MY LITTLE BRIDEGROOM [ Completed ]

Part - 6

#Unicode
မနက်ခင်းနေရောင်နုနုလေးကအိပ်ခန်းတွင်း ဖြာကျလာတဲ့အခါ Tae Hyung ရဲ့မျက်လုံးလေးတွေ အိပ်ချင်မူးတူးနဲ့ တဖြည်းဖြည်းပွင့်လာခဲ့တယ် ။ ပြတင်းပေါက်မှန်မှတဆင့်မြင်နေရတဲ့ နေရောင်နုနုလေးတွေနဲ့ထိတွေ့နေသော လေတိုက်တိုင်းလှုပ်ခတ်နေတဲ့သစ်ရွက်စိမ်းလေးတွေကို သဘောကျစွာစိုက်ကြည့်နေမိတယ် ။ ထိုစဉ် သူ့ခါးကိုတင်းတင်းကြပ်ကြပ်ဖက်လာတဲ့လက်တွေကြောင့်ရုတ်တရက်လန့်သွားမိတာတော့အမှန် ။

အလန့်တကြားဘေးကိုစောင်းကြည့်မိတော့ CEO Jeon ရဲ့ မျက်နှာချောချောက သူ့မျက်နှာလေးနဲ့နီးကပ်လွန်းစွာ။ သူ့ရဲ့ခါးကိုလည်းသန်မာတဲ့လက်ကြီးတွေနဲ့တင်းတင်းကြပ်ကြပ်ဖက်ထားပြန်တယ် ။ အိပ်ရင်းရဲ့ လှမ်းဖက်တာဟုသိမှ သူ့မှာ သက်ပျင်းချနိုင်တယ် ။ သူမကြည်ဖြူတာကြောင့်တညလုံး သူ့အပေါ်စောင့်ထိန်းပေးခဲ့တဲ့လူကြီးကို စိတ်ထဲမှာအမှန်တကယ်ကျေးဇူးတင်မိသည် ။

မနက်စာချက်ဖို့ အိပ်ယာထရန် ဖက်ထားတဲ့လက်တွေကိုအသာယာလေးခွာထုတ်တော့ တချက်ရုန်းကာ ပိုလို့ပင်တိုးဖက်လိုက်သလို ။ အနားပိုတိုးကာ ပုခုံးပေါ်မျက်နှာအပ်ကာနေနေသောသူက အိပ်နေတဲ့အချိန်မှာတော့ ကလေးလေးတစ်ယောက်လိုပင် ။
အိပ်မောကျနေသော အနီးကပ်မြင်နေရတဲ့မျက်နှာချောချောကိုကြည့်ပြီး ငိုချင်လာသလို ဝမ်းနည်းလာသလို ။ ထိုခံစားချက်ကြီးနဲ့အတူ မျက်ဝန်းမှမျက်ရည်တွေကဝေ့သီလာခဲ့ပြန်တယ် ။

ဘာလဲ ဒါဘယ်လိုခံစားချက်ကြီးလည်း။ Kim Tae Hyung မင်းဘာတွေဖြစ်နေတာလည်း ။ ထူပူလာသောခံစားချက်ကြီးက တကိုယ်လုံးတဖိန်းဖိန်းတရှိန်းရှိန်းစီးဆင်းလို့နေတယ် ။ ဒါကဘယ်လိုခံစားချက်ကြီးဆိုတာကိုသူနားမလည် ။

ကြောက်နေတာလား မင်းကြောက်နေတာလား Kim Tae Hyung ။မင်းအလိမ်တွေပေါ်သွားမှာမင်းကြောက်နေတာမလား ။ ကိုယ့်အပေါ်ဖြောင့်မတ်ရိုးသားတဲ့လူကိုလိမ်ရတာမင်းမရှက်ဖူးလား ။ အမှန်တွေသိသွားရင် သူမင်းကို မုန်းသွားမှာ ရွံသွားမှာ ။

ဆစ်ခနဲ ကျင်ခနဲ ရင်ထဲကခံစားချက်နဲ့အတူ ပါးပြင်ထက်တလိမ့်လိမ့်စီးကျလာခဲ့ပြန်တဲ့ မျက်ရည်နွေးနွေးတွေ ။ ဘာလို့ ငါက သူမုန်းမှာကိုကြောက်နေမိတာလဲ ။ ဘာလို့လဲ ။ အဖြေရှာမရသော ပုစ္ဆာကို တယောက်တည်းစဉ်းစားပြီး သူ့ရင်တွေနာနေခဲ့သည် ။ ဘာလို့သူ့ရင်တွေနာနေရတာလည်းသူမသိ ။