လရိပ်, ရှင်းသန့်တို့ လမ်းထိပ်နားရောက်တော့ ရှင်းသန့်ရဲ့ အနက်ရောင် land Cruiser ကို ဘေးမှ ဖြတ်သွားသည်ကို မြင်ရတော့ ရင်ထဲ အေးခနဲ ။
ညနေမှ ရောက်မည်ဟု ထင်ထားသော သူက အစောကြီး ရောက်လာသည် မို့ အံ့ဩသွားရသည်။
အတိုင်းအဆ မရှိ ခုန်နေသော နှလုံးကြောင့် ကားကို ဘယ်လိုမှ ဆက် မမောင်းနိုင်တော့ . . . လရိပ် ကားလေးကို လမ်းဘေးမှာတချက်ချကာ ရပ်လိုက်သည်။
ရင်ထဲတွင် ဒွိဟများ ဖြစ်နေသည်က ရှင်းသန့် ကိုလည်း အရမ်းတွေ့ချင်မိသည်။ တွေ့ရမှာလည်း ကြောက်သည်။
' ရှင်းသန့် လရိပ်ကို မေ့များသွားပြီလား? မေ့ များသွားခဲ့ရင် '
လရိပ် ဆက်မတွေးရဲတော့ ကားကို ပြန်ကွေ့လာလိုက်သည်။
✨ ✨ ✨ ✨ ✨ ✨ ✨ ✨ ✨ ✨ ✨ ✨
"လရိပ် ဘာ မေ့ကျန်ခဲ့လို့လဲ "
ရှင်းသန့် အမေရဲ့ အမေးကို လရိပ် ခေါင်းထဲမှာ ကြိုတင် စဉ်းစားထားသော အကြောင်းပြချက်ကို ပြောပြလိုက်သည်။
" စောစောတုံးက ရှင်းသန့် ကားကို မြင်လိုက်တယ် အဲ့ဒါ သူ့ ကို ၀တ်စုံ ၀တ်ခိုင်းပြီး အဆင်မပြေရင် တခါတည်း ပြန်ယူသွားပြီး ပြင်လို့ရအောင် ပြန်လာတာပါ အန်တီ"
"ဪ အေးအေး သားက အပေါ်မှာ ရှိတယ် လရိပ် တက်သွားလိုက် "
✨✨✨✨✨✨✨✨✨✨✨✨
ရှင်းသန့်ကို တွေ့ချင်ဇောဖြင့် အပေါ်ထပ်ကို မပြေးရုံတမယ် တက်လာခဲ့လိုက်သည်။
တံခါးနား ရောက်တော့ လက်များလည်း တုန်နေပြီး ရင်တွေလည်း ခုန်နေမိသည်။
တုန်ရီနေတဲ့ လက်နဲ့ တံခါးကို ခေါက်လိုက်တော့ . . .
"၀င်ခဲ့ပါ"
အရမ်း လွမ်းနေခဲ့ရသော အသံကို ကြားလိုက်ရသည်။
လရိပ် အခန်းတံခါးကို ဖွင့်ကာ ၀င်သွားတော့ ရှင်းသန့်က လရိပ်ကို ကြောင်ကြည့်နေသည်။ ထို့နောက် ရှင်းသန့် မျက်လုံးများကို ပွတ်သပ် လိုက်ပြီး လရိပ်ကို ကြောင်ကြည့်နေ ပြန်သည်မို့ . . .
YOU ARE READING
မာနမင်းသား ရဲ့ လရိပ်ရောင် (Uni + ZawGyi)
Teen Fictionဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...
