#قصص_الأنبياء
#الحلقة_الواحدة_والخمسون
#قصة_آل_عمران
#مريم_زكريا_يحيى_عيسى(١)
كنا واقفين قبل ما نبدأ قصص القرآن عند بني إسرائيل لما كانوا عايشين في بيت المقدس تحت الحكم الفارسي وبعدين تحت الحكم الإغريقي وبعدين تحت الحكم الروماني،
وقلنا إن في حاكم روماني اسمه هِيرُودِس هو إللي كان بيحكم فلسطين والحاكم ده دخل اليهودية ولكنه كان ظالم وفاسد والكل كان بيكرهه حتى اليهود وقلنا إنه جدد المسجد الأقصى ووسعه،
ده كان حال الوضع في فلسطين بصفة عامة، ندخل بقى للوضع في بني إسرائيل بصفة خاصة،
بني إسرائيل إللي كانوا عايشين في فلسطين في الوقت ده كانوا من نسل يهوذا ..إللي كان فيه نسل ملوك بني إسرائيل،
واحنا عارفين إن الملك والنبوة اتجمعت تاني مع بعض لداوود وسليمان عليهما السلام😉
فبني إسرائيل الموجودين تحت الحكم الروماني في فلسطين هم من ذرية داوود وسليمان عليهما السلام👌
كان في بني إسرائيل أهل بيت صالحين ..من العباد وكانوا من نسل سليمان عليه السلام،
أهل البيت ده كان معروف بين بني إسرائيل بالتقوى والصلاح وشدة العبادة،
"إِنَّ اللَّهَ اصْطَفَى آدَمَ وَنُوحًا وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ"
اسمهم آل عمران..الأب اسمه عمران وكان كبير العباد والأحبار يعني العلماء في بني إسرائيل بيرجعوا له في كل شيء وزوجته اسمها حَنّة،
وكان لها أخت اسمها أَشْياع وزوجها اسمه زكريا، ويقال إن أشياع دي بنتها،
فالموضوع على خلاف بين العلماء 😅
المهم في يوم من الأيام حَنة زوجة عمران شافت عصفورة بتأكل عيالها الصغيرين في العش فتحركت عاطفة الأمومة وبقى نفسها في طفل وكانت كبيرة في السن،
☆زي كده لما تشوفي طفل صغير لسه مولود ويبقى نفسك في طفل زيه،
أو واحدة خلاص اكتفت من العيال بس لما تشوف طفل مع واحدة صاحبتها أو أختها نفسها تشتاق للأطفال 😉
فده إللي حصل مع حَنة زوجة عمران اشتاقت للأطفال فدعت ربنا إنه يرزقها بطفل ونذرت إن إللي في بطنها ده هيكون لله، يعني عابد لله عشان ينصر الدين،
وكان موضوع نذر الأولاد ده للعبادة في بيت المقدس مشهور عندهم، وتمّنت إن الطفل ده يكون ذكر عشان الذكر مختلف عن الأنثى في العبادة،
"إِذْ قَالَتِ امْرَأَةُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي إِنَّكَ أَنتَ السَّمِيعُ الْعَلِيمُ"
الأنثى بيجلها وقت وتنقطع عن العبادة بعكس الذكر،
وفعلا حملت لكن لما ولدت كان المولود أنثى🙊
فقالت يارب دي طلعت بنت😥
والولد مش زي البنت في العبادة😔
"فَلَمَّا وَضَعَتْهَا قَالَتْ رَبِّ إِنِّي وَضَعْتُهَا أُنثَى وَاللَّهُ أَعْلَمُ بِمَا وَضَعَتْ وَلَيْسَ الذَّكَرُ كَالأُنثَى "
☆طبعا ربنا يعلم إنها بنت وحنة عارفة إن ربنا يعلم إنها بنت بس بتقول كده كأنها مستغربة هي كانت عايزة حاجة معينة ونيتها حلوة لكن ربنا أعطاها عكس ماهي عايزة 🤔
أقرب لكم المعنى😁
ولله المثل الأعلى ...عارفة لما تكوني بتطلبي من باباكي ولا من زوجك مبلغ معين من الفلوس عشان تشتري هدوم مثلا تقولي له عايزة ألف جنيه ..فتلاقيه أعطاكي خمسمائة،
فتقولي له دول٥٠٠ خمسمائة 🤨
وهو عارف إنه مديكي الخمسمائة..أهه تقريبا نفس المعنى 😉
بالرغم من إن المولود طلع بنت مش ولد ..حنة زوجة عمران مقالتش خلاص بقى أهه يارب إنت إللي قدرت كده ..هعمل إيه يعني ،
فخلاص هرجع في النذر بتاعي وهخلي البنت معايا وهستنى لما ترزقني بولد بقى 💁♀️
، لأ دي صممّت إنها تكمل في القرار إللي أخذته وتستغل الحاجة المتاحة إللي ربنا أعطاها لها 👌
و سمت البنت مريم ومريم معناها العابدة،
يعني يارب ولد ولا بنت خلاص إللي إنت أعطيته لي هستغله ومش هضيعه 😤
ودعت ربنا إنه يعصمها من الشيطان هي وذريتها🤲
"وَإِنِّي سَمَّيْتُهَا مَرْيَمَ وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ"
ودي صفات الإنسان الصادق في عبادته لربنا المستسلم لقدر الله إللي مش بيتبع هواه..نشتغل بالموجود إللي ربنا أعطاه لنا 👌
☆نقف هنا ياجماعة وقفة😊
حنة زوجة عمران كان نفسها في حاجة معينة بصورة معينة وكانت نيتها فيها طيبة،
زي لما تدعي بحاجة معينة بصورة معينة وتبقى نيتك فيها طيبة،
لكن ربنا يعطيكي حاجة عكسها خالص..فتبدإي تشكي في نفسك ..تُشكي في ربنا والعياذ بالله والشيطان يبدأ يوسوس لك وتدخلي في متاهات 😶
لما حنة ربنا أعطاها عكس إللي كان نفسها فيه عملت إيه😊
استغلت الموجود 👌
زي مثلا واحدة نفسها تلبس النقاب وأهلها مش موافقين وفي مشاكل كتير ..تقعد تقول نفسي ألبسه ..هموت يا جماعة..طيب دلوقتي دي حاجة مش متاحة شوفي إللي ربنا أعطاه لك 😅
عندك الصلوات الخمس حافظي عليهم مع السنن بتاعتهم،
عندك القرآن ..إقرإيه واحفظيه..عندك صيام التطوع..عندك أخلاقك إللي عايزة تتظبط..تقدري تلبسي عبايات واسعة وتقدري تلبسي خمارات طويلة،
وتغطي على وشك بالخمار من الجناب وتلبسي جوانتي وممكن تلبسي حتى ماسك طبي..
كل دي أبواب مفتوحة ليه جيتي عند الباب المقفول ووقفتي 😕
فهي تقول لأ ..إلا ألبس نقاب زي البنات 😤
طيب ما نستغل المتاح ياجماعة إللي ربنا أعطاه لنا زي ما حنة إمرأة عمران عملت..مفيش😑
ممكن برده واحدة نفسها تتعلم علم شرعي وعمالة تقول مفيش مساجد إزاي اتعلم و...و...
طيب يا حبيبتي ما النت عندك وفيه كل المحاضرات لأي عالم ولا شيخ ممكن تتخيليه وفي كل الموضوعات وتسمعي وتقرإي وإنتي حتى على سريرك ،
