مساء الخير حبايب لو سمحتم اريد تعليقاتكم وارائكم وشنو تتوقعون راح يصير مو بس تحطون ملصقات 😉
#اعلنت_عليك_الحرب
البارت الرابع
رئيس القسم :- استاذ عبدالله تفضلوا ويانا عالتحقيق فورا 😑
راح الاستاذ عبدالله و الطالبه حلا مع رئيس القسم و الدكاترة لعند العميد لتنحل هاي المشكلة
و طبعا هنا كل الطلاب و الطالبات جانوا حاضرين و شافوا و سمعوا اللي صار و انشهر الاستاذ عبدالله و
صارت حلا هي الطالبه المسكينه اللي راد الدكتور يعتدي عليها
دخلوا لعند العميد و حجوله السالفه
عبدالله بعصبيه :- اني ما سويت شيء و هاي البنت دتجذب اني الي عمر هنا ادرس ما فد يوم احد مشتكي عليه اني الي هيبتي و اخلاقي و ضميري اللي ما يسمح لي ااذي بشر انوب اعتدي على طالبه بكد بنتي
حلا بتمسكن و خوف متصنع :- اني ما داجذب اني رحت عليه و توسلت اعيد الامتحان لان ما جاوبت زين جان عندي ظروف و ما ضبطت الماده بس هو استغلني يا دكتور طلب مني شيء يخجل كلش معقوله يريدني بالحرام و خلى شرفي تحت رجليه
صاح بيها عبدالله :- اسكتي ولج واستحي على نفسج اني الطلبت لو انتي 😡😠 بس تفووو على هيج تربيه و هيج اخلاق ساقطه
حلا ظلت تبجي و رئيس القسم حاول يهدي عبدالله و العميد صاح ب عبدالله :- دكتور كافي عاد هاي كدامنا و هيج لهد من ورانا شلون و منو راح نصدك هسه 😑
انزعج عبدالله كلش :- اني ما مجبور اوضح اكثر من هيج اني هم الي احترامي الخاص الما اقبل بشر يدوس عليه
العميد :- وانت هنا بمكتب العميد و هم اني الي احترامي الخاص و ما اسمحلك ترفع صوتك و تتجاوز على البنت كدامنا
عبدالله :- استغفرالله
كال هيج و طلع و عافهم يحجون
هنا حلا استغلت الفرصه و كالت :- انهزم لان يدري بنفسه غلطان لو ما غلط وياي جان ظل و واجهني
و ظلت حلا تحضر العميد عالدكتور عبدالله و حتى انه صدقها بس رئيس القسم ما اقتنع و لا الدكاترة الوياه لان يعرفون عبدالله من سنوات و يعوفون اخلاقه و ثقافته و شكد هو إنسان منصف وعادل
اما عبدالله طلع من العمادة و اتوجه لسيارته ليرجع للبيت واثناء ما ديمشي شاف عيون الطلاب عليها متوجه عليه و ديحجون بيناتهم عرف انه ديحجون عليهم و شاف نظرات الطلاب اللي قسم منها نظرات احتقار و منها شفقه و منها تساؤل و هنا حس عبدالله ببشاعه الشيء الصار انقهر كلش و انغث و كوه صار يمشي و رأسه دينفجر و كَلبه مكسور 💔
ووصل لسيارته بس تعب كلش و اتصل على حمزة ليرجع وياه لان حس بنفسه ما راح يكدر يسوق السياره و يرجع وحده
♦️ في مكان اخر
حمزة جان ويا أية كاعدين بمطعم راقي و ديسولفون
أنت تقرأ
اعلنت عليك الحرب
Mystery / Thrillerلم اكن اعلم ان قلبي تغير و مشاعري استيقظت والماضي اصبح ورائي وان عيناها هما مستقبلي انها الخط الفاصل لحياتي و انها محياي ومماتي و عالمي وكوني باختصار اني رجل شرقي تبع هواه في حب مزيف الى ان وجد الحب الحقيقي في ظل عالمها
