صباح الـــــــفل ..
الحلقة ال20 من رواية ..
#مغتربة_في_وطن_العشق ,,<<
.........................................................
قوت :: اي ردي .... هيا صفاااء ردي
صفاء :: ( شبحت لي قوت ... )
( رديت )
صفاء :: ألو ..
>>
:
:
قصي :: ( بكلـ برود تاامـ ) أهليــن //
صفاء :: اهلااً !! .. ( وهي مستغربة )
قصي :: كيف حالكـ .. ( نبرة صوت كانت كاأنسان طبيعي .. يعني بي بسااطه اكتر وكأنه قصي #صديق وماصار شئ وماتغير شئ .. )
صفاء :: ( تشبح لي قوت ومستغربة من نبرة صوت .. ماضيقهاش الموضوع انه يكلم فيها بي طريقة هاذي بس مستغربة ومن حقها الي صار أمس مايخليش اي حد يتصرف ع طبيعته .. ) .. الحمد لله , وانت ؟
قصي :: ممتااز ... اااه بنطلب منكـ طلب .. لو تقدري يعني ؟
صفاء :: أأه ! أأأي! أكيد ... تفضل ؟
قصي :: أيميلـ الاذاعه أخترقو ... بصراحه عندي في جو البرمجة وهكي لكن خشت بعضها ومعاش فهمت كيف ... وحسب ماسمعت عندكـ فيه جو هوا ولا ؟
صفاء :: ( مع رفعة الحاجب وهيا تشبح لي قوت ) ااه ؟؟ .. أي أي عندي ... تمام خلاص ..
قصي :: شن تمام خلاص ؟
صفاء :: قصدي ... أنت وين توا ؟
قصي :: ااي هذا الي كنت بنقوله ... أنا ف الأذاعه فااا لو تقدري تعالي توا وشوفيه ...
صفاء :: توا ؟؟
قصي :: ( سكت شوية .. #العصبية مش ضروري تكون وااضحة في نبرة صوت أو وااضحة في عيون نااس أو وااضحة في تصرفااتهم ... في عصبية من نوع الخفيف وهيا الي مهما كاان صاحبها متعصب بيكون يحاولـ يخفيها باش ماايوضحش لي غيره انه متعصب ... العصبية ممكن تمكث ف القلب ... وهااذي أخطر أنواع العصبية ) ..يعني لو تقدري ؟
صفاء :: تمام .... أوكـ شوي ونكون عندكـ ,,,
قصي :: تمام ...
( وصكر )
........
"""""""""""""""""""""""""""""""""""""""""
( ف المستشفى )
( في مكتب مدير المستشفى ..... #أجتماع )
المدير :: لكلـ وااحد فيكم حاايكون ليه دكتور متقدم لي تدريب .... يعني حااتكون لي فترة معينة تحت تدريب .. وحااتكون في أختبارات ونفس شئ سؤال وجواب يعني وكأنكم في جاامعه وقعدين تقرو .. ألاختلاف المكان بس ... نحب نعرفكم ب دكاترة الافضل عندنا ..
المدير :: ( يرفع في ايده نحو دكتور الي يسمي أسمه ) د.أيمن .... د.خالد ... د.مأيد ( هنا مأيد شبح لي سوسن وأبتسملها وهيا نفس شئ ).. د........... ألخ ... و د.(قص) ,,, ( ضهرت عصبية مفاجأة ع وجهه المدير وشبح لي دكاتره ) .. وينه ؟
مأيد :: للأسف ماجاش ....
المدير :: مش يعرف انه عندناااا اجتماااع ولا؟
مأيد :: اي دكتور بس ماجاش ...
( الاستغراب ع وجهه طلبه ,, والخوف ع وجوه الدكاتره ,, و العصبية ع وجه المدير .... وسؤال هنا .. من الي سبب كلـ هالعلامات ع وجوه الشعب هذااا ؟ هههه )
( تم #ألاجتماع ... وطلعنا كلنا ومشيت انا ومأيد قعمزنا ف ساحة المستشفى )
سوسن :: مش ع اساس في دكاتره بيشرفو علينا .. لكن ماقالش اي حاجه بي هالخصوص ... ؟
مأيد :: ااي لانه في دكتور تأخر وماجاش ف أطر يأجلـ الاجتماع ,,,
سوسن :: أي حسيت جو الاجتماع تفركس ... من هوا هذا ؟
مأيد :: هههههه ووووه سؤالكـ صعب ... أنا الي 24 ساعه ف 24 ساعه في وجهه وماازال ماعرفتاش ...
سوسن :: هههههه كيف يعني ؟
مأيد :: مااحد يقدر يعرف من يكون وشن يكون وكيف يتصرف وعلاش يتصرف هكي وبرااا ....
سوسن :: هههههههـ شوقتني نعرفه ...
مأيد :: شوفي هوا ولد المدير بس طبعاً من نوعه مايعترفش بي بوه وماحد يعرف شن سبب ... يخدم معنا وزميل وهكي لكن غاامض وكتوم هلبه ....و عصبي هلبه والممرضاات كلهم بيهبلو فيه العقبه ليك ههههههههههه
سوسن :: لااا ياكبدي حشاااني هههههههـ ( وانا نقولـ ف خاطري انا هاابله فيكـ انت الحق ) باه شن أسمه ؟؟
مأيد :: ليث ..
سوسن :: الله أأأأحلا أسم عندي نحبه هلبه ... ههههههههههه اسفه تحمست زيااااده
مأيد :: لا عادي خودي راحتك ههههههـ ,,,
؟؟:::""""....
>>
