الحلقة ال19 من روايةةة ...
#مغتربة_ف_وطن_العشق ...""
::::::::::::::::::::::::::::::::::::::::::::::::::
امير :: ( بي تنطوير ) باه هيا هي ... اركبي سيارتك وتعالي وراي
قوت :: تمام
امير :: كلمي أمكـ طمنيها مش تجي هكي وخلاص ...
قوت :: حاضر ... ( تلفتت لي صفاء ) صفاااء !
:......./،
صفاء :: نعم !
قوت :: هيا بنمشو .... صبايا وين ؟
مرام :: أمي بتجي تروح بيا توكلو انتو ... سلامات
صفاء :: ( سلمــــت ع البنات ومشيت )
............................
( فـــ سيارة )
صفاء :: ( ساكته ولا كــلمه )
قوت :: ( شديت فوني وكلمت امي ) ايواه ماما ؟
.............
رقية :: أيواه اهلين ...
قوت :: كيف حالكـ ؟
رقية :: تمام الحمد لله ... وينكـ من بكري نغطي عليكـ ونقوله عند صفاء ...
قوت :: اي ماما بنروح بي صفااء وبنجي ... اسمعي ماما
رقية :: نعم ؟
قوت :: صفاء تبي تشري هدية لي خويله ملاك ..
صفاء :: ( شبحتلها )
قوت :: وتبيني نرفعها توا ... وتوا ساعه مع 8 ماما عادي نمشي ؟
صفاء :: ( نفنص فيها )
رقية :: باه غير ردو بالكم ع روحكم ... وكلميني كل شوي .. باهي ماما ؟
قوت :: حاضر .. ( وصكرت )
.:...................:.
صفاء :: شن تخرطي انتي ؟ ... شن هدية هيا ؟
قوت :: عندنا مشوار بنديروه ... مانبيش نسمع صوتك لين نديروه ونروح بيك ...
صفاء :: تتمهتكي ؟ ... قوت واللهي نقتلك .. وين بنمشو ؟
قوت :: تو لما نوصلو تو تعرفي ...
صفاء :: ( نشبحلها ونفنص وجميع تعبير وجهي توحي بالعصبية )
قوت :: ننصحكـ تشبحي قدامكـ لانه مش حانتكلم ..
صفاء :: تمامـ ,,, تو نوريك ,,
قوت :: اصلاً انا رافعاتك باش نشوف .... باش توريني ... ( ونشبحلها من تحت لي تحت )
صفاء :: مافهمتش لي وين تبي توصلي ...
قوت :: اهو قريب نوصل ...
........................................................
( و وصلـــنا للأذاعه )
( فـــ سيارة )
صفاء :: وين ؟ ... زي الي احنى ف الاذاعه ؟
قوت :: اي .. .وبتنزلي وبتخشي .. واليــوم بتفهميني شن قصتك مع قصي ....
صفاء :: بلاا ... بلاا جو ... مش حاننزل .. ومافيش لا قصة لا شئ
قوت :: واللهي وكانه ماتنزليش توا تشوفي .... انزلي
( نزلـ أمير وخش للاذاعه )
صفاء :: قتلك مانبيش ... ومااكانش في داعي نجو ... شن جو هذااا ...
قوت :: انزلي صفاء ... توا !
صفاء :: ( نفنص ) لا
قوت :: توا ... والا واللهي ماعاد مكلماتك ... هيااا ..
صفاء :: قووت شن تحلفي .. ياسرينا عاد
...................................................
( داخـــلـ الاذاعه )
قصي :: أمير ! .. خلاص اطلع تو نروح
أمير :: لا بتنوض توا هيا ... جيت انا بنروح بيك تردني معقوله ... نوض هيا
قصي :: ( شبح للمكتب وصكر لاب توب متعه وناض ) اووف هيااا نوض هي ...
....................................::::::
( قدام الاذاعه )
( كنت وااقفـــة انا و قوت جنب سيارة .. شوية وطلع قصي وامير ... قصي كان يشبح لي تلفونه ومش مركز مع الي برا وماشي وراء امير ... وأولـ ماتكلم امير )
أمير :: أركبي سيارتكـ وتعالي وراي ...
قصي :: ( قامـ رأسه وشبح للبنات بعدين شبح لي صفاء )
قوت :: تمام .. ( شبحت لي قصي ) كيف حالكـ ؟
قصي :: ( يرد علي قوت وهوا يشبح لي صفاء ) كويس ...
قوت :: الحمد لله ..
صفاء :: ( عيوني مانحيتهمش من على قصي نشبحله ومخنوقه بنموت من نظراته )
قصي :: ( نزلـ عيونه ومشي ركب مع أمير )
قوت :: ( مستغربه من حركاتهم لا سألها كيف حالك ولا هيا سألاته ونظراتهم لي بعض غريبة نوعاً ما .. ركبنا سيارة .)
...
#ف_سيارة ...
صفاء :: ( نزلو دموعي لا شعورياً ) قوت !
قوت :: ( شبحتلها لما حسيت انه صوتها خانقاته العبره ) هيييييي خيركـ ؟
صفاء :: باللهي عليكـ كلمي ماما وقوليلها انه بنباتو عندك ... وروحي بيا لي حوشكم باللهي عليك
قوت :: تي غير خيرك شن في ؟
صفاء :: غير ديري زي ماقلتلكـ تو نحكيلكم باللهي عليكـ ,,,
قوت :: باه خلاص اسكتي معاش تبكي .... دقيقه نكلم امكـ ,,,
( وقفنا ف سيمافرو ونزلت صفاء الكرسي وغمضت عيونها وكأنها بترقد ... )
...........
قوت :: ألو ... اهلين خويله
ملاكـ :: اهلين بنتي كيف الحال ... وينكم ؟
قوت :: الحمد لله ... اي هذا علاش متصله بيكـ ,, خويله تخلي صفاء تبات عندي اليوم ..
ملاكـ :: اي باهي .. غير وينها هيا ؟
قوت :: اهي جنبي خدتها عينها شكلها رقدت احنى ف طريق هههـ ,,,
ملاكـ :: امم .. ( حست ملاكـ انه في حاجة مش طبيعيه مع بنتها ) اول ماتوصلو قوليلها تكلمني باهي ؟
قوت :: حاضر ..
.......................
( صكرت من خالتي ملاك وتصلت بي امير )
...
( في سيارة #أمير )
أمير :: اي قوت !
قوت :: حبيبي احنى مش مروحين للعماره مروحين لي حوشنا ..
أمير :: ( نفتح سيمافرو ومشي امير وانا قاعده وراه ) .. علاش ؟
قوت :: ( شبحت لي صفاء لقيتها راقده ) .. صفاء تعبانه شوية وماتبيش تروح للعماره ..
أمير :: ( شبح لي قصي الي كان مركز ف روشن وسرحان ) خيرها ؟
قصي :: ( هنا قصي ركز وبدي يسمع في امير )
قوت :: مافهمتش في حاجه بينها وبين قصي ولازم نعرفها ... فجأة نقلبو ع بعض ... ماركزتش ؟
امير :: لا ...
قوت :: اول ماطلعنا قعدت تبكي ومافهمت منها شئ غير انه تب يتروح لي حوشنا ...
امير :: باه كيف حالها توا ...
قصي :: ( اهنى قصي شبح لي امير )
قوت :: تمام راقده .... المهم حبيبي انا بنلف وبنروح رد بالك ع روحك ...
امير :: لا استني تو نلف معاكـ ,, صكري
قوت :: تمام ...
.........................
( بعد ماصكر امير ,,, أمير سكت وماتكلمش ولا كلمه . اما قصي فابيموت ويعرف شن في )
قصي :: شن في علاش لفيت ؟
امير :: قوت مروحه للحوش وبنمشي وراها ....
قصي :: ( سؤال الي في فمه ومش عارف كيف ينطقه .. " باه وصفاء ... بتمشي معاها ؟ .. بتروح غادي ؟.. يعني بترجع تهرب مني مره تانيه ...؟ باه علاش ماتبيش تروح بيها ؟ " ) .. باه من هيا الي خيرها ؟
امير :: ( يرد عليه بي برود تام ) صفاء ...
قصي :: ( شبحله .. ونطق كلمته بي خوف وااضح ) خيرها ؟
امير :: ( بي برود ) شئ ...
قصي :: تي شن شئ ... خيرنا ي امير عااد ... تقولها خيرها .. وكيف حالها ... تي تكلم ... خيرها صفاء ؟
امير :: اهداااء انت بشوية عليك .... ماخيرها شئ ..
قصي :: اللهم اعطينا طولت البااااال .... ياامير تكلم ... خيرك
امير :: ( شبحله ) مافي شئ ... ( ودرس سياارة )
:::::::::::::::::::::::::::::::
( درست سيارة ونزلت وجيت من جيهة صفاء وفتحت الباب وقعدت نوض فيها .... طبعاً قصي يشبح فينا ويحساب ابصر شن فيها صفاء ...)
.......
( ف سيارة امير )
قصي :: ( يشبح لي سيارة قوت ..وكيف قوت واقفه ) ( شبح لي امير وبي عصبية وبي عفوية وبي كل مشااعر دااخليه تحركت فتح الباب ونزل )
أمير :: ( نزل ووقف جنب سيارة )
..............
( بحكم انه امير درس بعيد عن الحوش بي شوية .... ماناضت صفاء ونزلت رجيلها من سيارة وكيف بتنزل .... وقف قصي ع الباب متع سيارة وانا مشيت نفتح ف باب الحوش )
...
>> وهنا تعود نغمات الاغنية الطبيعيه ...
>> ألاغنية المرافقة لي أوجااع .. ( قصي & صفاء ) ..
>> تعود الاغنية بي ألحانها المؤلمه ....
>> مع رفع عيون صفاء بدمعات صفاء بدون أحساس منها ...
>> وخوف قصي بدون اي تركيز ع تصرفاته وشرارة عيونه ...
( ألاغنية التركية ... كم رأيت من نار !! فدعني وشأني .. أنت تخاف من نار .. اهرب وانقد نفسك )
...........
( تكلمـ بي لكنة العشق .. بهدوء قااتلـ ,,, بي كلماات تحملـ من جرح الحب ... وبي عيون تلمع بي دموع العشق ...و بي قرب يفصل اللقاء القااتل )
قصي :: خيركـ، ؟
صفاء :: ( تشبحله وساكته )
قصي :: قتلكـ خيركـ ؟
صفاء :: ( ساكته ودموعي ينزلو بدون احساس )
قصي :: ( نزل راسه ورجع شبحلها من جديد ) في كل دقيقه من الوقت الي فات ف اليوم هذا نقول مش حانضعف قدامكـ ومش حانفكر فيك .. وفي كل ثانية من دقاائق هاذم نفكر فيك اكتر واكتر ... ماتحرقينيش اكتر وقولي خيركـ ؟
صفاء :: تعبانه ... ( غمضت عيوني ) ومخنوقه ومانعرفش علاش ...
قصي :: ( شبحلها وبي غصه وبي حرقه سااكت ومش قادر يتكلم )
صفاء :: نبي ونبي ونبي وماااانبيش ومانعرفش شن فيييه ( بي خنقه قالتها ) اناااا تعبت ....
قصي :: ( هز بي راسه بي طريقه وغمض عيونه و فتحهم وشبحلها ) .... علاش هكي ديري .... علاش هكي ديري فينا .. ؟
صفاء :: ( تبكي )
قصي :: ( هز بي راسه ) مبدء .... المبدء الغبي متعكـ ,, اي ... فهمت .. تبي وتبي وتبي ومااتبيش ... وتهربي مني .. وتبكي وتعذبي فيا وهذااا كله وماااتقدريش ... ماتقدريش تكوني .. معاااي ........ ع خااطر مبدء ...
صفاء :: ( نزلت راسي وقعدت نبكي )
قصي :: ( شبحلها بي عصبية .... خبط ايده ع سيارة بي لقوة ) غبي ....
صفاء :: ( نبكي )
قصي :: ( ومشي ... )
...
قوت :: ( مشيتلها نجري بعد كل الي شوفنا من بعيد وسمعنا انا وامير ) صفاااء ....
صفاء :: ( نزلت من سيارة وحضنتني ... ) ااااخ معااش نبي معاااش نبي شئ خلاص
قوت :: اشششش خلاااص .. ( شبحت لي سيارة امير ولقيتهم مشو )
.....
( ف سيااارة )
قصي :: ( سكت وسكت وبعدين .. قعد يخبط في ايده ع سياارة من قداام ) غباااااااء هذا غباااااء ....
امير :: قصي ؟؟ ... وقف ... تي وووووقف ي اارااااجل خيرك ..
قصي :: ( يخبط في ايده ... ) علااااااش هكي علاااش ... غبيةة
امير :: ( درس سيارة )
..
قصي :: ( نزل منها .... )
امير :: بطل بلا هبااال شن هذا الي دير فيه ... شوف ايدك كيف ولت ..... تي قولي شن فيه فهمني شن الي يستاااهل ادير هكي ع خاطره
قصي :: تحبني .... لكن ماتبيش تكون معاااي لانه خاايفه ... ع خااطر مبدء غبي حطاااته ف حياااتها ... غبية .. فهمت توا
امير :: تي اسكت ي رااجل شن تقول هكي خيرك ....
( مشي بعيد عن سياارة )
>> بي نغمات أغنية دخلتـ ع نص الروايه
>> بي نغماات حاارقه تتبع دقات القلب الموجوع لي قصي ..
( الاغنية التركية .. تخلى أيها القلب ..تخلى فلا أحد يسمع صوتكـ ..)
قصي :: ( وبدي يصيح .. يحااول يطلع الي في قلبه من غم ويفشه لانه نتفخ منها ) ..... اااااااااااااااااااه ... غبيةةة .... تهرب مني وترجع تبكي ومش فااااهمه علاااااااش ... فهمت ..... فهمت ... انااااا نحبهاااااااااا
امير :: ( يشبحله من بعيد كيف يصيح ... )
قصي :: ( يصوت هاادي ) نحبها ... نموت فيها وهياا مش فاهمه ..
أمير :: ( مشي جنبه ... حط ايده ع كتفه ) اركب تعالى ..
قصي :: ( وقفت ياخد في شهيق وزفير وكأنه كاان يجري من مسافه طووويله ) ....................
.................................................
( تاني يوم )
" صبااحـ جديد ... لانعلم ماايخبئ لنا من أقداار .. "
............................
زينب :: نوضيها ...
قوت :: لالا خليها .. ماتشوفيش فيها كيف تعبانه ورااقده ...
زينب :: باه لي امتى بتقعد هكي ... معقوله تحبه وخايفه تكون معااه ... عنده الحق يتعصب .. وهيا تتعب
قوت :: ( واقفين نتفرجو عليها كيف راقده ) باللهي كيف بنديرو بااه .. هااذي صفاء وهذا تفكيرها ومبدئها الطبيعي ... شكله الي كااان مقدرله يتعذب بي حبها هوا قصي الله غالب
زينب :: ماعندكمش جامعه اليوم ؟
قوت :: لالا .. امتحانات الفاينل قربو جو اسبوعين ...
زينب :: باهي بتوفيق ... نوضيها خلي تفطر واطلعو غيرو جو خير من تقعد وتتعذب ف الحوش ..
قوت :: باااه حبي تو نوضها ..
...................................................
( ف حوش أصالة )
أمير :: صباح الخير ...
العيلة :: صباح نور ..
ناصر :: وين خوكـ ؟
أمير :: خطفو امس ويبو مليونين فديه ...
اصالة :: سحييييقه هههههههههه
امير :: ههههههههههـ ,,, ( قعمز )
ناصر :: باه كاان كملت خفت دم . قولي وين خوك ..
امير :: تي وين نندري عليه انا .. هوا ولدي ولا ولدك ... مش انت الاب اااذاً عليك بلاهتمام به ....
ناصر :: جبتكم وحصلت فيكم .. لا تريس لا ينعبى عليكم ....
امير :: ( سااكت ويشبح لي امي الي من بعيد ادير ف حركات متع ماتردش عليه )
ناصر :: طااالع انا .... وكلموه قولوله بوك يبيك .... فاااهم ولا
امير :: ( هز بي راسه بي معني اي )
سوسن :: بابا ...
ناصر :: نعم ؟
سوسن :: قوت كلمتني بتطلع هيا وصفاء بنت خالتي ملاك للمحلات نمشي معاهم ؟
امير :: ( كان يااكل وقف ورفع حاجب ونزل حاجب تاني بي طريقه مضحكه )
ناصر :: باه ... تبي فلوس خودي من امك و ديري بالك ع روحك ....
( طلع وصكر الباب )
امير :: ( تلفت لي سوسن ) ايوااااه وقوت هاذي مااعندهاش من تسأل لما تطلع ولا كيف ؟
اصالة :: عندها اكيده سألت بوها وامها ...
سوسن :: اي وقالولها باهي ...
امير :: ايوااااه .. بااه كويس ... ممتاز .. ( ناااض )
.................................
( ف داار امير )
أمير :: ( يتصل بي قوت )
..............
قوت :: حياااتي ... صباح النور
امير :: ( رد بي عصبية ) صباااح الخير
قوت :: كيف حالكـ ,,, كيف كنت بنتصل بيك
امير :: لاااا علاش متعبه روحكـ وبتتصلي .... لا عادي حتى بعد ماتروحي اتصلي وين المشكله ...
قوت :: كيييف ؟ ... مافهمتش ؟
امير :: ووووين ياااخانم طالعه ولا قلتيلي ولا سألتيني ولا حتى حااجه ... كيف هكي ؟
قوت :: علاش ؟ .... شن يعني كانه سألتكـ بتقولي لا ؟
امير :: انا مش حانقول لا ... لكن ع الاقل تااخد شوري ...
قوت :: وووو شوركـ ف شنو ان شاء الله ... لا فهمني ماافهمتش .... خطيبي ولا راااجلي باش ناخد شورك ؟
امير :: ( تعصب هههه ) كيف ؟ ... شن هوا الي انا شنو ؟ قوت ماتعصبينيش ...
قوت :: ( بي عصبية ) لااااا يابابا انت الي ماتعصبنيش انا بوي وخوي قااعدين ناخد رااااهم هما .. لكن انت لما تتحشم ع وجهك وتجي تخطب تو ناخد رايك .. ( وصكرت عليه )
امير :: قوو .... الو ... ال(قص ) .. ( بي عصبية قعد ياكل في روحه ويضغط ع الفون بي القوة )
..............................................
صفاء :: ( مقعمزة نشبحلها ومصدومة ) خيركـ ؟ ... علاش هكي كلمتيه ؟
قوت :: هههههههههههه عجبني ردي هههه... يستاهل من يحسااب روحه متصل يكشخ جديده هيا ...
صفاء :: ( ضحكت ) ههههههههههههههه هبله ...
قوت :: نوضي نوضي حبي البسي نسخن سيارة ونمشو ناخد سوسن
صفاء :: باه
قوت :: كلمتي امك ؟
صفاء :: اي ...
قوت :: باه ..
...........................................................
( قدامـ العمارة )
امير :: وين بتمشو ؟
سوسن :: مانعرفش مزال ماقرروش ... علاش ؟
امير :: لا شئ نسأل ... يالله مااشي انا
سوسن :: ماااشي سلامات
......................................................
( ف سيارة )
قوت :: اهو رجع يتصل ... ههههه ، ,,, احم احم ... ألو
........
امير :: اولاً مزال تصكري عليا نكصرلك رااسك ... تانياً انتو وين ماشين ؟
قوت :: مانعرفش ... وين ماتعرفنا سيارة ...
امير :: قوت ...
قوت :: ( بصوت حنون وبي لكنة هاااديه ) عيونها ...
امير :: ( رغم عنه ضحك ضحكه ع جنب ) ههههـ ,,,
قوت :: هههههـ
امير :: ( بي تنهيدة ) نحبكـ مانعرفش كيف نعصب منك بكلـ ,,,
قوت :: ههههههههـ ,,,, انت وين ؟
امير :: كيف طلعت من الحوش وماشي للخدمة ..
قوت :: اممم .. ماقلتليش شن جو الخدمة ... فيها بنات ؟ ... وكم وحده ... وطبعاً كيف شكلهم .. وكم عمرهم .. ولو صعب تجاوب تو انا نجي ندير دوره اصلاً نبي نشوف خدمتك ..
صفاء :: ( مصدومة وتضحك )
امير :: شن هذاا ؟؟ ههههههههههههههههههه الوفيات ومادروش ديرك ههههههه
قوت :: جاااوب ولا تمهتيك ....
امير :: حاااضر ,, هما يجو 20 بنت ... حلوين .. بصراحه اكتر من حلوين ... مواليدهم 93 95 جو هذا ...
قوت :: ياااااا سلاااام لا قولي حبيتهم وخلااص ..
امير :: بصراحه علاش الكذب .. هما ينحبو ..
قوت :: ااااامير ..
امير :: ينحبو بالنسبة للي ماعندهمش من يمله عيونهم ... اما انتي ماليتيلي عيني وزياااده ..
قوت :: ههههـ ,,, روماانسي خطير هههههه
أمير :: هيا وحده نحبكـ ,,,
قوت :: ( شبحت لي صفاء )) مستحيل هههههه
امير :: لا بتقوليها ..
قوت :: مره تانيه ...
امير :: توااا ....
قوت :: ههههههه تبصر ... عيب
صفاء :: ههههههههههـ صكرت وذاااني هااا
قوت :: هههههههههههـ
امير :: هههههههههههههـ ,, اهو تفهم ماشاء الله ... يالله
قوت :: نحبكـ ,, هكي باهي
امير :: هههـ نموت فيك .. يالله ردي بالك ع روحك .. ومعاش تعصبيني ... ومعاش تصكري تلفوني ف وجهي
قوت :: حاضر .... باي
.......................................
صفاء :: انتوو بص(قص) ( رن تلفون صفاء ... ) ( وبي صدمة ) ... قصي !
قوت :: اي ردي .... هيا صفاااء ردي
صفاء :: ( شبحت لي قوت ... )
( رديت )
صفاء ::...................
يتبع............
#سلمى
