الحلقة ال14 من رواية :://
#مغتربة_ف_وطن_العشق ......💌🌿
""""""""""""""""""""""""""""""""""""""""
أمير :: اي باه .... تو نصيح ونادي خالتي ملاك وخلينه نشوفو كيف مادخلنيش .... ملااااا(قص)
قوت :: ( حطيت ايدي ع فمه ) اشششششششش غبي ...
أمير :: ( قعد يرفع ف حواجبه وينزل )
قوت :: شنووو؟
أمير :: ( شبح لي أيدهاأأأ )
قوت :: ااه ... اي ..... ( نحيتها و رجعت خطوتين )
أمير :: اي !! .... شن طلعكـ ف نص الليل ؟ ... كان ماتطلعي جاية تشوفي ف حبيبكـ ي بنت ...
قوت :: ( فنصت فييه ) حبيب ف عينكـ ... لا مستحيل طبعاً ...
أمير :: ياعيني لي درجة هاذي ماعندكش أملـ يحبكـ حد ولا ؟ هههههههـ
قوت :: اكيد لا ...( وقعدت نتنطور عليه )
أمير :: اي امالا شن اديري هنا ؟
قوت :: وانت شن دخلكـ ؟
أمير :: كأنه خاطركـ تسمعي صوتي وانا نصيح ولا ؟
قوت :: لا ... شكله انت الي خاطركـ نصكرلكـ فمكـ مره تانيه ؟
أمير :: ( تغيرت نظرته فجأة وقعد يشبح بي طريقة حنونه لي وهلات ... ) وكيفـ عرفتي ؟
قوت :: ( لا ابتسامة ولا نظرة ولا حتى حاجة ماعاش فهمت شئ فجأة رجعت نار تركب من رجليااااا لي غااية قبعة راسي)
أمير :: ( بي لكنة المعروفة ف لغة العشق اللكنة الي تطلع من غير ماتحس تبداء تقول ف كلماات او بي نبرة بي صوتكـ هاااادية حانونة بصووت واطي لي ابعد حد لي درجة شخص المقابل ليكـ تجيه رعشة غريبة رغم انه مافيش لمساات برد من جو .. بي لكنة هاذي تكلم أمير ) توا انتي حلوة هكي ولا واخدة دور القمر اليوم ؟
قوت :: ( وجهي بدي يجيب الوان قناة مشفرة انا عارفة .... وبديت نحس في روحي سخونة من نار الي شااعل داخلي ... ونلعب بي ايدي زي المهبولة .... بسرعة حسيت انه لازم نحدف جملة اطلعه من كذبه العالمي ) وانت ديما هكي صاايع ولا هذا اول مره تقوله لكلام ( وشبحت لي جيهة تانيه بسرعة ع اساس مش هاامني )
أمير :: ( نزل راسه ضحكـ ورجع قاامه تاني وشبحلها ) تصدقي اولـ مره نقوله ؟ .... ( رجعت اللكنه تتحدث تاني ) ومش عارفة علاش يطلع قدامكـ انتي بس ...
قوت :: ( شبحتله وبعدين بديت نلوح في عيوني ف جميع جيهاات المهم مش ليه خير مانفضح روحي )
أمير :: ( سكت شوية وبعدين ) انا بنركب ... وانتي ماتعطليش شوية واركبي .. دنيا ليل وكل شئ فيها جائز ... ( سكت شوية ورغم انه قوت كانت تشبح لي جيهة تانيه وماشبحتلاش بكل ) ولا تبي نقعد معاكـ ؟
قوت :: ( في سري :: اي اي .. اقعد عادي ) لالا مش مشكله اصلاً شوية وبنركب ...
أمير :: تمام براحتكـ .... ( ومشي )
قوت :: لا مش براحتي ... المفروض يقعد ... غلط يخلي بنت بروحها .. لكن هوا قال ... ياااربي شن هذا الي انا نحس بيه ....
:...........................................................:
( قدام البحر )
قصي :: صفاء انا مانبيش نخسركـ ,,, ( كان يتكلم وهوا حااط كله انظااره ع البحر )
صفاء :: ( شبحتله وهوا يتكلم )
قصي :: مانبيش بعد مالقيتكـ أضيعي مني ,,,, ( شبحلها ) .. ممكن تقولي احنى ماليناش هلبه نعرفو بعض لكن انتي قيمتكـ عندي كبيرة ...
صفاء :: ولانه حتى انا قيمتكـ عندي كبيرة ... مانبيش نشوفكـ وانت تتصرف زيها لانه مش حايكون في فرق بينكم ...
قصي :: ( غمض عيونه وتلفتلها وبعدين رجع فتحهم ... خدي شهيق طووويل كاطفل صغير ومسك ايديها زوز الي كانو باردات زي ثلج وحظنهم بي ايديه ) تمام ... انا نوعدكـ انه ننساه ونفوتها ونحيها من حياتي وكأنه شيئاً لم يكن ... بس بشرط .
صفاء :: ( أبتسمت ) ههـ شنو ؟
قصي :: انكـ معاش تحاولي تبعدي او تنهي صدااقة بي اي طريقة كانت .... او لي اي سبب كان ...
صفاء :: ( سكت شويه وخديت وهله نزلت راسي ورفتعه ) قصي انت علاش متعلق بي صداقة كانت عبارة عن شرط من بنت طاايشة هههـ علاش ماتخيلتش اني كنت نبصر مثلاُ
قصي :: أعتبريني كنت نستنى فيكـ تقولي شرط هذا .. وا انا ع سبله هههههـ
صفاء :: هههههـ ,,, ( سحبت ايدي وشبحت للبحر) انا مانعرفش اذا كنت نقدر نسعدكـ ونسيكـ فيها ... او نسعدكـ بي خصوص الموضوع هذا ... انا ماعنديش اي تجربة ف الحب يعني ماحبيتش او(قص)
قصي :: ( قص عليها وهوا يحااول يسأل ) دقيقه دقيقه ... قصدكـ ,,, انتي ... عمركـ ماحبيتي ؟ ....
صفاء :: ههههههههـ ماتستغربش ... انا انسانه مانأمنش بالحب ... ومستحيل انه نعيش قصة حب .... هذا مبدئي في الحياة ... الحب نهاايته جرح وكسر ... وانا ي قصي لو ننكسر نموت ... هذا علاش انا مستحيل نعيش علاقات الحب ... ولو جت في حياتي انا حانحاول نتفادها .....
قصي :: ( مانعرفش شن حس قصي ف وقتها بس كانت خيبة امل كبيرة من صفاء ... وكأنه باب وتصكر ف وجهه .. ياترا قصي بيقتنع بي المبدئ هذا ولا بيحاول ينسيها الموضوع ومشاعر صدااقة تكبر ف قلبه ) ااه !! .. مبدء غريب ....
صفاء :: ههههههههـ يعني ماتستغربش بمأنه طالع مني ... المهم يالله انساه الي صاار .... وخلي صحبتنا مستمرة هههـ ,,, انا لازم نمشي ( ووقفت )
قصي :: ( ماشبحش لي صفااء وشبح للبحر ) تمام ... تصبحي ع خير ..
......................................................................
( صبح )
قوت :: ( كنت نبدلـ ونهدرز مع صفاء الي كانت تنظف في سنونها ف الحمام ( حشاكم ) ) لاااا انتي بجديات غريبة وحماره كل مانذكر الي درتيه قلبي ينخص ونفسي يهرب ...
صفاء :: ( غسلت وجهي نمسح فيه ) اي علاش يعني هااذي الحقيقه ... وبمأنه بيكون صديقي لازم يعرف ...
قوت :: ( تبصت راسي ليها ) انتي حماره ؟ .... الولد مرااات يطلع معجب بيك ... وطبعاً انتي شن درتي هووووب نفختي وطيرتي .... مااكـ هبله
صفاء :: انا نقوللها يفكر ف ايمان وهيا تقولي معجب بيك .... حوووله والله
قوت :: هيا هي ... البسي واطلعي وقت .... عبث مستحيل تفهمي .....
صفاء :: باه اقلبي وجهكـ افطري ..
قوت :: باااهي
:........................................:
( طلعنا ومشينا للكلية انا وصفاء وبعدين اتصلت بينا سوسن )
.:.
صفاء :: اهلاً حبي ...
سوسن :: ااه وين قردة ؟
صفاء :: ف الكلية .. علاش ؟
سوسن :: اسمعي امي مشت لي حوش خالتي بتتغداء غادي وانا بصراحة مانطيقش بنت خالتي ههههههـ رغم انه نموت ف خوها ههههههـ المهم بنطلع انا وقصي بنتغدو برا امكـ مهناش تطلعو معنا انا كلمتها ماقالت شئ
صفاء :: من كلمتي ؟
سوسن :: امكـ ؟
صفاء :: كلمتي .... امي ... وماقالت شئ ؟؟؟؟ لالا اكيد غالطة ف شور هههههههههههـ
سوسن :: لالا ي قردة امكـ ,,,, غير هيا تطلعو ؟
صفاء :: اي عادي مش مشكله .... انتم امتى طالعين ؟
سوسن :: انا شوية وقصي بيجي ياخدني ... انتم لما نطلع نديرلكم رنه تمام ؟
صفاء :: تمام حبي ....
..........................................................:::
قوت :: ( كنت لاهيه ف شت ونقرا )
مرام :: ( كانت شاادة تلفونها وتبربش )
أميرة :: ( كالعادة تقرم ف خلق الله ههههه)
صفاء :: قوت سوسن شوية وبتمشي هيا وقصي بيتغدو برا ... وعزمونا تمشي ؟
قوت :: ( نحيت شيت وقعمزت متعدله ) بس قصي و سوسن بيمشو ؟
صفاء :: اي امالا من تاني .... ؟
( شوية ... وشبحنا لبعض .... وعيطنا عيطة ف وجهه مرام )
قوت و صفاء :: اااااااااااااااااه حق مرام ههههههههههههههههههههههههههـ
مرام :: خيركم لعفووو ؟
أميرة :: خلعة ان شاء الله تصب مصاارينكـ منك ليها .. خير جدكـ انتي وياها ؟
صفاء :: هههههههههه ... ترا قولي من سااكن قدامنا ؟
مرام :: ناس .. من يعني ؟
قوت :: اااهو برداتكـ هاذي الي بتخليكـ تموتي محروقة ... صكري هالقراج وخليها تتكلم
مرام :: ههههههههـ باه منو ؟
صفاء :: مذيعكـ المفضل هههههههههه ي كبدي ي كبدي عرفتي متع حكايات ع عشق ولا ؟
مرام :: مستحيل ؟؟؟ ( قعمزت كويس ) لا ! ... ( وقفت وجت قدامي ) لالالالالالالا نهاااار احرش كيف وامتى و وين وعلاش ؟
قوت :: كيف هاذي ليها ايام ... امتى برضووو من ايام .. وين ... قدامهم ... علاش هذااا الي انا مافهمتاش هههههههههه
اميرة :: صح مرومة شن دخل علاش ف الموضوع هههههههههههـ
صفاء :: من صدمة تقبر عمري هههههههههههههـ ,,, تحااالولي نحكيلكم هههههههـ
.........................................:.............................
( ف المطعمـــ )
( كانت تقعميزة ربااعية ممله ... يعني سوسن و قصي جنب بعض ... وكانت صفاء مقعمزة قدام قصي ... وانا مقعمزة قدام سوسن .... وكلـ تفكيري كان فيه ... علاش ماجاش ... وينه .... بيجي ... ومانعرفش من بيجااوب سبونج بوب الي ف راسي يدوووي من صبح ماسكتش )
سوسن :: اااخ هاذي تقعميزة ولا بلاش .... يعني تخايلوني مشيت لي حوش خالتي وووكـ رااهو اكيد أطريت نقعمز نسمع للباردة ونتحمل ...
صفاء :: حرام عليكـ نحس فيها كويسة بتطلع .. ههههههـ
سوسن :: منو ؟؟؟ نووور ؟؟ مستحيل
( قصي كان يلعب بي شوكة ويشبح لي صونيا .. و قوت كانت تبربش بي فونها )
سوسن :: بصرااحة البنت بااردة ومغرورة ومتجكترة ... يعني علاش الكذب .... هيا مش مغرورة ومتجكترة هلبه ...... بس واللهي تحسيها خبيثة وهاااذي من جماااعة الخبث من تحت التحت ..... وانا بصراحة بديت نكرها من لما بدت ( وشبحت لي قصي ) تنعجب بي قصي ,,
قصي :: ( رفع رأسه وشبح لي سوسن ) وخيركـ تشبحيلي شن انا الي خليتها تنعجب بيا ؟
سوسن :: معلووووم انت ... والله ي حبيبي كانه مش ع طالعه ونازله تقوللها "نورتي كيف حالكـ" ... "نورتي كبري " .. "نورتي صغرت " ولا انا نكذب ؟
صفاء :: ( كنت سااكته من الخاااارج لكن من داااخل بي حاجة كاانت تااكل فيه اكل ونفنص ونشبح لي زوز زي المهبولة )
قصي :: ( يشبح لي سوسن ومستغرب ) اي باه وخيركـ هكي تكلمي فيا شن يعني عيب كاانه نعجبت بيا ؟
صفاء وسوسن مع بعض :: معلووم عيب
قصي :: ( شبح لي صفاااء طوول )
صفااء :: ( توترت ومعااش بي يطلع لكلام يعني نتكلم بلمء مء ) يعني ... المفروض .. قصدي عيب ... واللهي عيب ... يعني صح مش ع طالعه ونازله نورتي نورتي ومش عارف كبرتي ومش صغرتي ولا مش عاارف ... يعني غلطـ ,, قصدي بتعلق بنت نااس فيكـ مااتصيرش ( كنت نتكلم بي درجةة الاخيرة من صوت العالي وبشرح بي لايدين )
قوت :: ( نخلعت من كلام صفااء فجأة نااضت ف لولد نوضت لله لله .. ) هييي اشش انتي .. أهدي لاينتلصلك عرق ... وبعدين شن دخلكـ فيه كان نعجبت بيه ولا لا ؟
قصي :: ( كاان موجه كل أنتبااهي لي صفااء الي نتخصت فجأة وعلامااات الغبااء ع وجهه بذت تظهر )
صفااء :: لاااا عيب عليكـ شن شن دخلني ..... ماسمعتيهاش تقولك يقوللها "نورتي" "نورتي " يعني نور تي يعني نور و تي معناها ليه ... يعني ملكه .... يعني وكأنه يخصص في نور بي أنه ليه ... وهذاا غلط ( شبحت لي قصي بي عفويتي الغبية الي تطلع فجأة وكانه أنفصاام في شخصية ) صح ولا ؟
قصي :: ( ساااكت ولا كلمة )*
صفااء :: يعني كان ماتطلع تحبها لاسمح الله ..قصدي يعني هكي ... ( وتفركست تااني )
قصي :: ( أبتسم ابتساامته الجانبية وجذاابه بس كاانت خفيفه مش حاتظهر الا ليه )
سوسن :: اااااالله الخالق ناااطق تفكيري .... بوركتي ياااااختااه ههههههه والله زي بزبط ... ( شبحت لي قصي ) شفت كيف نفس تفكير افهم ....
صفاء :: ( كنت مصدومة بلي قلته بس فوتها وبتسمت بسرعة بااش نخفي الغبااء الي درته )
قوت :: ( كنت نشبح لي صفااء الي وكأنه ماكنتش نعرفها فجأة هكي البنت نقلبت حقوق .... )
قصي :: ( وخر وتكه ع الكرسي وحط ايده ع الكرسي متع سوسن وتكلم بي كل برود وهوا مبتسم بي استفزاز ) يعني اكيد بتكون زي تفكيركـ ,,,, مش انا زي خوها اكيد بتخااف عليا زيكـ
صفاء :: ( كنت مبتسمه لي سوسن .. فجأة عيوني وكأنه ابصر من داارلهم stop ف مكانهم .. قعدت مسبووها ف سوسن وحتى من الابتساامه هربت ... ف حااجة غزت صدري ... زي الي مووس مسنن ... مانعرفش بس وكأنه شربت سم وبدي ياخد مفعوله ... مانعرفش دموعي الي مااعندهمش لا شغله لا عمله الا يوقفو زي جنود باااش ينزلو لكن شديتهم وشبحتله ... قدرت نشد دموع بس رعشة فمي الي فيا زي الاطفال ماابتش تختفي )
صفاء :: اي صح ..... خوي .. ( شبحت لي سوسن ) زي خوي هوا .... ( نتكلم بي كلمة ونسكت ونتكلم تانيه بعد تواني زي الي كيف معلمينها لكلام جديد ) زي ... خوك هوا .. وخوي ..... ( وخديت شهيق ماااحد ركز ) يالله انا بنمشي نغسل ايدي ونجي ...
قصي :: ( كان يشبحلها وكأنه يقول ف نظراته تستاهل .... هوا يقهر فيها ومايعرفش علاش ... وهيا تزعل وماتعرفش علاش... وف الاخير زوز مش فااهمين المصيبة الي ختااروها تحت مايسمى بي #صدااقة وخلوها تخش بيناتهم وتكبر وتكبر وهاااات من ينزل نااارها )
....................................:::::::::::::::::
( بعد مدة من زمن )
قوت :: كأنه طاااولة فاضية ؟ ( قلتها بي ابتسامه بي طريقة غبية )
قصي :: لا ... عادي ... علاش ناقصكم حاجة ؟
سوسن :: تبي حبي حاجة ؟
صفاء :: ( شبحت لي قوت )
قوت :: لالا ... قصدي .. ف حد ناقص .... ( سكت شوية وكانو كلم يتمكنوني بي نظراتهم ) امير .. يعني نحسابه بيجي ..
سوسن :: هيييييييييييييه كيف نسيت خوي ههههههههـ ,,, اي اي تو نكلمه اصبرو
قصي :: ( ابتسم وتلفت لي روشن بي في لفة هاذي كااان ضروري يخطم ع المحطة الاوله ولي هيا عيون صفاء الي كانو قداامه ويشبحوله )
صفاء :: ( نزل ف عيوني كل ماااجت عيني ف عينه ... مانعرفش اصلاً علاش نشبحله بس هذاا هوا نشبح وخلاص .. )
./,,,/
سوسن :: أأه عندكـ مقاابلة ؟ .... باه عادي كمل وتعالى ..
أمير :: تمام باه ... من في هوا امي وبوي بس ؟
سوسن :: تي لااا مش كلنا قصدي العيلة .... قصدي كلنا انا وقصي وصفاء وقوت ....
( ايواااه اهوا الاسم الاخير الي ماكنش لازم ينقال )
أمير :: ( سكت شوية وبعدين ) حبيبتي خليها مره تانيه المقابله بتم بكري وانا بنمشي نرقد تعباان
سوسن :: تي خيركـ انت ... مره بتجي ومره لا خيرك غيرت رايك ؟
امير :: معليش مره تانيه ... هيا نتلكمو بعدين ...
:..........................:
قصي :: خيره ؟
سوسن :: عنده مقابله شغل ... لكن ف البداية قال بيجي وبعدين غير راي ..... يملح
قوت :: ( بصوت واطي نتمتم باش مايسمعني حد خير مااننفجر ) ااي اكيد ع خاطري ...................:.
::::::::::::::::::::::::::::::::::::::::::::::::::::::::::::::::::
::::::::::::::::::::::::::::::::::::::::::::::
::::::::::::::::::::::::::::
( تمت اللمه الحلوة وكل وااحد رجع لي مكااانه .... وطبعاً ليالي العشق معروفة ف المنااطق الي تكون صغيرة بسيطة فيها بحر ونسمتها هاادية مع انغااام الموسيقة تركية رااقية .... تخلي الواحد اجبااري يفكر ف الحب .....
>>>؛؛؛××÷
" على صوت انغاام الموسيقى ....
" على دقة رنه من كل نغم فيها ,,,,
" على ألحاان الاغنية التركية ,,,,
" على كلماات الاغنية #يامن_يتساقط_الحب_من_هوائها_ومائها ....
( معلومة .. معشوقة اغاني تركية انا ..... وهااذي الاغنية تتكلم عليهم هما .... لما تتخاايلو نغماتها مع القرااءة بتكون امتااع اكتر )
>>
( على صوت كلماتها رائعة )
كان كل واااحد منهم .... ف مكان >>
#أمير ...
( مقعمز قدام البحر ... يفكر ف قوت .. يفكر شن الي فيها خلاه يتغير ويبدااء محترم ... يبتسم ف كل ماايذكر حركااتها كلماتها المجنونة وضحكتها الساحره )
#قوت
( تذكر ف كل جملة سااحره رومانسية عااشقة قاتله شاغفة قالها ... تذكر ف موقف #عيونك_حلوين ... تضحكـ ,,, ترجع تذكر لما ماباش يجي وتقول ع خاطر زعما )
#قصي
( يفكر ف الي قاله .... وهل هيا فرق معاها او لا .... زعما حق تعتبر فيه خوها ولا لا ... وهل الي يحس فيه نفسه ال***** وانتو افهمو ... يغمض ف عيونه بي ايده ويرجع يفتح فيهم ... يذكر ف لقائهم الاول جوها .. غبائها ... عفويتها .... واخر شئ قاله بعد مااذكر .... بحصرة بي ضيق بي خنقه بي عشق .. >>>
قصي :: اميرتي المجنونه ههههـ
#صفاء
( تفكر ف مبدئها .. تفكر ف قصي .... تاكل ف روحها ... مقعمزة ع طاولة الكوجينة وشاده جيلاطي تااكل زي البيبي ... تذكر فيه"انا زي خوها " وتصكر في عيونها وتفتح .... تفكر ف كلام قصي عن الحب ... انه اول ماتشوفه ماتحس الا بي شئ غريب خش لي جسمك وكأنه وبااء .... نزلو دموعها وهيا ف عز الابتسااامه )
....................................................:::::::::
( تاني يوم كاان ممل جداً ,,,,
#قصي
( مشي للخدمة و شغلـ وماطلعش من المكتب ... )
#صفاء
( تشغل ف روحها بي ضماان الحوش )
#سوسن
( لاهيه ف اللمه الي بديرها ف ليل لي صحبااتها وشن بطيب )
#ملاك
( كالعاده مشت للخدمة )
#ناصر_واصالة
( مشو يشرو ف حاجات للحوش )
:...........................................:
( اما #قوت ... و #أمير )
( تعالو شوفو )
:.......................:
( تحت العماره )
قوت :: ( جيت بنركب للمصعد ... وأمير كان واقف جنبي تقابلنا قدام العماره لكن ماهدرزناش وماسألش كيف حالكـ كان وكأنه اول مره يشبحني )
أمير :: ( ولا كلمة لا شبحلها لا كلمها )
قوت :: لو تبي تركب نركب من دروج انا عادي ( وانا مبتسمه ع امل نخليه يركز انه فيه مخلوقة واقفة )
امير :: ( بدون مايشبحلها ) لا تو نركب انا من دروج ( ومشي )
:......................................................................:
( ف حوش #أااصالة )
( ف المطبخ )
أمير :: ( خش ولقي قوت الداخل ) سوسن جيبيلي ميااه لي داري
سوسن :: تي خش هااذي قوت انا بنطلع الكيساان برا .... خووش ( وطلعت )
قوت :: ( مشت طوول لي دولاب وطلعتله طاسه .... )
أمير :: ( فاتها وفتح دولاب وطلع بروحه )
( بعد ماشرب وكمل وجي بيطلع )
قوت :: ( بي كل صرااحة وبي كل عصبية ومن غير مانحط حدود ) ممكن تفهمني خيركـ انت ؟
أمير :: ( هناااا يرجع امير نفسه وهوا عاطي لي قوت بظهره ابتسم ابتساامت الخبث ) ( تلفت ) خيرني ؟
قوت :: شن خيرك ... تعامل فيا وكأنه عدوتكـ ,,,, يعني ف المطعم انا متأكده انك ماجيتش لانه انا غادي ... ولما جينا بنركبو بكري لا كلمتني ولا حتى شبحتلي ... وتوا متجااهلني ..... انا ردت حاجة غلط ....
امير :: ( شبحلها شوية وبعدين ) تبي تعرفي ؟ ....
قوت :: اي وانت شن رأيك ؟
أمير :: ( قرب منها خطوة خطوة .... وجي جيهة وذنها وهمس بي هدووء تاام ... بي نفس لكنه العااشق بي صوت وااااطي ... بس تجريح ف نبرة ) ممكن لانه بديت ننعجب بيكـ ي بنت
قوت::.............
#يتبع......
#سلمى
