الحلقة ال7 من رواية
#مغتربة_ف_وطن_العشق 💌🌿
:::::::::::::::::::::::::::::::::::::::::::::::
( لي يرجع زمن يمشي بيبطء تاااام لي تاني لقااء بين الثناائي العاشق قصي&صفاء .... توصل سيارة وينزل منها بطلـ و أمير القصة بي بطء تام وهوا لابس نظرااته سودااء بي سورية سوداء مع بنطلون جينز وشخصية جنتل ماان ... )
( صفااء مع صدمتها لي تاني لقاء مع نفس شخص الي بهدلاته ونفس شئ بي صدمةة جماله الي اول مره يلفت نظرها شاااب )
قصي :: (جي وقف جنب أمه مقابل البنات ) سلام عليكم ...
صفاء :: ( #لاتعليق )
قوت :: ( مبتسمة ) وعليكم سلام
أصالة :: هاذي بنت صاحبة الحوش يعني جارتنا الي قدامنا ... (وهيا تأشر ) وهاذي صاحبتها صفاء و قوت
قصي :: ( كانت علامات وجهه عادية جداً بمعنى ماعطاش اي اهتمام لي صفاء وكأنه ولا عمره شافها )
صفاء :: ( لاحظت الموقف فاخلت روحها عادية جداً ) أهلين ..
قصي :: ي مرحب .. تشرفنا
قوت :: يالله خالتي نتلاقو ان شاء الله وربي يعاون ...
........................................................................
(تعارف عن قرب)
( وأخيراً )
( واخيراً بنتكلم انا ... اهلاً طبعاً تعرفو شن اسمي ولي هوا صفااء وامي ملاك وتعرفو انه انا عايشة مع امي بروحنا ف الحوش نقرا اسنان وهاذي أخر سنة قبل تخرج أعز صديقاتي مرام واميرة والاقربهم قوت ديما عندي وانا ديما عندها .. انا كاأنسانه محبوبة من قبل المجتمع هههه لساني طويل بنت ديما وهيا تتكلم عفوية ف تصرفاتي ومانحبش نحط حدود بيني وبين ناس ... )
( اليوم ولي أول مره يارودني شعور غريب أولـ ماشفته .. يعني من نوع الي اذا شفت شاب مايهمنيش لبسه شكله او حتى حاجة فيه ... نحب نهتم بي نفسي بي صحباتي وبس .. موضوع شباب بالنسبة ليا تافه ونحس انه لو خشيت فيه حايكون موضوع فاشل ... بس هوا أثار أعجابي لي وهله .... لي أول مره نحس بي احساس غريب ... أول مانزلو رجليه ع الارض من سيارة قلبي بدي يدق بسرعة غريبة وأنصدمت لما شفته نفس شاب الي تعركت معاه ف دروج قبل يومين ... بس الغريب انه زي الي ماعرفنيش وماحبيتش تكون دقة من جيهتي لهذا درت روحي عادية .... )
.::::::::::::::::::::::::::::::::::::::::::::::::::::::::::::::::::::::.
( ف #الكلية )
مرام :: ( وهيا شاادة المجلة وتتفرج كالعادة ... بصراحة مرام من نوع الي تحب تطلع ع الماركات وأخبار الفنانين أول بي أول ) حق ماقلتيش شن رأيك فيهم العيلة الي سكنو قدامكم ؟
صفاء :: ( نشرب ف نسكاافية ونشبح لي روشن سرحانه )
مرام :: صفووو ؟
صفاء :: (#لاتعليق)
مرام :: صفوووووووو؟
( قوت و أميرة شبحولها )
صفاء :: ( شبحتلها وانا نفنص ) خيرك العفوو ؟ ..
مرام :: انا الي خيرني ولا انتي وين كنتي سرحانه ؟ .. من بكري نادي فيك
صفاء :: ااه ماسمعتكش ... نعم ؟
قوت :: ( قبل كانت لاهية ف الفون سكراته وحطاته ع طاولة وشبحتلي ) خيرك ؟
صفاء :: ( شبحتلها ) شئ ...
قوت :: ( قامت حاجب ونزلت حاجب ) عليا .؟
صفاء :: واللهي شئ .... ( شبحت للبنات ولاحظت في اهتمام غريب ف عيونهم اتجاهي ) شن في خيركم ؟ ههههههههه
أميرة :: وين نندرو عليك انتي خيرك سرحانه ولا انتي هنا ... شن في احكي حبي ؟
صفاء :: واللهي شئ ..... ( شبحت لي مرام ) خيرك شن كنتي تبي ؟
مرام :: كنت نسأل فيك ع العيلة .. الي سكنو قدامكم ...
صفاء :: ااه ... خيرهم ؟
مرام :: كيف جووهم ؟
صفاء :: مانعرفش ... هيا المراه ماشاء الله عليها زي هيا زي بنتها وراجلها ...
قوت :: ( حطت راسها ع كتف مرام وتتكلم بي طريقة سحنونه ) اااااااخ وكان تشوفو ولدها .... اوووخ جنتل ماااااان
صفاء :: ( غمضت عيوني نص وشبحتلها )
أميرة :: باللهي عليك ههههههههه ,,, اشرح اشرح ي معلم
مرام :: ههههههههـ ,,
قوت :: ( وقفت وجت قدام طاولة .... قامت راسها فوق وحطت ايد ف جيب وتانية برا و قامت روحها وتمشي زي لولاد ) هكي يمشي .... ( حطت ايدها ع عيونها ) وحاااط نظارة سوداء .... ووقف قدامنا ... وقال سلام عليكم
أميرة :: ( نفجرت بي ضحك فجأة هيا ومرام ) شكله مدين ههههههههههههه
مرام :: هههههههههههههه... باه كملي
قوت :: هههههههههههـ ,,, وكاااان جااف ف كلام أبووو شخصية وااضح .... ( بعدين رجعت لي حالتها طبيعة وتكلمت بي تعجرف ) عكس خوه
صفاء :: ( أبتمست ) بالعكس أمير يهبل ..
أميرة :: ( شبحتلي وبعدين شبحت لي قوت وهيا مصدومة ) اسمه امير ؟؟؟؟ ههههههههههههههه.. تذكري في(قص)*
قوت :: هوا هوا ي عمري هوا نفسه ( وقعمزت ف مكانها )
أميرة :: لااا هههههههههههههههههـ
مرام :: شن هوا احكو ؟
قوت :: ( وحكت القصة بي تفصيل )
البنات :: هههههههههههههههههههههههههـ
صفاء :: صااار عندك معاه صوااابق ههههههههههههههههههه...
قوت :: وين الي يضحك ف الموضوع مش فاهمه ؟
مرام :: تو شن خطر عليك ي مطرشقة تقعمزي ع سيارة هههههههههه
قوت :: اهو كيفي كده
صفاء :: اي الي كيفك كده ههههههههههه .... غبابير كيف بصير فيك لما بتدي تتلاقي معااااااه غبر فيك ان شاء الله ههههههههه
أميرة :: تو نجي معاك انا تو يشبحني معاش يكشخ عليك ههههههههههههه
مرام :: ههههههههههههههههـ ,,,
صفاء :: اش اش ماما تتصل ..... ألو
:.:.:.:.:.
ملاكـ :: اهلين حبيبتي ...
صفاء :: اهلين ماما كيف الحال
ملاكـ :: تمام انتي امتى مروحة اليوم ؟
صفاء :: مع 2 علاش ؟
ملاكـ :: اممم ... انا بنمشي توا عندي عملـ واحتمال نتأخر لانه بنمشي لي خالتك عندها ناس بيجوها وتبيني ندير معاها حاجات ....
صفاء :: اي عادي خلاص عندي المفتاح نروح ونستناك ....
ملاكـ :: انا ف البداية مانبيش نخليكـ بروحكـ ,,,
صفاء :: لالا ماما عادي تو تروح معاي قوت ( وغمزت لي قوت )
ملاكـ :: تمام باه .... اولـ ماتوصلي كلميني ... دير بالك ع روحك ماما وسلمي ع البنات يالله ف امان الله
صفاء :: وانتي ديري بالك ع روحك ي قلبي مع سلامة
.............................
قوت :: ( بادرت ب الكلام أولـ ماصكرت من ماما ) شن رأيك تمشي تجيبلي حوايجي ونعلقهم عندك ونزور اهلي مره ف الاسبوع مش احسن
البنات :: ههههههههههههههههههههههههههههـ
صفاء :: جت ف اليوم ي كلبه .... غير هيا ماما مهناش مانبيش نقعد بروحي بلا جو ...
قوت :: هذا الي صاااحب رفاق سوووء .... والله ع مرت خوي كان حن قلبها هيا الي بديرلي الاجراءات وكانه هذااا بتقعدي بروحك ي بعد طوايفي
مرام :: لالا مرت خوك كويسة كلميها نوضي ههههـ
قوت :: خديتو عليها شكلكم هههههههـ ,, غير حامل وكانه هذا راجلها لما يذبحني ولي هوا خوي الموقر
اميرة :: نوضي كلميها امشي ههههههـ
صفاء :: ههههههههـ
.:::::::::::::::::::::::::::::::::::::::::::::::...............
( ف الحوش )
( #ليلاً )
( كنا مقعمزين نتفرجو ع تلفزيون ودنيا كانت صقع بدااية شتاء)
صفاء :: ( حطيت طاسة شاهي وشبحت لي قوت ) قوت !
قوت :: ( من غير ماتشبحلي ) نعم ؟
صفاء :: انا ندير ف حاجة وماقلتلكش عليها ( قلتها بي براءة تامه خوفاً من الطرف الاخر ههههه)
قوت :: ( حطت طاستها وشبحتلي ) ايواااه أن شاء الله خير ؟؟؟؟
صفاء :: ( لاتعليق )
قوت :: تي تكلمي ..... هيا ادوي ؟
صفاء :: عرفتي المذيع الي تسمعله مرام ؟
قوت :: ايواااه ؟
صفاء :: انا خديت تسجيلات الحلقات من مرام ونسمع فيه ....
قوت :: ( نطت ع صالون بي فرحة تامة وهيا تضحك ) لااااااااا ههههههههههههـ من متى ي بعدي
صفاء :: منذ مده ههههـ
قوت :: كلبه من وراااااي هههههههههههه
صفاء :: ( نزلت راسي ) اوووووف معاش نبي نسمع من امتى انا الكلام هذا ينفع فيا ....
قوت :: ياسرك بلا جوو الهبال هذا انتي تسمعي بس شن نفدتي ؟
صفاء :: اي لكن شن الي فيه خلاني ننجدب هكي ونسمعله ؟قصدي مانفوتش بكل كل تسجيل نعاوده ونسمعه ونتأثر بيه فعلاً
قوت :: ( أبتسمت من عيونها ) قصدكـ بديتي تتغير ي بنت واخيراً هههههـ ,,, واخيراً هتلر قلبه حن هههههه
صفاء :: قوت ماتخلينيش نضربك توا نخدلك غيبوبة ..... غبر فيك نقولك بديت نحس ونتحسحس وتقوليلي تغيرتي تي شن وحش انا بنتحول ؟؟؟
قوت :: ههههههههههههههههههههههه اي مرات .....
صفاء :: ي كلبه بلا ضحك عاااد ياسرك .... بري الحق فيا حكيتلك امشي ملحي ...
قوت :: وين ماشية ؟ ههههههههههههه غير استني
صفاء :: ( نتلكم وانا نلبس ف كبوطي ) بننزل شوية
قوت :: تي بلا جو صقع .... تعالي خلاص معاش نضحك هههههه
صفاء :: ههههههـ امشي ملحي نتمشى شوية ونجي ..
قوت :: باه ماتعطليش امك جاية هههههههه ...
صفاء :: باهي .. نوضي صلي وانتي من بكري تتفرجي ...
قوت :: حاضر .... وانتي صليتي ؟
صفاء :: اي حبي ( لبست سبيدروي وشبحتلها ) اممممموه نحبك تو نجي
قوت :: حتى انا يالله مش تعطلي ...
صفاء :: حااااضر ...
........................................................................
( تحت ف العمارة)
( نزلت بنتمشى شوية ع البحر ولي هوا احلا حاجة قداام حوشنا ... أفكاري كانت متشتت انا ماكنت نحب نسمع كلام الحب الفاضي ولا ونحب نسمع فلاسفة الحب القداماء هههههه بس بصراحة في حاجة فيه شدتني نوعاً ما ... اسلوبه تفكيره طريقة حبه مانعرفش بس استغربت معقولة ف ناس مزال يحبو زيه هوا .... يعني شافها ف مطعم معقولة يرجع يدور عليها مره تانيه ع امل يلقاها وع امل لا .... غريب كان الوضع بالنسبة ليا ... وانا نازلة اولـ ماطلعت من باب العماة كان في صوت واصل من جيهة سيارات الي كان مدرسين .. يعني صوت واحد يكشخ ع حد ف تلفون .... نجدبت لي صوت ومشيت ورااه لين وصلت .. . وشفت نفس شاب الي تعاركت معاه ف دروج نفسه الي شافني صبح وماعرفنيش )
.................
قصي :: ( كان يتكلم بي ايديه ويغمض في عيونه من شدة عصبيته ويقبض ع ايده ) مافهمتش انتي من شن مصنوعه ي بنت ...
( وكان الواضح انه طرف تاني يتكلم بي هدوء تام او بي استفزاز ع مايبدو علي قصي )
قصي :: تي انتي متزوجة وجاية تكلمي فيا .... لو حق تبني لاش ماشية تتزوجي .... شوفي ي بنت ناس انتي خترتي طريقك وانا خليني ف حالي صكري ومعاش تتصلي مره تانيه ..
( اولـ ماصكر تلفون تلفت وكان متوجه للعمارة ... مالحقتش نمشي او نحاول نوضح انه ماكنتش نتسمع عليه .. بس شافني وقف وقتها وقعد يشبحلي )
......
صفاء :: ( تكلمت ) سلام .... طبعاً ماكانش قصدي بس صوتك ماشاء الله كان واصل للعماره كلها .... ( كانت كلماتي غبية ومش مناسبة للموقف بس انا انسانه تصرفاتي مش محسوبة .. )
قصي :: ( لا تعليق )
صفاء :: ( كنت نلوح بي عيوني يمين ويسار .... ونرجع نشبحله نرفع في حواجبي ع اساس لو عندك حاجة قولها ) يعني ... يعني بجديات قصدي ماسمعتش .... ولا حاجة ( بي ابتسامه تأنيب ضمير نوعاً ما )
قصي :: لا عادي ولا يهمك ...
صفاء :: ( عيوني فرحو لانه تكلم ع اقل هون عليا كنت نحسابه عبارة عن بركان وبيتفجر ف ايتها لحظة هههههه ) كويس ههه
قصي :: ( تخطاني وكان بيمشي )
صفاء :: لو سمحت .. ( أطلقت كلمتي بدون أدراكـ )
قصي :: ( تلفت . ) نعم ؟
صفاء :: ( ترددت كلماتي ف الاول بس بعدين تشجعت ) انتي ماعرفتنيش ع مايبدو ؟
قصي :: ( رفع حاجب ) عفواً ؟
صفاء :: هههههـ لا أصلاً مش ضروري ( قلتها خوافاً من ردة الفعل )
قصي :: ( أبتسم أبتسامة ع جنب .. كانت سااحره ) ههـ ...
صفاء :: ( أبتمست رد ع ابتسامته ههه )
قصي :: إنتي نفسها البنت الي أمكـ صاحبت ع الحوش صح ؟
صفاء :: ( ف وقتها عرفت انه يحسابني نتكلم ع تعارف صبح ) اي .... بس انا نتكلم ع انه انا شفتكـ مره ف دروج ... ولقااء ماكانش لطيف نوعاً ما
قصي :: ( و أخيراً كمل الابتسامة الي كانت ع جنب ) ههههـ اي عرفتكـ ....
صفاء :: ( درت حركة بي خشمي ع شدة تفاهة الموقف ) أسفة كان كلامش دش شوية ..
قصي :: هههـ لا يعتبر هلبه مش شوية بصراحة
صفاء :: هههـ صح ...
قصي :: هههـ لا عادي ولا يهمكـ ,,, حتى انا ردي لاباس بيه ف نتأسف منك ..
صفاء :: ( هنا حسيت بي عفوية جيملة نتشرت ف جميع انحاء جسمي أحساس بي رااحة حلو خلاني نتكلم معاه بدون حدود ) تمام بس بشرط هههههـ ؟
قصي :: شرط ؟ هههـ ولي هوا ؟
صفاء :: هههههـ بي مأنك بتكون جااري هههـ وباش مانختلفوش تاني لانه انا لساني سليط ومستحيل نشده وانا عارف انك توفي بالغرض فا نقدرو نكونو أصدقاء ( مدت ايدي )
قصي :: ( أبتسم نفس الابتساامه ع جنب ) هههـ ( مد ايده وسلم عليا ) تمام هههـ
صفاء :: هههـ يعني بتكون ولد جيرانه ف ضروي تكون صديق صح ههههـ
قصي :: ( أبتسم وهوا يهز ف راسه يمين ويسار هزه خفيفه ) صح هههه،
صفاء :: و ... ( ترددت بي الكلام بس .... فضولي استبق الاحداث ) و واجبي كاصديقة نسمعك ... يعني لو تحب تتكلم او تفضفض ( و كان كلامي ضرب معناه ع المحادثة الي دارت بينه وبين شخص المجهول ع الفون ) سركـ ف بير ..
قصي :: ( سكت ف البداية وبعدين ) تمام .. أكيد
صفاء :: ( أبتسمت ومشيت بنخش للعماره )
قصي :: صفاء !
( هنا يأتي زمن لي يعوود يمشي بيبطء ... مش بس صفاء الي وقفت وقف معاها قلبه عن نبض لما نطق بي أسمه كانت ف حاجة خلتها تلاحظ انه ف نبرة صوته لما نادها وكأنه نفس شخص الي ردايو ... وقفت بس أستغرقت دقائق باش تلف وترد عليه ... سرعة و زمن كان في بطء تام بي هذا الموقف ... )
....
صفاء :: ( تلفتت وشبحتله وانا مبتمسه )
قصي :: ( ف عيونه كانت في نظرة استغراب ممكن من كلامها من تصرفها العفوي ااطفولي ممكن تحركت مشاعر مكبوث كامشاعر صداقة لي اول مره .... بي ابتسامة خفيفه أغلقت العينين ) تصبحي ع خير
صفاء :: ( أطلقت نفس مبكوث من صدر لانه كنت نراجي فيه شن بيقول مع ابتسامه ) وانت من اهلو ..
....................................
( هنا تبداء صدااقة .... صداقة جميلة بريئة حلوة كوميدية ... تملاءها ضحك والحب والثقة والامان ... تبداء روايتنا من هنا ... ف هل بتستمر صداقة من طرفين ولا بتتغير من قبل أحدى طرفي لي تصبح أقوة من مشاعر صداقة .... وهذا الي بنعرفو في تعمق ف روايتنا أكثر ...... )
........................................................................
( بداية صداقة )
..................
#تتبع
#سلمى
