات عضلة الساق بسبب زيادة وزني بحيث كامت تنمل و تكف رجلي خاصة بالدوام
زيادة الشهية للطعام هاي متخلص 😂
ألم في الظهر يزيد يوم بعد يوم لدرجة ما اكدر اظل لفترة طويلة واكفه او كاعده
ملابسي ما بعد ترهملي و اضطريت اشتري كلها واسعة و طويلة و فساتين حمل بس كلش انيقة و راقية😌 تناسب جسمي و بطني الصغيرون🙂
أنت تقرأ
اعلنت عليك الحرب
غموض / إثارةلم اكن اعلم ان قلبي تغير و مشاعري استيقظت والماضي اصبح ورائي وان عيناها هما مستقبلي انها الخط الفاصل لحياتي و انها محياي ومماتي و عالمي وكوني باختصار اني رجل شرقي تبع هواه في حب مزيف الى ان وجد الحب الحقيقي في ظل عالمها
