#اعلنت_عليك_الحرب
البارت 23
حمزة :- لج انتي اختي شلون اعوفج بهيج جحيم
فراس :- لج انتي مو اختي وما اعوفج😉
سارة :- هههههههه
حست سارة بالتحرر وين جانت و وين صارت
صعبة تعيش بجحيم تحت اسم الحياة الزوجية......
شعور قاتل ان تحتاج شخص ليكون سند لكنه العكس يكون قاتلك...........
ما اصعبها ان تعيش بلا هدف بلا احلام بلا عمل........
فقط تقوم باعمال روتينيه خوفا من اشخاص ما.......
اتدري ما معنى انت تكون غارقا في ظلام في مستنقع في عالم قاسي......
هكذا كانت حياتها......
لسبب واحد......
تركت عالمها الرقيق بكل ما يحتويه من أحلام وردية
وتركت حبها الطفولي و مغامرات العشق العذري
و تركت دراستها المليئة بالاهداف والطموحات العالية
لأجل ماذا؟؟
و لأجل من؟؟؟
.................
حمزة... وصلنا لبيت عمتي نزلنا و لمينا غراصنا اني و فراس و سارة ظلت بالسياره مختبية من امها
حمزة :- ما نسيت شيء فروسي؟
فراس :- هاا... لا.... وانت؟
حمزة :- لا هاهيه
وكفت سها من بعيد و باوعت عليهم صفح و كالت :- مو عالاساس ليلتين راح تنامون هنا 🤨
فراس :- اي صحيح بس خلصنا شغل
حمزة و ديضحك :- راح تخلصين من عدنا
سها :- ايي طبعا 🙄
و سلموا عليها و طلعوا ركبوا سيارتهم و اتجهوا لبغداد
حست سها بفراغ ورا ما راحوا
هاي هي حياتها فارغه من البشر
احيانا السبب منها وأحيانا بسبب ظروفها
بس الواقع يبقى نفسه
الا وهو الوحدة...........
..............
اثناء الطريق ذمعت عيونها لسارة و كالت :- اخيرا خلصت من ذيج حياتي
فراس :- بس عتبي عليج جبير يا بنت عمتي
سارة بتفاجئ :- ليش 😐
فراس :- من قبل سنتين و نص اني خطبتج و ردتج بالحلال بس انتي رفضتي و فضلتي فادي عليه و من عرفت بيج مغصوبة كتلج انهزمي وياي بس ما وافقتي يعني بالاختصار جان كل هذا ما صار
سارة :- مو بيديه 😟
حمزة :- شنو اللي صار وياج وكتها؟ كلنا صار عدنا فضول لنعرف ليش وافقتي؟
سارة غيرت الموضوع و ضحكت و كالت:- صدك شلون العسكريه وياكم و ربي طالعين هيبة ما شاء الله 😍 تخبلون الله يحفظكم
حمزة و فراس باستغراب :- و يحفظج 😕
حمزة :- راح ننزل هنا بهذا المطعم ناكل و بعدها نتوكل
أنت تقرأ
اعلنت عليك الحرب
غموض / إثارةلم اكن اعلم ان قلبي تغير و مشاعري استيقظت والماضي اصبح ورائي وان عيناها هما مستقبلي انها الخط الفاصل لحياتي و انها محياي ومماتي و عالمي وكوني باختصار اني رجل شرقي تبع هواه في حب مزيف الى ان وجد الحب الحقيقي في ظل عالمها
