#قصص_الأنبياء
#الحلقة_الواحدة_والأربعون
#قصة_سليمان(٣)_الهدهد
اتكلمنا المرة إللي فاتت عن سليمان عليه السلام لما كان بيتفقّد الجيش بتاعه وملقاش طائر الهدهد موجود فتوعد الهدهد إنه هيعذبه عذاب شديد لما يرجع👌
"وتَفَقَّدَ الطَّيْرَ فَقَالَ مَا لِيَ لا أَرَى الْهُدْهُدَ أَمْ كَانَ مِنَ الْغَائِبِينَ"
☆هو كده سليمان عليه السلام مش قاسي شوية مع الحيوانات😔
سليمان عليه السلام نبي وفي نفس الوقت ملك يعني له أمر ونهي حتى على الحيوانات، وإنه يعمل إللي يشوفه مناسب😉
والهدهد جندي من جنود جيش سليمان فإزاي الجندي يغيب عن قائده من غير استئذان🤷♂️
لكن سليمان عليه السلام كان عادل، فقال إن الهدهد لو جاب سبب مقنع خلاه يغيب عن ال
جيش هسامحه،
يعني سليمان عليه السلام مقلش إنه هيعذبه لغرض التعذيب،
بمجرد وجود عذر خلاص 👌
"لَأُعَذِّبَنَّهُ عَذَابًا شَدِيدًا أَوْ لَأَذْبَحَنَّهُ أَوْ لَيَأْتِيَنِّي بِسُلْطَانٍ مُّبِينٍ"
فبعد فترة قليلة إلا وسواد نازل من السماء وداخل على سليمان وسط الجنود من الجن والإنس والطيور والكل مترقب يا ترى هيحصل إيه للهدهد 🙊
فتكلم الهدهد وقال لسليمان عليه السلام :
أنا عرفت معلومات إنت متعرفهاش مع إني هدهد صغير ضعيف، وإنت نبي وملك وعندك كل الجنود دي فأنا عندي معلومات خفيت عنك👌
"فَمَكَثَ غَيْرَ بَعِيدٍ فَقَالَ أَحَطتُ بِمَا لَمْ تُحِطْ بِهِ وَجِئْتُكَ مِن سَبَإٍ بِنَبَإٍ يَقِينٍ"
أنا كنت في مملكة سبأ ولقيت الحاكم إللي بيحكم المملكة امرأة غنية جدا وكرسي العرش بتاعها عظيم
"إِنِّي وَجَدتُّ امْرَأَةً تَمْلِكُهُمْ وَأُوتِيَتْ مِن كُلِّ شَيْءٍ وَلَهَا عَرْشٌ عَظِيمٌ"
☆طيب ياهدهد إنت مالك يعني تحكمهم امرأة ولا رجل هتفرق إيه🤨
الهدهد استنكر وجود امرأة في الحكم لأن ده مش مكان النساء،
ربنا خلق المرأة طبيعتها مختلفة عن الرجل عشان هي لها دور في الحياة زي ما الراجل له دور،
المرأة بنية جسمها ضعيفة ومشاعرها بتغلب عليها عشان هو ده إللي هتحتاجه لما تيجي تقوم بدورها وهو تربية أبنائها ومراعاتهم ،
ودي حاجة معروفة من قديم الزمان ومسمعناش من أول آدم عليه السلام إن في امرأة بتحكم بلد قبل ملكة سبأ،
فطبيعي إن الهدهد يستغرب من الموضوع🤷♀️
زي استغرابنا لو شفنا طفل يحكم بلد 😅
وحتى في شريعة الإسلام المرأة لا يجوز إنها تتولى الرئاسة أو القضاء👌
¤طيب وهو كده ميبقاش في ظلم لقدرات المرأة وخصوصا إن نساء تولت الرئاسة ونجحوا🤔
هل لما الضابط يقول للعسكري خليك واقف هنا ...ده مكانك احرسه بحياتك عشان العدو ميدخلناش منه محدش هيقدر يحمي المكان ده غيرك ..هل ده يكون انتقاص من قدرات الجندي، ولا كده الضابط بيوجه قدرات العسكري للمكان الصحيح المناسب له عشان يستفيد منه والعسكري يثبت نفسه فيه👌
وده بالضبط معنى حديث رسول الله صلى الله عليه وسلم:
"وده معنى" لَنْ يُفْلِحَ قَوْمٌ وَلَّوْا أَمْرَهُمْ امْرَأَةً
الإسلام لم ينتقص من قدرات المرأة ولكنه وجهها في المكان المناسب لها،
وخلال حكم رسول الله صلى الله عليه وسلم وحكم الخلفاء الراشدين وخلال القرون الثلاثة الأولى مكنش في امرأة تفكر بس مجرد تفكير إنها تطمع في حكم مثلا،
لأنها عارفة إن ده مش مكانها ...مش مكانها إنها تختلط بالرجال...مش مكانها إنها تسافر من هنا لهنا عشان تعمل المعاهدات والاتفاقات...مش مكانها إنها تقود الجيوش للجهاد...غير كده جسمها بيضعف مع الحمل والولادة والرضاعة وتركيزها بيقل ومشاعرها بتغلب عليها فإزاي هتحكم بين الناس🤷♀️
وكون إن في نساء تولوا الرئاسة ونجحوا، فبغض النظر إن النساء دي ماشية بدستور وضعه رجال ومعاها منظومة متكاملة بتساعدها على إدارة الحكم،
خلينا نقول إنها نجحت بذاتها فدي حالات نادرة جدا على مر التاريخ ومينفعش إطلاقا القياس على النادر 😉
ثم الفلاح معناه فلاح الدنيا والآخرة،
ممكن الإنسان يفلح في الدنيا لكن مش معنى كده إن ربنا راضي عنه، وهيكون له الفلاح في الآخرة برده👌
فالهدهد شاف عند مملكة سبأ فساد في الحكم وفساد تاني أخطر منه 😳
