ياالله اليكم الحلقة أأعزاائي نبي تعليقااات وتحفيزاات طوويلة ...😍😂
قصيرووونه بسبب ظروف :✍🏻😰.://
الحلقة ال13 من رواية ::
#مغتربة_في_وطن_العشق ..💌🌿
.....................................................................
صفاء :: (كنت بننسحب ) تمام ... نتلاقو بعدين قوت تراحي فيا ..
قصي :: ( وهيا طالعة .... مسكـ ايدها ) استني ... ( شبح لي ايمان ) تبي حاجة تانيه ؟
ايمان :: ( عيونها كانت ع ايد قصي الي كانت شادة صفاء ) لا ابداً ... قلتلكـ بنسأل عليكـ بس ...
قصي :: مشكورة ... اموري تمام ... ( ومانحاش ايده من ايد صفاء )
صفاء :: ( كنت نشبح لي ايده ونشبح لي ايمان )
ايمان :: اووكـ أسفة ع الازعاج ... ( طلعت )
قصي :: ( نحه ايده وشبح وحطها ع عيونه وشبح لي جيهة تانيه بصوت واطي .. ) يارب صبركـ وعفوكـ يارب
صفاء :: ممكن تفهمني شن الي صار توا ؟
قصي :: ( شبح لي صفاء )
صفاء :: ( العصبية كانت ف درجاتها الاوله لي تصااعد ) يعني مافهمتش ... كأنكـ لما شديت ايدي حاولت توصلها انكـ عايش حياتكـ او انكـ ارتبطت نوعاً ما ؟؟
قصي :: ( كان قصي يتكلم بي جدية حتى هوا ... كان متنرفز من ايمان ) اي وشن يعني ؟
صفاء :: شن يعني ؟؟ .... ( تلفتت لي جيهة تانيه ورجعت شبحتله ... ) قصي انت تبي تنسااها ؟
قصي :: اكيد .... ؟؟؟ مش فاهم انت شن تبي تقولي ؟
صفاء :: كذاب ... ماتبيش تنسااها ... مافيش حد يبي ينساه حد .. يمشي يشغله تفكيره .... انت قاعد تهتم بي هيا شن تحس او شن تفكر ... انت قاعد تبيها تعرف انك مرتبط باش تنقهر وتضايق وهكي تحقق نصر ... صح ؟ ... انت هكي احساسكـ انت قاعد تفكر فيها ماتكذبش عليا وتقول نسيتها ....
( ( بي عصبية ومن غير أدراكـ زوز بدي يعلى صوتهم ويتناقشو بي دون احساس ) )
قصي :: اي وشن الي وااجعكـ انتي مافهمتش .... اي انا نبي نضايقها ... انا نبي نحسس بي الي انا حسيته ولي حطتني فيه ... عادي يعني هيا الي داراته وانا لا ....
صفاء :: ( بي أعلى درجة عندي في صوت وبي اقوى درجة عندي في العصبية ) بس مش على حساابي ...... مش بيا انا تجرحها وتلعب بيها .... انت حر ... انت دير الي تبي ... اي صح انا كنت بنوقف معاكـ باش تنساها لانه كنت نحسااب انه وحده زي هاذي دارت فيكـ الي مايندارش تهتم بي شعورها وتهتم بي انتقام منها .... بس مش من بعد توا ... لو انت تبي تنتقم منها وتحسسها بي كل العذاب الي حسيت بيه ... تفضل تصرف كيف ماتبي ..بس ... بس مش حسابي مش حسااب صداقتي ليكـ ,,,, انت حر من توا تصرف كيف ماتبي ...
قصي :: ( رفع حاجب ونزل تاني ) شن قصدكـ ,, حر ؟؟؟
صفاء :: يعني حر ... اساساً صداقتنا قاعدة مابدتش مش ضروري منها اصلاً. ...
قصي :: ( قرنة الحواجب متع الاستغراب ) !!
صفاء :: ممكن بنسبة ليكـ ،، عادي بس بنسبة ليا .... كان استغلال .... ( تلفتت خديت شنطي وجيت بنطلع )
قصي :: استني استني .... كيف .... كيف يعني مش ضروري منها ... واي استغلال قصدكـ ؟
صفاء :: الي فهمته .... الي فهمته صح مش ضروري نوضح اكتر قصي ....
قصي :: ( شدلها ايدها ) يعني ؟؟
صفاء :: يعني وااضح ... انساها وتعالى ... نبدو صداقة جديدة ... تمام ؟ .. ( وطلعت )
قصي :: ( وقف لحظات وبعدين .... خبط الباب ) يعني لو ماتخربيش عليا حياااااتي ماترتاحيش .....
.......................................................................
( قدامـ ألأذاعة )
( مانعرفش علاش عصبيتي كاانت قوية لي درجة هادي ... علاش كلمته بي كل توتر والكلام جارح هكي ... مانعرفش علاش خوفت وتشنجت من تصرفه .... علاش ضايقت من فكرت اني مجسم يستخدمه باش يضايق غيري .... اي نضاايق لانه انا مش مجسم يحاول انه يشعل بيه غيرت الاخت ايمان ... مش انا الي المفروض نكون ف موقف زي هذا ... انا صفاء البنت طبيعية الي تعيش ع عفويتها وكيف ماتبي هيا ... مش كيف مايبي الغير .... انا الي نحسب ونفكر ونتصرف كيف مانبي ... مافيش حد يتعاملـ معاي وكأنه انا حاجة ليه وين مايبي يحطها يقدر يحطها ..... او في احتمال لي انفاعلي هذااااا كله بي خيار تاني ... ولي هوا انه كنت نبيه ينسااها .... ينسااها ؟؟ .. علاش انا شن دخلني .... شن دخلني ينسااها ولا لا ... انا شن الاحاسيس الغبية الي ترااود فيا هااذي ... )
:؛:؛
قوت :: صفاء ؟؟؟ ... خيركـ شن في ؟
صفاء :: اركبي ...
قوت :: نركب وعلاش لا ... ( ركبت سيارة ومشينا للكافي المعتاد )
.......................................................................
( ف حوش #أأأصالةةة )
أصالة :: مش هكي .... ياودي ... هاتي .. هاتي
سوسن :: تي حوولي ... تو نتعلم ... تي خيركـ انتي كانه كل مابندير حاجة بتاخديها مني كيف بنتعلم امالا ؟
أصالة :: ااه خلاص حبكت تبي تتعلمي اليوم ...
سوسن :: اي وشن فيها ؟؟؟
أصالة :: تبي بري امشي بري ... خالتكـ ع خشه ...
سوسن :: تعرفي .... اصاالو مزال تقولي سوسن باايرة ... تشوفي
ناصر :: انتو زوز ماااتنفعوش مع بعض ف كوجينة ...
سوسن :: تي كانه تخليني نكملها الكيكه تجي حلووة غير عناااد الامهات حاااااااله
ناصر :: هههههههههههههه .. أصبري عليها بنيتي معليش امكـ كبرت
سوسن :: ههههههههههههههـ
اصالة :: وهبلت ... كملها خيركـ سكتت العفو
ناصر :: لالا اللطف ههههههههـ ,,
الباب :: ترن ترن ..... ترن ترن
سوسن :: تو نفتح انا ...
:........................................................:
سوسن :: يالله جاااية ...... هيا هي ....
( وفتح الباب )
مأيد :: سلام عليكم
سوسن :: ..........
:......................................................................:
( واخيراً جي دوري )
... أهلاً انا #سوسن ... عيلتي وتعرفتو عليها .... مشاكلي حياتي تصرفاتي ... كلها بالنسبة لي بدااية الرواية كانت ليكم ضباب واكيد مافيش حد اهتم بيا كاشخصية هههه بس المهم ... حيااتي عبارة عن شخص انا مانشوفش فيه الا ف سنه مره ... اوو ف القرن مره ... وف كل مره نحبه وكانها اول مره .... شخص مميز بالنسبة ليا .... معروف ف العيلة ع أنه المثل الاعلى للعيلة كونه دكتور .... شاب #مأيد .... احلا وارق واحن واللطف حد ممكن تشوفو في حيااتكم ... شاب بسيط خفيف ف تصرفاته مايحبش يحط حد بينه وبين اي شخص ... وهذاا الحبيب الي انا نحبه ومن طرف واحد )
سوسن :: ( عرفتو صدمة المسلسلات الي لما البطلة تفتح الباب يطير شعرها مع نغماات الموسيقة الهاادية مع نظراات الشوق الي طالعة من عينها لي ااجملـ شاب ..بزبط نفس اللقطة صارت معااي )
مأيد :: سلام عليكم ..
سوسن :: اهلاً.. .. وعليكم سلام
مأيد :: كيف الحال ؟ ...
سوسن :: تمام ... وانت ؟
مأيد :: الحمد لله ..... ( سكت شوية وبعدين ) خالتي قاعدة ؟
سوسن :: ( انا هنا وكأنه من ضربني سرطووب كف ريااحي ) اي اي ... تفضل ...
..................................
( ف #صالة )
أصالة :: خيره ماجوش معاكـ ؟
مأيد :: قالو بعدين لعشية بيجو ... انا مساافر اليوم ماهو ... عندي عمليه برا ومروح بعد غدوا
أصالة :: اااه باه باه الله يوفقكـ ياوليدي ...
سوسن :: ( جبت شاهي وخشيت نفرق ) تفضلـ ,,,
مأيد :: شكراً ....
( عطيت لي ماما وحطيت صفرة وقعمزت )
مأيد :: ( شرب شوية من شاهي وشبحلي ) شن جووكـ ,,, شن جو الخدمة معاكـ ؟
سوسن :: الحمد لله ... تمام ماشية نستنى في رخصة وبنبداء نخدم ان شاء الله ...
مأيد :: وين ملفكـ ؟
سوسن :: مستشفى ********
( اي انا سوسن نكون برضووو دكتور يعني زيه احم احم هههه )
مأيد :: ايوااه معاي معناها هههـ ... كويس
سوسن :: ( انا صدمة الفرح الي جتني كانه ماصيرتش عليها راهو لساني زغرط بروحه ) ااه والله ... كويس
أصالة :: باااهي الحمد لله اهو ع الاقل معاكـ حد ...
مأيد :: لا ولا يهمكـ ... يالله مالا خالتي نستأذنكـ تو نجي سبوع جاي ان شاء الله
أصالة :: باهي وليدي ان شاء الله ... تمشي وتجي بسلامة ... رد بالكـ ع روحكـ
سوسن :: ( بي زلقة اللسان ) وين بتمشي ؟؟؟؟؟؟؟ .... قصدي لما قالتلك هكي استغربت ههههـ
مأيد :: بنمشي عندي عمليه برا ..... وبعد غدوا مروح
سوسن :: ااه تمام ... تمشي وتجي بسلامة
مأيد :: تسلمي ... يالله مع سلامة
:......................................................................:
( ف #الكافية )
قوت :: لاااااااااا ماعندكش الحق صراحة .... مصحكـ ... قصدي أكيد هوا مايفكرش كيف ماانتي فكرتي
صفاء :: ومن وين ليكـ تأكيد ان شاء الله ....
قوت :: واللهي هذا الي عندي ... المسكين ماباش يخليكـ تطلعي لانه مايبيش ينفرد بيها بروحهم هذا علاش شدكـ وانتي حرقتي حرق بكلامكـ .,,,
صفاء :: حتى هوا قال الي انا قلته ...
قوت :: اي امالا كيف تبي يتصرف حطيتي ف موقف غبي .... اسمعي المفروض تتأسفي منه الولد مايفكرش كيفكـ ي هتلر شن هذااا
صفاء :: لاااااااا اللغلط مني مقعمزة معاكـ
قوت :: استني ..... قعمزي وهني روحكـ ,,,, غبية
صفاء :: اسكتي امالا
قوت :: ( حطيت ايدي ع فمي ) اااها
..............................................:.......................
( ف ليل )
ملاكـ :: صبااياا بنرقد انا تصبحو ع خير
قوت :: وانتي من اهلو خالتي .....
صفاء :: وانتي من اهلو ....
( #قوت >>> كنا نتفرجو ع تلفزيون بشكلـ بس .... اما العقل كل وحده منه ف تركينه .... صفاء عقلها ف المشكلة الي أسستها بلا سبب مقنع ... اما انا تفكير كله ف الغبي الي انا اساساً مانعرفش علاش نفكر فيه ......... )
( فجأة وصلني مسج
#رسالة >> #قصي
( اهلين قوت ... صفاء جنبكـ ؟ )
( شبحت لي صفاء لقيتها سرحانه ف تلفزيون )
#رسالة >> #قوت
( اهلين ... اي وتتفرج ... فهمني هذا شن الي صار )
#رسالة >> #قصي
( بعدين نشرحلكـ ,,,, تقدري تخليها تنزل ثواني بس )
#رسالة >> #قوت
( ي سلام انا الي نخليها تنزل ... ثواني بس وتكون عندكـ ,, انت وين بزبط )
#رسالة >> #قصي
( انتي نزليها ع الباب وانا نستلم هههـ )
#رسالة >> قوت
( تم ي برو هههـ )
:.....................................:
قوت :: بس .... بسسست
صفاء :: ( شبحتلها ) خير ان شاء الله ؟
قوت :: تنزلي معايا لوطه شوية ... نحس ف رروحي مخنوقة
صفاء :: ( لفتلها ) خيركـ حبي ؟
قوت :: ( وبديت في تمثيلــ ,,, انا البنت الي غنى عليها تامر ...#وفي_تمثيل_فنانه_قديرة ههههـ ) هكي صدري مطبق الحق .. شوية بس ونركبو ...
صفاء :: تمام ... نوضي حبي ... بشوية باش ماما ماتسمعش
...................................................................
( قدام باب العمارة )
قوت :: ( وقفت قدام الباب )
صفاء :: هيا تعالي ...
قوت :: ( وجي من وراها قصي لكن هيا كانت تشبحلي ... شبحت لي قصي ) هكي تمام ... انا سملت الاماانه وعليكـ الباقي هههــ ,,,
صفاء :: ( تلفتت ولقيته وااقف ) ايووااه ... صار هكي هيا
قصي :: ( قرب وقف قدامي ) امالا كيف تبيها ؟ ...
صفاء :: قصي .... انت اكيد فهمت اخر شئ قلته صح ... انت جاي توا ع اساسه ولا لا ؟
قصي :: ( #يذكر <>>>صفاء :: يعني وااضح ... انساها وتعالى ... نبدو صداقة جديدة ... تمام ؟ ..) اي ...
صفاء :: شن اي ؟
قصي :: ( شبح للكرسي الي قدام لبحر )عادي شوية ؟
صفاء :: ( شبحت حتى انا للكرسي ... وفهمت ) اي تمام ... وانتي خليكـ شوية وجاياتكـ وتو نوريكـ ( قلتها لما تلفتت لي قوت )
قوت :: اي تمام ههههههـ ,,,,,
( هما مشو وانا قعدت واقفة نشبحلهم )
أمير :: بوووو
قوت :: هيييييييييييييييه ......... ( تلفتت )
امير :: اهدي اهدي هههههههههـ خلعتكـ ؟
قوت :: انت شن رأيكـ ع شوي متت من الخوف .... غبي
أمير :: ( حط ايده ع خدها ) اايواااه هذاا علاش خدودكـ حمر ؟
قوت :: ( لا بصراحة هما كل مايشوفوكـ يبدو هكي ) ( لاتعليق)
امير :: بس تصدقي وانتي هكي احلا هههههـ
قوت :: ( رجعنا لي ناار الي تحرق فيا من دااخلـ وانا مش عارفة علاش ... )
أمير :: ( بي غمزة وهزت راس ) شن اديري هنا ؟
قوت :: ( باش نخفي توتر بي اي طريقة ) انت شن دخلكـ ؟
أمير :: اي باه .... تو نصيح ونادي خالتي ملاك وخلينه نشوفو كيف مادخلنيش .... ملااااا(قص)
قوت :: ( حطيت ايدي ع فمه ) اشششششششش غبي ...
...................................................
#يتبع
#سلمى
