ممكن تكون قصيرونة بس معليش لانه ايدي مانقدرش نكتب واجد ... أن شاء الله اولـ مانتحسن نوعدكم بي بارتات طوااال تمام ... #تمتعوو
الحلقة ال8 من رواية >> //؛
#مغتربة_ف_وطن_العشق . 💌🌿
:::::::::::::::::::::::::::::::::::::::::::::::::
........................................................................
( بداية صداقة )
.........؛؛:×
( لي أولـ مره في حياتي يكون عندي صديق ... صديق أي!! مش صديقة .. يعني شاب ... يعني انه يكون عندي صديق وبنحس بي شعور صدااقة اتجاه ... فهميني كيف بيكون الوضع ... يعني بنكلمه وبيكلمني وبنتلاقو وبنهدرزو وبنشكو وبنحكو لي بعض شبه يومياً ..زي انا وقوت هكي .... )
........؛؛:×
( مر أسبوع بي حلوه ومره ... روتيني كان عادي جداً نمشي للكلية ونروح ونتغداء نقرا أمتحانات نوض نتفرج نتعشاء فيس إنستا ونرقد .... بس في حاجة تغيرت انه انا بديت نفكر في موضوع صداقة بجدية ... هههههه بدي الموضوع عندي شبه غباء ... الأسبوع هذا عيلتهم أهتمت بي الحوش وترتيب وماشفتاش أسبوع لانه داابسة قراية وبس .. ماما كانت تمشي تشوف فيهم وتساعد فيهم وتجي ديما تحكيلي عليهم وعلى جوهم .... ماما بدت قريبة من خويلة أصالة هلبه ... )
:.................................................................:
(صبح)
ملاكـ :: صفااء يالله بنتي عااد وقت ...
صفاء :: ( نتكلم وانا طالعة من داري ) هيا هي طااالعة
..
ملاكـ :: كلمتي قوت ؟
صفاء :: ( رفعت رأسي بي أستغراب ) و علاش ؟
ملاكـ :: بتجيكـ اليوم ؟ ...
صفاء :: مانعرفش ... قصدي اكيد علاش تسألي ؟
ملاكـ :: اليوم خالتك أصالة عازمتني انا وياك ع قهوة بعد ماكملو ياناري وقالت تكوني كملتي امتحانات ...
صفاء :: ( كانت مكتوبة ع جبهتي بي الخط العريض #واخيراً_بنشوفه بس شكله ماما عندها ضعف نظر ماقرتهاش هههههـ ) ااالله ؟؟ ... اي عادي كانه جت قوت تمشي معنا ...
ملاكـ :: اي عادي ماقلت شئ غير أسأليها هيا قبل ...
صفاء :: باه حاضر ....
:.:.:.
( ف #الكلية )
مرام :: ( مقعمزين يستنو ف صفاء تطلع من الامتحان )
أميرة :: تحظر ف ذرة .... تي كلنا ماجاوبناش وينها ااا ..
مرام :: ( لاهيه في فونها كالعادة ) تي خليها براحتها ..
قوت :: أهي جت ...
صفاء :: ( كانت تعبير وجهي انه ماجاوبت ولا حاجة )
قوت :: عادي عادي حبي كلنا هكي ...
مرام :: تي تفوت عادي ...
صفاء :: ( قعمزت ع درجة ) اووووووف تي شن المادة الي طولت اكتر من حكم مبارك هيا ..
البنات :: ههههههههههههههههههههههـ
قوت :: نوضي وانسي حبي تفكينا منهم الامتحانات الغبر .. هيا
صفاء :: تروحي معاي ؟
قوت :: اي اكيد ... انتم وين ماشين
أميرة :: حندي سبوووع ي كبدي بنمشي لي حوش اختي ومن غادي بنمشي معاها... شوية و بتجي تروح بيا
مرام :: انا الحوش جايب بوي تريس ويبس ريق
البنات :: هههههههههههههههـ
صفاء :: ( جوي كان مش أوي ... من نوعي لو مانجاوبش ف الامتحان ضميري شوية يبداء ينخص .. ) باه هيا قوت امالا ..
قوت :: ماشي هيا حبي .. سلامااات صبايا نتلاقو
........................................................................
(ف #سيارة)
...........؛:×
قوت :: غيري جوكـ حبيبتي مافيش حاجةة تستاهلـ ... الامتحانات تمشي تمشي ...
صفاء :: لالا عادي جوي ...
قوت :: .. باه احكيلي ع صديقكـ الجديد .. هههههـ
صفاء :: ( نوع من شعور الفرح غرس جسدي ف لحظتها .. مانعرفش بس بدي نص هرمون سعادة ف حياتي ..)
قوت :: هييي ي بنت انتي وين سرحتي ؟
صفاء :: معااكـ معاكـ ...
قوت :: اوووو بدينا نسرحوو من توا ... اي صديق الي سرحلي صحبتي هيا ؟
صفاء :: سرحلي !! الملافظ سعد ي خونا شن سرحلي هيا ههههههههههه
قوت :: اووو المهم ضحكتكـ ... غير شن جووه ؟
صفاء :: مني ؟ ( الاستعباط رفيق دربي هههه )
قوت :: غبر فيكـ ان شاء الله ؛؛ قتلكـ صديقكـ الجديد هههههـ
صفاء :: اااه .. تصدقي ماشفتاش ليا سبوع توا ...
قوت :: كيف هاذي ولد جيرانكم وماشفتيشي ليك سبوع ؟ ...
صفاء :: ت لاهيه ف لقرايه وين بنشوفو ...
قوت :: ااه معناها اليوم اكيد بتشوفيه ... ههههههـ
صفاء :: مش ضروري ضحكت الجوكر متعكـ هيا ... الولد لا نعرفه لا يعرفني وكانه شفته ؟ ... اصلاً ماتنسيش انه انا عرضت عليه موضوع صدااقة .. غببببببااااابير كيف درت حاجة زي هكي ههههههههههـ
قوت :: عادي شن فيها ولد جيرانكم . ( شبحتلي ب طرف عينها ) ترا بري ملحي تو تشوفي تو بتتعرفو وبتهدرزو وب(قص) ( وشبحتلي شبحت الخبت متعها ) وبتحبو هههههههـ
صفاء :: هههههههههههههههههههههـ مسكينة انتي ... انا والحب مانتلاقوش ماتنسيش الموضوع هوا ...
قوت :: باهي باه ...
:......................................................................:
( ف #ألعماره )
( إنتهت المحادثة بيني وبين قوت بي سلام ... لانه لازلت وسأبقى ضد مواضيع الحب والعلاقات ... )
((:/ وصلنا للعمارة ونزلنا من سيارة انا وياها وبدينا نتنااقرو زي الفار والقطوس ... وترا قولو من صدفت غادي ... #البركان .. ههههههـ اكيد مستغربين من الاسم حالياً بس ولا يهمكم لازم تتعودو عليه ... كان واقف ... كان حاط ايد ف جيب وتانيه في برا يدخن بيها ... كان لابس سروال بيج ع سورية سماوية كان جنتلـ مان ع كلام قوت .. )
:.///////////////////:.,
قوت :: _( أولـ ماشفاته ) سلام عليكم !
قصي :: ( عادة ومن أحترام نساء عدم تدخين أمامهم ... هذا علاش لوح دخان احتراماً لينا ع اساس هههه ) وعليكم سلام ..
صفاء :: ( أكتفيت بي أبتسامه في وجهه وبس ... لانه جوي مايسمحش انه نتكلم )
قوت :: كيف الحالـ ؟
قصي :: تمام الحمد لله .. وأنتم ؟ .. شن جو الامتحانات ؟
قوت :: يعني ماشي حالهم ...
صفاء :: ( عيوني كانو في وجهي بس كانو تحت سيطرت قلبي تماماً كانو يتابعو ف كل تفصيل فيه وهوا يتكلم ... )
قوت :: ( تلفتت لي صفاء ولي قصي الي كانت نظراته تتقاطف بينهم بدون تنبيه ) تمام نخليكم يالله نتلاقو قصي سلام
قصي :: سلامات ...
صفاء :: ( شبحت لي قوت الي كانت تصرفاتها طفولية ... ماكانش فيه بيني وبينه شئ باش تخلينا مع بعض ... او تقول كلمتها الي ستفزتني ع عكس علامات الارتياح الي كانت ع وجه قصي .. #نخليكم ... )
.........................................
( داار سكوت بينا للحظة )
قصي :: جاوبتي ؟
صفاء :: ( كانت أول كلمة يقولها وهوا يشبح لقدام بدون مايشبحلي ) ... أن شاء الله .. بس مش اوي عادي يعني
قصي :: ( هنا تنازل شوي عن غروره وتلفت ) ( مع أبتسامته السااحرة ع جنب ) لا حسب كلام أمكـ انتي شاطرة تنجحي ان شاء الله ههههـ
صفاء :: ( أطلقت ضحكة عفوية ع خيبتي ) ههههههههـ اي هلبه
قصي :: ( تكلم بجدية لي لحظااات معينة ع حساب رفع معنوياتي ) لالا انسي .. ماتحطيش ف بالكـ ولي فات مات وربي مايضيع جهد حد ...
صفاء :: ( تجاوبت معاه ... اي صح معاكم حق كلاماته عادية ... بس انا الاجابية اولـ فرع نشط لما هوا تكلم ... ) ان شاء الله ..
( لي رجع السكوت تاني )
...
صفاء :: ( بادرت ب الكلام ) يالله تمام .. نتلاقو ...
قصي :: ( رجع شبح لي قدام تاني ) تمام ...
صفاء :: ( لفيت ومشيت )
.....
قصي :: صفاء !
...
( هنا يرجع زمن لي يمشي بيبط ... بطء بطء بي معنى الكلمة .. مانعرفش علاش ومافهمتش علاش بس يناديني انا نرتبكـ ونبرة صوته ف اسمي مش زي باقي البشر ... )
...
صفاء :: ( تلفتت ) نعم !
قصي :: ( نزل راسه شوي يلعب بي دخان بي دجله الي قبل شوي لوحه ... رجع رفع راسه تاني ) نبيكـ ...
صفاء :: ( صدمت الكلمة ... عاطفياً شعورياً مانعرفش مافهمتش احساس تلخبط شن هالكلمة هاذي ... بالنسبة للبنت تعني هلبه حاجات ... باهي بالنسبة للأصدقااء ... ااه ياربي شن درت ف عمري وصاحبت ولد ) نعم ! ( بي ابتسامه ساخرة )
قصي :: نبيكـ ف موضوع ... ( رجع قالها بس بي شخصية وكاريزمة اكبر )
صفاء :: ااه اي تمام ... ( كنت راجعة بي خطواتي ليه )
قصي :: لاالا اركبي رتاحي توا نهدرزو بعدين ..
صفاء :: هههه تمام ..
قصي :: استني عطيني تلفونكـ ..
صفاء :: ( بكلـ بلهاااء وغباااااء طلعت تلفوني وعطيتهوله )
قصي :: ( لي أولـ مره يضحك ضحكة كاملة ) ههههههههههههههـ لا رقمكـ ي هبله
( واخيراااً نشاااالت الكلفة بينا ... يعني قال هبله كويس ... يعني هكي الموضوع عادي ...)
( قصي تصرف ف وقتها حسب الموقف ... يعني الموقف كان مضحكـ ف من شدة غبائها الي ضحكـ عليه خلاه يتكلم بي عفويته الطبيعية )
.....
صفاء :: ههههههههه مش شدة الامتحانات
قصي :: لا واضح ههههههـ
صفاء :: ( عطيته رقم ) ... تمام نمشي انا ؟
قصي :: ( كان لاهي ف تلفونه .... رفع عيونه بس وشبحلي .. ماكنش في ولا أثر لي اي ابتسامه ع وجهه ... )
صفاء :: ( شبحتله مده قصيرة ) ههه قصدي تبي حاجة
قصي :: ( تكلمـ بي جدية شوية ) لا تمام ...
( ممكن توتر او جدية قصي كانت بي سبب #نمشي_انا ... يعني حس بي شعور غبي لي مجرد نطق الكلمة ... الناس الي بيكونو طالعين من قصة حب فاشلة بيكونو خايفين من تعرضهم لي فقدان ناس تانين ف حياتهم .. )
صفاء :: تمام ...
( خشيت .. كانت المحادثة قصيرة بالنسبة ليه ... بس بالنسبة ليا كاانت طويلة بتفكيري ف الموضوع الي يبيني فيه )
....
#يتبع
#سلمى
