الحلقة ال5 من رواية
#مغتربة_في_وطن_العشق 💌🍃
::::::::::::::::::::::::::::::::::::::
ملاكـ :: ماهو كان تسكتي نفهمو ... خيرك ماما قوت احكيلي ؟؟ ..
صفاء :: نزار ولا ( قالتها وهيا تشبحلها بي غيض غيضها ) ؟؟؟
قوت :: ( سكتت ف لبداية وبعدين ) بعتلي رسالة ... وتقدرو تقولو انهي فيها علاقتنا بي كلمة ...
صفاء :: ( وهيا تحكـ ف سنونها بي بعض .. ) غبي ...
قوت :: ( شبحة لي صفاء ونزلت عيونها ) وبصراحة كان عندك حق لما قلتيلي مش كويس ويلعب بيك ....
ملاكـ :: ( تعب كان واضح ف عيونها وتأثر ع الموضوع ) ... شوفي حبيبتي ( قربت كرسيها من قوت ... شدت ايديها ) كلـ واحد في دنيا بيمر بي تجاارب ... اما بتكون حلوة او بتكون مره ... وانتي تجربتك مع نزار مش اخر دنيا لا سمح الله ي بنتي ... انتي عشتي الحب بس كان الحب من جيهتك ومش من جيهته .... مش انتي الي تحرمي روحك من المشي للكليه ... هوا الي مفروض يتحشم ع وجهه ومعاش يجي يوقف قدامك
صفاء :: ( قربت كرسيها ) وشوفي ي الحب لازم اطلعي سنين الحب عذاااب من عيووونه ايواااه امالا علاش كيدك عظيم ي فرخةة ... هذااا الي كان ناقص ( وقفت نفخت روحها وقامت راسها ) صاااحبة صفاء بي جلالة قدرها ضعيفةةةة اي لا والله جديده
ملاكـ :: هههههههههههـ اي والله انتي وين وضعف وين مدامك صاااحبة هالهبلة
قوت :: ( ضحكة من بين مجموعة دمعات ) ههههههههـ
صفااء :: انا طالعةة بنشوووف عمي ماااجد وانتي جهزي روحك وانزلي ... ( قالتها وهيا طالعة من الباب )
ملاكـ :: تماااام ههههههههههــ ,, يالله نوضي حبيبتي وبعدين تو نهدرزو .
قوت :: ( بي ابتسامة ع جنب ) حاضر ...
...................................................
( قدام المصعد )
صفااء :: ( وهيا تحاااول تخدمه ) ايواااه شكله فاسد .... ( صكرت الباب ونزلت من دروج )
..............................................
( هيا و ف دروج )
صفاء :: احيييييه ( نخبطت و لشوية قريب طاحت ) .... ( شدت في قرقطون '''' هنا يتوقف زمن لحظة لي يبدااء بي بطئ ... مع كل خطوة كانت تحدث كان البطئ رفيقها ومع طيران خصلات شعرها ) ..... ( تلفتت بي كل غيظها ) .. غبي كنت ع شوية كسرتني ....
،،،،،،،،،،
( يلتفت شخص بي منتهى الجمال ... شخصية و وسيم بي عيووون سوداء ... وبي عظلااات كما لا ترى صفاء من قبل ... هنا يرجع زمن لي يمشي بي بطئ مع نظرة صفااء صاادمة لي ذاااك الشخص الي كان امامها )
،،،،،،،،،،،
قصي :: ماشفتكش ....
صفاء :: ( كانت رافعة حواجبها ... فجأة نزلتههم بي تغميض عيونها نص وبي غيض وعصبية ) ليش !! أعممى ؟؟ ... اووو شنووو ؟ .. يالله ( قعدت تحرك في ايديها تتكلم بي شرح ) كللل هذاا قدامك وانت ماشفتش .... حضرت جنابك كيف تبيني نطلعلط طاايرة مثلاً باااش تشوف
قصي :: ( شبحلها شوية وبعدين ... هز رأسه بي هدوء يمين ويسار متع يارب صبر ) تمام ... أسف ...
صفاء :: وين نصرفها هاااذي ان شاء االله ... ( حطت ايديها ع جنابها ) ... لشوية كنت بتكسرني ....
قصي :: ( تعصب ويتكلم بي ايديه ) اي لكن اااهو ماصارلك شئ ....
صفاء :: اااه علاش كنت تستنى لي تصيرلي باااش تتأسف ؟
قصي :: ع فكرة تأسفت ( قالها و هوا رافع حاجب ومنزل حاجب )
صفاء :: اي وين بنصرفها ؟؟؟ ( قالتها وهيا تبتسم ف ابتسامة عبيطة )
قصي :: اللهم اني لا أسألك رد القضاء ولكن أسألك اللطف فيه ( قالها وهوا لاف وجهه جيهة تانيه ومصكر عيونه من العصبية )
صفاء :: ( لفت ونزلت وهيا تمتم ) غبااااء ... معقولة في نااس هكي ياربي ...
قصي :: ( لف وركب وهوا يتمتم ) غبيةةة ... هذا الي كان ناقص ....
...............................
::::::::::::::::::::::::::::::::::::::::::::::
( في سقيفة العمارة الي يكون فيها شقة البواب )
صفاء :: ( وهيا تمتم ... )
أصالة :: مساااء الخير ؟؟!
صفاء :: ( صفاء شبحتلها و أطلقت تفنيصت وضحكة ) اووووو خالتي اهلين ... ( سلمت عليها )
أصالة :: حبيبتي ... كيف حالك ؟
صفاء :: تمام الحمد لله انتي كيف حالك ؟ ... تفضلوو ماما فوق ...
ناصر :: سلام عليكم .... اهلين كيف حالك
صفاء :: اهلين عمي كيف حالك ... تفضلو ...
اصالة :: اي اي راكبين بنتي ... بري انتي كملي وين ماشية تو نركبو
صفاء :: لاا مستحيل انا تو نركب معاكم ... يالله ( قالتها وهيا ماشية بتركب معاهم )
اصالة :: والله ماصارت يالله امشي انتي تو نركبو ,,, هكي ولا هكي بنسكنو هنا يعني من اهل العمارة هههههه
صفاء :: ( ضحكة لين عيونها هربو ) تمام ههههههـ ,,, يالله نتلاقو
اصالة :: ان شاء الله حبيبتي ... يالله ناصر ... يالله مع سلامة
..............................................
( خشت صفاء شافت عمها ماجد ولي هوا البواب ... بصراحة صفاء تحب كل من ف لعمارة وتعامل ف ماجد زي بوها بزبط وتحبه هوا وعيلته ...... وقت كانت صفاء تحت ... عيلة اصالة كانو مع ملاكـ ف شقة )
......................................
( ف شقة )
اصالة :: ( مقعمزين ف صالة ) شنوو قصي عجباااتك ( قالتها وهيا تعلي ف صوتها شوية لي قصي لانه يدور ف شقة )
قصي :: اي .. ( طلع وقف جنبها ) ممتازة حلوة ...
ملاكـ :: انا فرحانه بجد لانه عجبتكم ... واخيراً ... ليا مده ندور ف حد ياااخدها ويريحني .. ههههههـ
اصالة :: هههههههـ اي بنتك قالت هههههـ
ملاكـ :: ( رفعة حواجبها استغراب ) صفااء ؟؟ . هههههههـ اكيد نفخت رااس بالكلام ههههههـ
ناصر :: لا والله ماشاء الله عليها ههههههـ
اصالة :: ااي والله حبوببه ههههههههـ
ملاكـ :: تسلموو هههههههـ ,,, اي شن قررتو ؟
قصي :: ( شبح لي امه وبوه ) انا من رأي ماضيعوهاش .. يعني شقة اربع دياار ومطبخ وحمام وصالة ممتازة ... ورأيكم اكيد ..
اصالة :: اي خلاص معناها .. نوقعو ع بركة الله ههههـ
ملاكـ :: ( مبتسمة )
ناصر :: اي معناها ع بركة الله ...
...................................................
( كملت قوت لبسها ونزلت لي صفااء ...... مشو البنات للكلية ... والعيلة وقعو ع الورقة والامور تمام وشقة صارت شقتهم )
...................................................
( ف سيارة )
قوت :: ( تشبح لي صفااء الي مقعمزتش وهنت روحها وهيا تلعب بي المسجل ) ترااا قعمزي ...
صفاء :: لا ي قلبي ... مافيش اغنية عجبتني شن هذااا ... كل جورج جورج ... مبردك ومبرد هاجورج الي تحبيه ..
قوت :: طبيب جراااح ههههههههههههـ
صفاء :: هههههههههههههههههـ ... واللهي حتى هوا عطلـ زي صبااح امتى بيتوكلـ
قوت :: نهااارك اسود بعيد سووء ... الا جورج ايواه
صفاء :: ياريت حتى كاظم راااهو حبيته معااك مش جورج ...
قوت :: ههههـ الله غالب اذواااق ي بعدي ...
صفاء :: اي اي صح .... ههههههـ
..................................................................
.......................................
( ف سيارة )
قصي :: الو ..
مجد :: تي وين ي رااجل معقولة من عرسي معاش نشوفك ... وخيرك وااخد اجازة من الخدمة ؟
قصي :: ( يرد من غير نية .. لو بي أيده كان طلع من تليفون وقتله ) عادي ...
مجد :: شن هوا الي عاادي ... خيرك ي رااجل ؟؟؟
قصي :: ( خدي نفس بي عصبية ) بنحول لي منطقة ******* مش فاضي
مجد :: اووو هذا الخبر صح ... ( معلومةةة :: مجد يسكن ف المنطقة الي قصي بيحولها ) ووحق في خبر طااقم الاذعة كلهم بيحولو غادي
قصي :: ( بي استغراب ) وين غادي ؟؟
مجد :: للمنطقتك جديدة ي ماان ... المهم في شوية تطورات برا شوف الاذاعة انا ماشي اليوم تعاالى نتلاقو ...
قصي :: ( رجع لي نبرة صوت الي مش طااايق فيها صوت مجد ) تو نشوف .... ( وصكر )
اصالة :: من هذا الي مش طاايق تكلمه اللطف ؟
قصي :: زميل ف شغل ..
اصالة :: شكله بكل والله ههههههـ
قصي :: ( ضحك ضحكة يرضي فيها ضحكة امه ) هههه اي
ناصر :: بتمشي للاذاعة ؟
قصي :: لا علاش ؟
ناصر :: اتصل مديرك .... وقال انه ف تغيرات ف طاقم الاذاعي بيجي طاقم جديد وانتم بتترحلو هنا للمنطقة هاذي
قصي :: مافهمتليش علاش ؟
ناصر :: مش عارف .... تقريباً من قبل بيحولو وهذا وين توفقو ...
قصي :: ممكن ... يعني كويس هكي احسن ...
اصالة :: اي والله هكي لا تسيب خدمتك لا شئ ... الحمد لله امورنا تتيسر ماشاء الله
ناصر وقصي :: الحمد لله ...
.............................................................
( ف العمارة .... مع المغرب )
( ملاك وقوت وصفاء ... مقعمزين ويشربو ف شااهي ف صالة داافيه .... ملاك تشتغل ع لاب .... وصفاء مقعمزت تكتب ف محظراتها ... وقوت كذالك )
صفاء :: شنووو ماما تم موضوع شقة ؟
ملاكـ :: اي الحمد لله ...
صفاء :: هما عيلة عسل بصراحة .... ع لخير ان شاء االله
ملاكـ :: اي ان شاء الله ... حتى ولدهم الي جي معاهم ماشاء الله عليه الحق
صفااء :: ولدهم ؟ ... ماشفتش نحساب جو بروحهم ؟
ملاكـ :: بالك ماشفتيشي ؟ ...
صفاء :: بالك ...
ملاكـ :: صوته مش عاارف وين سمعااته قبل هكي .. ههههـ
قوت :: شن خالتي شااده البدااله امالا ؟ هههههههههههه
صفاء :: ههههههههههههههههههه
ملاكـ :: (رفعت راسها وشبحت لي قوت ) تصدقي لما تكوني متعفلقة تريحيني ؟ ههه
قوت :: ( أختفت الابتسامة ... )
ملاكـ :: شن قلنا مش قلنا نبيك تنسي حتى وكان ذكرتك بي لموضوع ؟؟؟ .. يالله نوضو جيبو سبوول نوضو
صفااء :: اي يالله ناايضين ههههههه,,, نوضي قوت ...
قوت :: هههـ ي الله .....
..............................................
#يتبع.......
#سلمى.............
