လရိပ် ရှင်းသန့်ကို အခန်း အပြင်ဘက် တွင် စောင့်နေချိန် လရိပ် ဘေးနား လာရပ်သူ ကြောင့် လန့်သွားမိသည်။
" ကိုယ့် ကို အဲ့လို သရဲတစေ လို မကြည့်ပါနဲ့ ကလေးရယ် "
ဦးသီဟ က လှောင်သလို ပြောလိုက်သည်။
လရိပ် ထွက်ပြေးမည် လုပ်တော့ ဦးသီဟက လက်ကို ဖမ်းချုပ်ထားသည်။
အားကောင်းသော ဦးသီဟကို လရိပ်ဘယ်လို ကြိုးစားကြိုးစား ရုံးမထွက်နိုင် ။
"မလောပါနဲ့ ကလေးရယ် ကိုယ် နဲ့ စကား ပြောရုံလေးပါ ခဏ လိုက်ခဲ့ "
ဦးသီဟက လရိပ် လက်ကို ဆွဲရင်း elevator ဆီ ခေါ်သွားတော့ လရိပ် ရုံးကန်ရင်း သူ ခေါ်ရာ နောက်ပါသွားရတော့သည်။
"ခင်ဗျား လရိပ်ကို လွှတ်! "
Hotel အသစ် ဖြစ်သည်က တကြောင်း ၀န်ထမ်းများ အားလုံး ဖွင့်ပွဲ အခန်းနား ကျင်းပရာ အောက်ထပ်တွင် ရှိနေသဖြင့် လရိပ် အော်သံကို မည်သူမျှ မကြားမည်ကို သိပေမယ့် လရိပ် လက် မလျှော့ ရှင်းသန့် လရိပ် အသံကို ကြားမည်ကို ယုံကြည်သည်။
✨✨✨✨✨✨✨✨✨✨✨✨✨✨
ဦးသီဟ က လရိပ်ကို အပေါ်ဆုံးထပ် 11 လွှာ အပန်းဖြေ ပန်းခြံ ပြုလုပ်ထားသော နေရာသို့ ခေါ်လာခဲ့သည်။
" ခင်ဗျားကြီး ကျွန်တော့်ကို လွှတ် "
" လွှတ်မှာပါ ကလေးရယ် ။ ခုနက ရှင်းသန့် နဲ့ တုံးကတော့ အဲ့လို မအော်ဘူးနော် ဟင်းဟင်း "
ဦးသီဟ က လှောင်ပြောင် ပြောဆိုလိုက်ရင်း လက်ကို လွှတ်ပေးလိုက်သည်။
" ခင်ဗျား ဘာပြောချင်တာလဲ "
"မင်း ဘာလို့ လမင်းမောင် အိမ်ပေါ်က ဆင်းသွားတာလဲ "
" ခင်ဗျားနဲ့ ဘာဆိုင်လို့ လဲ "
"မဆိုင်သေးပေမယ့် နောက် ဆိုင်ရမယ့် လူတွေလေ။ မင်းက တနေ့ ကိုယ့် ယောကျာ်း ဖြစ်လာမှာ "
ဦးသီဟ ရဲ့ ခနဲ့နဲ့တဲ့တဲ့ အပြုံးတွင် လရိပ် လက်သီးကို ကြစ်ကြစ်ပါအောင် ဆုတ်လိုက်မိသည်။
ကိုယ့် ထက် အသက်ကြီးသူ တယောက်ကို လရိပ် လက်မပါချင်ပေမယ့် ယုတ်မာလာရင်တော့ . . .
YOU ARE READING
မာနမင်းသား ရဲ့ လရိပ်ရောင် (Uni + ZawGyi)
Teen Fictionဒေါသ မာနကြီးသော ရှင်းသန့်မင်းနောင် တစ်ယောက် အေးချမ်းလှသော လရိပ်ရောင် နှင့် တွေ့ဆုံလာသောအခါ . . . ေဒါသ မာနႀကီးေသာ ရွင္းသန႔္မင္းေနာင္ တစ္ေယာက္ ေအးခ်မ္းလွေသာ လရိပ္ေရာင္ ႏွင့္ ေတြ႕ဆုံလာေသာအခါ . . . Top Ranks #1 BL #32 Original character #42 Myanmar #...
