الفصل الثامن عشر
( الكل يحب على طريقته )
"وفي المعسكر"
هتف أسامة و هو يتابع الحركة في المعسكر :..
-اطمني يا آنسة بريهان , بس الفكرة دي رهيبة , جتلك الفكرة دي إزاي ؟! دي ما خطرتش على بالي .
شردت بريهان وهي تفكر في حديثها مع والدها .
******
نورا : إحنا وصلنا يا أبو حازم .
حسين : ما تقوليش يا أبو حازم , قولي أبو الزفت .
بيري بزهق : خير يا دادي .
حسين : كنتي فين يا بريهان .
بيري بتردد : دادي أنا كنت ...........
حسين : مش مهم , أنت بتحبيني , وممكن تعملي أي حاجة عشاني صح .
بيري : طبعًا خير يا دادي
حسين : أنا عايزك تبقي الدكتورة بتاعت المعسكر اللي بتشتغل فيه بنت سامي حجازي .
بيري : معسكر أيه , وبنت مين .
حسين : المجموعة اللي انقذتك , أنت ما تعرفيش إنها بقت فرقة خاصة وبيدربوا في الصحرا .
بيري بغضب : سهل عندك إنك ترميني هناك كده , وأنت يا مامي مش هتقولي حاجة .
أردفت نورا بنبرة متلعثمة :..
- أأ.. عشان بابا ..........
بيري : خلاص ما تقوليش حاجة دا لو كنتِ هتقولي حاجة أصلًا أنا راحه أجهز شنطتي .
حسين : وأنا هكلم اللوا جلال الصبح .
ثم خرجت بريهان من الغرفة برفزة وهي تقول لنفسها :.........
- والله لولا إن الفكرة دي هتقربني من مريم والله ما كنت ما وافقت .
************
أفاقت بريهان علي صوت أسامة يناديها :..
- آنسة بريهان , أنتى معايا .
بريهان : آه , أيوة معاك , بس كنت بتقول إيه ؟
أسامة : بقولك الفكرة دي رهيبة إزاي ما خطرتش علي بالي .
بريهان بابتسامة مصطنعة : هه .
أسامة : بس الوزير حسين ثابت وافق إزاي .
بريهان بعفوية : دي أصلا فكرته .
هتف أسامة متسائلا بدهشة :..
- إيه ؟!
وعند هذه اللحظة اقترب عصام ومعه بعض الزملاء الذين جاءوا يرحبون بريهان .
عصام برقة : نورتي الصحرا يا آنسة بريهان .
بريهان بخجل : مرسي ..
أنت تقرأ
أختان في العاصفة
Romanceرواية أكشن كوميدي رومانسي بنت زي القمر بس شرسة حبتين قررت تخش الجيش بس الرجالة مكنوش مرحبين بست تقتحم مملكة الرجالة يا ترى هيحصل إيه ؟؟؟؟