اعلنت عليك الحرب

البارت 35

#اعلنت_عليك_الحرب
الجزء الثاني
البارت 35

حمزة :- منو همه اللي انهزموا بهذيج الليله

المجرم :- اللي انهزموا همه اخويه و ابن عمي و صدكني يا حضرة النقيب راح يجون و ينتقمون منك لان گتلت اخونه ذيج الليله

رفعت ايدي و ضربه بوكس بنص وجه و طگ خشمه دم من جديد و اثار التعذيب زرگت ع ايديه و صدره و ظهره
يمكن هذا اكثر شخص اذيته بالتعذيب بسبب عناده
اني من خلصت الأسبوعين الاجازة و ما ارتاحيت هاي صارلي 10 ايام بعيد عن البيت و لا كدرت ارجع تهديدات و هجوم ديصير علينا
و اجانه ضابط جديد فوك رأسنا برتبة مقدم و ما داكدر اخذ راحتي اللي گبله جان صديقي بس هذا ما اكدر اجرعه ما ينبلع گوه احجي وياه 😑

طبيت لمكتبي و رفعت تقرير بالمجرم
هو نفسه اللي القيت القبض عليه قبل الزواج وجان بالمستشفى

همه جانوا خمسه انگتلوا 2 منهم و بعدها لزمت هذا و باقي 2 واني متاكد واحد منهم هو اللي جان بالفندق

و صار اللي جنت خايف منه و هيام طبت بدائرة الخطر وياي و جان على بعد كم خطوة عنها

اني السبب ما جان لازم اتزوج قبل ما افض هاي السالفة بالاول يا ريت لو سمعت كلام خالد

بس شيفيد الحجي هسه!!!؟؟؟
وكع الفأس بالرأس

كتبت التقرير و قدمته للمقدم و دزيت منه نسخة إلكترونية لخالي عباس

طلعت من مكتبي و رحت سبحت و بدلت هدومي لبست تراك عسكري و تمددت ع السرير
باوعت من الشباگ الدنيا ظلمة و الكُمر ضوه ساطع

لزمت موبايلي و كتبت رسالة لهيام
" اشتاق ل ليلة جمعتنا تحت نور القمر الذي يخجل من ضوء عيناكِ و جمال وجهكِ يا هيامي"

ردت رأسا
" يا سيدي انني بانتظارك كما تنتظر الارض اليابسة قظرة المطر 💔"
اتصلت عليها
حمزة :- هلو حبيبي
هيام :- هلااا حياتي شلونك

حمزة :- زين الحمد لله و انتي شلونج

هيام :- والله ضايجة عليك

حمزة :- ميخالف حبيبي ما ظل شيء و انزل

هيام :- لشوكت يعني؟ ☹️

حمزة :- والله مدري دشوف هالأيام

هيام :- اي فدوووة تعال عاد

حمزة :- ان شاء الله.... اي شكو ماكو بالبيت؟

هيام :- والله ماكو شيء..... نزلت اليوم للسوك ويا زبيدة لان ظل كم يوم لعيد ميلاد اولادها و اشترينا ملابس و تجهيزات عيد ميلاد و هيج شيء يعني و كملنا و رحنا للمول هناك خالد من صدك لايكله يكون المدير لان منسق و مرتب الدوام و الشغل احسن ما يكون فاخذنا كومه شغلات من المول و رجعنا وياه تقريب ب8