#قصص_الأنبياء
#الحلقة_السابعة_والعشرون
#قصة_موسى(٢)
#الرسالة
وقفنا المرة إللي فاتت عند موسى عليه السلام لما أخذته آسية زوجة فرعون عشان تربيه في القصر،
كَبُر موسى عليه السلام في قصر فرعون وهو شايف الظلم والقهر إللي بيتعرضله بني إسرائيل،
فكان بيكره فرعون، واتولّد جواه حس نصرة المظلوم،
في يوم من الأيام نزل من القصر ودخل المدينة في وقت القيلولة محدش موجود يعني،
"وَدَخَلَ الْمَدِينَةَ عَلَى حِينِ غَفْلَةٍ مِنْ أَهْلِهَا "
وهو ماشي شاف واحد من المصريين بيتخانق مع واحد من بني إسرائيل، فتوقع إن المصري ظالم للرجل بسبب إللي شافه طول السنين إللي فاتت،
"فَوَجَدَ فِيهَا رَجُلَيْنِ يَقْتَتِلَانِ هَذَا مِنْ شِيعَتِهِ وَهَذَا مِنْ عَدُوِّه"
وفي نفس الوقت الرجل من بني إسرائيل استغاث بيه وقاله إلحقني، فتأكد ظن موسى عليه السلام وراح عشان ينصر المظلوم فزق المصري راح واقع ميت😶
"فَاسْتَغَاثَهُ الَّذِي مِنْ شِيعَتِهِ عَلَى الَّذِي مِنْ عَدُوِّهِ فَوَكَزَهُ مُوسَى فَقَضَى عَلَيْهِ"
بيشوف الرجل لقاه مبيتحركش ومات🙊
طبعا موسى عليه السلام اتصدم هو مكنش يقصد أبدا إنه يقتل الرجل ..هو كان بيبعده بس لكن موسى عليه السلام كان قوي جدا لدرجة إن زقة قتلت رجل فتخيلوا إنتم قوته كانت عاملة إزاي😅
على طول موسى عليه السلام استغفر ربنا لأن بالفطرة الإنسان بيحس إن القتل ده حاجة كبيرة،
"قَالَ هَذَا مِنْ عَمَلِ الشَّيْطَانِ إِنَّهُ عَدُوٌّ مُضِلٌّ مُبِينٌ * قَالَ رَبِّ إِنِّي ظَلَمْتُ نَفْسِي فَاغْفِرْ لِي فَغَفَرَ لَهُ إِنَّهُ هُوَ الْغَفُورُ الرَّحِيمُ "
وقال يارب بما إنك أنعمت عليّ بنعمة القوة فمش هكون أبدا مساعد لأي مجرم.
"قَالَ رَبِّ بِمَا أَنْعَمْتَ عَلَيَّ فَلَنْ أَكُونَ ظَهِيرًا لِلْمُجْرِمِينَ "
☆وهو موسى عليه السلام كان يعرف ربنا😕
جميع الأنبياء على التوحيد لم يشركوا أبدا بالله حتى قبل البعثة، وكمان هو كان على شريعة بني إسرائيل فكان عارف من هو الله 😉
هرب موسى عليه السلام ومحدش يعرف مين إللي قتل المصري غير الرجل من بني إسرائيل، واتجمع الناس وقعدوا يسألوا محدش عرف مين القاتل،
ظل موسى عليه السلام في المدينة وهو خائف وبيراقب هل الناس عرفوا إن هو القاتل ولا لأ😥
☆إيه ده وهو يخاف ليه😕 مش هو ابن الفرعون يعني محدش يقدر يقوله إنت قتلت ليه 🙄
وده دليل إن فرعون مكنش بيحب موسى عليه السلام ومكنش بيعامله زي ابنه ،وموسى كان عارف بكده،
وهو قال لآسية من البداية قرة عين لكي أنتي أما بالنسبة لي لأ😤
ف وهو ماشي شاف نفس الرجل من بني إسرائيل بتاع إمبارح بيتخانق مع واحد تاني مصري، وعمال بيستغيث بموسى عليه السلام ويقوله إلحقني ...إلحقني😫
"فَأَصْبَحَ فِي الْمَدِينَةِ خَائِفًا يَتَرَقَّبُ فَإِذَا الَّذِي اسْتَنْصَرَهُ بِالْأَمْسِ يَسْتَصْرِخُهُ "
فموسى عليه السلام قاله ده إنت إللي بتاع مشاكل بقى😠
"قَالَ لَهُ مُوسَى إِنَّكَ لَغَوِيٌّ مُبِينٌ"
