انفاسي متقطعة....
كوه داتنفس .....
اريد اتحرك لو ارفع ايدي ما اكدر.....
اريد اصيح و يطلع صوتي ما يطلع......
افتح واغمض عيوني.....
كمت اغوش ما اشوف زين....
اكيد بسبب النزيف.....
ما احس طلقة بظهري احسه خنجر نحرني نحر...
كمية الوجع رهيبة..... مو طبيعيه......
معقولة اموت هسه وبهاي اللحظة......
هواية ناس اريد اودعها.....
هواية ناس اريد اعتذر منها لان كسرت بخاطرها.....
بس اني استاهل لان طلعت بدون رضا ابويه......
.........
قبل سبعه اشهر
الضابط المسؤول عن التدريب جان كلش صارم ويانا
شوفني نجوم الظهر شكد جنت متوقع حتكون حياتي صعبة بس مو لهاي الدرجة
التحقت بالقوات العراقية الخاصة خالي عباس دبرلي هذا المكان دخلت دورة تدريب اساسية اسمها (السلكشن) بمعنى الانتقاء وهي تدريبات صعبة فاما ينجح الشخص او يتم استبعاده وهناك دورة تدريب غيرها تجي من بعدها متقدمة اسمها (كوماندو) لعناصر النخبة
الحمدلله اني نجحت بالدورة و تخرجت منها بصفتي جندي لان للان ما كملت كلية
بس بعد شنو!؟ حسيت نفسي داموت واني اتدرب
تجي ايام ندرب بالمطر و بالشمس الحارة و احيانا
يكعدونا بنص الليل و يرشون ماي علينا احنا و نايمين و احيانا ننحرم من الاكل بدون ما تعرف ليش
هذا عدا التدريبات المكثفة من الفجر لحد الليل من تدريبات القتال و الضرب و التدريبات الجسدية و التدريب على الأسلحة
والله واحد من التدريبات جانوا يضربونا والثاني جانوا يمشون على اجسادنا
بس صرت غير شكل... جسمي صار اكثر قوة 💪 و لياقة و مرونة وعضلات
وصرت انتبه انتباه مو طبيعي و اركز بكل شغله واصبر عالجوع و العطش و صرت ما اخاف من شي
بس تلكيت عقوبات كومه 😂
مرة الضابط اللي ديدربنا رزلنا بدون سبب، 😑
فعاد اني تشاطرت ورجعت رزلته او بالأصح سبيته، 😅 وعاقبني لا استراحة ولا اكل ولا نوم و خلاني اوكف على تك رجل يوم كامل 🙄
مرات جنت اضوج حيل واكول اني شنو الورطني بعدين اتذكر من وعدت نفسي انو انتقم من اللي قتلوا مهند خاصه من جان يحجي وياي خالي عباس و يصبرني و يكول من تشوف الموت بعينك راح تعرف ليش هيج تدريباتكم
واني ما جنت اخذ اجازة لو انزل لاهلي جنت اكول متسوه هي يومين خلي اقرا اتعلم شي لان الشغله مو بس جسديا لا لازم فكريا و نفسيا همين
بس جنت اتواصل وياهم يوميا و اطمئن عليهم
جنت منتظر رساله من هيام بس ما دزت ولا اني دزيت و اية جانت ادز و ما ارد عليها بالشهر مره
تعرفت على ولد كلش حباب وياي بالدورة اسمه حسن هو من أهلنا بديالى ابوه واخوه هم ضباط
أنت تقرأ
اعلنت عليك الحرب
Mystère / Thrillerلم اكن اعلم ان قلبي تغير و مشاعري استيقظت والماضي اصبح ورائي وان عيناها هما مستقبلي انها الخط الفاصل لحياتي و انها محياي ومماتي و عالمي وكوني باختصار اني رجل شرقي تبع هواه في حب مزيف الى ان وجد الحب الحقيقي في ظل عالمها
