#قصص_الأنبياء
#الحلقة_الحادية_والعشرون
#قصة_يوسف(٣)
قبل ما نكمل باقي القصة في نقطة مهمة لازم نعرفها في تفسير آية:
"وَلَقَدْ هَمَّتْ بِهِ وَهَمَّ بِهَا لَوْلَا أَنْ رَأَى بُرْهَانَ رَبِّهِ "
لأن في ناس ومنهم أهل الكتاب اتّهمت يوسف عليه السلام وقالوا كان هيعمل الفاحشة مع امرأة العزيز وكلام كتير كده😑
معنى الآية إن امرأة العزيز أرادت فعل الفاحشة لما ربنا قال: "وَلَقَدْ هَمَّتْ بِهِ"
ولكن يوسف عليه السلام مجاش في باله حتى إنه يطاوع امرأة العزيز، يعني حتى نفسه ما اشتهتش الفاحشة كطبيعة بشرية ،
يعني هو كرجل أعزب وامرأة ذات منصب وجمال تدعوه فكأي نفس بشرية على الأقل يفكر ولو للحظة في الموضوع ومع ذلك يوسف عليه السلام مجاش في باله أصلا إنه يفعل الفاحشة بسبب برهان ربه😁
والبرهان ده حاجة ربنا خلاه يشوفها، ومفيش فيها نص واضح وورد فيها كلام كتير من أهل الكتاب،
في مفسرين قالوا إن البرهان ده هو الإيمان إللي ربنا ألقاه في قلب يوسف عليه السلام وكان سبب في عصمته من الوقوع في الفاحشة، والله أعلم، وقالوا إن ربنا أوحى ليوسف عليه السلام إنه يهرب، لأن مفيش قصاده حل تاني 👌
ففي الآية ربنا بيقول:
"وَهَمَّ بِهَا لَوْلَا أَنْ رَأَى بُرْهَانَ رَبِّهِ"
فلولا برهان ربه إللي هو الإيمان موجود في قلبه أو الوحي إللي جاله ،كان زمانه على الأقل نفسه الأمارة بالسوء هتدعوه لفعل الفاحشة، فيوسف عليه السلام مجاش أصلا على باله ولو ثانية كده فعل الفاحشة👌
زي مثلا لما تقولي: كان زماني متلجة من البرد لولا إني لابسة جاكت تقيل، فإنتي مش متلجة ولا حاجة لأن الجاكت موجود😉
نرجع بقى لنسوة المدينة إللي سمعوا باللي عملته امرأة العزيز مع يوسف قالوا إيه😈
قالت النساء : إلحقوا 🤭مرات العزيز تراود العبد بتاعها وهو مش راضي😏 حبها ليه وصل للدرجة دي🤭ده إيه الضلال إللي هي فيه ده😌
"وَقَالَ نِسْوَةٌ فِي الْمَدِينَةِ امْرَأَةُ الْعَزِيزِ تُرَاوِدُ فَتَاهَا عَنْ نَفْسِهِ قَدْ شَغَفَهَا حُبًّا إِنَّا لَنَرَاهَا فِي ضَلَالٍ مُبِينٍ"
كان رد فعل امرأة العزيز إيه ؟ ربنا بيقول" فَلَمَّا سَمِعَتْ بِمَكْرِهِنَّ" مقلش فلما سمعت قولهن، مع إن ظاهر الكلام إنه كلام عادي😕
ركزوا معايا كده شوفوا كمية المكر إللي في السطرين دول😮
أول حاجة قالوا (امرأة العزيز) يعني : يا شيخة اتكسفي على دمك إنتي مكانتك مش زي مكانة أي حد😏
وكمان إنتي امرأة متزوجة...يعني لو واحدة مش متزوجة كنا إلتمسنالك العذر🙄
وكمان بتراود مين ؟ عبد يعني ..مش حر ... وإللي زيك تراود واحد من مستواها...ملك ...وزير.. واحد من الطبقة الراقية ..مش عبد😑
وكمان هي إللي بتراود ...يعني لو هو إللي بيراود وهي قَبِلت كان ممكن نعديها لكن هي إللي بتراود،
وقالوا تراود فعل مضارع يدل على الإستمرار يعني هي لسه مستمرة مش راودت وخلاص مرة وتابت،
وكمان العبد مش قابلها وحافظ حق الراجل إللي أكرمه،
وهي محفظتش حق زوجها، يعني إيه المهانة إللي إنتي حطيتي نفسك فيها دي، للدرجة دي هتموتي عليه😏
وكمان من المكر إنهم قالوا الكلام ده من ورا ظهرها..غيبة يعني😅
إحنا مستحيل نوصل للضلال إللي هي فيه ده😤
