اعلنت عليك الحرب

البارت 46

#اعلنت_عليك_الحرب
الجزء الثاني
البارت 46

مر اكثر من شهر و التهيت هيام بالامتحانات صح جانت وياي لحظة بلحظة بس هم التهت عني بسبب دراستها و اني جنت ابعدها عني في سبيل تدرس زين لان صيدلة مو حيالله

و احيانا جنت اضوج وحدي واتحجج و اصيح بيها و اتعارك وياها لحد ما ازعلها و اطردها من الغرفة و ارجع اوعى ع نفسي و اعتذر منها و اصالحها و هي ترضى بساع

مرات انقهر عليها و ادري هي مستعدة تتحمل كولشي مني لان ما صدكت تشوفني عايش هالشيء مثل حبل نجاة الها بالحياة

بس اني بديت احس نفسي اظلمها وياي بسبب هذا وضعي هي ممجبورة تظل وياي واني عاجز و مشلول
مدري شلون صاير تفكيري هالايام بحيث كمت اكول هي وياي لان حامل مني والا ماكو وحده تتحمل اللي جايه تتحمله هيام مني
وارجع اتذكر قصة الحب البيناتنا و اكول هي تحبني و كاتله روحها عليه و تريد تفديني بروحها شلون ممكن اشك بمحبتها واخلاصها الي!! ؟

يا ريت لو نرجع للماضي و نتقابل بموعد جديد....

اريد ان اركب معكِ
ولو لمرة واحدة
قطار الجنون ..
قطار ينسى ارصفته ،
و قضبانه ، وأسماء مسافريه ..
اريد ان تلبسي ..
ولو لمرة واحدة ...
معطف المطر ..
و تقابليني في محطة الجنون ..

............................

بديت ارتب اموري للسفر لتركيا حتى اتعالج هناك مثل ما كال شعيب بس قررت اسافر بعد ما يتزوج فراس و اليوم بيت عمو جاسم عدنا و ديحجون عن العرس لان ما ظله بس اسبوع خاصه هسه عطلة نص السنة و الكل متفرغين و اني كاعد و دامثل عليهم دور الفرحان و المبتسم بس بالحقيقه كلش تعبانه نفسيتي أشرت لهيام علمود ندخل للغرفة و اترخصت منهم
طبيت للغرفة و هيام ورايه
هيام :- هاا حياتي تريد شيء؟

حمزة :- جيبيلي گهوه

هيام :- ادلل

راحت سوت گهوه و اجت شربت منها شويه و تفلتها

حمزة :- شنوووو هاي؟ شكد حلوة

هيام :- انت تشربها وسط يا حمزة ترا بس معلقة صغيره شكر بيها

حمزة :- ما اريدها خذي الكوب

هيام :- اووف حمزة اشبيك هسه اسويلك غيرها

حمزة :- كتلج ما اريد

هيام بحزن :- ع راحتك

طلعت من الغرفة و رحت كعدت وحدي بالمطبخ و نزلت دموعي لان حيل انقهرت منه هاي شهرين الا متت بيها
غلط و اهانه و عصبية و مد ايد و مشاكل و توتر
ما بعد اتحمل اني هم بشر و الي حد معين للصبر و الطاقة ...... المشكلة هو يحسب اني اتثاقل منه بينما العكس اني لهفتي تجاهه هي نفسها و اكثر و اخدمه ليل و نهار و اهملت نفسي و اهملت دراستي و اهلي اللي ما اروحلهم الا همه يجون و اهملت حملي رغم اني حاليا حامل 3 اشهر الا انو حتى صحتي ما ادري عنها شيء....... في سبيله في سبيل راحته و احتياجاته و بالمقابل هو ديعذبني فوك ما اني متعذبه ع وضعه و مقهوره عليه..... شسوي حتى يرضى شسوي حتى اخفف عنه... جربت كولشي وما فاد..... هذا عدا كلام الناس الما يرحم واللي اغلبهم نصحوني اتركه وما يفيدني بعد بس اني متمسكة بيه و للابد بس حمزة بكل تصرف منه ديگتل هذا التمسك 💔