اعلنت عليك الحرب

بارت 14

ع غفلة مني كشفت مكاني و ما احس الا طلقة بظهري احس انشل جسمي كمت ازحف و رجعت لمكاني كمت اغوش وما اكدر اشوف واريد بس احد يجي ويساعدني بس ما جان اكو احد يمي 😔

و غمت عيوني و ما حسيت بشيء بعدها
الا وره فترة حسيت شخص شايلني على ظهره و اني دينكط الدم مني و هالشخص اني اعرفه بس ما ميزته لان جنت غايب عن الوعي و حالتي حاله بس هو لابس عسكري يعني اكيد احد من فرقتي ورجعت غبت عن الوعي مرة ثانيه

كعدت اني بالسديه دينقلوني لغرفة العمليات و داسمعهم يكولون حالته خطرة و نزف هوايه

و جان اشوف فراس كدامي و ديركض وياهم و عيونه مدمعه و ديكول انقذوه فدوووة

معقوله هو نفسه فراس ولابس عسكري لو اني غلطان لو فقداني للوعي اثر بعقلي لو شني السالفه
😐😐😐

طبيت لغرفه العمليات و ضربوني ابرة مخدر و رحت لغير عالم 🌐

فتحت عيوني لكيت نفسي بحديقة كلش جبيرة ومليانه ورد و ياسمين 🌸🌿 جنت وحدي واتمشى و مليت وحدي اريد بشر كدامي لاعرف وين اني باوعت لبعيد لكيت بنيه لابسه ابيض وكاعده بين الوردات ومنطتني ظهرها و شعرها طويل يشبه شعر هيام تقربت عليها اندارت البنت و فعلا طلعت هي هيام بس خفت حيل من شفتها

جانت دتبجي دم مو دموع وانما دم و ملامح وجهها تعبانه 💔 كالت :- ليش هيج تريد تروح وتتركني؟ شنو شفت منك بعد؟ ما لحكت اتهنى بيك والله 😢

حمزة :- يعمري اني هنا وين اروح واعوفج معقوله!!؟

هيام :- لا تجذب انت هسه دتصارع الموت و ممكن الموت يهزمك و ياخذك مني 💔

حمزة :- لا حبيبي اني هنا يمج..... بس انتي ليش دتبجين دم مو دموع 😢

هيام :- لاني داصارع الحياة مو الموت

حمزة :- شقصدج 😐

واختفت واني فزيت و حسيت كَلبي انقبض و نفسي ماكو حسيت داموت

.....
الاطباء ديحاولون باقصى جهد ينقذون حمزة بس نبضات كَلبه ضعيفه ظل بالعمليات لمدة ساعتين كوه وكف النزيف و طلعوا الطلقة و كم مرة يتخربط وضعه و ينقذوه  الى ان استقر وضعه و تمت العمليه بنجاح.....

طلع واحد من الاطباء من غرفة العمليات و بشره لفراس الجان منتظره على احر من الجمر

الطبيب :- الحمد لله وضعه مستقر واتعدى مرحله الخطر
فراس:- الحمد لله والشكر يا ربي..... شكرا دكتور وبارك الله بيك

الطبيب :- ولو هذا واجبنا... تكدر تفوت تشوفه اذا تحب

فراس :- اوك

فات فراس و شاف حمزة بحالته الصعبه هاي حيل انقهر عليه

صعبة لمن رفيق دربك و صديقك المقرب يكون على حافه الموت كدام عيونك
صعبه وكت الحياة تحاول تاخذ منك أغلى البشر على كَلبك
الانسان اللي عشت وياه كل تفاصيل حياتك من الطفولة لحد الشباب