الحلقة ال2 من وراية
#مغتربة_ف_وطن_العشق 🌿💌
......................................................
صفاء :: له له له ... لا ي وخيتي اعوذ بالله من العشق الفااسد الا الحب ي كبدي لا انا نحبه ولا هوا يحبني ههههه
قوت :: ( وهيا مغمضة عيونها بي تقزز ) كنت متوقع رد الاهبل داه ههههههه
البنات :: هههههههههههههههههـ
قوت :: هيا نوضي هيا المحاظرة ...
صفااء :: تي باهي ههههههـ ... هيا نوضو
................................
( >> ألآذاعة >> )
( بعد الانتهاء من البرنامج ... طلع قصي ومشي لي غرفة المدير .. قصي عنده شخصية معينة الكلـ يحسده عليها .... الكلـ يوقفو من الخوف لين يرعشو الا هوا ... الدخله متعه جميلة تعطي هيبة لي نفسه ... )
..........
( طق طق طق طق )
المدير :: ( بكلـ جبروت ) تفضلـ ,,!
قصي :: ( فتح الباب ودخل راسه من طرفه ) حتى وكانه انا ؟؟ ( قالها وهوا يبتسم في ابتسامه الاستفزاز )
المدير :: ( قام راسه وبي طرف عينه وهوا متعصب ) قبلـ مانغير رأي !!
قصي :: ( ضحكـ وخش وسكر الباب ) ههههههـ ,,, قالو تبيني ؟
المدير :: وين كنت امس ؟
قصي :: امس مافيش حلقة ؟
المدير :: وكانه مافيش ماتجيش ؟ ... وبعدين انا ماعطيتكش اذن بالاجازة في ايام الي مافيش حلقات ..
قصي :: ( وهوا حاط ايديه في جيوبه .... طلع ايد وحده ومسح بي صبعه ع حاجبه وهوا مسكر عينه .... جبد كرسي وقعمز .. )
المدير :: سألت انا ؟
قصي :: ( دار حركة بي عيونه وراسه بي معنى اي وشن يعني )
المدير :: جاوب !!
قصي :: ( قدم وحط ايده ع مكتب المدير ) انا من قبل مانوقع معاكـ العقد اتفقنا انه لما مافيش حلقة مش حانجي سواء مكتوب هكي ولا لا فهمت ولا ؟ ... يعني شن الي غيركـ توا ...
المدير :: ( يشبحله وساكت )
قصي :: ( دار حركة بي راسه متع شنو ) !!
المدير :: تمام تمام ( قالها وهوا مش راضي عليها ) ... عندكـ غدوا حلقة ؟
قصي :: اي لكن جاب بناخد أذن ..... عندي خدمة
المدير :: مدام عندك خدمة علاش تخدم هنا ؟
قصي :: ( أبتسم ابتسامة ع جنب ) حبيتكـ شوفتكـ تريح .... ( دف الكرسي و وقف ) يالله سلام
المدير :: ( بعد ماطلع قصي ) اللهم لا أسألك رد القضاء ولكن أسألك اللطف فيه ... ربي يصبرني عليكــ ,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
( في #الكلية )
مرام :: باهي تمام تو نشوف ...
صفاء :: مش تو تشوفي تعالي ماتجيش نهارك مطشطش فااهمه
مرام :: ماهو ع العيلة .... وانتي بتمشي ( قالتها لي اميرة )
أميرة :: اي ،، كلمت ماما ...
مرام :: وبالنسبة لي بوك ؟؟ ولا عادي هههههههههـ
أميرة :: ههههههـ قالتله هيا لا مش شوري المواضيع متع الحكومة انا ..
قوت :: هههههههـ باهي غير هيا هيا وقت ي صفاء ...
صفاء :: ( شبحت لي لبنات شبحة وهيا تسكر في عيونها ) هااا شنو نستنى ؟
أميرة :: انا بنجي ( وشبحت لي مرام )
مرام :: تو نشوف ماتشدوهاش عليا .... انتي روحي وانا تو نكلمكـ
صفاء :: باه .... ( ومشت ركبت سيارة .. )
قوت :: ( من روشن ) اسمعي ماااتجيش خلي جووو رايق باللهي عليك خير ماتجي تنكدي علينا بي دكتورك متع الحب هوا هههههههههـ
مرام :: ( بي تسهويك دااخت ع أميرة ) شديني شديني مش قااادرة اسند طولي ههههههههـ
البنات :: هههههههههههههههههههـ
صفاء :: راك تعقلي .... يالله نتلاقووو هههههههـ
::::::::::::::::::::::::::::::::::::::::::::::::::::::::::::::::::::::::
( #المساء )
>><>><<>>
مجد :: ايوااه !
قصي :: ي مرحب ي مرحب بي عريسنا .. مباارك مباارك
مجد :: اسكت وسكر فمك تو مش قتلك تعالى ولا ؟
قصي :: ( وهوا يسوق بي أيد وحده وتانيه يتكلم بيها ) هههههههـ تي غير مش هكي ... والله الا مخنووق من الخدمة مافيها كيف ... تو نجي تو نجي اولـ ماتسكن
مجد :: تي علاش ي راجل معقولة يوم هوا خيرنا ... تعالى اليوم بس احضرني وبرا
قصي :: تمام تو نشوف حاضر باه .... تم والله
مجد :: كلمة راه
قصي :: تي اكيد خيرك كلمة ان شاء الله
مجد :: ( قالها بي نوع من البهجة )ماااشي منور نتلاقووو
قصي :: ( بي ابتسامته المعتادة ) تمام ...
................................................../::::::::
( ف #الحوش )
اصالة :: نااصر تعالى خود قهوة ؟؟
ناصر :: ( من فوق ) هاااي جاي ....
اصالة :: ( بي خطواط طبيعبة ماشية بي اتجاه دار امير ... فتحت الباب )
أمير :: ( يلعب ف بلاستيشن ) اهلاً ..
اصالة :: ههههههـ ماعندكش خدمة اديرها ؟
امير :: بي زمتك ايدي ع راسك انا لو عندي خدمة انديرها بنقعمز نلعب معقولة ؟
اصالة :: مافيكـ غير تسهويكـ وقلة الاحساان اطلع كان بتشرب قهوة ...
امير :: غير تعالي اصالة تعالي ..
اصالة :: نوض ي فرخ ...
أمير :: ( سكر جهاز وناض يجري لف ايده ع رقبتها وقعد يتسهوك عليها ) شن قلتي خيرني شن قلتي هههههههه
اصالة :: ( صوتها غارق وتضحك ) تي حوول ي فرخ ههههههه تي حوول
........................
( ف العرس )
( شباب كلهم كانو واقفين قدام الباب جي قصي وسلم ع عريس و الكل ومشي وقف جنب صاحبه محمد )
قصي :: (واقف وحاط ايد في جيب والايد تانيه يدخن بيها ومتكي ع الحيط بي رجل وحده )
محمد :: من امتى دخااان ؟؟ ( قالها فجأة لانه ماكانش واقف جنبه )
قصي :: ( شبحله ووقف باهي ) تجربة !
محمد :: لا !! ( وهوا رافع حاجب ومنزل تاني )
قصي :: واللهي ... ههههههـ ( رجع وقف نفس الوقفة وشبح لي جيهة الباب وين ماوقف مجد يراجي في عروسته بيخش يطلعها )
محمد :: ( ركز عليه وين يشبح قاله وهوا يتسهوك ) عقبالكـ ,,
قصي :: ( شبحله بي طرف عينه ومن غير نية ) انت قبلي وبعدين نتفاهمو ههههههـ
محمد :: مبردكـ ههههههههـ ,,,
قصي :: ( ابتسم وحدف الدخان وعفس عليه بي رجله وطلع تلفونه ومشي بعيد من عليهم بي خطوات واتصل بيها )
""""
( في البداية كان تلفون يرن وماحد يرد وكان قصي صبره ع الحافة ... وبعد هكي تلفون بدي يعطي مغلق وهنا سكر تلفون وبي قوة ضرب ايده ع الباب ... تلفت وخاف ليكون ف حد ركز لف ورجع لي محمد )
""""""""
قصي :: بنمشي نبارك لي مجد وبنروح بتروح ولا قاعد ؟
محمد :: لا مروح معاك استنى غير مجد خش لما يطلع نسلمو عليه ونمشو ........... خيرك انت ؟
قصي :: ( قالـ وهوا معكرش حواجبه ) شئ ..
محمد :: ( شبح لي لباب وين مافي زغاريط والاغاني ) اهو طلع .....
قصي :: ( قعد يشبح طلعت عروسته ... وطلعو اهلها واهله وراها .....)
( وقت كان يقرب هوا و محمد وتبصو ع روشن مجد )
....
مجد :: أهو جيت شن ترالك ؟
قصي :: ههههـ ولا حاجة غير ضيعتلي وقتي ... يالله تتبارك ان شاء الله
مجد :: تسلم ي صحبة ..
محمد :: مبارك عليك ربي يرزقك بي ذرية صالحة ان شاء الله
مجد :: منور حموود مردودة ان شاء الله
( وقت كانو مجد ومحمد يتكلمو قصي وهوا متكي ع سيارة بي ايده قام راسه جت عينه ع الباب لمح أخت حبيبته أخت ايمان ... وقف كويس قرن حواجبه وقعد يشبحلها ولما طلعت عرفها هيا قعد مركز ومن شدة صدمة طبس لي مجد وبكلـ جرءة سأله )
قصي :: مجد هيا البنت الي طالعة توا هيا هيا الي لابسة عباية سود الي مشت هيا ( وهوا يأشر بي ايده ومجد مطاوعه ) هيا الي بتركب ف البي ام
مجد ::( بي ضحكة بعد ماتلفت لي عروسته شبح لي قصي ) اي خيرها ؟
قصي :: ( وهوا يسأل ) تعرفها ؟
مجد :: ( ضحك و نزل وسكر باب سيارة ....... قالها بي حسن نية ) اي اي اخت المدام .....
قصي :: ( وهنا كانت #الصدمة سكت شوية وبعدين وهوا يلوح في نظراته لي سيارة ولي اختها ولي مجد ولي روحه ) يعني مرتكـ وهاذي .... هييا ... هاذي ( متردد بي كلماته ) أخت مرتكـ ؟
مجد :: ( ضحك وحط ايده ع كتفه وهوا يشبح لي محمد ) تي اي شن عجباتك؟ مخطوبة وللاسف ههههههههههه
قصي :: ( شبح لي سيارة وين ماكنت مقعمزة أيمان بي قفطان العرس جنب شخص تاني .... شبح لي للبنت الي كان يحلم بيها مرته وام ولاده وكان حارق دمه ع خاطرها ... شبح للخاينة الي سيباته ع خاطر واحد اغنى منه .... قعد ساكت ... الوحيد الي حس بي وجعه كان محمد فاهم وعارف قصة قصي كلها )
محمد :: ( وهوا مش عارف شن بيقول من صدمة ) اي تمام مجوود نتلاقو هيا امالا سلامات ( وشد ايد قصي )
قصي :: ( جبد ايده وتلفت لي مجد ... بعد ماسحب كل حاجة من راسه وهوا يشبح وبكل كبرياء ) مبرووك ان شاء الله بي ذرية صالحة ....
مجد :: منوور مردودة ان شاء الله .. تو نهدرزو ههههه
قصي :: ( شبح لي ايمان ) اكيد ... نهدرزو ان شاء الله
( لف قصي وطلع هوا ومحمد مشي قصي ركب سيارته وبي اقصى سرعة عنده )
((::::::::::::::::::::::::::::::::::::::::::::::::::::::
(( >> ألعمارة >> ))
ملاكـ :: ( وهيا مقعمزة ف صالون تتفرج ) حبيبتي !!
صفااء :: ( ف دارها ) نعم ؟
ملاكـ :: انتي مش ماشية غدوا ولا ؟
صفاء :: ( طلعت من دارها وهيا تتكلم ) لالا علاش ؟
ملاكـ :: لا غير نسأل بس
صفاء :: ( قعمزت جنب امها وخدت طاسة وصابت شاهي ) وانتي ؟
ملاكـ :: انا عندي خدمة ... لكن بنروح موخر شوية غدوا ... بنخلي عندكـ مفتاح شقة في ناس بيجو يشوفوها
صفاء :: ناس منو ؟
ملاكـ :: ناس زي اي ناس عادي بيشوفوها ...
صفاء :: اااه باه .. المهم انا عندي صحباتي بيجو غدوا ..
ملاكـ :: ( وهيا تشبح لي تلفزيون وتضحك بس من غير صوت ) كويس
صفاء :: ( بي ابتسامة هزيمة ) مش ضروري تضحكي ..
ملاكـ :: ههههههههههههـ نوضي نوضي كان بتاكلي حاجة انا مانبيش
صفاء :: ولا انا ...
ملاكـ :: اااه حق تسمعو فيه انتم راديو ولا لا ؟
صفاء :: لا ع شنو ؟
ملاكـ :: تسمعو في برنامج حكايات ع العشق ؟
صفاء :: وووووك مبرده ومثقل دمه رززززين لين خلاص
ملاكـ :: عينكـ ههههههههههه محلاه كلامه والله ف صميم يجيبه
صفاء :: ايواااه انت ي صميم ....
ملاكـ :: ههههههههههـ يهبل والله محلاه بجديات ’’ ماتعرفيش تسمعي انتي
صفاء :: ؛( بي استهزاء وهيا تاكل في سبول ) لا انا مانعرف شئ .. لا ناكل لا نسمع لا نلبس لا حتى حاجة هههههههه
ملاكـ :: ههههههههههههـ ,,,,
:::::::::::::::::::::::::::::::::::::::::::::::::::::::
( >>>>>>>
أصالة :: ماااشاء الله محلاه تغير
سوسن :: اااي بعد زواق يهبل ... شوفي دار نومها ... تعرفي ابداع
أصالة :: ان شاء الله اديري زيها ف حوشنا جديد ...
سوسن :: اي حق ماما شن صار ؟
أصالة :: ( حكتلها ) غدوا بنمشي نشوف ان شاء الله قالك بوك شقة لكن تقولي حووش
سوسن :: عادي المهم نحولو ...
أصالة :: نوضي نادي قصي وامير نحطلكم تاكلو
سوسن :: انا مانبيش ....
أصالة :: وخوتك؟ شوفيهم ؟
سوسن :: بااااه ...........
::::::::::::::::::::::::::::::::::::::::::::::::::
( ف دار قصي )
سوسن :: قصووو ... حبي تبي تاكل ؟
قصي :: ( وهوا لاهي يكتب ع لاب ورافع حاجب ومنزل تاني وبدون مايشبح ) لا
سوسن :: ( نزلت راسها اكتر انتبااه ) قصي ؟
قصي :: مانبيش قتلك ..
سوسن :: ( خشت بي تردد ... سكرت الباب وجت جنبه ) حبي فيك حاجة ؟
قصي :: ( وقفو اصابعه عن الكتابه ورفع راسه فوق وهوا مغمض عيونه بي غيض )
سوسن :: قصي !
قصي :: ( دف لاب و وخر ع الكرسي لف بي لكرسي .... شبحلها شد ايديها وغرس راسه في حضن اخته بي تعب )
سوسن :: حبيبي احكيلي خيرك ؟.... متعارك انت وايمان .. باه(قص)
( قاطعها وهوا يقول في كلامت تقطع فيه الف مره ومره )
قصي :: تزوجت !!. .....
سوسن :: ( فنصت بي صدمة كبيرة وقالت ) مستحيل ؟
قصي :: ( ضحك بي عفوية )هههههـ صح ... قلتها لكن للاسف مش مستحيل ...
سوسن :: ( نزلت وقعمزت قدامه ) اي معناها انساها ... عارفة انه مستحيل .... بس تقدر تنساها ... هيا بعاتك انت ماعندك مادير بيها ...
قصي :: ماتخافيش بننساها ...
سوسن :: اي حبيبي اي هيك نبيك .... وين بتلقى زيك اصلاً
قصي :: ( لف بي كرسيه لي جيهة روشن يشبح لي سماااء بي عفوية ) وين بتلقى زي ؟؟؟
سوسن :: ( وقفت ولفت وطلعت )
........................................
( >> ألعمارة << ))
.........
صفاء :: ألو ... ( قعمزت ع الكرسي المقابل لي روشن وهيا تشبح لي سمااء وتكلم في مرام )
مرام :: صفوشتي ... شنج ؟
صفاء :: تمام حبي وانتي ؟
مرام :: تمام الحمد لله اهوو نقرا ونتفرج ونفسفس وخلاص هههههههـ
صفاء :: ( أطلقت ضحكة من خلف تفكير وتخميم ) ههههههـ ,,,
( فترة صمت )
صفاء :: بنسألك؟
مرام :: عيوني
صفاء :: هذا ... ( بي تردد ) هوا الي تسمعو فيه
مرام :: راديو ههههههه.. شن ؟
صفاء :: بلا برادة ...
مرام :: باه شنو ؟ ... ههههـ
صفاء :: هذا الي تسمعو فيه ... حكايات ع عشق !
مرام :: اااه خيره ؟ .. طرفوشي حبيبي غزالي قصدك ههههههههههـ
صفاء :: ( ضحكة من القلب ) ههههههههـ اي هوا اي
مرام :: خيره ؟
صفاء :: عندكـ ليه تسجيلات ؟
مرام :: شووور ي بعدي تبي ؟ .... لا ماتقوليهاش ؟
صفاء :: بناتنا ... قصدي نبي نسمع بس ... نسمع بس ركزي اختي ههههههههـ
مرام :: تي عيب عاد سكري توا نبعتهملك هما هلبه لكن مايغلوش عليك ...
صفاء :: ( فرحةة لي أولـ مره تكون طالعة منها خلف موضوع تافه بالنسبة ليها ) الله ! حبيبتي تمام ي الله نراجي فيكـ
مرام :: تمام سلام صفوشتي يالله تصبحي ع خير
صفاء :: وانتي من اهلو قلبي .....
........................................
.......
#يتبع
#سلمى
