الحلقة 29 من رواية ..🙊
#مغتربة_ف_وطن_العشق 😍🙈💕
...........
( ركبت قوت و أمير و سوسن و نور مع بعض ومشو )
.......
( أمـــــــا بالنسبــة لي عصاافيـــر حب روايتنا ... كانو مقعمزين ف كافي مع بعض ... )
قصي :: ( بي طريقة رومانسيـــة ) أحني امتى بنتجوزو ؟
صفاء :: هههـ , لما يتجوز خوكـ أمير ... أمكـ قالت بنتجوزو مع بعض ..
قصي :: إيح ع عراكهــم بنتجوزو بعــد قرن ..
صفاء :: ههههههههههـ
قصي :: انا معاش نبي نعيش بعد عنكـ بكـــل .. نبيكـ جنبي ديما ..
صفاء :: ههـ حتى انا ... بس الله غالــب حكـــم القوي ههه
قصي :: ( تأملــ ف عيونها .. وبي حرقة وبي لكنة خوف ) تخايلي قاعد ماحسيتش انكـ تحبيني .. و تخايلي انكـ قاعده مسكره راسكـ وماتبيش تعترفي .. ؟
صفاء :: ( نزلــت رأسها .. )
قصي :: ( يشبحلها )
صفاء :: أنا أسفه ... انا معاش فيه عندي مبدء غيركـ انت ... انت بديت كل شئ بالنسبة ليا ..
قصي :: .. إنتي شن درتي فيا ي بنت ؟ ..
صفاء :: ههههههـ ,,
قصي :: نحبك .. تعرفي ولا ؟
صفاء :: لا .. ههههههـ
قصي :: أأأيوااه ... كيف جت هيا ؟
صفاء :: هوا هكي هههـ ,, المفروض الي يحب .. يدير حاجة يعبر بي حبه لي حبيبته ... كلمة نحبك مش هيا بس الي تعبر
قصي :: بلاااش منه جوو حصص تعبير اهوااا .. وخوشي ف المضمون ..
صفاء :: ههههههـ ,, لا هذا المضمون .. إثبت انكـ توووحبني هه
قصي :: أكثر من هكي ؟
صفاء :: يس ههههـ
قصي :: والله ؟ ... ( شبــح لي طاوله الي ف جنبهم .. كانت فيها راجل ومراءة كبار ف العمر شوية ) .. عمي !
صفاء :: ( تشبح وساكتـــه )
...
العــم :: نعم ؟
قصي :: ( مشي وقف جنبـــه .. وقعد يشــبح لي صفاء ويأشر عليها ) شفت البنت هيااا ... أنا نموت فيها .. هيا خطيبتي وبنتجوزو قريب .. لكن لي توا مش مصدقه انه انا نحبها
المقهى ( ألأشخاص ) :: هههههههههههههـــ
صفاء :: ( حاطـــه إيدها ع فمها وتضحكـ )
قصي :: ( وقف شبح للكــــــل ) ي جمااعه .. هاذي اسمها صفاء وهيا خطيبتي .. وانا نموووت فيها .. حد فيكم يفهمها انه انا نحبها
صفاء :: عليك مهبول هههههههه ــ , قصي ؟؟؟ .. قصي تعالى خلاص
( وبدءت شوشرة ف المقهى بي أصوات الضحكـ وبي أصوات الناس تشجع قصي و تقنع صفاء ... وأصبحت كل طاولـــه تشاركـ الاخرى بي الاحاديث .. )
.....................................................
( ف المحــلـ )
سوسن :: شوفي همااا .... محلاهم
قوت :: يهبلللو .. نبي انا وصفاء نفس اللون...
سوسن :: تم معناها نحجزو زوز تواكم ...
نور :: ( من مكان بعيد بي خطوات ) بسسس .. هي انتي وياها
سوسن :: ( تلفتت ) نعم ؟
نور :: تعالو شوفو ...
سوسن :: حاضر .. تعالي
( مشو لبنات جنب نور ويتفرجو ع تواكم القهوة وشاهي والاكل ,, وف نساوين واقفين جنبهم .. وأمير كان واقف بعييد عليهم بي شوية لكن يسمع فيهم )
..
الخالة :: سلام عليكم ..!
(تلفتـــو لبنات )
سوسن :: وعليكم سلام ...
الخالة :: كيف حالكم ..؟
قوت :: الحمد لله بخير . وانتم ؟
الخالة :: الحمد لله...
نور :: ( يشبحــو لي بعضـهم ومش فاهمين )
الخالة :: أنتم جايــن بروحكم ؟؟ ..
سوسن :: اي انا والبنات ... تفضلي خويلة تبي حاجة ؟
الخالة :: ههه والله شن بنقولك .. خوات انتم ؟
قوت :: ( بي عصبية وبي ابتسامة ف نفس الوقت ) لا ياخاله لا .. اقااارب ... علاش ؟
الخالة :: والله من لما خشيتو وانا نشبحلكم الحق .. عجبتيني وكنت نبي نسألك مخطوبة ؟
قوت :: ( نصدمـــت )
البنات :: ( يضحكو من غير صوت )
قوت :: من ؟ ... انا؟
الخالة :: اي هه ...
قوت :: ( إبتســمت إبتسامت خبث وشبحت لي أمير ) .. علاش تسألي خويلة ؟؟
الخالة :: والله زي ماقتلك عجبتيني .. و عندي وليد كل حياته برا جاي الشهرين هاذم بنخطبوله وبيتجوز بسرعه وبيسافر ..
أمير :: ( يشبـــحلها وعصبيتـــه قريب تفجر المحل كلـــه )
قوت :: اااه ... اي فهمت ...
الخالة :: إنتي عيلة منو ؟
أمير :: ( حــس إنـــــه الموضوع خدي أكثر من حجمـــه .. جي وقف جنبهم ) شنوو مزال ؟
قوت :: ( بي تضحك مش قادره )
سوسن :: هذا خوي ...
الخالة :: أهلين وليدي ...
أمير :: اهلين .. هيا شنو مزال ؟
نور :: أستنى شوية الخالة تبينه في حاجة ... شوية ونجو ..
أمير :: ( يشبح لي قوت ... )
قوت :: ( مبتســـمة ... ) اي خالتي .. ولدك معاك صورته ولا لا ؟
الخالة :: لالا اهوااا واقف برا يراجي فينا .. هوا ماشاء الله باله واسع ..
قوت :: ( تبسط للباب هيا والبنات وشاافوه ) اااي ماشاء الله حلوو ..
أمير :: ( تعفلـــق بي كثرة ) شنوو حبيبتي مزااال ؟
قوت :: ( فننصـــت من صدمــه ) !!
أمير :: ( شبح للخاله ) قوت تجهز لي حاجات عرسها وقت لازم نمشو .. سامحينا
الخالة :: اااه انتي مخطوبة ؟؟؟
قوت :: ا(قص)
أمير :: اي .... انا خطيبها ... ( وهوا مبتسمــه بي عصبيــه )
قوت :: للاسف .. ( مبتســمه )
..............
( ف شارع )
أمير :: حلوو صار ؟
قوت :: ( مبتسمه ) اااي علاش الكذب الولد حلو
أمير :: وااالله ؟؟ .. انتي كيف تقولي هكي ؟ .. وكيف ماتقوليش للمراءة انك مخطوبه ؟
قوت :: واالله هوا ولدها حلو علاش بنكذب .... وبعدين شن بيعرفني مرات انت غدوا ولا بعده تفسخ الخطبه وانا هكي يبداء عندي بديل ( مبستمه )
امير :: ( بي عصبية .. غمض عيونه وشبح لي جيهة تانيه بعدين شبحلها ) لا اله الا الله ... انتي مهبوووله ؟ ....
قوت :: ممكن .. ( إبتسامة الاستفزاز )
أمير :: اي معناااها ريحيلي روحك .. أنا مستحيل نسيبك ولا نخليك ونبعد عليك ... لا هذا ولا غيره فوتي المووضوع
قوت :: ( فجأأة تغيــرت إبتسامة الستفزاز .. لي نظرة ملياانه حب و إبتسامه غبية تظهر ع وجهه كل عاشق ) يعني الواحد لازم يدير مصيبة زي هاذي باش يسمع كلام حلووو ؟
أمير :: !!
قوت :: المفروض الكلام هذا تقولهولي كل يوم ... مش لين انا نتفجر من عصبيته وندير مافي راسي ....
أمير :: ( ضحك ضحكة ع جنب ) ههـ عليك مهبوله .... تو ي حماره انا معقوله نخليك ؟؟ ... تي انا نحبك ونموت فيك رغم انك بتجيبيلي سكر وضغط لكن والله نحبكـ ,,, كيف تفكري هكي مافهمتش انا
قوت :: ( لاتعليق )
أمير :: تعالي جاااي ( حضنها ) ههههههـ حمااره معاش ديري هكي قريب رتكبت فيك وف المراءه هذيكه جريمة ..
قوت :: مش حماره انا ...
أمير :: صح هههههه .. انتي حمارتي انا بس ههههههه
قوت :: هههههههـ
سوسن :: هييييييييييي هيييييييي علينا ههههههههه .. وقت رومانسيااات هيا ماااه .... ساعه احنى ف سياارة وانتم هنا ... تي هيا
أمير :: باهي هههههههه ,, هيا حبيبتي
قوت :: هي ...
........................................................
( ف ليلــ )
( بعد ماتلاقو الكلــ إتفقو ع موعد العرس ولي هوا بعد 2 شهرين بس .... اما بالنسبة لي سوسن ف ليث تكلم مع شباب وتفاهم معاهم ... و بيجي يخطب يوم الخميس ... )
....
قوت :: واخيرااً بي نفرحو بيكم عشااق المطار هههههههه
صفاء :: ههههههههـ
سوسن :: بالله اسكتي انا قريب موتت من الخوف لما ناداني ..
قوت :: لا هوا البني ادم هذا تخافي منه حتى وانتي مش مدايره عمله
نور :: ههههههههههـ حرام عليك
صفاء :: الي يسمع مايقولش كنتو بتموتو من الفرحة توا ههههههه
قوت :: اي لا عادي الامور هااذي ..
نور :: ( رن تلفونها ) شوية بس صبايا ..
..........................
( ف البلكونه )
نور :: ألو !
..
حسام :: حبيبتي ..
( لحظــة .. مكالمـــة كـ هذي لايمكن أن تبداء دون سمااع القليل من النغماات الهادئة ... حزنهم وفرحهم وكلمات وغصة حلقهم كلــها تعبر عن الأساءة الذي سببه وجع الحب ...
( تتردد الموسيقة والكلمات عند أحاديثهم ...
( الاغنية التركية ... #bana_birak )
..
نور :: ي عمري انت ... كيف حالك ؟
حسام :: مش كويس ...
نور :: خيرك حسام ؟
حسام :: انا تعبت ..
نور :: من شنو .. حبيبي ماتخوفنيش .... شن فيه صاير شئ ؟
حسام :: تعبت من كل شئ ... والله استااحشتك ... تعرفي شن معناها استاحشتك ... ي نور خلاص مع نقدر ... راهو انا نحبك ونبيك ... مش نلعب
نور :: ي عمري والله نعرف .. وعارفه وحتى انا محتاجاتك .. بس (قص)
حسام :: 10 سنين وانا متعذب ... هاذم 6 سنين وانا وياك ونحلم انه لما نعترف لي اهللك بي نرتاح .. لكن مافيش منها دووه ..
نور :: تمام .... تمام ...اس(قص)
حسام :: واااالله سيبتــه الحشيش ... ومعاش نتعاطى ... بي شنو يبوني نحلف ... وااااالله ي نور معاش مسيته بكل ...
نور :: نعرف ي عمري نعرف لك(قص)
حسام :: لكن مرات نرجعله .... لانه الوحيد الي ممكن ينسيني الهم هذااا ... لكن متأكد انه مش حاننساك ... مش حانخليك ...
نور :: حساااام ... بالله عليك ماتغلطش ... اسمعني .. تعالى تحت عمارة خالتي تعرفها ولا .... تعالي نبي نشوفك
حسام :: مانبيش .... مانبيش نشوفك ساااعه بس ونمشي ... ساعه ماتكفينيش معاك .... نبيك العمر كله
نور :: باااه غير تعالى ... وعد نقعد معاك العمر كله وعد .. والله مانخليك ... حبيبي تسمع فيا صح ؟؟؟
حسام :: ( نقطع الخط )
نور :: اااالو ؟؟؟ ... ااااااالو
( سمعوها لبنات )
نور :: حساااام ... الووو ... حبيبي بالله عليك ماديرش فيا هكي ... اااالو ( قعمزت ع ركبيها وتبكي ) ااالو
سوسن :: نووور .... خيرك ؟
قوت :: ( جو قعمزو جنبها كلهم ) نور ؟؟؟
نور :: حسااام رد بالله عليك رد بالله عليك ... ( وبدي صوتــها يختفي من قوة البكاء )
سوسن :: ي عمري انتي ... ( حضنتها )
قوت :: ( تبكي )
نور :: باللهي عليكم كلموووه كلكم ... كلموووه مانبيش يرجع زي قبل لااا مانبيش ... بالله عليكم
قوت :: خلاص ي قلبي خلاص ....
صفاء :: ( تبكي )
....
#يتبع ..
#سلمى
