الحلقة ال4 من روايةة
#مغتربة_ف_وطن_العشق 💌🍃
..........................
أمير :: سلام عليكم !!! ( بي قرنة حواجب متع استغراب )
قوت :: ( شبحتله بي قرنة حواجب متع استغراب برضو )
أميرة :: ( كانت تلوح ف نظراته لي أمير ولي قوت واقفة وساكته )
قوت :: ( نزلت من فوق سيارة )
أمير :: ( مع مغمض نص عيونه وأبتسامه ورافع حاجب وتاني لا ) ممكن نعرف شن الي خلاك تقعمزي فوق سيارة ؟
قوت :: ( رفعة حواجبها وفنصة ) ممكن نعرف انت شن دخلك ؟
أميرة :: ( فنصة من وقاحة القاء الكلام من قوت ) اشش هي انتي وين ؟؟؟ بشوية
قوت :: ( شبحت لي اميرة وهيا تفنص فيها ) اسكتي انتي ؟؟؟ ... اي ! ( قالتها اول ماشبحتله تاني )
أمير :: ( تلفت لي جيهة اليسار مع أطلاق ضحكة بي عفوية ) ممكن لانه سيارتي ؟
أميرة :: ( انفجعت وهيا متأكدة انه بياخد بهدله مرتبة من قوت ,, وهيا تتكلم بينها وبين نفسها ) الله لا يعطيك العافية ... أستلم !
قوت :: ( وهيا تضحك ) ي أهيلن ....
أمير :: ( قرن حواجبه ف استغراب ) ,, !!!
قوت :: ( ف البداية كانت علامات وجهه وهيا تكلم .. ضحكة وجهه بشوش للغاية ) واللهي سيارة الي وراء سيارتك تكوني سيارتي ( وهنا أختفت ضحكة مع تفنيص وتلعليع وايديها يركبو وينزلو ) وحضرت جنابك جاي ومسكر عليا بكل عين وقحة وانا ليا ساعة نراجي فيك ...
أمير :: ( بي علامات قرنة الحواجب يهز بي راسه ايمين ويسار ويرفع ف حواجبه بي معنى تسأل وهوا يقول >> ) اي ... وين .. وين المشكله مافهمتش ؟
قوت :: ( وهيا كانت تشبحله وقت كانت رافعة حواجبه تصيح عليه نزلت حواجبها بي علامات تعجب ) كيف يعني ؟ ... شايف انك تخالف بند من قوانين القيادة هاذي مش مشكله ؟ ..
أمير :: بس انا ماخلفتش اساساً ( ويبعت بي نظرات لي اميرة ويرجع يشبح لي قوت تاني )
أميرة :: ( غمضت عيونها بي خوف من العاصفة القادمة من قوت )
قوت :: ( خدت نفس عميق وغمضت عيونها ورجعت فتحتهم بي سرعة البرق ) يعني حضرتك شايف انك مش مخالف قوانين القيادة ... صح ؟
أمير :: ( نزل عيونه يشبح يمين ويسار ورجع شبحلها تاني بي استغراب برضو ) اي ..؟
قوت :: اي !!! .... ( بصوت عالي ) ي بني ي محترم انت واقف وقفة غلط ومدرس سيارتك بي طريقة غلط ... في مليون مكان أدرس فيه سيارتك ولا غير اهووو عناد وخلاص .. شن يعني الي علمك سواقة ماعلمكش اصولها ؟
أمير :: ماشي تمام يعني مش ضروري تكبري الموضوع نركب سيارة نحولها وتطلعي .. ( أبتسم ) شفتي بسييط الموضوع ..
أميرة :: ( أطلقت ضحكة ) هههـ
قوت :: ( شبحتلها وهيا تنفر الغضب من عيونها )
............................/
( فوق ف شقة )
( بعد ماخشت اصالة ولفت شقة كلها وقفو في صالة شقة هيا وناصر وصفاء )
صفاء :: ( من فرحتها بي ناس عيونها وضحكتها الي ماتنحتش من فمها كانت معبره )
ناصر :: هاا شن رايك ( قالها وهوا يشبح لي سقف والحيط ولي كل زاوية ف صالة )
صفاء :: ( تستنى بي فااارغ صبر رد اصالة .... بي حركاتها وتعابير وجهه المضحكة وهيا تفنص وترفع ف حواجبها )
أصالة :: بصراحة عجبتني شقة .. رتحتلها من لما خشيت
صفاء :: الحمد لله ياربي ... ( قالت بي صوت عالي شوية وبي فرحة واضحة ف كلامها .. )
أصالة و ناصر :: ( شبحولها بي استغراب )
صفاء :: ( أختفت ضحكة ... بي خجل كبير ) أسفة ! ... ماكانش لازم نصيح بس ... بصراحة .. يعني مافيش حد قبلكم جي وخداها وريحني ... ( ركزت انهم يشبحولها و تكااد علامات تعجب تقربع الحوش كله ) لانه ماما تبي تأجرها وترتاح منها وكل الي يجو ي أما الاجار غالي ي أما مكان المطبخ مش حلو ودار مش حلوة ... وهكي هيا تضاايق وتجي تفش غلها في الحوش و فيا ....
( ركزت انها تكلمت هلبه ...... رفعة حاجب واحد وهيا تضحك)
صفاء :: هههههههـ تكلمت هلبه صح ؟ ... ( اختفت ضحكة ) ولا يهمكم تو نسكت
اصالة :: ههههههههههههههههـ لالا عادي ... عجبتني شقة الحق سواء المطبخ او دار مكانهم ممتاز الحق ...
صفاء :: ( مبتسم وتهز بي راسها بي معني نعم )
ناصر :: ماشي الحمد لله ... أمك قاعدة ؟
صفاء :: لا ... قصدي يعني هيا توا لا ... لكن غدوا ان شاء الله لو ترجعو تلقوها ..
ناصر :: ماااشي ع بركة الله .... يالله مع سلامة
صفاء :: مع سلامة
اصالة :: مع سلامة بنتي نتلاقو ع خير ان شاء الله
صفاء :: امين خالتي مع سلامه ...
................................................
( تحت )
...>>"""
( أمير > بعد ماركب سيارته وبعدها ع سيارة قوت نزل وجي جيهتهم وكيف بيركبو سيارة )
أميرة :: ( جي وقف قدامها )
أمير :: امم .. انا اسف ماكنتش ناوي الازعاج .. ( وهوا يبتسم في ابتسامه غبية )
أميرة :: ( وهيا تطلق ف ضحكات منفصلة ) هههه لا عادي هههه
أمير :: امير !! ( مد ايده يعرف بي نفسه )
قوت :: ( واقف جنب باب سيارة لابسة نظراتها وترفع في حاجب يعبر عن مده وقاحة امير )
أميرة :: ( بي ابتسامه وهيا تمد ف ايدها باش تسلم ) اميرة ههه
امير :: ااه ريتي حتى ف الاسامي في شبه هههههه
قوت :: ( أطلقت ضحكة طويلة بي استهزاء ) هههههههههههههــ ,, ( جت وقفت جنب أميرة قدام امير ) شن تعاكس ؟؟؟؟
أمير :: ( وهوا يغمض في عيونه ويشبح لي يسار ) اعوذ بالله من غضب الله .... (شبحلها ) من قال ؟ ... عادي تعرفت .. يعني تعرفت عليها وين المشكله ... انتي علاش تحبي تفكري ف ناس بطريقة مش كويسة
أميرة :: ( شبحت لي قوت وع وجهه علامات الاششمئزاز ) اي واللهي ؟؟
قوت :: ( نخلعت من كلمة أميرة وشبحتلها بي رفعة حاجب ) لا واللهي ؟؟؟
أمير :: خلاص تمام .. ع فكره عادي سلمت عليها مش مشكله هيا ... ( شبح لي اميرة وهوا يبتسم ) ولا ؟
أميرة :: صح ( وهيا مبتسمه كالهبله )
قوت :: ( وهيا تعض ف سنونها بي بعض ) اميرة ... سيارة
أميرة :: ماشي ... سلامات ...
( وقت كانت اميرة وقت ماشين سيارة .... تكلم امير )
أمير :: ردي بالك منها .. قصدي على روحك ( وهوا يشبح لي اميرة قاصد استفزاز قوت )
أميرة :: هههههههههههههههـ ( وركبت سيارة )
قوت :: ( شبحتله وهيا تفنص من شرارة الغضب قريب حرقة الحي بي لي في )
( ركبت سيارة .... أول جملة قالتها وهيا تولع ف سيارة )
قوت :: غبي ... نسونجي ... ( شبحت لي اميرة ) شنو عجبك ؟
أميرة :: ههههههههههه لا لكن واضح دمه خفيف
قوت :: ( وهيا تخبط رجليها ف سيارة ) هععع هذا خفيف .... واضح عيله اهبل وغبي ... ماتخلنيش ننزل نرتكب جريمة توا
أميرة :: لالا توكلي توكلي ههههههههههه
........................................................................
"""
( كانت ليلة ملهمه للبعض .... بي معني لي كل واحد كان ليه تفكير شكل ... ليله فيها كان كل شخص راقد ع فراش كاجثة بس عقله ف مكان تاني ....
#أمير >> لي اول مره تشغل باله بنت ف تفكير مش حبها ولا أعجب بيها لا .. كان شايف ف شخصيتها كاريزمة حلوة كان ف تفكيره يحاول يشرح شخصيتها بس ماعرفش ...
#قوت >> كانت تفكر ف شخص الي مايستاهل شخص تحبه ومغرمه بيه ليه اسبوع ماكلمهاش وهيا تتصل وتبعت مسجات مرئي ومايردش ....
#قصي >> كانت نار راكبه فيه من ساسه لي راسه .. كان كل مايبي ينسى يجي ع باله انه البنت الي عشقها مع غيره .. يموت من حسرته كل مايفكر انها تزوجت ....
#صفااء >> لي هنا stop صفاء ماكنتش تفكر لا ... كانت تستمع ... محاولة انه ماتنوضش قوت الي كانت بايته معاها .. حاطه سمعاتها و واقفة ع روشن تشبح لي امواج البحر وتسمع لي كلمات شخص لطالما حملت في قلبها مشاعر الاشمئزاز اتجاه ..
.......................
صفاء >> ( تسمع لي احدى حلقات قصي ولي هيا >>""//؛؛>
#ألأذاعة >>
قصي :: اليوم حلقاتنا ع شرح الاسماء .... يعني كل واحد و وحده يشرحلنا اسم نصى تانيه بي طريقته ... يعني توا اسم نور .. حاتقولي نور يعني انها تنورلك حياتك او هيا نور دربك او فرحتك يعني معناه اسمها .. لالا .. لانه مرات فيه وحده اسمها نور بس نكدية حقودة تفرق بين ناس .... بس انا توا نبيك تشرح اسم حبيبتك او حبيبك كيف ما انت تشوف فيه ....
صفاء :: ( مع إلقاء بعض التعليقات أثناء سماعها للحلقة ) غباااء ...
قصي >> معنا مسج .... ( أطلق ضحكة ف الفناء العاطفي ) هههههههههههههههـ
صفاء :: ( مع قرنة حواجب الاستغراب )
قصي>> عندنا مسج يقول ياريت تشرح أسم غير أسم حبيبتك ولا حبيبتك تغار هههههه... لا عادي ... المسج عطوني فيه اسم .. صفاء .... الاسم صفاء
صفاء :: ( كانت مستندة ع الحيط وقفت كويس وأبتسمت بي عفوية )
قصي :: يعني .. ف حياتي ماتعرفت ع بنت اسمها صفاء لا زميلة ولا من العيلة ... بس صفاء ( تكه ع كرسي وهوا يشبح لي سقف ويلعب بي خيط سماعات ) مش عارف بس ... انا عندي إِلهام يقول انه اي بنت اسمها صفاء بتكون .. طيبة حنونة بريئة .. مجنونة هههههههـ مع احترامي للي اسمهم صفاء
صفاء :: ( بي تعليق مع غضب ) انت خليت فيها احترام
قصي >> مانعرفش شن الي خلاني نوصفها هكي ... لكن انا متأكد انه اي بنت اسمها صفاء بتكون هكي ... انسانه متواضعة فيها حاجة حلوة مختلفة عن الباقي ... مانعرفش .. لكن هيا هكي صفااء صفاء القلب ونقاء ...
""""""""""""""""""""""""
صفاء :: ( نحت سماعات وصكرت تلفونها ) اول مره حد يوصفني عن طريق اسمي ... لا وشنو ... وصف وصف يعني صح ....... شن البني ادم الغريب هذا .... ( فاقت لي عمرها وهيا تشبح لي للبحر وتكلم في روحها ) اي عااد شن قولنها احنى ؟ ... مش قولنا معاش نسمعو حلقات ولا ؟ خلاص نوضي غدوا وامسحيهم
....
قوت :: ان شاء الله خير .... ( جت وقفت جنبها وحطت ايدها ع جبين صفاء ) اللهم لا أسألك رد القضاء ولكن أسألك اللطف فيه ... خير دعوتك ؟
صفاء :: ( وهيا رافعة عيونها تشبح لي ايد قوت ) ولا حاجة ... ( ضحكة ضحكه هبله )
قوت :: ههههه هبله واللهي .. ي الله ي الحب تمرقدي
صفاء :: اي هيا .. هههههههـ
::::::::::::::::::::::::::::::
( تاني يوم صبح )
ملاكـ :: قوت ردي بالك من طريق ماما باللهي عليك ؟
صفاء :: ماما ( وهيا تاكل ف لفطور )نبي مصروفي
ملاكـ :: حاضر ...
قوت :: ( حطت الي في ايدها وشبحت لي ملاك وصفاء ... ) اانا مانبيش نمشي
صفاء :: ( شبحتلها ) نعم ؟؟؟ خيرك العفو ؟
قوت :: ( بي وجهه تعبان و واضح عليه الارهاق .. ) اي تعبانه بنوصلك وبنروح ...
صفاء :: ( حدفت لكواشيك وشبحتلها ) من شن تعبانه ي بعدي ؟؟؟؟ خيرك ماحكتيليش شن في
ملاكـ :: ماهو كان تسكتي نفهمو ... خيرك ماما قوت احكيلي ؟؟ ..
صفاء :: نزار ولا ( قالتها وهيا تشبحلها بي غيض غيضها ) ؟؟؟
قوت :: ( سكتت ف لبداية وبعدين ) بعتلي رسالة ......
تتبع............
#سلمى.....
