အရင္လို က်ေနာ့္ေမြးေန႔တိုင္း
ခင္ဗ်ားဆုေတာင္းလႊာေတြ ေရာက္မလာေတာ့ဘူး...
ေနေကာင္းရဲ႕လား
ေခ်ာင္းေတြဆိုးေနလား
ေဆးလိပ္ေတြေလ်ွာ့ေသာက္ပါ
ေကာ္ဖီေတြေလ်ွာ့ေသာက္ပါ
က်ေနာ္ခ်စ္ရတဲ့ခေရပန္းေလးေရ
ကုိယ့္ကုိယ္ကို ဂ႐ုစိုက္ပါ
ဝရံတာမွာေမွးေလးေထာက္ၿပီး
သူမျပန္အလာကိုေစာင့္မေနဖို႔ ေတာင္းဆိုရပါေစကြယ္
တိမ္မဲေတြကိုျမင္လား
အိမ္မွာေႏြးေႏြးေထြးေထြးေနပါ
မေတာ္တဆ သစ္ပင္အိုႀကီးေတြေတြ႔မိတဲ့အခါ
က်ေနာ္လည္း သစ္ပင္အိုတစ္ခုနားမွာ
ခင္ဗ်ားကိုေစာင့္ေနခဲ့ေၾကာင္းသတိရပါ
သစ္ရြက္ေတြေႂကြၿပီး ေလ႐ူးေတြတိုက္တယ္
က်ေနာ္ေတာ့တကယ္႐ူးသြားခ်င္ၿပီ
ခင္ဗ်ား႐ွိတဲ့အရပ္ကို ဘာအတားအဆီးကိုမွမေၾကာက္ပဲ
ေျပးထြက္လာမယ့္အ႐ူးျဖစ္ခ်င္ၿပီ
ဘဝသစ္ကို ထပ္စပါေတာ့ခင္ဗ်ားရယ္
ျပန္မလာမယ့္လူကိုေစာင့္ရတာ
ဘယ္ေလာက္ပင္ပန္းလဲ က်ေနာ္သိတာေပါ့
အရင္လိုသပ္သပ္ရပ္ရပ္ေလးျပန္ဝတ္ၿပီး
အလုပ္ခြင္ထဲျပန္ဝင္ပါေပါ့
အရင္လို ဆံ႐ွည္မေလးတစ္ေယာက္ကို
အစကျပန္ခ်စ္ရင္း ဘဝသစ္ကိုျပန္စပါေပါ့
အေဝးကလြင့္လာတဲ့ စာတိုေတြကိုဖတ္ပါ
အမည္မသိ ဆိုတဲ့ေခါင္းစဥ္ေအာက္က
လူဟာ က်ေနာ္ပါပဲ
ခင္ဗ်ားကေတာ့ ခင္ဗ်ားေမြးေန႔မွာ
က်ေနာ္ဆုေတာင္းေတြေရာက္မလာတာကို
သတိထားမိခ်င္မွထားမိမွာေပါ့
က်ေနာ္ကေတာ့ ခင္ဗ်ားဆုေတာင္းေတြေရာက္မလာေတာ့တာကို
သတိထားမိတယ္ဆိုတာထက္ပိုပါတယ္...
သစ္ရြက္ေတြေႂကြၿပီး ေလ႐ူးေတြတိုက္လို႔
ေနာက္တစ္ႏွစ္က စလာျပန္ၿပီ
က်ေနာ္ကေတာ့ ခင္ဗ်ားျပန္မခ်စ္မွာကို စိတ္မပူပဲ
ခင္ဗ်ားဆီေျပးထြက္လာခ်င္တဲ့အ႐ူးျဖစ္သြားခ်င္ၿပီ...။
- Alia -
အရင်လို ကျနော့်မွေးနေ့တိုင်း
ခင်ဗျားဆုတောင်းလွှာတွေ ရောက်မလာတော့ဘူး...
နေကောင်းရဲ့လား
ချောင်းတွေဆိုးနေလား
ဆေးလိပ်တွေလျှော့သောက်ပါ
ကော်ဖီတွေလျှော့သောက်ပါ
ကျနော်ချစ်ရတဲ့ခရေပန်းလေးရေ
ကိုယ့်ကိုယ်ကို ဂရုစိုက်ပါ
ဝရံတာမှာမှေးလေးထောက်ပြီး
သူမပြန်အလာကိုစောင့်မနေဖို့ တောင်းဆိုရပါစေကွယ်
တိမ်မဲတွေကိုမြင်လား
အိမ်မှာနွေးနွေးထွေးထွေးနေပါ
မတော်တဆ သစ်ပင်အိုကြီးတွေတွေ့မိတဲ့အခါ
ကျနော်လည်း သစ်ပင်အိုတစ်ခုနားမှာ
ခင်ဗျားကိုစောင့်နေခဲ့ကြောင်းသတိရပါ
သစ်ရွက်တွေကြွေပြီး လေရူးတွေတိုက်တယ်
ကျနော်တော့တကယ်ရူးသွားချင်ပြီ
ခင်ဗျားရှိတဲ့အရပ်ကို ဘာအတားအဆီးကိုမှမကြောက်ပဲ
ပြေးထွက်လာမယ့်အရူးဖြစ်ချင်ပြီ
ဘဝသစ်ကို ထပ်စပါတော့ခင်ဗျားရယ်
ပြန်မလာမယ့်လူကိုစောင့်ရတာ
ဘယ်လောက်ပင်ပန်းလဲ ကျနော်သိတာပေါ့
အရင်လိုသပ်သပ်ရပ်ရပ်လေးပြန်ဝတ်ပြီး
အလုပ်ခွင်ထဲပြန်ဝင်ပါပေါ့
အရင်လို ဆံရှည်မလေးတစ်ယောက်ကို
အစကပြန်ချစ်ရင်း ဘဝသစ်ကိုပြန်စပါပေါ့
အဝေးကလွင့်လာတဲ့ စာတိုတွေကိုဖတ်ပါ
အမည်မသိ ဆိုတဲ့ခေါင်းစဉ်အောက်က
လူဟာ ကျနော်ပါပဲ
ခင်ဗျားကတော့ ခင်ဗျားမွေးနေ့မှာ
ကျနော်ဆုတောင်းတွေရောက်မလာတာကို
သတိထားမိချင်မှထားမိမှာပေါ့
ကျနော်ကတော့ ခင်ဗျားဆုတောင်းတွေရောက်မလာတော့တာကို
သတိထားမိတယ်ဆိုတာထက်ပိုပါတယ်...
သစ်ရွက်တွေကြွေပြီး လေရူးတွေတိုက်လို့
နောက်တစ်နှစ်က စလာပြန်ပြီ
ကျနော်ကတော့ ခင်ဗျားပြန်မချစ်မှာကို စိတ်မပူပဲ
ခင်ဗျားဆီပြေးထွက်လာချင်တဲ့အရူးဖြစ်သွားချင်ပြီ...။
- Alia -
