ရှိုက်သံတွေမပါတဲ့ conversation တွေ
ငါပြန်လိုချင်လိုက်တာ ချစ်သောရေ။
ချစ်ခြင်းမေတ္တာအကြောင်း မင်းပြောနေတဲ့အခါ
အပိုတွေမလုပ်ပါနဲ့ လို့ကပ်ကပ်လန်ပြန်ပြောရင်း
ငါကြည်နူးချင်မိပါရဲ့။
ခေါ်သံတွေမင်းမကြားတော့ဘူး
တယ်လီပသီတွေအလုပ်မလုပ်တော့ဘူး။
ထွက်သွားလိုက် လို့ငါပြောတော့
မင်းကယုံတယ်
သူငိုနေတယ် လို့ငါ့သူငယ်ချင်းပြောတော့
မင်းကမယုံရှာဘူး။
ငါတို့ဟာ အကြိမ်ကြိမ်လွဲခဲ့ပြီး
အကြိမ်ကြိမ်ပြန်ဆုံစည်းခဲ့တဲ့
မြစ်ဖျားလေးတွေပဲ။
ဒီတခါလည်း တကယ်ဝေးတာမဟုတ်ဘူး လို့
ငါ့ကိုတချက်လောက်လာပြောလှည့်ပါ
ကြယ်လေးတွေခေါက်ထားတယ်
ငှက်လေးတွေလည်း ခေါက်ထားတယ်
အချိန်တွေအကြာကြီးစောင့်ခဲ့ရကြောင်း
မင်းကိုပြောပြချင်လို့။
မင်းဘက်ကကြည့်တော့ မင်းမှန်တယ်
ငါ့ဘက်ကကြည့်တော့ ငါမှန်နေပြန်ရော
အဲ့ဒီလို ငါတို့က အမှားကိုယ်စီနဲ့ဝေးခဲ့ကြတာ။
တယ်လီပသီတွေ အလုပ်ပြန်လုပ်မှဖြစ်မယ်
မင်းအိမ်မက်တွေထဲ
ငါအဆင်မပြေနေကြောင်းတွေ ပါမှဖြစ်မယ်
ဒါမှ မင်းလည်း မင်းမာနကို
တစ်ထစ်လျှော့ပေးမှာမဟုတ်လား။
ရှိုက်သံတွေမင်းကြားရဲ့လား အချစ်ရေ...
Chat box အဟောင်းလေးထဲ
ပြေးပြေးငိုနေတဲ့ ငါ့ရှိုက်သံတွေမင်းကြားမိရဲ့လား။
- Meldian -
ရွိုက္သံေတြမပါတဲ့ conversation ေတြ
ငါျပန္လိုခ်င္လိုက္တာ ခ်စ္ေသာေရ။
ခ်စ္ျခင္းေမတၱာအေၾကာင္း မင္းေျပာေနတဲ့အခါ
အပိုေတြမလုပ္ပါနဲ႕ လို႔ကပ္ကပ္လန္ျပန္ေျပာရင္း
ငါၾကည္ႏူးခ်င္မိပါရဲ႕။
ေခၚသံေတြမင္းမၾကားေတာ့ဘူး
တယ္လီပသီေတြအလုပ္မလုပ္ေတာ့ဘူး။
ထြက္သြားလိုက္ လို႔ငါေျပာေတာ့
မင္းကယုံတယ္
သူငိုေနတယ္ လို႔ငါ့သူငယ္ခ်င္းေျပာေတာ့
မင္းကမယုံရွာဘူး။
ငါတို႔ဟာ အႀကိမ္ႀကိမ္လြဲခဲ့ၿပီး
အႀကိမ္ႀကိမ္ျပန္ဆုံစည္းခဲ့တဲ့
ျမစ္ဖ်ားေလးေတြပဲ။
ဒီတခါလည္း တကယ္ေဝးတာမဟုတ္ဘူး လို႔
ငါ့ကိုတခ်က္ေလာက္လာေျပာလွည့္ပါ
ၾကယ္ေလးေတြေခါက္ထားတယ္
ငွက္ေလးေတြလည္း ေခါက္ထားတယ္
အခ်ိန္ေတြအၾကာႀကီးေစာင့္ခဲ့ရေၾကာင္း
မင္းကိုေျပာျပခ်င္လို႔။
မင္းဘက္ကၾကည့္ေတာ့ မင္းမွန္တယ္
ငါ့ဘက္ကၾကည့္ေတာ့ ငါမွန္ေနျပန္ေရာ
အဲ့ဒီလို ငါတို႔က အမွားကိုယ္စီနဲ႕ေဝးခဲ့ၾကတာ။
တယ္လီပသီေတြ အလုပ္ျပန္လုပ္မွျဖစ္မယ္
မင္းအိမ္မက္ေတြထဲ
ငါအဆင္မေျပေနေၾကာင္းေတြ ပါမွျဖစ္မယ္
ဒါမွ မင္းလည္း မင္းမာနကို
တစ္ထစ္ေလွ်ာ့ေပးမွာမဟုတ္လား။
ရွိုက္သံေတြမင္းၾကားရဲ႕လား အခ်စ္ေရ...
Chat box အေဟာင္းေလးထဲ
ေျပးေျပးငိုေနတဲ့ ငါ့ရွိုက္သံေတြမင္းၾကားမိရဲ႕လား။
- Meldian -
