အရင်က
နေ့နေ့ညည ဖော်ဖော်ရွေရွေပြောခဲ့တဲ့
Conversation လေးဟာ
ဟိုးအောက်ဆုံးရောက်နေပြီ
သတိရတဲ့အခါ အချစ်နွံထဲပြေးဆင်းပြီး
မင်းကိုပြန်ရှာရတာပါပဲ။
တချိန်က ကိုယ့်ကိုချစ်ပါတယ် ဆိုတဲ့
အမျိုးသားလေးဟာ
အခုတော့ သူ့ကိုချစ်ပါတယ် ဆိုတဲ့
အမျိုးသမီးလေးနဲ့
ရီသံတဖွဲဖွဲပျော်နေကြတော့မှာ။
"နာရတဲ့ကဗျာ" ထဲကလို
မသွားဖြစ်ခဲ့တဲ့ ပုဂံကိုလည်းအားနာရပါတယ်
မလျှောက်ဖြစ်တော့မယ့် လမ်းတွေကိုလည်း
တောင်းပန်ရပါတယ်။
ရထားတွေတစ်စီးပြီးတစ်စီးဖြတ်သွားတယ်
မင်းရင်ခွင်ထဲရောက်မယ့်သံလမ်းတွေဟာ
ကန့်သတ်နယ်မြေ။
အဆင်မပြေတာသိရင်
အရောက်လာနေကျတိမ်ဆိုင်လေးဟာ
ဆက်သွယ်မှုဧရိယာပြင်ပ။
ဂျိုကာလေးဖြစ်ချင်တယ်
တကူးတကပြုံးပြစရာမလိုတဲ့
မျက်နှာဖုံးလေးတပ်ထားချင်တယ်။
မင်းမရှိလည်းဖြစ်သွားမှာပါ လို့ငါဖြေသိမ့်
မင်းချစ်တော့ချစ်ခဲ့မှာပါ လို့ငါဖြေသိမ့်
ဒီလိုနဲ့ မပို့ဖြစ်တော့တဲ့ ပို့စကတ်လေးတွေဟာ
ဝါကျင့်ကျင့်အရောင်လွှမ်းလို့။
ကော်ဖီတွေမသောက်ဖြစ်တော့ဘူး
အစပ်တွေမစားဖြစ်တော့ဘူး
"ဗိုက်အောင့်မယ်လေ" ဆိုတဲ့
ဆူငေါက်သံတွေမကြားရနိုင်မှန်းသိသွားတဲ့အခါ
ငါ့ဘက်ကပဲ ကြိုတင်ပြင်ဆင်ထားလိုက်တော့တယ်။
မိုးတွေရွာတိုင်း ပျော်နေတတ်တဲ့ကောင်မလေးကို
မင်းရှိတဲ့အရပ်မယ်
မိုးတွေရွာရင် ဖြတ်ခနဲသတိရပေးပေါ့။
အများကြီးမတောင်းဆိုပါဘူး
ကိုကို လို့ခေါ်သံကြားရင်
ကိုကို လို့ခေါ်ခဲ့ဖူးသူကို မမေ့ကြေးပေါ့။
ဘုရားပေါ်ရောက်တိုင်း
မင်းနေကောင်းကျန်းမာဖို့နဲ့
မင်းတွဲလက်ကလေးမြဲဖို့ပဲ
ဆုတောင်းဖြစ်တော့တယ်။
ငါတို့နှစ်ယောက်ဟာ ဘဝတစ်ခုမှာ
ရေစက်ဘယ်လောက်ပါလဲ
အဲ့ဒီနေ့ကမဝေးခဲ့ရင် ဆိုတဲ့
နောင်တ တပွေ့ကြီးနဲ့ ငါမေးပါမယ်။
#Meldian
#12July2020
အရင္က
ေန႕ေန႕ညည ေဖာ္ေဖာ္ေ႐ြေ႐ြေျပာခဲ့တဲ့
Conversation ေလးဟာ
ဟိုးေအာက္ဆုံးေရာက္ေနၿပီ
သတိရတဲ့အခါ အခ်စ္ႏြံထဲေျပးဆင္းၿပီး
မင္းကိုျပန္ရွာရတာပါပဲ။
တခ်ိန္က ကိုယ့္ကိုခ်စ္ပါတယ္ ဆိုတဲ့
အမ်ိဳးသားေလးဟာ
အခုေတာ့ သူ႕ကိုခ်စ္ပါတယ္ ဆိုတဲ့
အမ်ိဳးသမီးေလးနဲ႕
ရီသံတဖြဲဖြဲေပ်ာ္ေနၾကေတာ့မွာ။
"နာရတဲ့ကဗ်ာ" ထဲကလို
မသြားျဖစ္ခဲ့တဲ့ ပုဂံကိုလည္းအားနာရပါတယ္
မေလွ်ာက္ျဖစ္ေတာ့မယ့္ လမ္းေတြကိုလည္း
ေတာင္းပန္ရပါတယ္။
ရထားေတြတစ္စီးၿပီးတစ္စီးျဖတ္သြားတယ္
မင္းရင္ခြင္ထဲေရာက္မယ့္သံလမ္းေတြဟာ
ကန့္သတ္နယ္ေျမ။
အဆင္မေျပတာသိရင္
အေရာက္လာေနက်တိမ္ဆိုင္ေလးဟာ
ဆက္သြယ္မႈဧရိယာျပင္ပ။
ဂ်ိဳကာေလးျဖစ္ခ်င္တယ္
တကူးတကၿပဳံးျပစရာမလိုတဲ့
မ်က္ႏွာဖုံးေလးတပ္ထားခ်င္တယ္။
မင္းမရွိလည္းျဖစ္သြားမွာပါ လို႔ငါေျဖသိမ့္
မင္းခ်စ္ေတာ့ခ်စ္ခဲ့မွာပါ လို႔ငါေျဖသိမ့္
ဒီလိုနဲ႕ မပို႔ျဖစ္ေတာ့တဲ့ ပို႔စကတ္ေလးေတြဟာ
ဝါက်င့္က်င့္အေရာင္လႊမ္းလို႔။
ေကာ္ဖီေတြမေသာက္ျဖစ္ေတာ့ဘူး
အစပ္ေတြမစားျဖစ္ေတာ့ဘူး
"ဗိုက္ေအာင့္မယ္ေလ" ဆိုတဲ့
ဆူေငါက္သံေတြမၾကားရနိုင္မွန္းသိသြားတဲ့အခါ
ငါ့ဘက္ကပဲ ႀကိဳတင္ျပင္ဆင္ထားလိုက္ေတာ့တယ္။
မိုးေတြ႐ြာတိုင္း ေပ်ာ္ေနတတ္တဲ့ေကာင္မေလးကို
မင္းရွိတဲ့အရပ္မယ္
မိုးေတြ႐ြာရင္ ျဖတ္ခနဲသတိရေပးေပါ့။
အမ်ားႀကီးမေတာင္းဆိုပါဘူး
ကိုကို လို႔ေခၚသံၾကားရင္
ကိုကို လို႔ေခၚခဲ့ဖူးသူကို မေမ့ေၾကးေပါ့။
ဘုရားေပၚေရာက္တိုင္း
မင္းေနေကာင္းက်န္းမာဖို႔နဲ႕
မင္းတြဲလက္ကေလးၿမဲဖို႔ပဲ
ဆုေတာင္းျဖစ္ေတာ့တယ္။
ငါတို႔ႏွစ္ေယာက္ဟာ ဘဝတစ္ခုမွာ
ေရစက္ဘယ္ေလာက္ပါလဲ
အဲ့ဒီေန႕ကမေဝးခဲ့ရင္ ဆိုတဲ့
ေနာင္တ တေပြ႕ႀကီးနဲ႕ ငါေမးပါမယ္။
#Meldian
#12July2020
