#اعلنت_عليك_الحرب
الجزء الثاني
البارت 37وگفت كدام المراية و لبست الحجاب بعد عركه طويلة عريضة صارت ويا حمزة البارحه بالليل و بالاخير تركني و طلع ويا اصدقائه و اني ظليت ابجي وحدي بالغرفة لساعة 3 بالليل يلا رجع و نام
باوعت ع نفسي بالمرايا و صفنت ما عرفت شلون ألبسه للحجاب اجيبه يمين و اجيبه يسار و بالاخير حطيته ع رأسي من النص و لفيته مثل الاتراك بقيه الشال ذبيته وره باوعت ع شكلي و اني لابسه حجاب
هيام :- الله فعلااا حلوو كلش و يلوك لوجهي و زاد جمالي مو نقص مثل ما جنت متخيلة يا ربي احس نفسي هسه من صدك كبرت و صرت شابة و متزوجة
حسيت براحة نفسيه مثل اللي احسها من اصلي واني لابسه حجاب الصلاة احس بالامان و الإطمئنان و كأنه هذا الحجاب ديحميني من كل نظره بيها خلل تجاهي او نظرة شهوة او نظرة خبيثة لكل شخص نفسيته دنيئة لو مؤذية حسيته سور و حاوطني
رحت ركض فتحت اللابتوب و قريت شروط الحجاب اللي منها ما يصير البس الحجاب واني مطلعة نص شعري و الا اسوي سنام الجمل اللي انتشر موديله هالايام و حتى قررت احط مكياج خفيف كلش ميحتاج اخط يوميا واني اصلا حلوة و بطبيعتي اللي الله خالقني بيها بعد احلى و العطر خارج البيت ممنوع لان اذا يشمه شخص غريب فهو زنى ووووو..... هوايه شغلات اني جنت غافلة عنها و اهمها صبغ الأظافر لان الوضوء ما ينقبل ☹️💔
و دورت باليوتيوب عن لفات شالات بصورة انيقة و حلوة و مستورة كذلك و باين منها فقط الوجهلاول مرة حسيت نفسي صح و ابدا مو خجلانه باللي داسويه وانما فخورة بيه و حتى انو احس بالخجل بس مو خجل بسبب الحجاب
لا.... لا ابدا وانما خجل أنثى وهي اطيع ربها و تتمنى يرضى عنها.....لبست كلابية و لفيت شعري و رفعته و لبست الشال و رتبته و مكياج خفيف بس مرتب و حلو 😍
حسيت نفسي غير انسانة و حسيت بالهدوء والسعادة ☺️
نزلت جوه جان وگت عشوية شافني عمي و عمتي
زينب :- ما شاء الله شهل جمال والله و العباس يلوكلج الحجاب طالعة تخبلين
ابتسمت بخجل :- شكرا عمة
عبدالله :- الله يهديج يا بنتي و عفية عليج بس سؤال عندي
هيام :- اي اتفضل عمي
عبدالله :- انتي عن قناعة لابسة الحجاب والا غصبج حمزة؟؟
هيام :- بصراحه هو ما غصبني ابدا بس البارحة تعارك وياي بسبب عدة شغلات من ضمنها الحجاب واني اليوم من صليت الصبح دعيت من الله يهديني للطريق الصحيح و قبل شوي لبست الحجاب وهوايه حبيته و اقتنعت بيه فيعني اني لابسته عن قناعة مو غصب
عبدالله :- بارك الله بيج بنيتي والله يهديكم ع بعض
هيام :- تسلم عمي الغالي
أنت تقرأ
اعلنت عليك الحرب
Misterio / Suspensoلم اكن اعلم ان قلبي تغير و مشاعري استيقظت والماضي اصبح ورائي وان عيناها هما مستقبلي انها الخط الفاصل لحياتي و انها محياي ومماتي و عالمي وكوني باختصار اني رجل شرقي تبع هواه في حب مزيف الى ان وجد الحب الحقيقي في ظل عالمها