الحلقة 26 من رواية ___2️⃣6️⃣😍
#مغتربة_ف_وطن_العشق ✍🏻🙊
................
سوسن :: ليث ؟
ليث :: نعم ؟
سوسن :: ليكـ ساعة ساكت هههههـ
ليث :: هههـ مانعرفش لكن أرتحت ...
سوسن :: ارتحت ؟
ليث :: بعد ما ماتت أم ورد انا معاش كلمت حد معاش شكيت همي لي حد ... مشيت بعيد عن ناس ودنيا والخدمه وتفرغت لي ورد وبس ... معاش ارتحت لي حد اصلاً ... لكن مانعرفش علاش اولـ ماحسيت انه انا تعبان كلمتكـ انتي ... مش عارفه علاش طمنتلك وجبتلك ورد مش عارفه علاش نقولك هكي توا .. لكن نقدر نقولك انه انا عندي احساس كبير بي الاطمئنان وراحه أتجاهكـ ,, حتى لما خدمتي معاي وتعبتكـ هلبه عارف .. بس واللهي لما تغيبي ونقولك عندنا خدمه .. كله كذبه ومش عارفه علاش نبيك ديما متواجده جنبي ... عارف بتنصدمي وبتقولي هذا خيرله ماليش هلبه نعرفه ... بس هذا احساسي اتجاهك ... صدقيني مرتاح وانا توا نتكلم وانتي تسمعي ..
سوسن :: ( لاتعليق ....... قوة صدمه ... خلت حواء للمره الالف تنزل دموعها من براءة عشقها )
ليث :: سوسن !ّ
سوسن :: ( بي صــــــوتها الهادئ الغير إعتيادي ..) نعم !
ليث :: فاهمه شن نقول ؟ ..
سوسن :: ( سكتت وبي غصـــة ) لا ...
ليث :: كيف تبيني نوضحلكـ ,,, والله الي حاسس بيا كله قلته ..
سوسن :: ( بي نبرة صوت الي تختلف في حواء لما تكون خانقتها العبره ) وانا مافهمتاش ... كيف يعني انت مش هلبه تعرفني وماعمرك سألت على اي حاجة تخصني طبعي شخصيتي عصبيتي ضحكتي وحزني كل هذا ماتعرفاش ... ولا انا نعرفك ... كيف تجي تقول يعني .. مافهمتش ( سكتت )
ليث :: الي انا حاسس بيه .. مش محتاج وقت ولا ايام ولا سنين يخليني نحسه ... حاجة خلتني نبيك ونرتاحلك .... فاهمه شن معناها نرتاحلك ونبيك ؟
سوسن :: ( زاادتـــ صدمتــــها أكثر و أكثر )
ليث :: سووسن !
سوسن :: ( بي نفس نبرة القاتله بي نسبة لي آدم ) أيواااه ؟
ليث :: راحتي ... انتي راحتي ...
سوسن :: ( غمضت عيونها في انسجاام تام ... انسجاام عمّ زوايا عقلـــه ... قلبــها .... و زي ما البعض يعرف إنه بعض من جنس حواء يضعفو بي مجرد سمااع كلام الحب )
ليث :: وااالله مانكذب عليك ي سوسن .. ولي خلاني نكلمك .. هوا انه انا واثق من كل كلمة قلتها وحاسس بيها توا ...
سوسن :: وبعدين ! ( قالـــــت سؤالها وكأنه كانت تبي تنقض قلبها من الغرق ف شهواات الحب المعروفه ف روايات الي كانت سوسن 24 ساعه تقرا فيهم ... )
ليث :: نبيكـ ,,, شن بعد هكي ؟
سوسن :: انت قـــول ... شن بعد هكـــي ؟
ليث :: لما نقولكـ نبيكـ مش انه نبي نكلمكـ نحبكـ ونستاحشكـ ونتلاقو لا ااا ....... نبيكـ يعني نبيكـ ليا حلالي ... نبيكـ أم ورد و ولادنا .. نبيكـ تكوني جنبي .. انا خسرت أم ورد ... لكن مانبيش نخسركـ ,, نبيكـ معاي وجنبي .... نحافظ عليكـ ونحطكـ ف عيوني ..... تكوني مرتي ي سوسن .. نجي نتقدملكـ ف اي وقت تبيه ...
سوسن :: ( تبكي من غيـــر صوت )
ليث :: سوسن !
سوسن :: نعم !
ليث :: تبكي ؟
سوسن :: ( وهنـــا لي أول مره لي سـوسن تنفجر بي دموعها وتوضـح صـوتها طبيعي وهيا تبكي .. ) ااااي ..
ليث :: علاااش باه ؟ .... مش مصدقتيني ؟؟؟ ....
سوسن :: خايفةة ... خايفة ي ليث
ليث :: مني ؟
سوسن :: من الموضوع ... حب و زواج بي سرعه غريبة ..
ليث :: فكري ... نبيك تفكري مش تجبري روحك
سوسن :: كلامكـ ,, كلامكـ ريحني ... بس خايفة يكون سرعه منكـ مش أكثر ..
ليث :: كااان تفهميني وين سرعه ف الموضوع ... شوفتكـ وعجبتيني ... ي ستي حبيتكـ هكي باهي ... ونبيكـ حلالي ... وماعندي علاش بنتسرع ...
سوسن :: ( سكتت )
ليث :: سوسن .. عندكـ وقتكـ فكري وزي ماتبي ... يومين شهرين سنتين ... انا معاكـ ,,
سوسن :: ( لاتعليق )
ليث :: فاهمه ؟
سوسن :: اي ..
ليث :: ( يتكـــللم بي رومااانسية الناتجه من نوع العصبية ) قاعده تبكي ؟
سوسن :: لا ..
ليث :: ترا احلفي ..
سوسن :: هههههههـ ( بضع حروفه أضحكتها )
ليث :: وصلت ههههـ ,,, يالله تصبحي ع خير ... صلي وفكري وبي هدووء وعلى اقل من مهلك
سوسن :: وانت من اهل الخير .. حاضر
........................................................
