حمزة :- منو انتي!؟
صفنت بيها و بعيونها السود الكبار و بنظراتها الحاده المليانه تحدي و قوة و جاوبتني :- اني عشقك المجنون و رويحتك العطرة اني هُيامك ♥️😊
و فزيت من النوم عطشان 😩 يا ربي شهل حلم و شنو من بنيه جانت كدامي بالحلم خير يا رب ❤️
........
اليوم السبت
اليوم قرار المحكمة الاخير....
منتظرين كلمة القاضي الاخيرة
واخيرا نطق الحكم....
و اللي جان " السجن لمدة خمس سنوات "
........
حمزة... ما جنت اصدك فراس ديخدعني من جديد معقولة استغفلنا كل هاي الفترة للمرة الثالثة
...... ......
احداث غيرت حياتي من يوم المحكمة كلما اكول خلصت من شغله تصير شغلة 😔
هذه هي الحياة تاسرنا بالوانها
يوم ابيض لا ترى غير النور و السعادة و الابتهاج
و يوم اسود تكاد تشعر ان هموم العالم كً جبل فوق ظهرك
و يوم اصفر تشعر بالغضب و الغيرة و الخيانة
و يوم احمر مملوء دماء
و يوم تستيقظ لتبحث عن حبيب عن صديق عن سند فلا تجد غير بقايا ذكريات محطمه في الجزء الأكبر من دماغك
قبل يوم السبت ب3 ايام اي قبل اصدار الحكم.....
جنا كاعدين اني واخواني و فراس دنتناقش بخطتنا
فراس :- أثناء مراقبتي ل حلا لاحظتها تلتقي هوايه ب شخص اسمه احمد و سألت عنه اكتشفت هذا الشخص نفسه اللي جان بالمحكمه و حجى عالكاميرات وكال عطلانه
خالد :- مثل ما توقعت ؛ ابويه كال الكاميرات ما عطلانه و طلعات و طبات حلا ويا احمد اكبر دليل انو اكو علاقه بيناتهم و همه المتورطين بسالفه الكاميرات هاي
مهند :- و هسه شلون ما ظل بس 3 ايام للمحكمة
حمزة :- هاهيه نبدي بخطتنا و اصلا تأخرنا 🙄
خالد :- وهو كذلك
و انطلقنا لمنطقه حلا حسب توجيهات فراس لان هو يوميا يشوفها تطلع و تروح وتجي على كيفها
لحكناها بالسيارة و فاتت هي بشارع جان فارغ ماكو بس هي مشينا بسرعه و طبكنا عليها هي خافت و رادت تنهزم
خالد رأسا جرها و خلى قطعه قماش بيها مخدر على حلكها قبل ما تنطق بكلمه و خدرها و شلناها و ركبانها بالسياره و انطلقنا لمكان معزول ما بيه بشر
ربطناها بكرسي خشب و بغرفه بارده و مهجورة و تخوف الماي يجري من مكان و صوت الفئران بكل اركان البيت و الريحه تكتل يمكن هالمكان صارله مهجور عده سنوات
خالد :- خلص لهنا و خلص دوركم شباب انتم روحوا
مهند :- اوك لعد راح نطلع للدوام يلا شباب حوصلكم بطريقي
أنت تقرأ
اعلنت عليك الحرب
Mystery / Thrillerلم اكن اعلم ان قلبي تغير و مشاعري استيقظت والماضي اصبح ورائي وان عيناها هما مستقبلي انها الخط الفاصل لحياتي و انها محياي ومماتي و عالمي وكوني باختصار اني رجل شرقي تبع هواه في حب مزيف الى ان وجد الحب الحقيقي في ظل عالمها
