واأسفةةة ع تأخير ظروفي تحكم ✋🏻💔😞
الحلقة ال15 من رواية :://
#مغتربة_في_وطن_العشق ... 💌🌿
""""""""""""""""""""""""""""""""""""""
قوت :: اي وانت شن رأيك ؟
أمير :: ( قرب منها خطوة خطوة .... وجي جيهة وذنها وهمس بي هدووء تاام ... بي نفس لكنه العااشق بي صوت وااااطي ... بس تجريح ف نبرة ) ممكن لانه بديت ننعجب بيكـ ي بنت
"""":::
>>××؛؛÷÷‘‘
>> على إيقاع ألنغماات .."
>> على إيقاع الكلماات .."
>> على صوت الاغاني الرومانسية .."
>> و على همساات أغنية التركية ,,""
#زمن_توقف #حياة_توقف #عشق_توقف
"""":::
..........................
( قربـ أكتر من أذنها وبدي يتكلم بي همس بسيطــ بي لكنة العشق المعتادة ... بي لغة الحب المتهورة ... وبي صوت البطئ ... وبي شرح العميق )
...........................
أمير :: أنتي خليتيني نتغير ... خليتيني نتكلمـ كلام انا اساساً مانعرفش أمتى تعلمته ... مانعرفش علاش انا نفكر فيكـ ديما .. حافظ ضحكتكـ وكيف تكون أكتر من أسمي هههـ... انتي بديتي زي الهوااء بالنسبة ليا تغيبي ننخنق وبشوفتكـ يرجع نبضي من جديد ... بس نعرف حاجة وحده .. أنه هذا مش أعجاب !!؟
قوت :: ( رفعت عيوني بي صعوبة كبيرة وكأنه كانو عليهم رشااد .. وبي دموعي المعتادة شبحتله )
أمير :: ( شبح لي عيونها ) هذا أكبر من هكي .. قوت ... حاسه بيا صح ؟
قوت :: ( لا شعور ولا أحساس ولا حتى وعي بي تصرفي ... هزيت بي رأسي بي نعم )
أمير :: ( أبتسم )
..:
( أحاسيسهم معروفة .. مشعرهم واضحة .. لقائهم رومانسي .. العشق بيناتهم .. كلـ هاذي الاحديث والاسباب .. تمنع الفم انه يتكلم ... بس حركاتهم بس يقدرو يفهمو بعض .. بي عيونهم بس يقدرو يحسو بي بعض .... صمت كان أولـ الحاضرين ...
:::
بس أيقاع الاغاني مستمر ...
#الاغنية >> #انت_قدري_بل_أنت_العشق_نفسه ..
::
................................................................
( ألأذااعة )
قصي :: ( كان مقعمز ف مكتبه .. بي تحديد ع كرسي.. ويلف ويلعب بي القلم ف أيده )
وداد :: ( خشت وهيا تشبح للوراقي الي في أيدها وتتكلم ) ااااخ مبردهم شووف هاذم كلهم الموضيع متع يوم الخميس اخييي باردين ... أص(قص) ,,, ( رفعت رأسها ولقاته سرحااان ف سقف ) قصي ؟؟
قصي :: ( لاتعليق)
وداد :: قصي ؟؟ ... قصـــــــــــــــي
قصي :: ااي اي نعم خيركـ ؟
وداد :: تي وين انت وانا وين ..... من لما خشيت وانا نبربر وانت سرحاان ولا انت هنا ؟
قصي :: موجود ... خير ؟
وداد :: براحتكـ ,, خوود شوف هااذم مواضيع يوم الخميس ... ولي هوا غدوا مركز صح ؟
قصي :: ( حط ايده ع راسه ) اااي وداد اي كملي ...
وداد :: بس .... يالله اهتم بيهم .... ( وهيا طالعة وقفت ولفت لي قصي ) اي حق ؟
قصي :: خييير شن في تاني ؟
وداد :: صفااء بتجي مره تانيه ؟
قصي :: ( كان يشبح لي لاب قدامه ... رفع عيونه وشبحلها ) لا ...
وداد :: ااه تهبل البنت هيا ... ياريت تجيبها مره تانيه ...
قصي :: ( سكت شوية وبعدين وااصل الحديث ) ان شاء الله ..
( طلعت وداد )
قصي :: ( يتكلم بروحه ... تكه ع الكرسي وحط ايديه ع راسه وغمض عيونه ) اااخ منكـ ي صفاء حتى لو بطلت نفكر فيكـ كل الي جنبي يفكروني بيكـ ,,, وعلااش مش فاهمـ ...
:........................................................:
( العماره )
( قدامـ حوش أصالــه )
سوسن :: وين وين مااشية ؟
قوت :: ( كنت طالعه مانندري ع شئ قدامي )
سوسن :: هييي انتي تيي وين نكلم فيكـ ؟
قوت :: ( رفعت عيوني وشبحتلها ... وعيوني كانو بحر من دموع )
سوسن :: ييييي خيركـ ؟؟ ... حبي فيكـ حاجة ؟
قوت :: لا ... لالا مافيه شئ ( ومسحت دموعي ) بنمشي نشوف صفاء ... ( ومشيت )
سوسن :: اي ...... ( تشبحلها بي أستغراب ) براحتكـ ,,,,
:::::::::::::::::::::::::::::::::::::::::::::::
( ف حوش ملاكـ )
الباب :: طق طق طق ...
صفاء :: هيااا هي ....
الباب :: طقطقطقطقطقطقطقطقط
صفاء :: هيييييييي تي باهي ... ( فتحت ) تي خي(قص)
قوت :: ( خشيت .... ومشيت طول قعمزت ع صالون )
صفاء :: ( صكرت الباب ومشيت لي قوت ) خيركــ ؟ ... ( قعمزت جنبها ) قوت تبكي ؟؟ تي خيركـ .؟
قوت :: هذاا أمير .... ( ونبكي )
صفاء :: ( مافهمتش خيرها كانت تبكي زي صغار بزبط .. ) شنو ؟ ... خيره أمير ...؟ تي تكلمي ي بنت ....
قوت :: أمير طلع يحبني ( وتعلى صوتي ف البكي زي البلهاء )
صفاء :: ( جتني نوبة ضحكـ عبيطة وماقدرتش نشد روحي ) ههههههههههههههههههههههههـ كيف ؟.... لا مستحيل هههههههههههههههههـ ,,,, والله صدق الي قال محبة من بعد عداوة .....
قوت :: تي ع شن تضحكي انتي ؟
صفاء :: انتي الي امسحي دمووعكـ بلا دراما زايده ... واحكيلي كيف قالكـ ومن امتى ...
قوت :: اوووووف مش عارفه نحس في روحي ناسيه دنيا كلها ... ( نزرعت ابتسامه غبيه ع وجهي ) بس هوا كان رومانسي هلبه لما قالها ...
صفاء :: هههههههههههههههههـ تي شن علامات الغباء الي شايفتهم ع وجهكـ ههههههههههههههـ
قوت :: (لاتعليق )
صفاء :: احكيلي يالله بنطربق انا هههههههـ ,,
:........................\..............................:
( فيـ ليلـ )
( بحكم انه صحباتهم هلبه وانه حوشهم صغير شوية ع لمات .. فاختارت فوق الحيط ورتبنا بطريقة حلوة هلبه .... انا وسوسن و خالتي أصالة وخالتي ملاكـ كنا في حوش خالتي أصالة نجهزو ف الماكله ف صواني ومستلزمات اللمه ... وصفاء كانت ترتب في جوو فوق الحيط )
سوسن :: كلميه ياماما نتصلـ ومايردش عليا راهو البنات قريب يجو ...
أصالة :: باه تو نكلمه انتي اللبسي امشي ... قوت ماما بري البسي حتى انتي وكلمي صفاء البنات قريب يجو ...
سوسن :: اي اي نوضي قوت وكلمي صفاء ...
قوت :: ماشي تمام ... انا بنمشي تبي حاجة ؟
سوسن :: لالا تو مزال يجيب العصير والمخاد الي طلبتهم قصي بس ... خلاص بري انتي ...
قوت :: تمام ....
ملاكـ :: قوت حبيبتي شوفي صفاء ناديها حتى هيا ....
قوت :: باه ....
:...................................................:
( كلمت صفاء ونزلت وخشينا بنبدلوو حوايجنا ....
>> ( أنا لبست قفطان أسود قصير و سكربينه حمراء ... أكتفيت بي ميك أب بسيط يعني ظل أسود بسيط و أحمر شفاه أحمر .. وشعري كان مفتوح متمايل ....
>> ( صفاء لبست قفطان ملون ورد بطريقة متفتحه حلوو .. ميكـ أب بسيط برضو بس أحمر شفاه كان من لون داكن أحمر .. شعرها رفعاته وخلت خصلات القصة نازلين ... وسكربينه قهوية ....
::::::::::::::::::::::::::::::::::::::::::::::
قوت :: ( وانا ف صالة ) صفااااااء تلفونكـ ,,,
صفاء :: جيبي ( كنت نتكلم وانا ف داار )
قوت :: ( مشيتلها ) اووووو اي الجمال دااه ... تهبلي ي بنت طالعه ...
صفاء :: أكيد مش أحلا منكـ ي قلبي هههـ ,,, وبذاات لون العشق ع وجهكـ ي سلاااام ههههههههههـ
قوت :: ( حذفت تلفونها عليها ) شدي هااااكـ وبلا بلاده باااهي ...
صفاء :: ههههههـ ,,, ألو !؟
سوسن :: صفوشتي باللهي عليكـ أركبي شوفي اللمبات فوق مفتوحات ولا لا ... متع الفوانيس ... وشوفي الفوانيس متع شمع و ولعيهم ...
صفاء :: هههههههههـ تقولي عرسكـ ي بنت ... متوترة و موترتينا معاكـ ,,, حااضر ي ستي يالله تو نركب
سوسن :: سلمها ياربي ههههههـ ,,
.::::
قوت :: خيرها ؟
صفاء :: تبي نتأكد من فوانيس متع اللمبات وتبي نولع فوانيس شمع ...
قوت :: انتي كملتي ؟
صفاء :: اي اي ... نبخ ريحه ونركب ...
قوت :: لو تبي نركب انا ... وانتي كملي ؟
صفاء :: لالا تو نركب ....
:::::::::::::::::::::::::::::::::::::::::::::::
::::::::::::::::::
( قدامـ حوش أصالة )
( قصي كان خااش وسوسن طالعه )
سوسن :: اااه اهلاً كيف كنت بنطلع بنكلمكـ مافيش تغطية الداخل ..
قصي :: علاش ؟ ... شن تبي ؟
سوسن :: جبت العصير والحاجات ؟
قصي :: اي اهما ..... شدي مانبيش نخش بنطلع ...
سوسن :: لالالا باللهي عليكـ سلم وخي اركب حطهم فووق باللهي عليك ,,
قصي :: ههههـ باه حااضر ...
:::::::::::::::::::::::::::::::::::::::::::
:::::::::::::::
( ف حوش ملاكـ )
قوت :: باه وينه نتصلـ بيه مايردش ؟
زينب :: اصبري ي بنت تو يتصل بيكـ ,,,
قوت :: حطيتي كله ولا ؟ ... قصدي حطيتي الحاجات الي قلتلكـ عليهم ؟
زينب :: اي اي كله تمام ...
قوت :: خلاص صكري احمد ع الخط .....
............
قوت :: ألو ... ايوااه ؟
أحمد :: مانيش رااكب راه انزلي انتي ... تعال خوديهم
قوت :: باه .. أصبر شوية ...
أحمد :: أستعجلي ..
قوت :: تي بااااهي ..
:...................................:
( ع #سطح )
( قصي كان الداخل وحط الحاجات وكان طالع ... ع خشت صفاء )
...:.......
( هنا رجع زمن يمشي بيبطء .. لي يسمح بي كليهما أن يأخد وقته بي نظر الى الاخر .... نظراات العشق و الحب ... تخرج من كليهما ولكن لي أحداهما تفسير يختلف عن الاخر ... قصي توقف ف مكاانه .. كان ينظر لي عاصفة الجمالـ الذي دخلت عليه ... ينظر الي عينيها الذي يتمنى لو تنظر بيهما اليه فقطـ ,, ينظر الي الفتات الذي تشغلـ تفكيره ولماذا ... هلـ هوا جمالها .. أم عينيها .. أم ضحكتها ... يديها البيضاء كا بياض الثلج ,, أم هوا روحه عفويتها تصرفاتها الطفولية ... من هيا الذي جعلته ينسااه كل شئ و يكتفي فقطـ بنظر اليها ...... ::<> .... نظرات صفاء الذي كانت تعبر عن تفاجأه بي رأيته الذي لم تتوقعها .... تنظر اليه بي شغف وحب ولكن لا تفسر ذالكـ ع نحوو الحب ... لا تحبذ فكرة الارتبباط .. أه لهذا تمنع نفسها من الانجراف ناحيته وتعلق بيه ... تنظر الي العيون الذي كانت تلمع من شدة الفرح بي رأيتها .... هل تمنع نفسها من الحب من تفكير به من التعلق به ... هل تمنع العشق من ان ينمو في قلبها رويداً رويداً دون علمها ...))
""::
><؛×÷
على إيقااع النغمات ....
على نسمة الهواء المرافقة للقاء ،،،،
على خصلات شعرها المتاطيرة ,,,,
على نظرات العشق المتبادلة دون علمهم ::...
على الاغنية التركية المميزة "؛<×÷
><؛×÷
#مسلسلـ_صدفة.. #لا_يوجد_أملـ_ولا_نور_في_عينيكــ
""""""""""""""""""""""""""""""
صفاء :: ( باادرت بـ لكلامـ ) أهلين ؟؟!
قصي :: ( لوعة المفاجأة بي جمالها خلاه يتكلم بي هجوء وهوا يشبحلها ) اهلين ...
صفاء :: ( مبتسمه .. ) كيفـ حالكـ ؟
قصي :: ( يتكلم بي طريقة مضحكة وبي هدوء تمام ) تمام ,,
صفاء :: ( رفعت حواجبي من شدة صدمة .. يعني المفروض يسألني ) حتى انا ...
قصي :: ( ساكت ويشبحلها )
صفاء :: ( رفعت حاجب واحد ) خيير في حاجة ؟
قصي :: ( كانت في شعره مش مساوية في شعرها ... قرب منها شوية ... يتلكم ويرفع في ايدها بيساويها ) تعرفي تسكتي ..
صفاء :: ( عرفتو لما تبدي ترعشو من شدة صقع وجسمكـ يكون مصقع هلبه ... وفي ناار داخلكـ لكن مادفيش .... هذا احساسي ف وقتها ) تمام ,,
قصي :: ( ساوالها شعرها وشبحلها ) ( بصوت وااطي وهادي ... وبي نفس لكنة العشق المعروفه ) طالعه تهبلي ..
صفاء :: ( أبتسامة تخفي توتري ) أكيد انا ديما هكي اصلاً هههههـ ( مزح ف نص توتر )
قصي :: لا اليوم غير .... ( أبتسم الابتسامه الي ع جنب )
صفاء :: ههههـ ممكن .. ( عدمـ تصرف في وقته كان ناتج من قلة خبرتي ف رد ع الكلام المبالغ بيه )
قصي :: ( وخر ) المهم ... انا جبت الحاجات الي تبيهم سوسن قوليلها ... وانا طالع
صفاء :: وين ..؟؟ ( سؤال غير قابلـ لي أي تفكير قبله ... ناتج عن ردة فعلـ عفويتي الغبية )
قصي :: ( شبحلها وهوا مبتسم ابتسامة الاستفزاز ) بندورلكـ ع عريس معقولة نخلي اختي حلوه هكي ومانجيبلهاش عريس ..
صفاء :: ( عصبية طلعت مني مش مفهومة ) واللهي ؟
قصي :: أكيد هههـ ,,, يالله سلام ( وطلع )
صفاء :: ( نتكلمـ مع روحي ) وأنت شن دخلكـ فيا نتزوج ولا نملح ,, كان يوم أسود لما قلت فيه انه احنى صحااب الله يلعن هكي صحبه ....
::/:::::::::::::::::::::::::::::::::::::::
( وصلوــ لبنات في وقت نزلت قوت لي خوها .... وصلت نور بنت خالتهم وركبت ... وف نفس اللحظه جي أمير ومن غير ماينتبه أنه قوت واقفة ع سيارة خوها ركب لي شقة )
:....
أحمد :: شن مهااجرة ؟
قوت :: أنت شن ليكـ علاقة .... أهتم بي مرتكـ ومالكش علاقة بيا ....
أحمد :: ااااه غير وكان يعطوني يوم نحكم فيكـ ,,, لانقنكـ تومتي ههـ
قوت :: كه كه كه اهم حاجة عاارف روحكـ مجرم .... يالله تصبح ع خير
أحمد :: باه سيوركـ مروحه ي قردة تو نوريكـ ,,,قدامكـ الخير ....
:............................................:
( قدام شقة أصالة ... نور كانت طالعه بتركب فوق وأمير كان بيخش لي شقة )
نور :: أمير ؟؟! ي هلا ي هلا هههـ
أمير :: أهلاً,,,, قردة كيف حالكـ .؟
نور :: الحمد لله وانت ؟ ... وين وين الغبية مولي طرف اغبر نهاركـ الاحرف ههههههـ
أمير :: ههههههههـ تمام اهو متواجد ... شن جايه للمه ؟
نور :: لالا غيرت رأي جاياتكـ ههههههـ
( ع وصلت قوت )
أمير :: ههههههـ
نور :: ي حليلي والله ليكـ وحشه ي وليد خالتي ( حضنااته )
قوت :: ( أنا هنا ستااكيت .... وقفت متجمدة وكانه حطوني ف فريز ماتجمدتش زي توا ,,,, نفنص ومنظري حاله )
أمير :: ههههـ ( وخرها من عليه بطريقة غير مباشرة .. ) والله حتى انتي ... خالتي جت ؟
نور :: لالا ... ( ركزت انه قوت واقفة ) ( شبحتلها ) أهلين ؟
أمير :: ( تلفت )
قوت :: ( ركبت عاادي جداً رغم انه كان نشد شيشة بيبسي من كثر مامثلجه تتكسر ) ااهلين بيكـ ,,,
أمير :: ( مبتسم ويشبحلها كيف طالعه )
قوت :: ( لا أرادياً لقيت روحي واقفة جنبهم )
نور :: أنتي بنت جيرااانهم ؟
قوت :: اممم اي .... سوسن الداخل ولا ؟
نور :: لا مافي حد كلهم فوق .... تعالي نركبو ...
قوت :: اي بنحط حاجات وبنجي ... ( وقعدت واقفة )
نور :: باه ... ( وقعدت واقفة )
أمير :: ( يشبح لي قوت وبيضحكـ شادها بي سيف )
نور :: اااي ماكملناش كلامنه .... أصلاً بنبااات وتوا نسهرو لي صبح هههههههـ
أمير :: تمام ههههههههههـ
قوت :: ( ضحكت مشااركة الحوار بطريقة مغضبه ) ههههههـ ,, اي ... كويس
أمير :: ( يشبح لي كتلة الغيرة الي بتتفجر جنبه )
نور :: تمام ... انا راكبه نتلاقو بعدين ... ( جت بتسلم عليه )
قوت :: ( تفاادي الموضوع ) هااااااااااااتشي ... سوري ... بردة الله غالب
نور :: ااه ربي يشفيكـ ,,, يالله سلامات حبي ... ( ومشت )
قوت :: ( من غير مانركز ) حبي ؟؟؟
أمير :: ااي ... شن نفهم الي درتيه ؟
( وجي وقف قدامها بزبط بدل ماكان واقف جنبها )
قوت :: شنو ؟ ...
أمير :: ف الاولـ وقفت معنا وهذا كان تصرف غير لائق .. وبعدين ضحكت مشاركة الموضوع وطبعاَ برضو غير لائق .. وبعدين أديري ف روحكـ واخده بردة .... شن هذا؟
قوت :: لااااا حرام عليكـ والله برده .. هااااااااتشي .... ( ودرت روحي نعطس مره تانيه ) هااا ريت .... تظلمـ فيا ع الفاضي
أمير :: ( شااد ضحكته بسيف ) ااه والله ؟ .... يعني مش غيره ؟
قوت :: هههههههههههههـ غيرة شنو انت تاني .... حبيبي نحب نذكركـ انت الي معجب فيا ... مش انا ... (بطريقة تكبر وغرور )
أمير :: ( قرب خطوة .. وقوت ترجع خطوه .... لين وصلت لي حد مسدود ) ( بصوت هاادي موتر ) يعني بتقنعيني .. أنكـ مش معجبة بيا ؟؟ ( وهوا مبتسم )
قوت :: لا ... أكيد ..
أمير :: ( كانت ف مسافة صغير ) وهكي ؟ ( قرب خطوة )
قوت :: ههههـ لا برضو ...
أمير :: ( وقف ) اي بااه ... يالله .. خليني نركب للبنات اصلاً جااي ع خااطرهم ( محااولة للاستفزاز )
قوت :: ( شديته من ايده ) عينكـ ...... قصدي عيب ... شن تركب هيا ... متعود دير فيها امالا ... يالله يالله امشي وين ماكنت مااشي ..
أمير :: ( مسك أيدها ) هما 3 ساعات مافيش غيرهم ساعة 10 بظبط نلاقيكـ قدام البحر ترا تأخري وتو تشوفي شن يصير ... ( ومشي )
.....:...............
( ف نص سهرة ..... بطريقة او بي تانية .... كانت المفاجاة الي صارت مع صفااء ... عبارة عن صدمة العمر .... نااتجة عن ردة فعلـ غير متوقعة من صفاء ))
قوت :: حبي ... ( ومشيت لي صفاء ) تلفونكـ جاته رسالة ...
صفاء :: تمام ...
:."/"؛×<÷
#رسالة .. >> #قصي
( أنسي موضوع صدااقة ... أنا مانقدرش نكمله )
صفاء :: ............
#يتبع
#سلمى
