#قصص_الأنبياء
#الحلقة_التاسعة_عشرة
#قصة_إسحاق_يعقوب_يوسف(١)
قلنا قبل كده إن إبراهيم عليه السلام ربنا بشره بإسحاق على لسان الملائكة لما كانوا رايحين يُهلكوا قوم لوط،
فإسحاق هو الابن الثاني لإبراهيم عليه السلام إتولد بعد
إسماعيل عليه السلام ب١٣ سنة،
" وَبَشَّرْنَاهُ بِإِسْحَاقَ نَبِيًّا مِنَ الصَّالِحِينَ "
مفيش كلام كتير عنه في القرآن والسنة، هو كان نبي على نفس شريعة إبراهيم عليه السلام، وكان عنده ولدين: يعقوب والعيص، والإتنين كانا بارّين بأبوهم،
زوجة إسحاق عليها السلام قالت لابنها يعقوب إنه يروح عند خاله ويقعد عنده واسمه لابان في مدينة حرّان وهي موجودة حاليا في شرق تركيا،
مسافة السفر كانت طويلة فكان بينام في الليل في الطريق، فنام على صخرة وشاف رؤيا ...شاف إن ربنا بيكلمه وبيقوله إنه هيُكثر له في ذريته ويبارك له فيها وهتكون الأرض دي له ولذريته،
استيقظ يعقوب عليه السلام من النوم وحط علامة على الحجر إللي كان نايم عليه عشان يعرف الأرض إللي ربنا قاله إنها هتكون له وذريته وسمى المكان ده بيت إيل،
وكلمة إيل في لغتهم معناها الله...وبيت إيل يعني بيت الله فقال إنه هيبني في المكان ده بيت لربنا،
وإسرا معناها عبد وإسرائيل معناها عبد الله، ده في لغتهم هم😅
لكن إحنا مينفعش نسمي ربنا بإيل لأن أسماء الله توقيفية يعني هو إللي يقولنا عليها، زي الرحمن والرحيم والعزيز و....و...فمينفعش إحنا نخترع اسم ونسمي ربنا بيه😉
كمّل يعقوب طريقه ووصل عند خاله واستقر عنده مدة طويلة،
طلب من خاله إنه يتزوج بنته واسمها راحيل، فقاله موافق بس بشرط إنك تشتغل عندي سبع سنين، فقاله ماشي وبعد السبع سنين زوجه بنته الكبيرة لِيَا🤓
فقاله يا خالي أنا عايز راحيل مش لِيا فقاله عندنا مينفعش الصغيرة تتزوج قبل الكبيرة،
فقاله بس أنا عايز راحيل😳
قاله مفيش مشكلة اشتغل عندي سبع سنين تانية وأزوجك راحيل😊
ففعلا اشتغل عنده سبع سنين تانية وبعدين تزوج من راحيل.
¤كان من شريعتهم عادي إن الرجل يجمع في الزواج بين أختين.
وقعد عند خاله ست سنين كمان لحد ما أتم عشرين سنة،
وكان بيرعى الغنم وربنا فتح عليه في الرزق وبقى عنده أموال كثيرة،
ربنا رزقه بستة أبناء من لِيا، وراحيل مخلفتش، فلما يئست إنها مش هتخلف أهدت يعقوب عليه السلام جارية لها عشان يتزوجها فالجارية دي خلفت ليعقوب عليه السلام ولدين،
تسكت لِيا😅
لأ طبعا😅 ...راحت أهدت يعقوب عليه السلام هي كمان جارية عشان يتزوجها فخلفت هي كمان ولدين،
☆زمانكم مستغربين إيه الناس دي😳😅هو عادي كده الواحدة تدي لزوجها امرأة تانية🤐
طبعا الزمن والتربية بيختلف، يعني إحنا أجيال اتربينا على رفض الزوجة التانية وإنها خطافة الرجالة ونظرة الناس لينا و...و...، بعكس الأزمنة إللي فاتت،
وكمان إنتشار الجواري في الأزمنة إللي فاتت كان مخلي الأمور طبيعية أكتر من كده، فأكيد طبعا لازم نستغرب من النساء بتوع زمان😚
