#اعلنت_عليك_الحرب
الجزء الثاني
البارت 44هيام :- اي الووو
مجهول :- شلونج يا حبيبة حمزة
هيام :- منوو انت! ؟
مجهول :- هههههه لج اني اللي راح اكون أملج بالحياة
هيام :- انت منو و شتريد! ؟
مجهول :- ما داكولج
هيام :- اهوو اني ناقصني يلا باي
مجهول :- معناها باي حمزة
هيام :- لك هييي شنو سالفتك انت تعرفني ..... تعرف حمزة؟
مجهول :- ولو شلون ما اعرفج و انتي همين تعرفيني و اصلا حمزة هو ويايه هسه
هيام :- شنووو؟؟؟
مجهول :- مثل ما داكولج
هيام :- اني ناقصني مخبلين يعني.... دتلعب عليه انت
مجهول :- بكيفج لا تصدكين... بس ترا حالته ما بعد تتحمل يظل بهل مكان العفناحتريت شسوي معقوله كلامه صحيح بس حمزة مات بالانفجار..... معقوله عايش؟ زين شلون؟
مجهول :- هااا شبيج صفنتي
هيام :- كلامك ما ديقنعني اريد دليل
مجهول :- ادللي
و سد الاتصال كلت لعد اكيد جذاب.... الله لا يوفقه
و فجاة اجتني رسالة فتحتها بيها صورة حمزة و هو بالارض و مربطه ايديه و رجليهانصدمت من اللي شفته... هذا هو.. لا مو هو... لاااا هو.... والله هو...... لعد الجثث و التحقيقات شنو؟ شلون؟ شصار؟
وكعت بالارض و كمت ابجي بصورة هستيرية و كل جسمي يرجف ما عرفت شلون ظليت متماسكة و جاوبت عالاتصال مرة ثانيةهيام :- حمزة عايش؟؟ عايش؟؟
مجهول :- يي عايش
هيام :- ممكن اعرف انت منو و وينكم هسه؟
مجهول :- ما راح اكول اني وين.... بس... اني اسمي ادهم و جان التقيت وياج بالجامعة واجا رجلج و قاطعنه
هيام :- شنووو هذا انت!!!! انت الارهابي الراكض وراه
ادهم :- ليش تكولين ارهابي؟؟ ليش ما تكولين انتو الكفرة؟
هيام :- لا بربك خاف ما يعجبك؟ و بشنو كفرنا حتى تكول هيج؟
ادهم :- انتي مو جنتي مو محجبه و تفرفرين بالجامعة انتي و شعرج الأشقر الطويل
هيام :- ايييي بس الله هداني و قبل توبتي و هذا الشيء ما يخليني كافره مثل ما حضرتك دتحجي
ادهم :- انتو كل حياتكم حرام بحرام واحنا اجينه لندلكم للطريق الصحيح بس خليتونه نصير ارهاب بنظر كل العالم
هيام :- سد حلگك احنا ما عايشين بالحرام و الحمد لله واللي عايش بالحرام الله يحاسبه مو انتو.... بعدين لا تسويلي نفسك الداعية الإسلامية وانتو ذيول امريكا و إيران و كلها هاي لعبة عالعراق علمود اقتصاده و ثرواته
أنت تقرأ
اعلنت عليك الحرب
Misteri / Thrillerلم اكن اعلم ان قلبي تغير و مشاعري استيقظت والماضي اصبح ورائي وان عيناها هما مستقبلي انها الخط الفاصل لحياتي و انها محياي ومماتي و عالمي وكوني باختصار اني رجل شرقي تبع هواه في حب مزيف الى ان وجد الحب الحقيقي في ظل عالمها