One-Shot Stories Compilation

Contingent Triumph

Author's Note: Ahem, ito po yung story na ngayon ko palang nagawa sa Bisaya na term. Hindi naman po ako magaling magsulat ng bisaya, pero kakayanin ko naman. So sana basahin n'yo.

Nalipay kaayo ko kay bisan ug pobre, naa gihapon miy makaon matag-adlaw. Bisan wala na ang akong mga ginikanan kay nangita ug kalaing pikas, nabuhi gihapon ko sa kamot sa akong uyuan ug iyaan. Ang akong iyaan nga igsoon sa akong amahan, maoy nanginabuhi isip padre de pamilya sa among panimalay. Ug ang akong uyuan nga bana sa akong iyaan maoy nagpuyo sa balay ug nagbantay sa pulo ka mga anak ug ako. Dili man pulo g'yud ang gibantayan kay ang uban nga mga bata kay dagku na ug tua na sa layo nga lugar gatrabaho.

Bisa'g gakalisod, naningkamot mi arun makakaon. Ang iyaan nako tua sa dagat aron makakuha ug mga anindot nga mga isda para makakaon mi ug luto kay napul-an na mi sa kanunay'ng lugaw. Tua s'ya sa newlok ug didto na magpagabii, pero usahay kay maabtan sila ug pila ka mga adlaw aron masiguro nga naa gayu'y kuha. Lisud gyud ang kinabuhi namo kung wala naglabandera ang akong uyuan sa among mga silingan kay kanunay mang naa sa dagat ang akong iyaan. Kami pud nga mga bata, tua sa dagat, dili maglangoy langoy, kundili manginhas mi aron ibaligya sa mga kasilinganan. Ug karon, mao na ang among gibuhat.

"Syay!" pagtawag nako sa akong ig-agaw nga manghud nako ug isa ka tuig. "Hunas na!" pagpadayon nako ug tawag.

"Hala mga bata manginhas na ta!" misiyagit s'ya sa sulod sa balay namong gamay.

Human adto, ning dagan ko padulong sa sulod ug gipangita ang itom nakong sanina aron suoton kung manginhas. Mao pud ang akong mga ig-agaw, nag-ilis pud sila, ang uban nanguha ug sundang, kunsara, ug sudlanan para andam na tanan. Dayun nanglakaw na mi tanan.

Ug dagat ang hisgutan, malipay kaayo mi ana Kay diha man ang among panginabuhian. Nagpasalamat gayud ko sa Ginoo nga gibuhat Niya ang maanindot nga dagat nga naay klase-klaseng makaon aron kami mabuhi sa adlaw-adlaw.

Nanginhas na mi dayon lingaw kaayo. Bitaw oy, daghan kaayo ming nanginhas dayon naay nagsiningita, ug nangayagit kay nahadlok sa mga mananap sa dagat nga gibuhat sa atong Ginoo. Sige mi ug katawa sa mga sablay nga joke sa akong ig-agaw. Dili man mi nangatawa tungod sa iyahang joke g'yud kay ang iyang bus-ok nga katawa ang among gikataw-an. Hastang lipaya namo labi na kung makakuha mi ug mga dagko nga mga kinhason ug bunguton nga litob. Naa pay mga iro nga magdinakpanay, murag mga bata nga naglapok-lapok sa tunaan. Naa poy kauban namo sa dagat; sila mao ang mananagat ug gabii, mga bata, batan-on ug mga tigulang nga ulitawo nga nagpalupad ug bisa'g unsang klase ug kolor nga tabanog. Banha pa g'yud ang dagat kay naa'y magsigi'g iyak kay giaway. Naa g'yud sa dagat magsigi ug tambay ang mga bata kay walay klase ug kun wala miy mabuhat. Naa pay mga bata nga dili kauban sa among pamilya pero ilang ginahatag ang nangakit-an nga mga kinhason sa amoa kay dili man ang pagpanginhas ang ilang gustong trabahuon. Tua'y mga tunok kay magtini-il man mi, kung nagsuot ug tsinelas pud, ma-nga lapok pud ang among mga sanina; mao ra gihapon walay laing kapilian unsa pa edi magtiniil, mahal biya ang sabon.

Sa dihang nalingaw na 'ko, wala na nako nahinumduman ang mga gamit nako. Nawala ang sundang nga gubaon! Miuli na mi sa balay kay gabii na ug taob na pod. Kadtong mga kuha namo kay naa ra sa balay, wala pa namo gibaligya kay gabii na biya. Gihinluan nalang namo ang mga kuha.

Pagkabuntag, sila ilang gibaligya ang among mga kuha, dayon gipangita nalang nako basin kasab-an ko sa tag-iya sa sundang. Usa pa nga akong gibuhat sa dagat, nangita pod ko ug kahoy para ibulad kay gamiton namo ug sugnod.

Samtang wala ko naghuna-huna sa akong paglakaw kay busdak-bustak man ug taob-taob pa ang dagat, nagdugo ug natunga tungod sa sundang ang akong tiil. Nag-iyak-iyak ko ug tuda kay sa sakit nga akong nabati.

***
Don't be so careless even you already masterize the movement or event. Just like the protagonist, she was so careless that she gain a huge debt.

-outofwordtheater