MY LITTLE BRIDEGROOM [ Completed ]

Part - 11

#Unicode

" ဟယ်လို ဖိုးဖိုး "

" အေးမြေးလေး နေကောင်းတယ်မလား ။ ငါ့မြေးကမိန်းမရပြီးတည်းက ပျောက်ချက်သားကောင်းနေတော့ ဖိုးဖိုးကဆက်ရတာပေါ့ ဟား ဟား ဟား "

" အာ ... တောင်းပန်ပါတယ်ဖိုးဖိုးရယ် ကျွန်တော် အလုပ်တွေပိနေတာ။ ဟုတ်သားဘဲ ဖိုးဖိုးဆီမလာဖြစ်တာလည်းကြာပြီ။ ဖိုးဖိုးနေကောင်းတယ်မလား "

" ဒေါင်ဒေါင်မြည်ပါတဲ့ဗျာ။ ငါ့မြေးအလုပ်ရှုပ်နေတာဖိုးဖိုးသိပါတယ် ။ အဒါမလို့ ဒီညနေ ဖိုးဖိုးလာခဲ့မယ်။ မြေးမလေးကိုလည်းတွေ့ချင်လို့ "

မြေးမလေးကိုတွေ့ချင်လို့ဆိုသောစကားမှာ ငယ်ထိပ်တည့်တည့်မိုးကြိုးပြစ်ချလိုက်သလိုပင်။ ထိုင်နေရာမှပင် ဝုန်းခနဲထရပ်လိုက်မိသည်အထိ ။

"ဟို ကျွန် ... ကျွန်တော် တို့လာခဲ့မယ်လေဖိုးဖိုး "

" ရပါတယ်ငါ့မြေးရယ် မင်းအဖိုးကိုလူအိုကြီးလိုမဆက်ဆံပါနဲ့ သွားနိုင်လာနိုင်သေးပါတယ်။ ဖိုးဖိုးလာခဲ့မယ် မြေး company ကပြန်ရောက်တာကိုစောင့်နေမယ် "

" ဟိုလေ ဖိုးဖိုး "

" ကဲပါလုပ်စရာရှိတဲ့အလုပ်ဆက်လုပ်တော့ ။ ဒါဘဲနော်မြေးလေး "

ပြောပြောဆိုဆိုနဲ့ ph ချသွားပြီဖြစ်တဲ့အဖိုးဖြစ်သူကြောင့် သူ့ရင်ထဲ အလုံးကြီးစို့တက်လာခဲ့သလို။ သူမရောက်သေးဘဲနဲ့ အိမ်ကဟာကို ဖိုးဖိုးမြင်သွားခဲ့လျင်မတွေးရဲစရာကိစ္စတွေဖြစ်လာတော့မည်။ မတ်တပ်ကြီးရပ်လျက်ပင်ဟိုပြေးရမလို ဒီပြေးရမလို ။ အခုမှမြောက်မီးခဲကိုင်မိသလိုအဖြစ်။

ဒီအချိန်မှာ အလုပ်ထက်အရေးကြီးနေတာသူ့အိမ်က ကိစ္စ။ ဖိုးဖိုးမရောက်ခင် အိမ်ကိုသူအရင်ရောက်မှဖြစ်မည်။

" အတွင်းရေးမှုး Kim"

" ဟုတ်ကဲ့ရှင့် "

" 1: 30 meeting ကိုဖျက်လိုက်ပါ။ ကျွန်တော် အရေးကြီးကိစ္စရှိတယ် "

" ဟုတ်ကဲ့ CEO "

စကားပြော ရင်းဖြင့်အမြန်လိုနေသော သူဌေးဖြစ်သူကိုကြည့်ကာနားမလည်နိုင်။ အလုပ်အတူလုပ်လာသည့်သက်တမ်းတစ်လျောက် ဒီလိုအလျင်စလိုဖြစ်တာကိုတခါမှမတွေ့ဖူးခဲ့။ အိတ်ထဲကို ပစ္စည်း တွေကောက်ထည့်ကာ ချိတ်ထားသောကားသော့ကိုအလျင်အမြန်ဆွဲဖြုတ်လျက်ရုံးခန်းထဲကနေထွက်ခွာသွားပြီဖြစ်သည်။