الحلقة ال28 من رواية ..: 🙊💜
#مغتربة_ف_وطن_العشق😍💕
...................................................
( بعد عشرين دقيقه بي ظبط )
( ف المطــــــــــار )
........
قوت :: أهدي شوية تو نلقوو ...
( البنات كانو يدورو يمين ويســار ع ليث ... )
سوسن :: شكلـــه سافر ...
قوت :: تي وين بيساافر ريحيلي روحك انتي تانيه ... مزال دقائق ع طيارته شن بيطير بي جوانحــــــه
سوسن :: أووووف ...
...
ليث :: ( بي أستغـــراب ) صبايااا !!
سوسن :: ( لفت )
قوت :: ( إبتسمت .. )
...
( نعوود ... لي تشتعل نغماات الاغاني بي لهيب الحب وبي نظراات الشوق ... نغماات تعبر عن لقااء مُرتب ... عن شخصـــين وقعو في شبااكـ العشق المخططه .... عن شخصيـــن أختارو طريق الزواج قبل الحب ....
( مع أغنية #أنت_قدري التركية .. )
سوسن :: ( لا إرادياً مشت حضنااته بي دموع الفرح وهيا تضحكـ بي طريقه جنونية )
قوت :: هههههـ ,,,
ليث :: ( إبتسم . أبتساامه لطالما كانت لي رجل الوسيم دائماً .. )
سوسن :: الحمد لله إنــــه لقيتكـ ,,, الحمد لله يااارب ... الحمد لله
ليث :: هههههههـ ش فييه ؟؟ ( يشبح لي قوت ويضحكـ )
سوسن :: ( وقفت قدامه .. ) انت كيـــف كنت بتساافر وبتخليني ؟؟؟ وكيف تنهي المكالمةةة بي كلمةة براحتكـ ,, شن لو كانت راحتي معااك .... وتوا جااي بتساافر وبتخليني من غير ماتقول ..
ليث :: ( يشبح لي قوت ومستغــــــرب ) نساافر ؟؟
قوت :: ( حاطـــــــه أيدها ع فمـــها وتضحكـ )
سوسن :: ااي بتساافر ... وعلاش هكي مستغرب .. انا الي مفروض نستغرب مش انت ؟؟؟ ...
ليث :: سوسن .. حبيبتي ... انا ماكنتش بنساافر
سوسن :: كيف ؟؟ .( شبحت لي قوت )
قوت :: ههههههـ سوووري ههههه
سوسن :: لا مستحيل
ليث :: هههههههههههههههههـ ... ع فكره .... الموضوع عجبني لولا هكي ماكنتش نعرف انه ..... راحتكـ معاي ... ( ويشبحلها بي طريقة مستفزة )
سوسن :: ( خدودهـــــا بدو ياخدو ويعطو ف لون الاحمر )
ليث :: خيرهــــم خدودكـــ ؟؟
سوسن :: ( حطت أيديها ع خدودها ) خيرهـــم ؟؟؟
ليث :: ماكنتش نحساابكـ تتحشمي هههههه
سوسن :: لالا ... قليلت أدب حشاااكـ ,,
قوت :: هههههههههههـ ,,,
ليث :: مش مهـــم ..... اااي ... شن كنتي تقولي ؟؟؟
سوسن :: ( فنصتــ من صدمة ) شنو ؟
ليث :: ( رافع حاجب ويضحك ) شنو ؟؟
سوسن :: شن شنو ؟؟؟ .... ماكنت نقول ف شئ ...
ليث :: لا قلتي ..... قلتي انك تحبيني وتبيني ... وووو هلبه حاجات
سوسن :: اااااانا ؟؟... كذااااااب ماقلتش ..
ليث :: شن ماقلتيش ؟؟؟
سوسن :: انحبك ونبيك .... ( وهيا تفنص )
ليث :: و توااا ؟؟؟
قوت :: ي عليك غبية هههههههههههههههههـ
سوسن :: ( نزلت راسها ) ههههه مبردك ..
ليث :: ههههههههههـ ,,,
................................................................
( ف حــــــوش أصالـــــــة )
نور :: ي عمري اااانتم تهبلووو
سوسن :: هههههههـ ,,
صفاء :: اااي ... وشن قالك .. امتى بيجي ؟؟
سوسن :: قال قريب ... لكن توا لازم يكلم لولاد ...
قوت :: قالها عيب نجي نخطب وهما صحابي مايعرفوش ...
صفاء :: اااه اي صح ....
قوت :: وانتي ي هبله شن صار فيكـ ؟؟
نور :: منوو ... انا ؟؟
قوت :: اي ....... شن صاار ف حساامو .. ماجاش خطب تاني ؟
نور :: هههههههه اضحكي حتى انتي ي قوت ..... مستحيل
قوت :: شن هوا الي مستحيل ؟؟؟ .... اكثر من سوسن وليث معاش في مستحيل
نور :: انا المستحيل ب حد ذااته ...... مأيد مستحيل يوافق ... بحكم إنه حســــــــام زمان كان يتعاطى ف مستحيل يوافق
صفاء :: زمـــان ! ... وإنتي قلتيها .. يعني ماعنده علاش بيرفض ... معقوله عقلــه سطحي مأيد لي درجة هاذي ؟
سوسن :: قصدي حســام تغير وماشاء الله عليه وله ..... علاش مأيد يتبرد هكي ؟؟
نور :: ( خنقتــــها عبرتـــها ) مأيد هكي .. من صغره يحب يأمر ويتصلت ... وبمأنه راس ولد ف ماما تحب توقف معاه .. لكن انا مسكينه هههه حقي ضايع ....
قوت :: ماتبكيش ي قلبي تنحــل ان شاء الله .....
نور :: ( وبدت نور تبكي ) انا خايفة من حاجة وحده بس ... خايفة حســام من غضبه يرجع للهم الاسود من جديد ... ومن امس نتصـــل بيــه مايردش ..
قوت :: لالا إستهدي بالله .. وان شاء الله مافيــش الا كل خير
( طقطق باب دار وخشت ملاكـ )
ملاكـ :: صفااء قوت يالله ماما بنروحو ...
صفاء :: هيا ماما ...... هي نوضي .. ( شبحت لي نور ) نهدرزو ع نت باهي ..
نور :: تمام ..
........................
( مع ســـــــاعه 2 في ليلـ )
( رجعنـــا لي قصص ليلــ وأحبااب ليلـ ,, ولي كلـ واحد فيهم لاهي بي همـــه ... وفرحه ... وضحكته ,,, وحزنه )
..
( ف حــوش أصالة ... )
( سوسن كانت تهدرز مع ليث وخداها نوم ورقدت ... اما بالنسبة لي نور ف كانت واقفة ع البلكونه وشاده تلفونها ع امل يتصل حساام )
...
( شرين تلفون نور ... وطول داراته صاامت وردت )
نور :: ألو ؟؟
...........
حساام :: ( بي صووت غريب ) ايوااه
نور :: حبيبي وينك ... من امس وانا نتصل .. انشغلت عليك ؟
حساام :: موجود ... انتي وين ؟
نور :: انا ف حوش خالتي ... سوسن كانت تعبانه وكنت معاها
حساام :: باه كويس ... وكيف حالها توا ؟
نور :: الحمد لله تمام ..... حساام ؟
حسام :: عيونه
نور :: صوتكـ متغير .... فيكـ حاجة ؟
( تبدااء مسيقة هاادئة .. قاتلــه .. حزينةة .. معبــره ... عن مدى خوفه ... قلقه ... حزنه .. عذاابه ... شدت عشقه لها ,, )
( >> الموسيقة التركيه لي أغنية #yanadim )
حسام :: فيا حاجة ؟؟
نور :: اي !
حسام :: شن بيكون فيا أكثر من انه استحشتك ... شن هوا الي فيا ي نور أكثر من انه نتعذب كل يوم .... استحشت نشبح لي عيونك .. نشد ايدك ... استحشت ريحتكـ الي كنت نكشخ عليك باش معاش اديريها لانه شباب يشمو فيه
نور :: ( بدت دموعها تنزل بي تسلسل )
حساام :: نبي نكلمك امتى مانبي ... نبي نشوفك امتى مانبي ... نبيك ي نور .. نبيك جنبي .. نبيك مرتي وام ولادي ... نب ينعرف علاش حرموني منك ..
نور :: ( بدت دموعها تنزل دفعاات جارحة )
حساام :: ( خنقااتــه عبرته يتكلم ودموعه ماجفتش ) معاش نبي نكلمك ف ليل زي الي مداير حاجة غلطه .... علااش هما هكي يديروو .... المااضي متعي مشي خلااص ... علاش يبوني نرجعله توا .. كل ماتبعدي عليا اكثر كل مانفكر ف السم الي كنت عاايش معاه اكثر ...
نور :: ( فزعت من بين هذكم دموع كلهم بي خوف ) لا بالله عليك .. لا بالله عليك امانه عليك ماديريش هكي ... انا ويااكـ تعبنا هلبه باااش نسيناااه ... خليهم يديرو الي يبو المهم انت تكون بخير
حسام :: ( يبكي بي حرقه الرجل العاشق ) نور !
نور :: عيونها وقلبها وروحها ... نعم ؟
حسام :: ماتصكريش ... خليني نرقد ع صوتك ...
نور :: حااااضر .... مش حانصكر بكل .. وعد ..
حساام :: نحبكـ انا تعرفي ولا ؟
نور :: أكيد ي عمري نعرف ..... حساام .. انت وين ؟
حسام :: راقد قدام البحر .. ههه ,, ف المكان الي كنتي تهربي باش تجي تشوفيني فيه .. وهوا نفسه الي لوحت فيه انا ويااك سم الي كنت ناخد فيه ..
نور :: ( حطت ايدها ع رقبتها وكأنها بدت تختنق ) حبيبي خلاص نوض اركب سياارة وخليك فاتح الخط ..
حسام :: حاضر ...
نور :: يالله نبي نحكيلك كيف حبيتك اول ماشفتك ههه.. .
( كانت دموعهم سابقة لي كل كلمة قالوها وضحكاتهم تعبر عن قوتهم وضعفهم ف نفس الوقت )
حسام :: تمام هه ..
.....
( إستمرت نور ف الحديث وحسام ساكت ... و إستمرت معهم كلمات ونغمات الاغنية ... دموعهم ماجفتش ... )
,,,,
( وجي اليـــوم التاني )
..........................................
سوسن :: نور !! ؟؟
نور :: ( كانت راقدة قدام البلكونه وحاطه رأسها ع الباب )
سوسن :: نووضي ؟؟ .. نوور
نور :: ( ناضت )
سوسن :: حبي خيرك راقده هنا ؟؟
نور :: ( ناضت تحك ف عيونها وتتكسل ) مانعرفش ... شكله خدتني عيني
سوسن :: باه نوضي ... تعالي نفطرو شوية والبنات بيجو بنطلعو
نور :: تلفوني ؟؟؟؟ ( فاقت ... وإستاقظت للي صار ف ليل )... تلفوني وين ؟
سوسن :: تي اهو ....
نور :: ( فتحــت تلفونها .. لقت رسالة )
>> رسالة ..
(حبيبتي عارفك مارقديتش لي صبح ... نوضت بكري ماحبيتش نتصل ونتعبك .. انا ماشيه لي صالة رياضه نكلمك لما نطلع ... نحبك )
نور :: ( ضحكت ضحكت من وسط قلبها ) هههههههــ ,, الحمد لله قاعد يمشي لي صاله رياضة
سوسن :: ههه من هوا ؟
نور :: ( شبحتلها وحكتلها كل شئ صاار )
سوسن :: ي عمري انتم ..... المهم هوا توا كويس ... وان شاء الله مايصير الا كل خير ...
نور :: امين ... يااالله نوضي نغسل وجهي ونبدل حوايجي ونجيك
سوسن :: تم ...
............................................................
( بعد ساعة .. تحت العمارة )
قوت :: لا ...
أمير :: وانا صكرت راااااسي ومش ح تمشي
قوت :: لا ح نمشي ومادخلكش فيااا ... هيا سياارتك ولا سيارتي
أمير :: مادخلنيش ف سياارة ... انا دخلي فيك ...
قوت :: وخيرني انا ان شاااء الله ؟؟؟؟
امير :: خايف عليك ي حماره ... وين نندري انا طريق شن فيها من مصاايب ؟
قوت :: اكتر منك انت مصيبة مااافيش .... وبنمشي
امير :: قو(قص)
سوسن :: لولولولولولوللولولولولولولوللولولولي .. هي انت ويااااها وين ماشين بيه هذااا كله ان شاء الله ؟؟؟؟
صفاء :: لاااا خلاص عاد ليكم سااعه تتعاركو .... اتفقو وريحونا ..
نور :: ي امير ي غالي خلاص قوت من يوم يومها ترفع و تجيب وتسوق من شن بتخااف توا ؟
قوت :: لا ماااهو قبل مانعرفه دنيا اماان ... لكن بعد مانخطبت انا ويااه بدي شر ف كل تركينه ..
امير :: صكري فمك ..
قوت :: لا
امير :: ااااااااخ ياربي من ه راااس الياابس .
صفاء :: أأهو جي الاخ تاااني ... كملت والله
البنات :: هههههههههههههههههههـ
..
قصي :: خير ان شاء الله .... خيركم واقفين كلكم هنا .. ؟
نور :: يتعاركو على منو بيرفعنا ....
قصي :: من امتى هذا كله .؟
صفاء :: ليهم سااعه .. ( جت وقفت جنبه )
قصي :: لا واضح وباين من هنا الحيااة الزوجية متعكم الهااديه ههههههههـ
البنات :: هههههههههههـ
قوت :: خوك راسه يااابس .... ( وشبحتله )
أمير :: لا سلامتك انتي وحشاااكـ ,,
قصي :: ( شد ايد صفاء ) انا ناخد حبيبتي ونمشي انا ويااها وانتم ان شاء الله تنفلقو ...
صفاء :: هههههههههـ ..
( مشو قصي وصفااء )
نور :: سوسن هيا حبي نمشو كعاابي خلاص ههههههـ
سوسن :: يالله بينا ههههههه
قوت :: لاااا خلاص استنو .... ( شبحت لي امير ) انا الي بنسوق
امير :: كيف يعني ؟
قوت :: برا معنا انا بنسوق ...
امير :: وانا نقعمز جنبك ... ؟
قوت :: يس
امير :: عينك ...
نور :: شنوووو تاني ؟؟؟؟
امير :: باهي باااه خلاص .... امشي انتي وياها قدامي .
......
يتبع..
#سلمى
