ရုပ်တရက် ကျွီခနဲ ပွင့်လာသော တံခါးနဲ့အတူ ဆေးရုံခန်းထဲ ၀င်လာသူက လရိပ်ကို အံ့ဩသွားစေရသည်။
" ဘာလို့ ဒီကို . . . "
လရိပ်ကို ပြုံးပြနေသော ထိုလူက . . . .
"ရှင်းသန့် ?!"
ရှင်းသန့်က လရိပ်ကို ပြုံးပြလိုက်ရင်း တံခါးကို ပြန်ပိတ်လိုက်သည်။
"ကိုကို အိမ်မပြန်ဘူးလား "
" ဟင့်အင်း ကိုကိုလည်း လရိပ်နဲ့အတူ ဒီမှာ စောင့်အိပ်ပေးမယ် "
ရှင်းသန့်က သူ ယူလာသော လက်ဆွဲအိတ်ကို နေရာလွှတ်တခုတွင် ချလိုက်ရင်း
" မနက်ဖြန် ဒီကနေ ရုံးတက်ဖို့ လိုတဲ့ ပစ္စည်းတွေရော လရိပ် အတွက် လိုမယ့်ပစ္စည်းတွေရော ကိုကို အကုန် ယူလာခဲ့လိုက်တယ် "
" ဒါပေမယ့် ကုတင်က တခုတည်းလေ "
လရိပ် စကားကို ရှင်းသန့်က ပြုံးလိုက်ရင်း တခုတည်းသော လူနာစောင့် ကုတင်ပေါ်တွင် လှဲလိုက်ပြီး
" အတူတူ အိပ်မှာပေါ့ ဘာဖြစ်လဲ "
ရှင်းသန့်ရဲ့ ထို အပြုံးကို လရိပ် သိနေသည်မို့
"ဘာစကားလဲ "
လရိပ် မျက်နှာလေး ရဲသွားသည်ကို ရှင်းသန့်က သဘောကျစွာ ရယ်လိုက်ရင်း
" ကိုယ်က ရိုးရိုးသားသား အိပ်ဖို့ပြောတာကို လရိပ်လေးက မဟုတ်တာတွေ တွေးနေတာကိုး "
ရှင်းသန့် စကားကြောင့် လရိပ် မျက်နှာ ခရမ်းချဉ်သီး တလုံးလို နီရဲသွားတော့သည်။
" ဘာလို့တွေးရမှာလဲ မတွေးဘူး "
ခြေထောက်လေးကို ဆောင့်ရင်း အဝေးကို ထွက်သွားဖို့ ပြင်လိုက်တော့ ရှင်းသန့်က နောက်က သိုင်းဖက်လိုက်ရင်း ကုတင်ပေါ် ဆွဲချလိုက်တော့ လရိပ် ရှင်းသန့် ကိုယ်ပေါ်ကို ပြုတ်ကျသွားရသည်။
" ဒီလိုလေး အိပ်ရအောင် ချစ်လေးရာ "
လရိပ် ခါးလေးကို ဖက်ထားသည်မို့ လရိပ် ဘယ်လိုမှ ထ မရ ။
နောက်ဆုံး မတတ်နိုင်တော့ ရှင်းသန့် ရင်ဘတ်ေပါ်ကို ခေါင်းလေးမှီရင်း လက်လျှော့လိုက်ရသည်။
BINABASA MO ANG
မာနမင်းသား ရဲ့ လရိပ်ရောင် (Uni + ZawGyi)
Teen Fictionဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...
