""""""""""""""""""""
رواية جديدة ...
الحلقة الـ1 من رواية.....
#مغتربة_في_وطن_العشق ....🌿💌
..........................................................
( ملحوظة :: كلـ شخص يتكلم عن نفسه ... )
:::::::::::::::::
>> في فصلـ الشتاء ... وفي الاجواءة الباردة ... كانت هناكـ عائلة بسيطة صغيرة متكونه من #شخصين ... جالسين أمامـ التلفاز لي مشاهدة أجملـ المسلسلات ... ولكن من نوع #الاكشن ... مع كأس من السحلب الدافء ... ومع الاضااءة الخافته ... ومع صوت اجهزة التدفئة ... ... كان صرخها أقوى من كلـ هذاااا ... <<<
...............................
ملاكـ :: ( بي نظرات التعصب وبي حدة في الكلام ) صفاااااء .... تي اسكتي عاد ... معقولة ؟
صفاء :: ( ولا هيا هنا ) يااااربي شوفيه غير شوفيه ... تي اسااساً مايعرفش يحط سيناريو كانه انا المخرجة ( وهيا واقفة ع صالون ) كنت بنحط الولد هوا البطل وبيقتلها وبيحاولو شرطة يشدووه لكن مافيش فايدة وتنتهي القصة مع جزء تاني هههههههههـ
ملاكـ :: ( تشبحلها وتستنى فيها تكملـ باش تركز فيها كيف متعصبة وهيا تشبحلها شبحة العصبية متع الام ) !!
صفاء :: ( بعد ماقعمزت وهيا تنشر في ابتساماتها .... ) ( شبحتلها ) خيركـ ماما ؟
ملاكـ :: ( بي ضحكة أستهزاء ) لا واللهي ؟؟؟!
صفاء :: ( بي استفزاز وبرادة ) اااه واللهي ههههههـ خيركـ ؟
ملاكـ :: مش مركز انكـ درتي العار حتى نهاية الفيلم مافهمتش شن صار فيه .... مية مره ي ماما نقولكـ لما تتفرجي خلي الي معاكـ يتفرجو ... وانتي ضروري تنشري بطولاتكـ ولا ؟
صفاء :: ( ساكتة وهيا تبتسم عن طريق عيونها )
ملاكـ :: ( ناضت من ع صالون ) تبي نزيدكـ سحلب ؟
صفاء :: ( نزلت راسها وبدت ف تصرفات البراءة المعتادة لي صفاء ) لا انا زحلانه ..
ملاكـ :: ( شبحة لي سقف بي ضحكة ونزلت راسها تاني لي صفاء )ههههههـ لالا ماتزحليش ونوضي كان بديري معاي لعشاء ...
صفاء :: هههههـ باه ... لكن بشرط .... ( شبحتلها ) تخليني نمشي ؟
ملاكـ :: هيه هيه علينا رجعنا لي نفس الموال ؟ لا قلت انا ...
صفاء :: ماما قوت بتمشي معاي علاش هكي ؟ ... باللهي عليكـ ,,,, ماماااا
ملاكـ :: ( وهيا ماشية للمطبخ ) لالالالا خلاص ......
صفاء :: امالا تعشي بروحكـ مانبيش ..... تصبحي ع خير
ملاكـ :: صفااء ( طلعت راسها من المطبخ ) صفاااء نكلم فيكـ انا .... ربي يهديكـ ي بنتي ع تصرفات صغار الي عندكـ ,,,
.........................
( سلاام انا ملاك .... أم لي بنت وحدة .. عندي اخت واخ بس يعيشو بعيد عني ... راجلي متوفي ... واغلا حاجة عندي هيا صفاااء بنتي نحبها ومانقدرش نعيش من غيرها وهيا أملي الوحيد ف الحياة )
........
( ي مرحب ... انا صفاء ... بنت جميع العيوب تملكها ... عنيدة .. عصبية ... مجنونة ... بس طيبة ولساني عسل ... أكتر شخص نحبه ف دنيا ماما وتاني قوت أعز صديقة ليا ... وحاتعرفوني مع الحلقااات )
..........
( صبح )
( بينما ملاكـ مقعمزة ع لاب تشتغلـ طلعت صفاء وهيا لابسة حوايجها ومجهزة روحها للكلية خدت فونها من قدام أمها من غير ماتكلمها .... قامت ملاكـ عيونها وشبحتلها وهيا تقول >>
ملاكـ :: شن قصدكـ بي تصرفات هاذي ؟
صفاء :: قصدي مانبيش نكلمكـ .. ( قالتها وهيا تشبح لي تلفونها ) انا ماشية ....
ملاكـ :: صفاء !! ... شوفي انا بي كيفي مخلياتك تمشي مع قوت وتروحي معاها وبكيفي سامحتلكم تطلعو لي كافي ولي مطاعم انتي وياها بي علمي .... بس لو نسكر راسي انا نرفعك ونجيبك لا كافي لا مطعم فاهمه .... تصرفاتكـ هاذي تحاولي تغيريها ...
صفاء :: باهي شن الفرق لما نطلع انا وياها وانه نطلع اا وياها ولبنات .. قصدي مافهمتش علاش قلتي لا ... انتي ماتعرفيش اميرة ومرام صحباتي علاش تحكمي عليهم هكي ؟
ملاكـ :: ( بي عصبية وهيا تحط ف لاب وقفتلها ) ماحكمت ع حد .... لكن جاوبيني انتي وين المشكله انكم تجو لي حوشنا وتسهرو هنا علاش تبو تطلعو ف نص ليل تسهرو ف مقاهي برا ومن امتى بناتنا يطلعو الوقت هذا ؟؟؟؟؟
صفاء :: ماما لو سمحتي ركزي مش ف نص ليل انا قلتلك ساعة 7 وبعدين شن بنبات برا انا ....
ملاكـ :: لااا شكله تفااهم معاكـ صعب وعنادكـ ع الحاجة مستمر لين انا نغير راي ولا ...
صفاء :: ( مع رفعة الحاجب بي معني اي صح )
ملاكـ :: مش حانغير راااي وانتي افهمي عااد العمارة كلها يسمعو في محظراتك الا انتي ياسري عاااد ... امشي يالله وساعة 3 تكوني ف الحوش فاهمه
صفاء :: ( قعدت واقفة )
ملاكــ :: ( وهيا تربع في ايديها وتشبحلها )
صفاء :: ( بصوت واطي ) ماما ...
ملاكـ :: ( بي تضحكـ مش قادرة ) اممم ؟؟؟
صفاء :: ( بصوت واطي اكتر ) فكري ف الموضوع .. وكلميني
ملاكـ :: ( وهيا تقرب ف وذنها لي صفاء ) نعم ؟؟؟ مافهمتش ؟
صفاء :: ( بصوت عالي وهيا مسكرة عيونها )سمعتييييييييني ... ( فتحت عيونها مع نظرة البراءة وابتسامة الخبث ) يالله باي ي مامتي ....
ملاكـ :: ( هيا مستغربة فيها هالمهبولة ) ههههههههههـ لاحولا ولا قوة الا بالله ....
.........................................................................
( بينما في منطقة تانية بعيدة كلـ البعد عن منطقة صفااء ... كانت تلكـ العائلة السعيدة المتكونة من خمسة اشخاص الاب والام والاولاد .... )
"""""
سوسن :: ماما شن هذا الي ف الكوشة ؟؟؟؟
( رد أمير في استهزاء )
أمير :: حوايج انشريهم ...
العيلة :: ههههههههههههههـ
أصالة :: سكر فمكـ ههههههـ .... الباسطي ي سوسن شوفيه بنتي كانه طاب طلعي خلاص نبيه يتحمر انا ع اساس ...
سوسن :: اي هوا تحمر لين تحمر يعني قصدي وكلكـ مفهومية هههههههـ
الشباب :: ههههههههههههههههـ
أاصالة :: نحرق قصدكـ ؟؟؟؟ نهااارك الابيض ي بنيتي وين عقلكـ اللطف وين كنتي ( تتكلم وهيا نايضة جايتها )
أمير :: الله غالب مخلفة عاهات بعيد عنكـ ههههههههه ...
ناصر :: تحشم ي ولد ....
أمير :: حااضر ...
قصي :: بست ... ( قالها بي هدوء وهوا يشبح لي أمير من جيهة تانيه )
أمير :: ( قام راسه بينما كان مشغول ف الفون ) ( هز بي راسه بي معنى شنو )
قصي :: ( يأشر بي رأسه جيهة بوه )
أمير :: ( بعد مافهم ) أأأه ..
قصي :: ( خبط رأسه )
ناصر :: خيركـ ي فرخ ؟؟؟
أمير :: أأه راسي ... راسي والله مانحكيلكـ ياااحاج صودااع بعيد عنكـ ,,
ناصر :: من امتى ؟. ... كيف هكي ماتقولش نوض نرفعكـ نعاينكـ نووض
امير :: تي لالا غير قعمز .... شن نوض نرفعكـ هيا .... تخااايل راجل زي الحيط رافعه بوه يعاين فيه ...
قصي :: هههههـ خليه خيله تو يولي حاله باهي ( وهوا يفنص في أمير ويأشر بي راسه )
أمير :: اي حق بوي قولي ... أرض جدي هاذي الي في جيهة الحوايز ...
ناصر :: خيرها ؟
أمير :: بعتوها ؟؟ ولا بتبعوها ؟؟
قصي :: ( خبط راسه ع مرتين ف الكلمات )
امير :: ( يشبحله متع امالا شن بنقول )
ناصر :: لا علاش ؟
أمير :: لا سلامتكـ غير نسأل ....
اصالة :: جيبي قهوة لي خوتكـ وبري ...
أمير :: وين ان شاء الله ؟
اصالة :: لي صاحبتها شن ماتمشيش ؟
أمير :: اااه باه وروح بيها بكري قصي ...
قصي :: ( وهوا مستغرب ) من هيا ؟
أمير :: أختكـ ,,, ولا بالكـ ماتبيش ترفعها ... ناس كلهم عندهم خوت يرفعو فيهم الا هيا .... اهو قلتلك محاضرتها قبلـ ماتجي هيا تقولها
سوسن :: ( خشت بكلـ قوة واندفاع ) اي اي امالا شنو صحباتي كلهم يرفعو فيهم ويجيبو فيهم الا انا تلعبو بيا زي الكورة كل واحد يشوط فيا ل تاني
امير :: ( وهوا مركز ومتعمق ف كلامها شبحلها وشد لمخدة حذفها بيها )يشوووط ؟؟؟ يشوووط ي زبالة
...
اصالة :: ههههههـ نوض وليدي نوض ( وهيا طبط ع قصي )ارفعها وانا جبت غير قصي اصلاً .....
أمير :: لالا أبداً (وهوا وااقف يتكسل ) لقيط انا لقيط ههههههههـ
العيلة :: هههههههههههههههههههـ
...
( بعد ماطلع أمير ... وقصي رفع سوسن )
اصالة :: شن صار ف موضوع الحوش ؟
ناصر :: شن بنقولكـ واللهي مالقيتش حوش ... لكن لقيت شقة فخمة حلوة ونازكةة كبيرة ... ماشاء الله واللهي عجبتني انا
اصالة :: باهي كويسة وكم اجارها ؟
ناصر :: مزال ماتفهمتش مع ناسها ... سألت عليها قالولي مراءة قلت امشي انتي
اصالة :: باهي كيف ووين ؟
ناصر :: والله ماشاء الله شقة ع بحر دور رابع حلوة ونازكة عمارة محترمه ب ناسها والله تقولي حوش واحد كلهم ... ويشكرولي ف صاحبتها ...
اصالة :: اي امالا شن تستنى ارفعني ليها وقتي ...هههههـ
ناصر :: اي انتي عااد مهبول وزعرطو ف وذنه هههههههههـ
اصالة :: حرام عليكـ والله نخنقت هنا الحق ورتحتلها هاشقة من قبل مانشوفها
ناصر :: غدوا بأذن الله نمشو نشوفوها ...
اصالة :: ان شاء الله .....
........................................
( ف الكلية )
مرام :: خلاص ريحي روحكـ امكـ عندها الحق فوتيها طلعة هاذي
أميرة :: اي وشن رايك نجووك ف الحوش نهيجو عادي شن فيها ... تي فكيها عاااد خلاص
صفاء :: ماشي بنااات خلاص فوتو الموضوع ...
أميرة :: تي انتي فوتيه جوكـ معكرتيه اليوم .....
قوت ( متكيه ع الكرسي ومربعة ايديها وتهز ف رجلها وتشبح لي صفاء رافعة حاحبها )
مرام ::ااااي انتي ريحينا درهتيلي كبدي وانتي تهزي بي رجلكـ وترتيني من غير سبب
صفاء :: ( شبحتلها ) ابلطيها كلمتكـ يالله .... ابلطي ابلطي نستني
قوت :: تي معقووولة مضايقة ع خاطر موضوع زي هذا بعيدن انا شن قلتلكم فوتوها طلعة ولا ؟؟؟ قلتلكم ماتجيش منها وعارفة خويلة ملاك بتقول لا ... وانتي مش قلتلك ماتساليهاش ولا ؟
صفاء :: ( سكتت )
أميرة :: ههههههـ ي مامي خووفت تنفعي اخصائية اجتماعية ... تي غير وكان تقوليلي شن دخلكـ اسنان شن تبي فيه هههههههه
صفاء :: ههههههههـ ولا ؟
قوت :: كه كه كه عجباااتكـ هلبه عااد انتي
مرام :: خلاص قوت عندها حق ياسركم نكد اليوم يالله ...
أميرة :: عندنا كوز اليوم ولا ؟
مرام :: ولا ؟؟ نهار احرف عليك ناسيه كان عندنا ولا لا
قوت :: لا وااااضح عندي مستقبلك ي اميرة نشوف فيه ههههههههههههه
صفاء :: لما بتخدم بعد التخرج بتبداء تذكر بي سيف زعما عندي موعد اليوم ولا مااعنديش ههههههههههـ
اميرة :: ووووووك شن هذاا ي كلمتي وليلي ....
البنات :: هههههههههـــ ,,
مرام :: اششششش خلااص جي حبي جي .... ( قالتها وهيا شادة تلفونها وتفتح ف راديو )
قوت :: حب شني هذا الي جي ف تلفون ؟؟؟؟
أميرة :: شن الهدووء الي انتم في هذا ههههه..
مرام :: اسمعو اسمعو حبي ناااا ي حليلي ياريت نشوفه ..
صفاء :: تي من هااالبلوه هذا ؟؟؟
مرام :: اسمعو ... >>>
((>> ألآذاعة >>))
المذيع :: السلااام عليكم اعزائي المستعمين .... طبعاً الكلـ يعرف اانه انا مانحبش المقدمااات ومانحبش نطوول في الحديث هههههـ المهم انه بنعطيكم الارقام الي تتوصلو فيها عن طريق رسائل او عن طريق الاتصالات وبعدين نخشو ف موضوعنا الاساسي ....
:::::::::::::
( قالتها وهيا منزله راسها معاهم وتسمع )
قوت :: ألا انا !!
( شبحولها البنات ف صدمة )
قوت :: ( رفعت راسها وتشبحلهم ) قصدي هوا قال كلكم تعرفو انه مانحبش المقدمات والكلام قلت الا انا ...
مرام :: ترا نوضي من جنبي نوضي ( وهيا دف فيها )
أميرة :: تصدقي حتى انا هههههههههههههههـ
وصفاء :: وانا هههههههههههههـ
مرام :: مبردككككككم وووك نوضو نووووضو نسمع بروحي ...
صفاء :: لالالالا خلاص بنسمعو ع شن يحكي ...
أميرة :: صح اي خلي نسمعو بالكـ نستفيدووو
قوت :: علاش برنامج طبخ هوا ؟ ( قالتها وهيا تشبحلهم )
( شبحولها نفس شبحة )
أميرة :: لالا المره هاااذي نوضي بجديات
البنات :: هههههههههههههههههههـ
(>> ألآذاعة >>>)
المذيع :: ( وهوا حاااط ايده ع سماااعات ويلف بي الكرسي ومغمض عيونه .... )
تك ... تك ... تك ..
( صوت حد يطق ع روشن بي شوية ... )
المذيع :: ( تلفت شبح .... حط اغنية وناااض )
.......
أسمهان :: اااخ منكـ ساعة واقفة نطق عليكـ ... المدير قالب دنيا ع حضرت جنااابكـ
( المضيع بي ابتسامه )
قصي :: خيره ؟
أسمهان :: ههههههـ برا وتعالى وريني الابتسامه الحلوة هاذي بتقعد ولا لا هههـ
قصي :: شن مضايق هلبه ؟ ههههههههـ
أسمهان :: ( وهيا تحرك في ايدها ) يعني ههههههـ يالله توكلـ هههـ
قصي :: تي لالا بري قوليله بدي ف البرناممج والوقت بضيع وتو نجي ...
أسمهان :: باه ههههههـ ..
........................................................
( >> ألآذاعة >> )
قصي :: ورجعنااالكم من جديد أعزائي المستمعين ..... طبعاً كلـ مره نتكلمو بي طريقة مختلفة مره أحديثنا بي العربية ومره نتكلمو بي لهجةةة العشق ...
.....................................
( ف حوش #أصالة )
اصالة :: ناااصر تعالى بدي برناامج قصي ...
نااصر :: اااااي ااااي نسمع فيه فووق ....
اصالة :: باااه ههههـ ...
...................................
( ف خدمة #ملاكـ )
ملاكـ :: ( وهيا تلعب بي قلمها ع طاولة وتسمع في ألآذاعة نفسها ومبتسمة )
.........................
( >> ألآذاعة >> )
قصي :: لغةة العشق .. البعض أستطاعة اثقانها والبعض لم يدركـ معناها لي يتقنها ..... العشق ليست بي كلمة وليست بي مصطلح ... العشق مشااعر تحتويكـ بينما انت في غنى عنها ... اليوم مش اناا الي بنتكلم لا انتم بتتصلو وبتحكوو قصصكم عن العشق ... وانا بنسمع وبنعطي الرأي مش أكتر ... نخليكم مع أحلا أغنية لي أحلا مستمعين ...
......................................................
( لف بي كرسيه لي طاااولة المجااورة ... خدي طاسته وحط سمعاااته ويسمع في أغاااني للحب #تركية .... خشت أسمهان وهيا تكلم فيه بي صبعها ع كتفه )
قصي :: ااااه هههههه ماحسيتش بيكـ ,,,
أسمهان :: اي كلام العشق داااه من ورانا ي روميو ههههههـ
قصي :: أهووو مشاعر تطلع تقوليها وخلاص هههههـ
أسمهان :: ( وهيا تغمز بي عينها ) اسسس
قصي :: ( غمز ) اسسس ااايه هههههههه ....
أسمهان :: معاش تكلمتو ؟
قصي :: مانعرفش خيرها ... معاش ردت عليا من امس ... كلمتها اكتر من مره ...
اسمهان :: تعرف انا مانحبهاش ... ياريت تفوتها مبردها ...
قصي :: لا ايمان بنت كويسة غير هيا عصبية شوية ...
أسمهان :: ماشي ماشي ... شد هااكـ عطيها لي اصولة مش تفتحها ههههههـ
قصي :: هههههههـ حاضر منورة ...
.....................................................
( بعد أنتهى البرنامج )
( ف الكلية )
مرام :: الله ع داااه صوت داااه كان وحشني مووت هههههههههههـ
أميرة :: ان شاء الله تهبلي هههههههـ ,, لكن كلامه حلو ع العشق ومأدرااك ماالعشق
قوت :: انا داااخيت من كلامه المأثر ههههههههـ حبيتووو بيني وبين نفسي هههههههـ
مرام :: هوا ليكـ ي حبي اصلاً شرع حلل اربعة انا وانتي واميرة وصفاء هههههههههههـ
صفاء :: له له له ... لا ي وخيتي اعوذ بالله من العشق الفااسد الا الحب ي كبدي لا انا نحبه ولا هوا يحبني ههههه
قوت :: ( وهيا مغمضة عيونها بي تقزز ) كنت متوقع رد الاهبل داه ههههههه
البنات :: هههههههههههههههههـ
:::::::::::::::::::::::::::::::::::::::::::::::::::
(لسه مع الحلقااات يمتد جمااال الرواية )
#يتبع....
#سلمى ....
