#قصص_الأنبياء
#الحلقة_الثالثة_والخمسون
#مريم_زكريا_يحيى_عيسى(٣)
#مريم
اتكلمنا المرة إللي فاتت عن زكريا وإنه دعا ربنا إنه يرزقه الذرية الصالحة لما شاف إنه بيرزق مريم بنت عمران فاكهة الصيف في الشتاء وفاكهة الشتاء في الصيف،
وكان ده كرامة من ربنا لمريم بسبب كثرة عبادتها وزهدها وتعلقها بالله،
كانت مريم مختلفة عن البنات في سنها، فكان جسمها بيكبر أسرع من البنات العادية،
وكانت مشهورة في بني إسرائيل بعبادتها وفضلها،
وكان من عادة بني إسرائيل إنهم يحجون لبيت المقدس،
يعني بيطلعوا في قافلة من مدن القدس ويتوجهوا من لبيت المقدس لأن بيت المقدس كان قبلتهم،
زي ما المسلمين بيتوجهوا للحج في مكة😉
،في يوم من الأيام لما كان عمرها حوالي خمسة عشر سنة
خرجت في قافلة مع أهلها لبيت المقدس وهي كانت من مدينة الناصرة،
وهي في الطريق..سابت أهلها وتأخرت عن القافلة لسبب معين،
"إِذِ انتَبَذَتْ مِنْ أَهْلِهَا مَكَانًا شَرْقِيًّا"
إيه السبب منعرفش بالضبط..ممكن يكون أصابها الحيض،
أو إنها كانت عايزة تطهر من الحيض...وغيرها من أقوال العلماء،
المهم إن حصل حاجة خلتها تتأخر عن الناس إللي معاها وراحت وراء جبل،
"فَاتَّخَذَتْ مِن دُونِهِمْ حِجَابًا "
فهي كانت عايزة تكون لوحدها..وفجأة لقت قصادها رجل..فاتخضت وخافت 🙊
"فَأَرْسَلْنَا إِلَيْهَا رُوحَنَا فَتَمَثَّلَ لَهَا بَشَرًا سَوِيًّا"
فكرت إن الرجل ده يريدها عن نفسها..إنه يعمل فيها حاجة يعني،
فقالت له : أعوذ بالرحمن منك لو كنت من المتقين😰
..لأن التقي هو إللي بيخاف ربنا وخوفه من ربنا بيمنعه إنه يعمل أي شيء محرم👌
"قالَتْ إِنِّي أَعُوذُ بِالرَّحْمَن مِنكَ إِن كُنتَ تَقِيًّا"
فالرجل قالها: متخافيش الموضوع مش زي مانتي فاكرة أنا رسول من عند ربك عشان أوهبك غلام..طفل،
"قَالَ إِنَّمَا أَنَا رَسُولُ رَبِّكِ لِأَهَبَ لَكِ غُلامًا زَكِيًّا"
واحنا قلنا المرة إللي فاتت إن الهبة في الغالب بتكون بدون طلب😉
فهو بيقول لها إن ربنا هيعطيكي طفل من غير ما تطلبي👌
☆قبل ما نكمل هنقف كم وقفة كده مع آيات القرآن نتدبرها 😊
♡ربنا بيقول 《وأرسلنا إليها روحنا》
الروح هنا المقصود به جبريل عليه السلام ..طيب ليه ربنا سمى جبريل عليه السلام بالروح🤔
إحنا كبشر بنتكون من حاجتين هما جسد وروح صح😉
إيه إللي بيحرك الجسد😁
الروح هي إللي بتحرك الجسد..يعني الروح هي السبب في حياة الجسد👌
جبريل عليه السلام هو الملك المسؤول عن توصيل الوحي،
والوحي ده سبب في حياة القلوب...فالإنسان بيكون حي بحاجتين: حياة جسدية وحياة قلبية👌
الحياة الجسدية كوووول الناس بتشترك فيها حتى الحيوانات بتشترك في الحياة الجسدية دي😉
لكن الحياة القلبية دي خاصة بعباد الله المتقين....يعني باختصار الروح تحيا بها الأجساد وجبريل عليه السلام يحيا بسببه القلوب عن طريق الوحي..عشان كده اسمه الروح😊
"أَوَمَن كَانَ مَيْتًا فَأَحْيَيْنَاهُ" يعني كان كافرا فهديناه👌
