الحلقة 27 من رواية >2️⃣7️⃣🙈
#مغتربة_ف_وطن_العشق 🙊💜
........................................
( ف حــــوش أصالة )
سوسن ( ف دارها ) ( بعتت رسالة لي ليث )
.......
#رسالة > ( ليث كلمني لو فاضي )
............................
( بينـــما صفـــاء جالسةة بي أذان صاغيـــــة لي حبيبـــها قــصي )
++++
( نستمع كلـــــــــنا لي قصي >>
قصي :: طبعاً اليوم أعزائي المستمعين .... مش بروحي موجود ... وتأخرت بي الحلقة لانه في ضيف عزيز ع قلبي جي ومن غيره اكيد حلقتي ماكنتش ح تكمل .... اليوم أختلافنا ف الحلقة كبير هلبه ... الي معنا اليوم وحده بي تحدد مصير حياتي الجايةة كلـــها ههههـ ,,, طبعاً أكيــد كلكـم خاطركــم تعرفو ع منو نتكلم ,,,,,
( وهنا صفـــاء مبتسمـــة وتستني فيــــه يقول مني على أأأحر من الجـــــمر ) ...
قصي :: أولاً نبي نقوللكم سبب وجودهـــــا معنا شنو .... انا من سنين حبيت وحده وع خاطرها كنت نكتب ف القصص رومانسة والموضيع الي انتم كنتم تسمعو فيها .. لكن ربي ماسخرليش الحـــــال معاها وما كملنــــــاش ... وبعدهــا بي مده تعرفت ع بنت ... بنت مهبـــوله وطيبــة وجنونـــة وكل صفات الأبداع فيــــــها .. تعرفنــا وتفقنا بي أنـــــه نكونو أصدقااء .. وبدت صديقتي
( هنـــــــا صفــــــاء ضحكت وحبت الوضع إنــه يتكلم عليــها)
قصي :: بعديـــن من ناحيــتي الموضوع بدي صعب ... لانــه موضوع صداقه مافلقش معاي ههههههـ وحبيتـــها ... عشقتها مع الوقت وبدت الأكسجين الي نتنفسه ... مش شئ عادي وجودهــــا ف حياتي ..... لكن توا لازم نكمل طريقي باش تكـــون جنبي .... معــــــاي ... معاش نبي نعيش يوم وااحد من غيـــرها ....... لي هذا حبيت نستضيف معاي أم مرتي المستقبليه ههههههـ ونطلب أيد بنتـــها حبيبتي منها ... وإن شاء الله تواافق ههههه
( وهنــــا صفااء عيطت عيطة لمت عليهـــــــــا خلق الله كلــهم)
...........
( نزلـــــــت قوت و زينب )
قوت :: خير جدكـــ شن في ؟
صفاء :: ( مصدووومة وتشبح لي راديوو )
قوت :: ( سكتت وشبحت حتى هيا وبدت تتمعن ف صوت )
زينب :: ( لاتعليق )
....
قصي :: تفضلي المايكـ عندكـ ههههـ
ملاكـ :: ههههـ ,, ماتوقعتش هبالكـ ي قصي يوصلني لي هنا .. ههه ــ , ( سكتــت وكأنـــــها كانت تااخد ف شهيــق طويـــل لي تعبير ع بنتـــــها )
...
ملاكـ :: صفاء ,, بنتي هههـ ,, من صغرها تربت ع إيدي ونحرمت من بوها ... الله يرحمه توفه وهيا قاعده صغيرة .. كبرت ع إنــه كل شئ نفقد منـــه .,, وكل ماتخصر شئ . كانت تجيني تبكي وتقولي إنـــه كل شئ يمشي ويخلي فيـــها زي بوها .. وسؤالها ديما كان ... علاش انا بس ديما كل شئ يبعد عليا ؟ ... ف وقتها كنــت نضحك ونقوللها انه ح يجي يوم وربي ح يفرحها فرح ح تسجد وتبكي ع خااطره ... وفعلاً ربي اليـــوم رزقها بي وااحد زيكـ ,, يحبـــها يحافظ عليها يحميها ويحطها ف عيـــونه .... ولو كنت ح تقوللها زي مانقوللها لما تجيكـ تبكي ... ف أنا نعطيك بنتي وعيوني مغمضاات ....
قصي :: ( تـــــــأثر بي كلامـــــــها بي البداايه .. وبعدين الفرحة مش سايعااته لما وافقت )
..
صفاء :: ( تبكي بي حرقة ... من كلام أمها من حب قصي .. من كل شئ بدي يتصلح في حياتها .. من صاحبتها الي قعدت جنبها ف اصعب اوقاتها .. ومن بوها الي توفى وهيا طفله من كل شئ صعب اليوم ح يكون قصي مرهم يدويها ف كل جرح )
قوت :: ههههههههههههههههـ ي عمري انتي الف الف مبروكـ ... والله ماااا أهبـــلـ من الأخ الا خــــوه هههههههه
زينب :: ي عنبوشكلكم عجبتني اللقطه ههههههههههـ
صفاء :: ( وقفت وحضنت قوت ) نحبكـ انا هههههـ
قوت :: انا قوت راه ههههههههههههههه
صفاء :: نعرف كلبه هههههـ
زينب :: حبوني معاكم ؟؟
قوت :: فكينا لانحضنك تجيبي عندي هههههههه
زينب :: كلبه واااااالله كلبه ههههههههـ
........................................................
( بعد مرور يومين )
( قـــــــــــــــدام البحر )
صفاء :: ( وهيا مستنده ع كتف قصي )
قصي :: ( حاطين أيديهم ويشبحو لي الخاتم الي لطالما تمنو وجوده )
صفاء :: انا لي توا مش مصدقة ... بي سرعة هاذي انا وانت و امير و قوت ننخطبو هههـ
قصي :: ههههـ ....
صفاء :: قصي !
قصي :: عيونه ...
صفاء :: بعد مانتجوزو ونكبر ... قصدي نولي عزوزة ... بتقعد تحبني وله ؟
قصي :: حبيبتي ماتفكريش فيــه الموضوع هذا ... مش كل مابناخد وحده بتسألني نفس سؤال ...
صفاء :: ( قعمزت كويس وشبحتــــــله ) كل مابتاخد ؟
قصي :: ( بي ابتساامه مستفزة ) اااي نعم
صفاء :: كيييف يعني ؟ ...
قصي :: حبيبتي شرع حللي 4 ... يعني اكيد مش كل وحده فيكم لما بتكبر بي نحبها انا ....
صفاء :: ( وقفت ) والله ؟؟؟ .... اي لا ماتعبش روحك امالا ... تو نمشي انا ونخليهملك 3 شن رااايك مش اريح ؟
قصي :: ههههههههههههههـ ( وقفلها ) نبصر عليكـ ,,
صفاء :: اي هذا فاش فالح ...... تكلم كلام يهد الحيل .. وتعالى قولي نبصر عليك ...
قصي :: خلاص تعالي ههههههه ( حضنها )والله نبصر .. تي انا وحده ومش قادر عليها تبيني ناخد 4 باش منقع راسي يكون قرقارش هههههههههههه
صفاء :: كه كه كه بااارده ...
قصي :: تي وكان تبدي وليتي اااابصر شنو .... بنقعد نحبكـ وبنزيد نحبكـ ومعاش بنبطل نحبكـ ,,, وديمااا وكل يوم وكل ساعه وكل دقيقه بنحبكـ ,,,,
صفاء :: وشن بدير بيهم ثوااني ضيفهم ...
قصي :: ي عنجد نكدك ههههههههههههـ ,,, وثواني والفسوه ودنيا كلها غير ارضي عليا بس ههههههـ
صفاء :: ( حضنااته ) ههههههههههه راضيه ...
قصي :: ههههـ مهبوووله وحق الله ..
صفاء :: طاالعه لي حبيبها ...
....................................................
( ف حوش أصاالــــــه )
أصاله :: ليه عليكـ ي بنتي ... ليه عليكـ أديري هكي ... علاش ماخديتيش وقتك قبل
سوسن :: مانعرفش خوفت ي ماما ( تبكي ) خووفت من كل شئ ف وقتها
أصالة :: ي بنتي سيوره بيجيك وليد حلال بيااخدك ... مش كل مره بديري هكي ....
سوسن :: ي ماما ماكنتش نحسااب روحي بنحبه ي ماما .... الكلام الي قاله كله .. كان اول مره نسمعه لما قاله هوا .... لي توا يرن في وذاني
أصالة :: شن قالك لما قلتيله لا ؟
.........................................
( قبــــــــــــل يومين )
#رسالة > ( ليث كلمني لو فاضي )
( بعد خمســــــــة دقايق )
ليث :: الو ..
...
سوسن :: أهلين
ليث :: سامحيني تلفوني ماكانش جنبي وكنت لاهي مع ورد ...
سوسن :: لا مش مشكله ...
ليث :: باه كويس هه ,,, كيف حالك ؟
سوسن :: تمام ...
ليث :: ( بعد صمت وشك ) ... متأكده ؟
سوسن :: ( بعد صمت وتردد ف الأجابه .. مع خنقة ف صوت ) لا
ليث :: خيرك ـ ؟
سوسن :: ( ونفجــــــــــرت بي البكاء )
ليث :: سوسن ؟؟؟؟ .......... خيركـ ؟
سوسن :: خاايفة ... ماقدرتش نفكر ....
ليث :: ( دوون إراده وحسااب للكلمات ) ي حبيبتي صدقيني مافيش حاجة تخوف ..... من شنو خايفة باهي فهميني .... من هذاكـ اليوم تقولي ف نفس الكلمه .... خااايفة مني باهي ؟
سوسن :: مش منكـ ,,,, بس خايفة نكونو ستعجلنا ... وهذا كلــه يكون غلط
ليث :: مافيش حاااجة غلط ... ومافيش حاجة اسمهـــا إستعجال ..
سوسن :: ( لاتعليق )
ليث :: انا حبيتك .. وهذا لا بي ايدي ولا بي ايدك .... الخوف هذا انتي وهمتي روحك بيه بدون داعي ..
سوسن :: مانعرفش .... مانقدرش ... مانقدرش
ليث :: شن هوا الي ماتقدريش ؟؟؟
سوسن :: مانقدرش نوافق ليث ... انا اسفه
ليث :: ( سكت وحس بي ضيق لي فترة )
سوسن :: سااامحني ... مانبيش نكون واافقت ع حاجة غلط مرات استعجلنا ... مرات تلقى وحده احسن مني وتندم .. مرات (قص)
ليث :: انا مانبيش وحده احسن منك .... ولو انتي مستخسرة ف روحك ف اعرفي انك غالية وغالية هلبه عندي ... وبخصوص الاسف وجو هذا ف انسي ... هاذي حياتك وجوابك وبراحتك .. واسف لو انا ضايقتك ... سامحيني
سوسن :: ( ف سرها :: مانبيكش تقولي براااحتك مانحبهاش .. خليك انت معاي وفهمني باااالك نقتنع )
ليث :: ديري بالك ع روحك .... مع سلامه
سوسن :: ( لاتعليق ........... وصكرت )
...............................................................
بعد اليومين ..
تاني يوم >>
( الصبـــــح )
( ف دااار سوسن )
قوت :: نوضي تواااا
سوسن :: خلااااص صبايا اطلعو وخلوني
قوت :: لا وراس امممك .... ت نوضي لانفجرك توا
صفاء :: ( مقعمزة جنب سوسن ع سرير ) حبي نوضي كلميــه توا وقوليلـــه شن ف خاطرك وريحي روحك
قوت :: تي اااااي هيا ..... وااالله ح تندمي لو ماعترفتيش ... الولد شاااريك وانتي باايعه الفول بي قشوره ...
صفاء :: ضمي فمك انتي ... هههههههههه .. سوسن
( خشت نوور بي سرعة البرق )
نور :: ي بناات ... سمعتو
صفاء :: ان شاء الله خير ؟؟
نور :: ليث بيسااافر
( فــــــزت سوسن من سريرها جت وااقفه )
سوسن :: كيييييييف ؟؟؟
قوت :: وحق ربي امالا تستااهلي .... ليا 24 ساعه وانا نتحنحن عليك رااااك تفهمي وانتي زي دمااغ سطل
صفاء :: قوووت الملافظ سعد .... ( شبحت لي سوسن ) حبي كلميه توا مراااات تقدري تلحقي عليه
سوسن :: ( وهيا تبكي وتشبح لي نور ) وانتي من قالك ؟
نور :: امير كان يكلم فيه ف تلفون ....
صفاء :: هيا حبي ماضيعيش الوقت ... اللبسي وبري شوفيه ماتكلميشي ... هياااا
نور :: تي ف المطار هوا رااه ... مزال نص ساعه ع طياارته
قوت :: كملت
صفاء :: ( تفنص ف قوت )..... هيا نوضي اللبسي ...
............
( تشجعـــت سوسن ولبست ومشت رفعتها قوت )
....
ف المطبخ )
صفاء :: ي روحي ان شاء الله تلحق عليه ...
نور :: من هوا ؟
صفاء :: تي ليث ...
نور :: ههههههههههههههههههههههههههه مساكين والله حتى انتم ... الولد لا بيساافر لا شئ في دكتور كان مسافر وهوا ماشي بيستقبله ومزال ع طايرته نص ساعه ... انا قلبت القصة باااش تفز وتمشي درهت الكبد
صفاء :: ههههههههههههههـ نهارك اسود ... باه وكانه تزبط ؟
نور :: لا ولا يهمك حكيت لي قوت وفهمتها ماتحسسهاش ودير بالها ههههههــ
صفاء :: منورة هههههـ ,, لا لانقنكـ فعلاً تنفعي مجرمة ههههه
نور :: امالا ششن تحساابي هههههه
....................
( بعد عشرين دقيقه بي ظبط )
( ف المطــــــــــار )
.....
#يتبع..
#سلمى
