قصص الأنبياء

#قصة_الأبرص_والأقرع_والأعمى

#قصص_الأنبياء
#الحلقة_الخمسون
#قصة_الأبرص_والأقرع_والأعمى

قصتنل النهاردة هي قصة الأعمى والأبرص والأقرع، حصلت القصة دي في بني إسرائيل في أي زمن بالتحديد أو إيه أسماء الثلاثة دول منعرفش🤷‍♀️
لكن رسول الله صلى الله عليه وسلم حكى القصة دي للعبرة،
قال رسول الله صلى الله عليه وسلم:
كان في ثلاثة رجال من بني إسرائيل واحد أعمى لا يرى والثاني أبرص يعني عنده مرض البرص،
إللي هو بيكون أجزاء من الجسم لونها أبيض ومختلف عن باقي لون الجسم الطبيعي،
والثالث أقرع معندهوش شعر..فربنا أراد إنه يبتليهم ويختبرهم👌
☆طيب ماهم أصلا في بلاء..هيبتليهم أكثر من كده إيه🤔
أشد البلاء هو الإبتلاء بالنعم👌
لأن الصبر على الشدة ناس كثير تقدر تحققه زي الصبر على المرض والصبر على الفقر وهكذا ويقدر عليه المؤمن والكافر زي ما قلنا قبل كده😉
وده بسبب إن النفس البشرية بتكون متأهبة ومستعدة للتحدي والمواجهة وعلى طول بيتضرع وبيدعو الله ومنكسر وذليل له..
بعكس الإنسان إللي عايش في نعيم ومش بيواجه مشاكل هتلاقيه مش في دماغه أصلا وعايش حياته بالطول والعرض ولو ذكرناه بالله هيقول وهو أنا محتاج ربنا في إيه مانا كل أموري تمام💁‍♂️
عشان كده ربنا بيقول لنا:
"كلا إن الإنسان ليطغى..أن رآه استغنى"

فالثلاثة دول لما كانوا في ابتلاء كانوا خاضعين لله، فربنا أراد إنه يبتليهم بالنعم عشان هم يشوفوا نفسهم هيبقوا عاملين إزاي، مع إن ربنا عالم باللي في قلوبهم،
لكن ربنا لا يحاسبنا بسابق علمه فينا..لازم يُرينا الحاجات المستخبية جوة قلوبنا ويطلعها قصاد نفسنا👌

فربنا عمل إيه معاهم 😊
بعت لهم مَلك من الملائكة في صورة بشر عشان يسألهم نفسهم في إيه،
المَلك راح للأبرص واتكلم معاه وبعدين سأله نفسك في إيه🤔
فالرجل الأبرص قال له:
نفسي جلدي ولوني يكونوا حلوين وميكنش عندي إللي الناس بعدوا عني بسببه 😔
فالملك مسح على جلده والرجل أخذ إللي هو عايزه من اللون والجلد الجميل،
والملك سأله: إيه أحب أنواع الأموال إليك🤔
فالرجل قال له : الإبل ، فالملك أعطى له ناقة حامل 🐪ودعا له بالبركة👌

راح المَلك للرجل الأقرع واتكلم معاه هو كمان وسأله نفسك في إيه:
فقال الأقرع: نفسي في شعر جميل والناس متبعدش عني 😞
فالملك مسح على رأسه فطلع له شعر حسن ، والملك سأله عن أكثر الأموال إللي بيحبها قال له: البقر ، فالملك أعطى له بقرة حامل🐄 ودعا له بالبركة.

وراح بعد كده للأعمى واتكلم معاه وسأله نفسك في إيه؟
فالأعمى قال له : نفسي ربنا يرجع لي بصري عشان أشوف الناس😔
فمسح الملك على عينه فأبصر الرجل ، وسأله الملك هو كمان:
بتحب إيه أكثر من الأموال 🤔
فالرجل قال له : الغنم ، فأعطى له الملك شاة حامل 🐐
ودعا له بالبركة.
عدت كم سنة وبقى عند الأبرص وادي من الإبل والأقرع عنده وادي من البقر والأعمي عنده وادي من الغنم،
تخيلوا معايا كده يعني إيه وادي😅