الحلقة 23 من رواية ,’’’’’
#مغتربة_ف_وطن_العشق >> ✍🏻😍
:::::::::::::::::::::::::::::::::::::::::::::::::::::::::::::::
قصي :: انحبك .....
صفاء :: ( بكل صوت واطي وبكل رعشة ف كل حرف وبكل خوف تام ) انحبك ...
قصي :: ( ضحك بدون صوت ... وكانت ضحكة من قلبه ... ومن فرحته مش داري بي دموعه الي نزلو خفيفات )
صفاء :: ( لين جت هيا ومسحت الضحكة ف كلمة ) لكن مانقدرش نكون معاك .... ( وخرت خطوات التالي )
قصي :: ( أختفت ضحكت العاشق المظلوم وجت بدالها علامات الاستغراب )
صفاء :: لانه توا في نور .... مانقدرش نكون انانية وناخدك منها ...
قصي :: يعني انتي توا مش انانية ؟
صفاء :: ( سكتت وشبحتله وعيونها مليانين دموع )
قصي :: أنتي بديتي انانية من لما كذبتي وخترتي مبدئكـ على انكـ تقوليلي حقيقة مشاعركـ ,,, بديتي انانية من لما سكتي وقت عرفتي انه انا خطبت وماحولتيش ديري اي تصرف ... انتي اصلاً انانية لانكـ حرمتيني منك وحرمتيني من انه نكون سندكـ قوتكـ وفرحكـ ف دنيا ... وتقوليلي ماتبيش تكوني انانية ؟
صفاء :: ( تبكي )
قصي :: ( غمض عيونه وخدي نفس عميق ) صفاء ..
صفاء :: ( منزله رأســــها وتبكي )
قصي :: أشبحيلي ...
صفاء :: ( ماحولتش ترفع رأســــــها بكل )
قصي :: أشبحيلي .. ( قالــــــها بي نوع من العصبية )
صفاء :: ( لا تعليق ولا حركة )
قصي :: ( قاملـــــــها رأســـها بي أيده )
صفاء :: ( جت عينـــــها ف عيـــــنه )
قصي :: قدرتي تمنعي روحكـ من أنكـ تكوني جنبي .. لكن مش حاتقدري تمنعيني من انه نردكـ ليا .... و زواج من نور مستحيل ...
صفاء :: ( تشبحله وساكـــــته )
قصي :: يأما نمشي انا وياكـ ونحكو لي نور كل شئ .... يأما ينقوللها بي طريقتي وانتي ديري رأيكـ ,,,
صفاء :: ( فنــــــــــصت من صدمة )
قصي :: ( شبحلها شوية ......... ومشــــــي )
................
( جيهـــــــة البنات )
وداد :: هيا امالا انا مااشية ...
نور :: تي وين ؟ .. استني نطلعو وراء بعض ..
وداد :: لالا والله ياغالية مافيها كيف ... وقت خلاص ..
نور :: باه غير طمنيني عليكـ ,,
وداد :: ولا يهمك . منورةةة ...
( مشت خطوتين )
وداد :: هياااا امالا نستأذن منكم .. سلامات
( بعد ثواني ... جي قصي ) .. ( وقف قصي جيهة البنات ... و ووراء كانت جاية صفاء )
قصي :: سوسن هيا ...
سوسن :: هي .. ( وقفت سوسن . و وقفت معاها نور ... )
قصي :: ( مشي جيهة شباب ) هيا شباب نستأذنو توا .. وغدوا نتلاقو ان شاء الله
( وقــف ليث وجي يسلم ع قصي )
ليث :: ولا يهمكـ تبي اي حاجة كلمني .. مانوصيكش ؟
قصي :: تمام ... منور نتلاقو ...
( طلع قصي و سوسن )... ( وبعدهم كل واحد طلع روح ..)
......................................................
( ف حـــوش ملاكـ )
ملاك :: صفااااء ... وينكـ ماما تعالي حطيت العشاء ..
صفاء :: ( من دارها ) ااااي هيا ماما جايه ...
.....( ف دار صفاء )
صفاء :: بس هكي ..
قوت :: كيف يعني بس هكي .... وانتي شن قلتي ؟
صفاء :: شن بنقول ي قوت سكتت ....
قوت :: جبتي لي عمرك تستاهلي ... من ألأول ماكانش لازم تركب ف رأسكـ فكرة المبدء الغبي هوا ..
صفاء :: ( لاتعليق )
قوت :: مدامكـ من الأولـ حبيتي علاش الدارما هيا مش عارفه انا ... خلي يدير فيك مابدالك بالكـ يلقى حل ليكم زوز وتريحونا ...
صفاء :: يبي يحكي لي نور .. ياناري ماتستاهلش البنت حرام ..
قوت :: توا فكرتي هكي .... وين كان عقلك يوم الي نحرقت الاذاعه مااشيه تقوليله نحبك .... خلاص توا ي ماما .. هوا من قبل يموت فيك ي بال بعد ماعرف بي حبك ليه
صفاء :: لااااااا انتي زودتيها ي دراااه الكبد .. بدل ماتهديني وتريحيني جايه تزيدي فيا باش نخاف حتى نوم مانرقدش
قوت :: نهارك سووود عليك ان شاء الله ناويه ترقدي الليله ههههههههههههههههه
صفاء :: ههههههههههه مبرد دمك ي بايخة ...
قوت :: هههههههـ يالله امشي لي خويله وبعدين نكلمك ... يالله سلامات
صفاء :: سلامات ..
...................................
( ف حوش أصــــــاله )
( الكــــــل يتعشاء )
ناصر :: وين خوك .؟
سوسن :: راقد مايبيش
أمير :: حتى انا الحمد لله ... ( جي نايض )
ناصر :: تبو مساعده ف الاذاعة ولا كل شئ تمام ؟
أمير :: لالا منور باتي الامور طيبة كلها ... أدعيلنا بس
نااصر :: ههههـ ان شاء الله ربي يكتب الي فيه الخير ...
أصالة :: جت نور ؟
سوسن :: ( شبحت ل امها ) اي .. علاش ؟
أصالة :: العفو خيره مايقولوش انه مأيد خطب ولا نسمعو من البراني ؟
سوسن :: ( ف أيدها الكشيك طااح منها ) كيييف ؟
أمير :: كيف هيااا ؟ ... ماسمعتش ؟
أصالة :: ولا تقولي مش واخدين بنتهم ... تي حتى حسبت اختي مادارتهاش .... بكري اتصلت فتحيه وقالتلي ...
أمير :: ايواااه يادي فتحيه الي مخربه العائلات ... انا بنخش نرقد لا فتحيه لا مأيد ...
سوسن :: ( معـــاش عرفت كيف تتصرف ... قعدت مصدومه وسرحانه ... بحكم انها طيحت من أيدها الكشيك لكن ماحد ركز ... بس الاحساس ماكانش قوي لي درجة انها مابكتش .. وهيا أصلاً ناضت للحمام ونصدمت انها صدمه كانت خفيفه لا بكت لا تأثرت .... وهذا شئ الي وضح انه سوسن ماكنتش تحب مأيد كان مجرد أعجاب لا أكتر ولا أقل )
................................................
( صـــــــبح )
( ألأذاعه )
( كل واحد منهم كان ليه خدمـــــــته وماحد مركز مع تاني ... نور زاايد حبها ل قصي اليومين هاذم ... اما بالنسبــة لي قصي ف مُصر على أنه بي سيبها )
( صفاء و قوت و وداد و سوسن كانو فوق ف دور تاني يمسحو ف المرش ... وف دار الي جنبهم كان فيها قصي ومعاه نور يصلح ف الكهرباء .. وشباب كانو ف دور الارضي كل واحد يدير ف حاجة )
ع العموم .........
...
وداد :: ههههههههههههـ لا ياودي ماانبيش .. يقعد لي مامته
سوسن :: يعطيهالك هههههههههههههه ..
قوت :: مصح وجهه حتى كيف يقول مامتي مبرده ههههههههه
سوسن :: تي جت ف هكي مش مشكله ... لكن غير كانه مزال ماقالش مانحبس العصبان معناها فيه الخير ههههههههههههه
قوت :: هههههههههههههـ ,, لا ومامته ترفسله ف البازين ههههههه
سوسن :: شكلـــه ههههههههههههههـ .... صفوشتي وينك شاركي شعب أفراحه
صفاء :: ااي معاكم ...
( خش قصي ومعاه نور )
نور :: خليتكم سامحوني ...
سوسن :: اي أهربي بعدين استسمحي .... خوشي خوشي كنه غبره ديري معانا
( صفاء سهت شوية ع لي في ايده لما سمعت كلمة (كنه) لكن مارفعتش عيونها ل قصي بكل ... )
سوسن :: تو ي كلبه خوك يخطب وماتقوليش ؟
نور :: هههههههههههه عادي زيني زيك منك نسمع
سوسن :: تسهوكي ؟
نور :: والله بعد ماكملو حكولي ههههه شكله البنت بضاعه مدعومه خايفين عليها ههههههه
سوسن :: هههههههـ شكله ... ع لعموم ربي يتممله ع خير
قصي :: ( يشبح لي صفاء )
وداد :: مباارك عليه ع الخير ان شاء الله
قوت :: مبااارك عليه
نور :: الله يبارك فيكم .... صفووو وينك
صفاء :: ( كانت سرحانه ومن صوت نور دخلت ايدها ف حاشية الروشن المرش الي كانت تمسح فيه ) اااااحييييه
قصي :: ( قدم ) هاااا ....
قوت :: خيرك ؟؟ .........
( ناضو وقفو جنبها .... وقصي كان قدامها )
قصي :: هاتي ايدك ... ( مسك ايدها .. كانت تتوجع وماركزتش ع شئ )
صفاء :: تووووجع ....
قصي :: طبيعي بي توجع ... ماهو مش عاارف وين عقلك انا ...
صفاء :: ( رفعت عيونها .... وسحبت ايدها ) خلاص تو ندبرلها حل .... ومشت نزلت للحمام )
قصي :: ( غمض عيونه وخدي شهيييييييق بي عصبية .. ومشي نزل وراها )
نور :: ( ساكــــــــته وتشبح لي تصرفاات قصي )
........................
( ف الحمام )
صفاء :: ( تغـــــــسل ف دم )
قصي :: ( خش ) ...
صفاء :: ( شبحتله ف المرايا وكملت عادي )
قصي :: ( قــــــدم ) عطيني ايدك ...
صفاء :: خلاص قصي تو نديرها بروحي ...
قصي :: ( حط ايــــــده تحت المياه ومسك ايدها وهوا يشبحلها ,,, وبي هدووء ) خلاص هاتي .
صفاء :: ( طبعاً ولاااا كلمة )
قصي :: ( وهوا يغسلها فيها .... ) اسف ...
صفاء :: ( تشبح وساكته )
قصي :: ( ناحالها ايدها من تحت لميااه وخدي الفاشه وبدي يداوي فيها ) ماكانش قصي نكشخ عليك ....
صفاء :: ( بي هدوء تام زي ماهوا يتكلم ) امالا شن هذا الي درته ؟
قصي :: خوفت عليك ...
صفاء :: ( سكتت )
قصي :: انا مش زيك ... مانقدرش نشوفك مجروحة ونقعد مقعمز نتفرج ....
صفاء :: ( وكالعادة عيونها تعبو دموع ) يعني انا الي نشوف فيك مجروح وساكته ؟
قصي :: امالا شن درتي ؟ .....
صفاء :: ( ساكته )
قصي :: كل مانحبك أكثر كل ماتجرحي فيا أكثر ..
صفاء :: ( نزلت راسها وبدت تبكي ) مافي شئ توا نقدر نديره ... انا نعترف انه بهدلت دنيا ودخلتها ف بعضها وبعدتك عليا ... توا مانقدرش نرد الي كان بكل
قصي :: ( حط ايدها .... ورفعلها راسها فوق ) تقدري .... صفاء ... أنتي تحبيني ولا ؟
صفاء :: ( ساكته و تبكي )
قصي :: ( ويرجع قصي ويضعف قدامها يكلم فيها وهوا يبكي بس بي رجوله دمووع خشنه ) تحبيني ولا لا ؟
صفاء :: ( منزله راسها وتهز ) لا ...
قصي :: ( ضحك ضحكة ع جنب ..... بعدين حضنها ) كذابه
صفاء :: ( تبكي ) صح ....
قصي :: خلاص اسكتي ....
صفاء :: ( زاادت تبكي اكتر )
قصي :: ( يضحك عليها ) ههههه ياالله عااد قلنا اسكتي ...
صفاء :: انا معاش نقدر نتحمل ... تعبت واللهي
قصي :: معقوله تتعبي وانا جنبك .... خلاص حلها عندي ...
صفاء :: ( شبحتله ) مانبيكش تكلم نور وتقوللها .... مانبيش نبني فرحتي ع حسااب غيري ..........
قصي :: لا ..
صفاء :: شن لا ؟
قصي :: نور هيا الي سيبتني ..
صفاء :: كيييف ؟ ...
قصي :: .............................
يتبع.....
..........
#سلمى
