أسفة جداً ع تأخير بس أيدي كانت متعبتني ومش قادرة نكتب بيها نكتب شوية تتعب تاني .👌🏻💔😓.... إليكم الحلقة أعزائي ❤️❤️>>
الحلقة ال6 من رواية
#مغتربة_ف_وطن_العشق 💌🌿
.................................................
( إنتهى عند قوت وصفاء )
#ف_المطبخ ...
صفاء :: ( خشت طول للدولاب فتحاته و بطلع طنجرة )
قوت :: ( خشت وراها لكن عقلها مش معاها و تشبح للارض وعيونها ذبلانااات وتلعب بي ايديها وهااذي عادتها ف توتر )
صفاء :: ترا تعالي طلعيلي سبول من دولاب تلقيه ف(قص) ( تتكلم وهيا تحط ف طنجرة ف دولاب وتلفتت لقتها سرحانه ) هياااا اشش انتي ...
قوت :: ( رفعت راسها لي صفاء ... وتكلمت طوول وهيا تنزل في دمعاتها ) زعما انا ماننحبش ؟ ... انا مش حلوة هذا علاش هوا خلاني ؟
صفاء :: ( مصدومة بي كلام قوت ... لفت حطت الي في ايدها وشبحتلها تاني ) لا ي عمري انتي .... معقووولة ( حضنتها ) شن لكلام هذا ... انتي تهبلي ومافيش زيك ... ف شكل قمر ... وانتي الي مايحبكش غبي .. ي عمري عمرك ماتفكري هكي ... قعمزي شوية ...
( قعمزت قوت ع الكرسي وجت صفاء قعمزت تحتها ومسكتلها ايديها )
صفاء :: شوفي ... عمرك ماتفكري انك انتي الي ماتنحبيش ولا انك انتي الي مش حلوة ... عمرك ماطلعي العله فيك .. ديما خلي ثقتك بي نفسك من اولوياتك ... الحب الي انا نرفض فيه هوا الحب الي انتي عشتي مع نزار ... شوفتي علاش انا نقولك انه مانبيش نحب ومانبيش حد يحبني ... عرفتي علاش انا ناشفة مع الكل ... انتي حبتيه بس هوا اهبل ماحسش بيك ... ولا نقولك مش اهبل ... هوا خسرك لانه احنى نشوفو هكي بس هوا مرات ماحسش بالحب معاك خليه يشوف نصيبه وتكوني انتي ريحتي روحك لانه مش هذا خيرك ولا خيرتك فيه ولا معه ... انتي نصيبك مع حد تاني واكيد بيجي وبتحبيه
قوت :: ( مسحت دموعها بي شبحاات من تحت ل تحت ) ماااشاء الله منين ليك تتعلمي لكلام هذااا .. نصيب وحب وجوو اشييييه علينا هههههههههه
صفاء :: ( ركزت ع روحي كانت عاطفية شوية ) تصدقي انا الحتاله الي كلمتك ... قلبي وجهك ( وناضت )
قوت :: ( حضنتها من تالي ) لالا والله ماصارت انتي احلا صديقة واخت ف دنيا الله لا يحرمني منك .... لكن بجديات من علمك تتكلمي بكل شاااعرية هكي هههههه .... ( لفتها لي عندها وفنصت ف عيونها ) ترا عيني ف عينك ..... هيييييييه ي بنت كان ماتطلعي تسمعي ف راديو وانا مانعرفش ...
صفاء :: ( فنصت من الخوف ) لالالا شن راااديو هيا ... لا ي عمري ( لفت ودارت روحها مشغولة ) اصلاً الواحد لما يبداء ف مواقف حماره زي هاذي يكون ضروري انه يكون شاااعري ... المهم امي بضحي بينا يالله خانكملو
قوت :: امممم صدقتككك .... ماشي بااه ههههههههـ
...................................................::::.......
( #أصــــــــــــــــــــــــــــــــــــالة )
سوسن :: ماما حطيلي هاذي عندكـ شنطي تعبت ....
أصالة :: مااشي بااه ... كملتي انتي ؟
سوسن :: اي علاش تبي حاجة ؟
أصالة :: تي اي ... انزلي سلم بنتي شوفي خوتك وبوك يطلعو ف الاثاث بالك يبوك تساعديهم
سوسن :: اي كنت نازلة اصلاً ...
..:.:........................................
( ف صالة )
أمير :: ( تلوح ع الكرسي من تعب ) يعني باللهي عليك جااايب العمال هاذم كلهم باش انا نطلعلهم ف سقيفة الحاجات .. تي خشو هما يااخدو بروحهم
ناصر :: يعني ماتقدرش تخدم دقيقتين ع بعض .... عليك خلفة تقطع لخميرة من البيض والله
أمير :: لخميرة من البيض صااار .... باه
قصي :: ( خش ) شن عيت هههههـ ,,
أمير :: اهلاً .... شن خيرك مروح بكري مزال الوقت
قصي :: استحشتك هذا علاش ههههههـ ,,, اي شنو اديرو ... تبو مساعدة
سوسن :: اهلاً .... ( مشت سلمت ع قصي ) شن صار ؟
ناصر :: اي حق شن صار ؟
قصي :: لا تمام ... طاقم العمل كلهم ماشين لي ***** يعني انا بنخدم مع نفس االمجموعه ( وشبح لي سوسن )
سوسن :: ( بصوت واطي وبي الحركات ) نفسها ؟
قصي :: ( جاوب بي #نعم عن طريق لعيون ) والموضوع هكي كويس يعني مش مطر نسيب خدمتي ...
سوسن :: ( أبتسمتله .. بي داعي شفقة ) 0
أمير :: امتى بتمشو غدوا ؟؟
ناصر :: ( وهوا يرتب ف الحاجات ) مانعرفش نادي ع امك أسألها ...
أمير :: ( غمض عيونه وقعد ينادي بي صوت عالي ) أصـــــــــــــــــــالة ...
سوسن :: ( من الخلعةة ) وميهه
قصي و ناصر :: هههههههههههههههههههههـ
ناصر :: ربي يكملك بي عقلك ي ولدي هههههههههه
( وأمير يضحك ... )
أصالة :: ان شاء الله بي لطف ... خيرك ؟؟
قصي :: ( حضنها ) ماتعدليش عليه هذاا مهبول ..
أمير :: العقل ليك ي عموو .... امتى بتمشي غدوا ؟
أصالة :: ( قعمزت شوية .... ) مانعرفش براحتكم ... ( وشبحت لي ناصر )
ناصر :: الامر بي أيدكم انا عليا نرفع ونجيب بس ...
سوسن :: ( قعمزت جنب أمها ) نمشو بعد لفطور ... نديرو فطور حلوو و جوو ونمشو
أمير :: علاش شن مافهمتش ؟
سوسن :: توديع هههههههههههـ
قصي :: اي علاش لا .... اانا مع سوسن..
أمير :: ( تنرفز ) تي لالا ... خلونا نمشو بكري انا ماصدقت بنحوولو منها جيهة هيا ...
أصالة :: ( شبحتله شبحةة الام ليبيه ) من امتى ي كبدي تبي تمشي كنت ميت ف تلابيبها جيهة هيا
سوسن :: ( تكت عليها ) عنده الحق ي بعدي ماهو معااش فيه سميرة هههههههههههههه
أمير :: ( حدفها بي لمخدة ) نوضي روحي ...
قصي :: ( قرن حواجبة بي لقطة مضحكة ) كيييف ؟. .. من سميرة ... ماتقولش بنت فتحي الي حولو شهر الي فات ههههههههههه
ناصر :: ( خش لانه كان برا ) هيا نوضو هيا ارقدو باش تنوضو بكري ...
سوسن :: ( شبحت لي امير وهيا خاايفة ) انا أصلاً نعسااانه بنخش خيا تصبحو ع خير ( وناضت )
أمير :: تعالي تعالي حتى انا بنركب ( هوا قاعد ماكملش )
سوسن :: ( مشت تجري ) ياااااااااااماااااامااااا ...
قصي :: ههههههههههههههـ ربي يهدي ... هيا امالا تصبحو ع خير
أصالة :: وانت من اهلو وليدي ...
:........................................................:
( تاني يوم صبح )
ملاك :: ي بناات انا طالعة .... لفطور واتي ماتنسوش تسكرو الباب باهي .. قوووت كلميني بس توصلي ...
صفاء :: ( تبصت راسها من الحمام وهيا تحك ف سنونها ) وتقوليلي لمنو طالعة نتكلم هلبه ... ههههههههـ
ملاك :: غبية هههههههـ ,, انا مشيييت ف امان الله ي بنات
قوت :: ( تتكلم وهيا طالعة من دار لي صالة ) مع سلامة خويلة ... ديري بالك ع روحك ...
ملاك :: ماشي عويناتي ....
( طلعت ملاكـ )
قوت :: ( وقفت ع الحمام ) شن بتلبسي ؟
صفاء :: ( شبحتلها ف لمرايا وهيا رافعة حاجب ومنزلة حاجب ) علاش ؟
قوت :: سؤال
صفاء :: امممم .... تعرفي أذكرت اخر مره سألتيني شن كنتي مدايرة انتي ولبنات فاريحو روحكم ...
قوت :: ههههههههههـ لا والله غير شن بتلبسي ؟
صفاء :: ( وهيا تغسل ف وجهه ) شن اسمه ؟
قوت ::هههههههههههههـ ي حماره مش ع حد ...
صفاء :: تي نقطع ايدي من شوشها كانه مش ع خاطر بتعرفوني ع ولد ....تي نعرفكم ...
قوت :: هههههههههههههههه ... باه غير البسي بلوزتك الوردية وسروالك الابيض شعرك اعطيني نديرهوولك ضفرة حلوة ...
صفاء :: هههههـ باه تو نشوف ....
قوت :: لا بتلبسيها .... باش انا نلبس البشت البيج باللهي عليك
صفاء :: اااه هذا علاش ههههههههههههه... باهي حاضر
قوت :: تهبلي ي عسل انتي ... هيا خلي نبدلو باش نطلعو
صفاء :: باهي ....
قوت :: ( ومشت ورجعت تبصت تاني ) ضفرة وشعرك مفتوح مش بنلمه كله ههههههـ
صفاء :: تي بباااااااااااااهي ههههههههـ
...................................................................
(جهزو روحهم ع آخر موديل وطلعو تحفةةة .... صفاء لبست بلوزة طويلة وردية و سروال أبيض مع شنطلة كتفين بس لبستها ع كتف واحد مشجرة الوان هلبه وشعرها مفتوح مع ضفرة بسيطة من ليمين وليسار ... شوية ميك أب بسيط ... طلعت تجنن ... وقوت لبست سروال أمريكاني داكن مع بشت بيج وسورية سوداء وشعرها ديل حصان مع ميك أب بناتي بسيط ... )
...................................................................
( تحت ......... قدام #ألعمااارة )
قوت :: من هاذم ؟ ... شكلهم الي بيعيشو ف الحوش الي قدامكم؟
صفاء :: ( لاهيه ف تلفون .... رفعت رأسها ) ااااه اي .... تعالي تعالي ...
.............................
أصالة :: ( لاهية هيا وسوسن يطلعو ف الحاجات من شناطي وأمير كان مقعمز ف سيارة ) ردي شنطة لكبيرة طلعي بشوية بشوية
سوسن :: مااااما خلاص نعرف خليني
...
صفاء :: سللااام عليكم .... ( وهيا مبتسمة )
أصالة :: ( تلفتت) ااووو صفاء اهلاً اهلاً ...
صفاء :: ( سلمت عليهم ) نورت العمااارة والله ... كيف حالك ؟
أصالة :: الحمد لله بنيتي كيف حالك انتي .... ( شبحت لي قوت ) أهلاً ...
صفاء :: هاذي صاحبتي قوت ... هاذي خويلة أصالة الي بتكسن قدامنا ...
قوت :: ( مدت ايدها ) اهلين نورتو ...
( أمير هنا يشبح ف لمرايا الجانبية لي سيارة وشاف قوت )
( ف سيارة )
أمير :: لا مستحيل ههههههههههـ ,,, ي مرحب والله
........................
أصالة :: وهاااذي بنتي سوسن راس بنية ....
سوسن :: ( سلمت عليهم ) اهلين
صفاء :: كيف حالك ... معناها بدت عندي بنت جيراااان الحمد لله واخيراً هههههههـ
(أطلقو ضحكة بسيطة )
أصالة :: وعندي زوز ولاد .... هذا وااحد أمير .... امير .. ( تنادي عليه )
......................
( هنا يتوووقف زمن لحظة ليبدااء يمشي بيبطء كبييير ف نزلت امير من سيااارة .. نزل وحده وحده وشبح للبنات بي أبتساامه جدابة ....
( هنا تلف قوت باش تشبح امير الي بينزل من سياارة وحده وحده بيبطء تمام من الوقت ... مع صدمت العمر هههـ ...
.....................
أمير :: أهلاً .. ( ومد أيده لي صفاء )
صفاء :: ( وهيا مبتسمة ) اهلين ... كيف الحال ؟ ..
أمير :: الحمد لله ... ( شبح لي قوت ومد أيده )
قوت :: ( بي تنرفيز ) عفواً مانسملش ... (وهيا تعض ف سنونها وتبتسم بي سيف )
أمير :: ااه واللهي ههههـ ...
أصالة :: ههههـ هاذي صفاء وهاذي قوت صاحبتها ... ( وهيا تأشر بي ايدها )
أمير :: ( شبح لي قوت وهوا قاعد يبتسم )
صفاء :: تمام تشرفنا بي معرفتكم .... نتلاقو خويلة ( شبحت لي سوسن ) نتلاقو
سوسن :: تمام ...
أصالة :: ان شاء الله حبيبة نتلاقو ...
سوسن :: ( تلفتت لقت سيارة قصي ) استني استني هههههـ تعرفي ع خوي تاني هههههـ
أصالة :: اي باش تعرفو بعضكم هعهههههه
صفاء :: تمام هههههههههـ
.....................................
( لي يرجع زمن يمشي بيبطء تاااام لي تاني لقااء بين الثناائي العاشق قصي&صفاء .... توصل سيارة وينزل منها بطلـ و أمير القصة بي بطء تام وهوا لابس نظرااته سودااء بي سورية سوداء مع بنطلون جينز وشخصية جنتل ماان ... )
( صفااء مع صدمتها لي تاني لقاء مع نفس شخص الي بهدلاته ونفس شئ بي صدمةة جماله الي اول مره يلفت نظرها شاااب )
............
تتبع....
#سلمى
