اعلنت عليك الحرب

بارت15

حمزة :- هههههه وفعلا فاجئتني واجيت بالوقت المناسب...... بس ظل سؤال ابالي انت ليش ادمنت وشلون

جر فراس حسرة وكال :- السبب من سارة

حمزة :- بعدك ما ناسيها

فراس :- لا والله ما كدرت انساها و بسببها مشيت بدرب اعوج و كمت اروح للملاهي لانسى و كومة بنات عاشرتهم و حتى شرب شربت وبالاخير عفت هاي السوالف كلها بس ما كدرت اعوف المخدرات سيطرت ع جسمي

حمزة :- يلا الحمد لله خلصت منهم

فراس :- اي الحمدلله بس ظلت شغلة

حمزة :- شني هي؟

فراس :- اني ما بس راح اشاركك القتال لا الغرفة هم من ننزل اجازة😁

حمزة :- لازم طردوك😂

فراس :- اي والله 😇 طردوني اهلي من البيت عبالهم راح ارجع واعوف العسكرية😁

حمزة :- بس ترا حقهم انت ابنهم الوحيد يا عيني

فراس :- لا تخاف عليه.... العار ما يموت😂

حمزة :- ايا عار كوم من كدامي لا هسه بدفره اخلع عامودك الفقري 😂 يلا روح جيبلي اكل متت جوع😁
فراس :- اجيبلك سم همين اذا مشتهي 😃

حمزة :- لا مخدرات بلا امراََ عليك😒

فراس:- ادلل و على حسابي😁

...............  ........

وفي اماسي الليل

جنت داكعد داتعشى وحدي خبرني اخويه خالد

حمزة :- هلو خلودي

خالد :- لا هلا ولا مرحباً ولك حيوان انت متصوب واحنا مندري..... شنو بطولة هي.... لو ميت هم جنت راح تخبي لو شنو...... معقوله كل العالم يدرون واحنا اهلك ما ندري

حمزة :- لحظه لحظه انت شدراك😑

خالد :- عبالك اني ما ادري بسوالفك...... هيج هيام غبية وافتهمت غلط وانهارت بدون سبب

حمزة :- يعني دريت من هيام

خالد :- لا حبيبي عندي الف طريقة لحتى ادري بكل تفاصيلك

حمزة :- يلعن ابليسك 😂

خالد :- شوكت جنت ناوي تكول؟؟

حمزة :-ما جنت ناوي اكول اصلا 😁

خالد :- سود الله وجهك 😒

حمزة :- اشكرك😁

خالد :- حمزة اخويه اسمع انت هسه اخويه الوحيد وما مستعد اخسرك كافي مهند راح من ايدينه

حمزة :- الله كريم

خالد :- لذلك شنو ما يصير وياك تعال واحجيلي ترا اني انفع اكون صندوق اسرار

حمزة :- هههه ان شاء الله والنعم منك

خالد :- النعم من اصلك