ဒီ Condo ခန်းလေးထဲတွင် အတူတူ ပြန်နေဖြစ်သော အထိမ်းအမှတ် အဖြစ်
ချစ်ရသောသူ မနိုးခင် Romantic ဆန်သော မနက်စာကို ပြင်ဆင်ပြီး surprise လုပ်ပေးချင် မိပေမယ့် . . . . .
မီးဖိုခန်းထဲ ၀င်ရန် အိပ်မက်ပင် မမက်သင့်သော ရှင်းသန့်၏ ဟင်းချက် အစွမ်းကြောင့်
ပိန်လှီ မဲကြုတ်နေသော ပေါင်မုန့် မီးကင်လေးက မီးသွေးတုံးလေး အလား အားငယ်နေရရှာသည်။
မီးလောင်သွားသော ဒယ်ပိုင်းလေးကို အဝေးသို့ လွှင့်ပြစ်ရင်း
" ကိုကို Master chef Myanmar မှာ သွားပြိုင်ပါလား ? "
ရီချင်နေသော မျက်နှာကို ချုပ်ထိန်းရင်း မေးလာသော လရိပ်ရောင် ကို
"ကိုကို့ skill ကို မြင်တာနဲ့ ဒိုင်တွေက Winner အဖြစ် တန်း ရွေးလိုက်မှာလေ အဲ့တော့ ကျန်တဲ့ သူတွေ အတွက် ဘယ် တရားမလဲ ? "
လက်ကျန် မာနများကို အဆုံးအထိ ကာကွယ်နေမိသော သူ့အတွက်
ဆည်းလည်းသံလေး အလား ချစ်စဖွယ် ရီသံလေးကို လက်ဆောင်ရလိုက်သည်။
မီးသွေးတုံး တဖြစ်လဲ ပေါင်မုန့်မီးကင် လေးကို အမှိုက်ပုံးထဲ လွင့်ပြစ်လိုက်ပြီး
လရိပ် ယူလာသော Cereal ခွက်ထဲ နွားနို့ထည့်ရင်း စားနေမိတော့
"ကိုကို "
"ပြောစေ ~ "
လရိပ်က တခုခုကို ပြောချင်နေသည်မို့ စားလက်စ cereal ခွက်ကို ဘေးသို့ ချရင်း ဂရုစိုက် နားထောင်နေမိတော့ . . .
"လရိပ် . . . . Designer ပြိုင်ပွဲ တခု ၀င်ပြိုင် ချင်တယ် "
သူ မမျှော်လင့်ထားသော စကားဖြစ်နေသည်မို့ အံ့ဩသွားရသည်။
"ဒါကလေ Channel 20 က နောက်လထဲမှာ ကျင်းပမယ့် designer ပြိုင်ပွဲ "
သူ့လက်ထဲသို့ ပေးလိုက်သော လရိပ်ရဲ့ ဖုန်းမျက်နှာပြင် ထက်က ပြိုင်ပွဲ poster ကို သူ သေချာ ကြည့်ရင်း
"ချစ်က ဘာလို့ ပြိုင်ချင်တာလဲ ? "
" အဲ့ဒီ့ ပွဲမှာ အနိုင်ရရင် designer လောကမှာ ရပ်တည်ဖို့ နာမည် တခု ရလာလိမ့်မယ် အဲ့ဒီအခါကျ လရိပ် အတွက်ရော Fashion Castle အတွက်ပါ အကျိုးအမြတ်တွေ အများကြီး ရနိုင်တယ်လေ အဲ့ဒါကြောင့် လရိပ် ပြိုင်ဖို့ စဉ်းစားလိုက်တာ . . . . ကိုကို လက်ခံလား ?"
YOU ARE READING
မာနမင်းသား ရဲ့ လရိပ်ရောင် (Uni + ZawGyi)
Teen Fictionဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...
