اعلنت عليك الحرب

بارت 24

#اعلنت_عليك_الحرب
بارت 24

وأثناء حديثهم اندك الباب بقوة و طلعوا ركض كلهم و فتحوا الباب و جان يشوفون كدامهم سها و وجها اصفر و الدموع بعيونها و حالتها حالة

و الكل انصدموا باللي ويا سها لان ما جانت وحدها
جان واكف وراها فادي و ابوه و اخوانه 2

و جان فادي لازم سلاح 🔫 بيده و وجهه عبارة عن خريطة غضب و عصبية اليشوفه يكول وحش

جمدوا بمكانهم و ما عرفوا شنو يتصرفون
صاح فادي :- وين مرتي هااا وينها اولاد الكلب اولا الحرام وينها

فراس :- سد حلكك محد ابن حرام هنا غيرك و مرتك ما تشوفها لو تموت

فادي :- شدتحجي كل عقلك اعوف سارة؟؟؟؟ والله اذا ما تنطوني اياها هسه افرغ المسدس براس عمتكم الحلوة😏

عبدالله :- خلص راح تأخذها لمرتك خلص بس عوف امها

فادي :- اذا ما تطلع سارة كدامي ما اعوف امها

خالد :- سارة... يلا تعالي..... صحتها يلا عوف عمتي و فوت خذ مرتك

وخر فادي شوي عن سها الجانت خايفة كلش و ما دتنطق ولا حرف بس تباوع عليهم بعيونها السود الكبار المليانه رهبة من السلاح

و اول ما دخل لكراج ( او حوش) بيت عبدالله لزمه خالد و جره من ملابسه لداخل الكراج و ضربه بوكس وكعه بالارض و طير السلاح من ايده
و هنا صارت عركة و عبدالله اخذ اخته و فوتها جوه يم زينب و تركهم و طلع
و هجم حمزة و فراس ع اخوان فادي و صارت عركة كلش جبيرة و المنطقة كلها طلعت و بالاخير خالد لزم السلاح و لزم فادي من رقبته و صاح بيهم
خالد :- هسه افرغ المسدس براسه اذا ما انسحبتم منا و فورا

فادي اللي جان ديعاني من اثار الضرب بسبب خالد و ديجري دمه كال بكل تكبر و استعلاء :- والله لادفعك ثمن اللي سويته و كل ضربة انت ضربتني اياها راح ارجعها لسارة و اضربها نفسها

تخبلوا هنا الشباب و لزموه ثلاثتهم خالد و حمزة و فراس و بطحوه بالارض و بوكسات ع دفرات و ضرب مو طبيعي ضربوه اما اخوانه حاولوا يدخلون بس جان شعيب و اخوه كرار اللي توه واصل من خارج بغداد واكفين هناك و فزعوا للشباب و ضربوا اخوان فادي الا كسروهم تكسير
وكام الاب يصيح :- خلص كافي فدوة اروحلكم اتركوا اولادي راح ننسحب منا بس عوفوهم

عبدالله صاح :- شباب كافي!!!!

بس فراس ما وكف  و اجا عبدالله و وخره عن صدر فادي الجان كاعد عليه و ديضربه

عبدالله :- خلص ابني كافي خلي يولي ما نريد نتورط بدم هيج عار...... وانت ابو فادي خذ اولادك و روحوا منا لا نخلص عليكم

باوع ابو فادي ع عبدالله بنظرة كره و حقد
وكال :-  يلا امشوا كدامي 

ركبوا سيارتهم و راحوا و راح عبدالله ع شعيب و كرار و كال :- بارك الله بيكم و اني ممنون منكم ما راح انسى وكفتكم ويانا ابدا و النعم منكم و كفو..