اعلنت عليك الحرب

البارت 19

طبيت بالهمر بنص المنطقة جان منتظرنا معركة كلش متعبة واني اصلا جنت تعبان كل ذيج الفترة

بدينا بالجانب الايمن وما جان اكو مجال للراحة لو حتى الواحد يتنفس

نقاتل بالصفوف الأولى نتعب ونضعف نرجع للدفاع والحماية نرتاح يوم يومين و نرجع هم للقتال

مو بس احنا الكل هيج و هذا عدا الإصابات و الجرحى بين صفوف الجيش و عدا اللي استشهدوا

جانت الحياة كلش صعبة... انتقام َ... رعب

منين من تلتفت تلكى دم الجثث مطشره بالشوراع و خراب بكل مكان من القصف نتج عنه دمار شامل

وناس واكعه عليهم سقف بيتهم و ناس دتبجي من الجوع والفقر
وناس اتهجروا للمخيمات و عافوا بيتوهم و أملاكهم وراهم في سبيل العيش بامان من ظلم داعش اللي حتى بهاي ما رحموهم و كدرنا نمسك هوايه منهم طالعين ويا النازحين

شنو ذنب هاي الناس؟
طفلة بعمر الورد تشوفها بنص الشارع ميته
و شاب بقمة الشباب تشوف يا ايده طايره يا رجله مقصوصة

مشاهد مرعبة ما تروح من بالي للموت
ما اكول كرعبة لان خفت بس حيل انقهرت و صار عندي اكتئاب فظيع من اللي داعيشه

ودائما من احجي ويا اهلي اللي اصلا جنت اخابرهم بالشهر مرة احاول ابين انو ما بيه شيء واني بطل و كدها و ارجعهم بخير وسلامة باذن الله

بس الصراحة
جانت هاي اصعب فترة بحياتي مستخيل اعيش فترة اصعب من هيج
جنت ما الحك انقل جرحى و مصابين من المدنيين و العسكريين و اقاتل و اتعرض للموت بكل لحظه و من اتعب ارجع للحماية و اني مسدسي جوا رأسي خوفا من اي اقتحام مفاجئ

..................

صارلي خمس اشهر من حجيت ويا هيام و دائما اتذكرها بكل وكت و ادري اني حملتها فوك طاقتها وهي صغيره بعدها ما شافت شي من حياتها وادري اذا اموت راح تتعذب طول عمرها
اليوم عيد ميلادها
شكد جنت اتمنى اني موجود جان اخذتها و رحت بارقى مطعم احتفلت بيها
خبرتها ورا الظهر وما ردت ضجت كلت يعني صارلي اشهر اخبرها و ما ترد شلون حظ 😕

و بعدها ااتهيت  و جان اشوف صديقتي حسن متصوب حيل جايبينه الشباب من الجبهة ركضت عليهم و راسا شلناه و حطيناه بسياره اسعاف
و اني صعدت وياه و رحنا للمستشفى بالطريق مسك ايدي و هو كوه يتنفس و الدم تارس حلكه و حالته حالة :- ضلعي... اااه.... حمزة

حمزة :- خلص لا تحجي شيء...اصبر و حاول تتماسك وتكون قوي ما ظل شيء ونصل المستشفى

حسن :- خويه كول لاهلي يسامحوني اذا غلطت بحقهم فد يوم و كول خطيبتي اني كلش احبها و جنت منتظر تخلص الحرب واسويلها زفة ما صارت بالديرة كلها

حمزة كام يبجي :- ما راح اكوللهم لان ان شاء الله انت ترجع بالسلامة و تتزوج و تسوي احلى زفة