قصص الأنبياء

#قصة_سليمان(٢)

#قصص_الأنبياء
#الحلقة_الأربعون
#قصة_سليمان(٢)

كنا واقفين عند سليمان عليه السلام لما كان راجع من الجهاد وسمع صوت...وكان الصوت صوت نملة بتنصح باقي قرية النمل إللي هي عايشة معاهم وبتقولهم:
ادخلوا بيوتكم تحت الأرض، أحسن سليمان وجيشه يقتلوكم وهم مش واخدين بالهم👌
"حَتَّى إِذَا أَتَوْا عَلَى وَادِي النَّمْلِ قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لا يَحْطِمَنَّكُمْ سُلَيْمَانُ وَجُنُودُهُ وَهُمْ لا يَشْعُرُونَ"

☆إحنا ممكن نشوف الجملة دي عادية جدا لكن الجملة دي فيها فوائد كثيرة😊
منها:
♡أول فائدة: إن إللي اتكلمت 《نملة》...نملة عادية ملهاش أي منصب ولا أي مكانة ومع ذلك نصحت باقي قرية النمل عشان مصلحتهم،
مقَلِتش مثلا طب وأنا مالي أنصحهم ليه...هو أنا يعني كلامي إللي هيأثر🙄...وأصلا لو نصحتهم ماهم ممكن ميسمعوش كلامي عشان أنا مش معروفة ومجرد نملة بسيطة😑
وكمان في نمل تاني شايف جنود سليمان.. ماهم إللي يتكلموا ...أنا مليش دعوة خليني في حالي...وكمان فين دور الملكة والجنود مش المفروض إنهم إللي ياخدوا بالهم من المخاطر دي😕
أنا هخليني في نفسي وأنقذ نفسي وخلاص😤
هي مجرد ما شافت جيش سليمان عليه السلام نصحت وخلاص عملت إللي عليها👌
وحتى لو باقي النمل مسمعش كلام النملة فعلى الأقل شالت اللوم من عليها...يعني محدش هيقدر ييجي يقولها بعدين إنتي محذرتناش ليه ؟ ..ولا هي هتلوم نفسها وتقول ياريتني كنت نصحتهم😔
فمهما كانت معلوماتك بسيطة..مهما كنتي شايفة نفسك حاجة صغيرة ..مهما شفتي الناس مش هتسمع كلامك وإنك مهما قلتي ونصحتي مفيش فايدة...انصحي برده..بلغوا عني ولو أية😊

♡الفايدة الثانية: حسن الظن😊
كان سليمان عليه السلام معروف إنه نبي، والأنبياء اخلاقهم عظيمة، فطبيعي إن إللي عنده أخلاق ميطلعش منه العيب أو الأذية لغيره،
فسليمان وجيشه لا يقتلوا النمل ولو حصل وقتلوهم فهيكون القتل بدون قصد غير متعمدين👌
مثال من واقعنا...لما يكون في حياتك شخص متعرفيش عنه إلا كل خير، وحصل منه موقف في الطبيعي إنه ميطلعش منه الموقف ده،
فالمفروض إنك تقولي أكيد هو عمل كده وهو ميعرفش أو عمله بدون قصد أو عمله مضطر أو...أو...
عارفين أقرب حاجة للموضوع ده إيه وواضحة أوي، موضوع الشيوخ والعلماء،
الشيوخ والعلماء《المُعتبرين》 عارفين عنهم من ظاهرهم إنهم ناس بتتقي الله وبتعلم الناس الخير من سنين،
فلما يوصلني كلام عن إن حد من العلماء دول عمل حاجة مخالفة للي نعرفه عنه نعمل زي نملة سليمان عليه السلام ونقول:
أكيد مكنش يقصد...أكيد الكلام اتنقل عنه غلط...أكيد كان عنده عذره أيا كان👌
  لو طلع الكلام صح وإنه فعلا تعمد الخطأ و...و... يبقى أنا  مخسرتش أي حاجة نهائي بل العكس ربنا يأجرني على حسن ظني😉
فحين إنه لو طلع بريء وأنا أسأت الظن فيه واتكلمت عليه بأي سوء...فأكييييد أنا الخسرانة👌