الحلقة ال3 من رواية "
#مغتربة_ف_وطن_العشق 🌿💌
:::::::::::::::::::::::::::::::::::::::::::::::
.... ( إنتهي عند صفاء ومرام ) ......
:::::::
( منزلـــ أصالة )
سوسن :: ( بعد ماطلعت من قصي .... وجهه أحمر تسكر في الباب وعيونها من صدمة يفنصو ومش عارفة وين تشبح ... رأسها لوطة وتبكي ومش قادرة تقيمه ... )
أمير :: جيفةةة !! .. وين كنتي ندو(قص) ....
( أولـ ماركز فيها نزل راسه متوجه ليها ويشبحلها .... ) ( بي رفعة حاجب واحد واستغراب )
أمير :: سوسو؟ ...... ( فترة صمت )
سوسن :: ( مارفعتش راسها بكل وهيا تبكي بي صوت منخفض بي عبرة مخنوقة تغمض في عيونها وتفتح مااسكة مانيلية الباب وقاعدة مصدومة )
أمير :: ( بي خوف ) سوسن ؟ .... ( حط ايده ع كتفها ) حبيبتي خيرك ؟
سوسن :: ( حضنت خوها بي سرعة متناهيه .... حضناته وهيا خايفة علي قصي ... )
أمير :: خيركـ ؟ شن في ؟
سوسن :: ( رجعت لي حالتها وشبحتله ) ايمان ...
أمير :: ( بي عيونه ) ( #خيرها )
سوسن :: تزوجت ...
أمير :: ( قرنة الحواجب أختفت فجأة ) ( مع صدمةةة فنص بعدين يشبح يمين ويسار ..... ) ( رفع حواجبه مع ضحكة غباء ) كيف ؟
سوسن :: حتى انا نصدمت زيكـ ,,,, معاش عرفت شن نقوله ... كان تشوفه ياريته يبكي ويريحني هوا عادي جداً مقعمز يكتب ف حلقة البرنامج ولا كأنه في حاجة صارت ...
أمير :: هكي احسن ... خليه هوا أدراه كيف بيكون تصرفه صدمته هوا في الاخير ... انا اول مايرتاح شوية نهدرز معاه انتي امشي لي امي توا تبيك ...
سوسن :: ( مسحت دموعها ) تمام ...
أمير :: ( رفعلها راسها بي ايده ) ترا ... ايواه معاش نبي اختي تبكي تمام ؟
سوسن :: ( ضحكة رغم الالم ) هههههـ حاضر
أمير :: يالله ...........
"""""""""""""""""""""""""""""""""""""""
( ف #أواخر_ليل )
#ألعمارة ...>>
( دار #صفاء )
صفاء :: ( وهيا مقعمزة ع طاولتها وبعد ماركبت تسجيل ناقص تحط سماعات وتفتحه ..... ) انتي شن اديري ... من امتى الكلام الفاضي هوا يهمك ؟؟ ...
( بعد لحظاااات الغباء )
صفاء :: ( فتحاته ) ....
#ألأذاعة ...
( في أحدى الحلقااات )
قصي :: البعض عرف معنى الحب وقال انه عبارة عن تضحية ... عبارة عن صدق وتفاهم ... عبارة عن تفائل بي قيمه الحياة ... واليوم كل واحد بيحكي قصةةة عشقه الاولى .. (أطلق ضحكة عفوية ع المذياع )ههههههههههـ (هنا صفاء وهيا حاطة سماعات وتشبح لي سقف وتلف بي الكرسي وتلعب بي احدى خصلااات شعرها استغربت من الابتسامه ) .....
قصي :: في رسالة وصلتني وقالولي كم عاايش قصة حب ... هههههـ مبدع سؤال بصراحة .... كيف كنا نتكلمو عن الحب ... الحب صادق ... الحب الوفي ... الحب الي مايصيرش في حياتك غير مره وحده في دنيا .... جوابي ليكـ انا عشت قصة حب وحده بس ....
صفاء :: ( لي أولـ مره سرحاانه ف صوت شخص مع أطلاق أبتساامات عفوية من غير ماتحس بيها )
قصي :: بنت تعرفت عليها عن طريق جلسة مع صحابي ف قهوة شفتها عجبتني عيوني مانشلوش من عليها ... قعدت نفكر فيها أكتر من مره مرتين يوم يومين لي تعبت نفسيتي وبديت نمشي للمقهى نفسها ع امل نشوفها تاني .... وفعلاً صار الفيلم الهندي الي ف بالكم توا هههههههـ وشفتها ... حبيتها كلمتها وكلمتني وتوا عايشين قصة العشق الي احنى فاتحين عليها راس موضوع هههههههــ . اعزائي المستمعين نخليكم مع أغنية رومانسية تركية تعجبكم ان شاء الله وإالى اللقاء
....
صفاء :: ( شالت سماعات وحطتهم ع طاولة ..... فترة تشبحلهم ... غمضت عيونها وبأديها رفعت شعرها شوية فوق وخدت نفس ... ) مستحيل نرجع نسمع الكلام الفاضي هذا ..... ( دف الكرسي ومشت رقدت )
:::::::::::::::::::::::::::::::::::::::::::::::::::::::::::::::::::
( #الصبح )
( منزلــــ أصالة )
سوسن :: الولاد ناضو ؟
أصالة :: أمير لا ... قصي يسخن في سيارة بيرفعني انا وبوك ...
سوسن :: وين ؟؟؟ ......... ( بعد ماذكرت وهيا تحط ف الفطور ) اااااه للشقة ؟
أصالة :: ( وهيا لاهية في لخياطة ) ااي ...
قصي :: صباح خير وردتي ( وباسها ع راسها لي سوسن )
سوسن :: ( شبحتله وكأنه شبحة أم لي ولدها ) صباحكـ عسل
أصالة :: ( قامت راسها وبتسمت ... رجعت للخياطة من جديد )
قصي :: هاا شنو مزال ( قالها وهوا بيقعمز جنب أمه )
أصالة :: لالا هي .... ( حطت الي في ايدها وهيا تنحي في نظراتها ) سوسن شوفي بوك وينه قوليله هيا ...
سوسن :: ( تشبح لي قصي وترد عليها ) اااه تمام ...
..............................................
( >> ألعمارة << )
ملاكـ :: ( وهيا لاهيةة تحط ف الفطور ... وترتب ف صفرة بطريقة تليق بي لبنات )
صفاء :: ( وقفت قدام الكوجينة تتكسل ) صباااحكـ سكر
ملاكـ :: ( شبحتلها ) صبااح النور ... انا بنمشي حبيبتي باهي ... تبو حاجة كلموني ... اوكـ ؟
صفاء :: ( وهيا تشبح لي امها بي فرحة ونظرة كلها حنيه ) حاضر ... ( قربت منها ) نحبكـ نااا واااجد هههههههـ ( حظنتها )
ملاكـ :: ( وهيا تضحكـ ) ههههـ ي عيوني انتي حتى انا نموت فيكـ ... يالله حولي بنعطلـ
صفاء :: ههههـ تمام ...
ملاكـ :: ( شبحتلها بي نظرة تخنيس ) شن في اليوم زي الي هااادية ولا ؟
صفاء :: ( قعمزت ع الكرسي ) نعمة من ربي عليكي بي شكر ي مدام ههههههههـ
ملاكـ :: الحمد لله اللهم ماااادوووم ي رب هههههههـ .. باااي
صفاء :: سلااام هههههههـ ...........
:::: ( شدت تلفونها ) :::::
صفاء :: أيواااه !!
قوت :: قريب نوصل ف طريق شوية بس ..... تبي حاجة ؟
صفاء :: اي جيبي بطااطة وتكون تشيبس ... ووو !!! ( وقفت قدام تلفزيون وشدت ريموت وهيا لاهية ف طلباااتها الي ماليهاش نهاية ) ونبيككك وراااس قتوقوتي تمشي لي محل الحلويات وتجيبي احلا كيكة تجي قداامك المهم شكلاطةةة وفيها جو لوز وهكي و(قص)
قوت :: اشششششش سكري فمك شن هذاااا ؟؟؟ مجاااعة تقولي كانو حابسينك ..
صفاء :: ( وهيا تغمض ف عيونها نص ) حيواااانه .... سكري فمك جي خاطري فيها تقولي ديما نطلب ...
قوت :: نصرف ع جد بووك انا .... امشي سكري تو نجيب بروحي ...
صفاء :: باه ههههههههــ ,, مش تعطلي
(الباب ::: طق طق طق >>
صفاء :: أهوو شكله البنات جوو امشي ي الله
قوت :: يالله باي ...
...............................
الباب ">> طقططقططقطقطقططق
صفاااء :: ( وهيا جاية تجري وتصيح ) تي باااااااااهي ....
( فتحت الباب )
أميرة :: صباحكـ عسل ي سكر ...
صفاء :: شن صباااح الي زي وجهك اهواااا ... خير جدك تخبطي هكي تقولي قسم مكاافحة الاجرام
أميرة :: خيره وجهي ي معفنة ( تتكلم وهيا خاااشة تحط في حاجاتها ع طاولة )
صفاء :: ( صكرت الباب وجت وراها ) عندنا مرايا وكان بتشوفيه شن مرايتكم تكسرت امالا ؟
أميرة :: خيرني ي جيفة هههههههههههـ
صفاء :: في حد كذب عليك وقالك اليوم بياني خيرك ماشاء الله مش مخليه لون الا ومدايرتيه ف وجهك تقولي كراسة رسم
أميرة :: كلبه ههههــ ( وتفنص ) خزو عليكـ ؟
صفاء :: ( تشبحلها ومصدومة بي كمية المكيااج الي حطاته أميرة ) حبيبتي ولا يهمك حمام وعندنا مياااه في تقدري تخوشي تمسحي شخبط الي في وجهك امشي ي الله ههههههههـ
أميرة :: خزووو عليك نهبل والله ...
صفاء :: ( وهيا ماشية للكوجينة ) اي لا تهبلي والله حق ههههههههه ... تعالي تعالي
أميرة :: جااااية استني بنحط تلفوني ف شحن ... ( أدور ف بريزة ) تي خيركم زمان عندكم بريزات شن درتولهم ؟
صفاء :: ( وهيا تعلي ف صوتها شوية ) مامااا قالتلي قيمووهم لما تجييي اميرة .... تي دوري تو تلقيهممم
اميرة :: باه ي زبالة باااه .... كلمتيييي مرااام ؟
صفاء :: شنوووو؟
أميرة :: مراااااااااااااااام
صفاء :: ( تبسط من الكوجينة ) خيرها ماتت هههههههـ
أميرة :: اي العقبة ليك هههههههه تي كلمتيها
صفاء :: اي شوية وتجي .......
::::::::::::::::::::::::::::::::::::::::::::::::::::::::::::::::
"""""
( ف >>
_ #منزلـ - #أصالة
أمير :: تي خلاص ي راجل خليك انا تو نرفعهم ...
أصالة :: خليك بابا خليك مع سوسن تو يرفعنا قليل الهمه هذااا شن لا صنعه لا شئ
أمير :: ( يشبحلها ) شنو ي ؟؟؟؟ بنبدوو ؟
أصالة :: صكر فمك صكر .... يالله وليدي برا ارتاح اليوم برا
أمير :: ( شبح لي قصي وهوا يبتسم ) برااا بابا برا خودلك شور ف جااكوزي وتفرج ع فيلم ونااام هههههههههـ
أصالة :: ههههههههههههههـ اركب انت .... يالله مع سلامة
قصي :: هههههههههههـ ماشي تمام ... رد بالك من طريق
أمير :: ( فتح روشن وهوا يلبس ف نظراات ) علاش خيرها بدت واعرة ؟ ههههههههـ
سوسن :: كه كه كه ي خفةة امشي امشي ... يالله ف امان الله صوري ماما باهي
أمير :: ت شن ماشين ل فرنسا احنى صوري ماما ... لا تو نكلمك فايبر صوت صورة احسن
سوسن :: صوري شقة !! ي اهبل
أمير :: ههههههـ خوشي لانعفس عليك توا
قصي :: خلاص خوشي انتي ... وانت توكل يالله مع سلامة
ناصر :: ( ركب سيارة ) شن انت بترفعنا ؟
أمير :: ( نزل نظارته شوية ) شن مش مقتنعيني بيا انتم ولا كيف .... (تلفت لي امه ) ولدكك انا ولا مش زاابطه انتي
العيلة :: ههههههههههههههههههههههههههههههـ
أصالة :: نهااك احرف عليك امشي امشي ...
أمير :: ( تلفت وهوا يضحك ) نهاااك . ؟؟؟؟ وين ودرتيها راااء مش عارف هههههههههه
..................................................................
( ( مع العصر ) )
( >> العمارة << )
مرام :: وجيبي شاورما انا نبي شاورما ...
قوت :: ( شادة تلفونها ولاهية تتصل )
أميرة :: لالالا كلنا زي بعض كلنا بيتزااا
مرام :: مااانحبهاش نبي شاورما انا حره ... انتي كولي بيتزا
صفاء :: غير اهدو كل وحده تطلب الي تبي ...
قوت :: ( غمضت عيونها وبي عصبية ) قسم بي دين الله لو ماتصكروش فمك انتي وياها وياها الا ماتلقوني طالعة نعيط ف شارع .... اسكتوووو ...
البنات :: ( في سبببااات عميق )
مرام :: ( بصوت واطي ) ف منو ؟؟؟؟ ف منو تكلمي ؟
قوت :: ( بنفس صوت الواطي ) امي ... ( صوت اعلى ) اميييي الي كانه قالتلي لا مانيش طالعة جايبتلكم شئ
البنات :: ههههههههههههههههههـ
قوت :: ههههههه ... أيوااه ( وناضت تكلم ف امها )
.......
(( بعد غضون دقائق ))
صفاء و مرام :: ( ينضفو ف المطبخ )
أميرة :: صفوووش ف ناس يسألو علي امك
صفاء :: ( تمسح في ايدها ) منو ؟
أميرة :: ( بطريقة الكتفين ) مانعرفش
صفاء :: شوية مرومة ونجيك .....
........................
( طلعت صفاء وخلت الباب مردود وراها )
صفاء :: مسااء الخير ؟؟؟!
أصالة :: ( تلفتولها ) مسااء النور .. بنيتي مش هاذي شقة المراءة صاحبة الشقة هيا ؟ ( تأشر بي ايدها )
صفاء :: اااها !! ..
ناصر :: انا المدة الي فاتت جيت وشفت شقة وعجبتني وقلتلها بنجيب مرتي اليومين هااذم هيا موجودة ؟
صفاء :: لا لكن انا بنتها وقالتلي انكم بتجو ( بي ابتسامت الترحيب ) تمام بس شوية نجيب المفتاح
أصالة :: ( وهيا مبتسمة ) تمام ...
.........:...:.:.:.:.:.
( صفاء خدت المفتاح وجت طالعة )
قوت :: انا ماشية انتي شن تبي ؟
صفاء :: شاورما زي مرومة ... ديري بالك من طريق انتي ومنو ماشية ؟
قوت :: انا واميرة ... ماشي حاضر ...
::::::::::::::
( طلعت صفاء وفتحت شقة خشت هيا واصالة وناصر .... اما بالنسبة لي قوت واميرة نزلو )
.؟.........................................؟.
( قدام >> _ ألعمارة _>>> (
أميرة :: ( وهيا تأشر بي صبعها ) مش هاذي سيارتك ؟؟؟
قوت :: ( لاهية أطلع ف المفتاح من شنطة ) ااي
أميرة :: تتسهوكي عليا شن اي وانتي ماشبحتيش ,,,,,, منو هذا الي مصكر عليك ؟
قوت :: (( رفعت راسها ))
>> _ ( معلومة عن قوت << //:: قوت انسانه ماتحبش حد يخاالف قوانين القيادة ... ملتزمةةة اللتزااام خطير يعني تقدرو تقولو طالعة لي بوها //’’’ <<
’’’’’’’’’’’’’’’’’’’’’’’’’’
أميرة :: ي سلاام من هذا الي امي داعية عليه اليوم ههههههههـ
قوت :: ( تلفتتلها ) شدي هكي ( عطتها شنطتها ومشت .... )
...
( مشت وقفت جنب سيارة وتلف يمين ويسار ودور )
( وامير كان واقف ع شط يتفرج ع البحر ويتكلم في تلفون )
( ملحوظة ... العمارة ع لبحر بي تخيلاتكم تيقدرو تتخايلوها زي الفيلا الي ع لبحر ف تركيا )
.....
أميرة :: وين مشي هذا ؟
قوت :: ماانعرفش شن كنت معااه انا ؟
أميرة :: ( شبحتلها ) خيركك تكشخي شن انا قلتله تعالى درس هنا ...
قوت :: أميرة ترا ريحيني ....... هذا وين مشي تو قته هذا وتدريسته ...
أميرة :: ( تلفتت ادور )
قوت :: ( بصوت واطي وبينها وبين نفسها ) هوا هكي امالا ؟؟؟ ... باه تو نوريك مداام ماتعرفش ادرس ولا ماتعرفيش شن دعوتك ....
( ركبت قعمزت فوق الكوفينو من تالي )
أميرة :: ( تلفتتلها ) انزلي بلا هبال ... تي انزلي ...
قوت :: لاااا مش هوا مايعرفش يدرس انا مانعرفش نتصرف وحده ب وحده ...
أميرة :: قووت بلا هبالك توا ... انزلي عيب شن هذا ؟
......
( أمير تلفت بي صدفة وهوا يتكلم ف تلفون )
أمير :: اي تمام تمام ... منور تمام ... يالله سلام عليكم توا تو نكلمك بعدين ... ماشي سلام ....
( صكر تلفونه وقص طريق طوول ليها )
....
قوت :: ( بي ترصفااتها الهبلة وهيا مربعة ايديها )
أمير :: ( اول ماوصل فيها بي خطوات خفيفه مع ابتساامة عفوية مش عارف علاش يبتسم اصلاً )
أميرة :: انزلي تي انزلي ..... انزلي هيا عااد بلا هباال
أمير :: سلام عليكم !!! ( بي قرنة حواجب متع استغراب )
قوت :: ( شبحتله بي قرنة حواجب متع استغراب برضو )
...................
#يتبع
#سلمى
